བྷྱོ༔ ཡེ་ཤེས་འཇིག་རྟེན་མགོན་པོ་མཐུ་སྟོབས་ཅན༔ ཆེ་མཆོག་མགོན་པོ་མ་ནིང་ནག་པོ་ཞེས༔ ཁྲོས་པའི་དྲག་ཤུལ་གཤིན་རྗེ་འབུམ་ལས་རྔམ༔ སྐུ་ནི་མུན་འཐིབས་ཆར་སྤྲིན་ནག་པོ་ལ༔ དྲག་པོའི་ང་རོ་འབྲུག་སྟོང་སྒྲོགས་པའི་སྒྲ༔ ཐུགས་ཉིད་བདེ་ཆེན་ཡེ་ཤེས་དག་པའི་ངང་༔ འོད་ཟེར་ཉི་མ་བྱེ་བ་དུས་གཅིག་བཞིན༔ དགྱེས་པའི་ཞལ་བཟང་ཟླ་བ་འབུམ་ལས་གསལ༔ མཆ…

࿅༔ ཀྱཻ། དད་པ་དང་ནི་དམ་ཚིག་གིས། །བོས་སོ་དམ་ཅན་སྙན་མ་སྲ། །དམ་དུ་བཅས་ཤིང་དར་དམར་གྱིས། །གཡབ་པོ་དམ་ཅན་སྤྱན་མ་རྟུལ། །བླ་རྡོ་སྤྱན་གཟིགས་སྲོག་འཁོར་བཅས། །བརྟེན་ནོ་དམ་ཅན་རྒྱང་མ་རིང་། །སྔགས་དང་ཏིང་འཛིན་འཕྲོ་འདུ་ཡིས། །བསྒྲུབ་པོ་དམ་ཅན་སྙིང་མ་སྲ། །བདག་ཅག་མ་རིག་ལུས་ཅན་གྱིས། །འགལ་ཀྱང་དམ་ཅན་ཐུགས་མ་ཁྲོ། །ཕུད་མཆོད་དམ་…

པའི་ལམ་ལྷ་མཛོད། །ཕྱྭ་གཡང་འགུགས་པའི་ནོར་ལྷ་མཛོད། །དགྲ་བགེགས་སྒྲོལ་བའི་ལས་མཁན་མཛོད། །བཟང་དང་ལེགས་པ་བརྒྱ་དང་སྤྲོད། །ཉེས་དགུ་མི་མཐུན་ཕྱོགས་ཀུན་བཟློག །དུས་ལ་བབ་པོ་ས་མ་ཡ། །ཞེས་བཅོལ་གཏད་དྲག་ཏུ་བྱའོ། །དམ་ཅན་ནོར་སྒྲུབ་ཀྱི་མཆོད་སྒྲུབ་རིམ་པ་འདི་དད་ལྡན་དགེ་སློང་བསྟན་འཕེལ་གྱིས་བསྐུལ་བ་ལ་བརྟེན་ནས་བབས་ཅོལ་དུ་བདག་ད…

ཞིང་སྐྱོང་ཀུན་དགའ་གཞོན་ནུའི་ཕྲིན་ལས་བཞུགས་སོ༔ ཧཱུྃ༔ ཉི་ཤུ་རྩ་བཞིའི་ཡུལ་རྣམས་ཀུན་གྱི་གཙོ། །ཉེ་བའི་མཐུན་སྤྱོད་དཔལ་གྱི་ཙཱ་རི་ཏྲ༔ རབ་འཇིགས་དུར་ཁྲོད་ཆེན་པོ་རྟག་ཏུ་རོལ༔ གྷ་ཡ་དྷ་ར་ཁྱོད་ལ་བདག་བསྟོད་དོ༔ རྒྱལ་བས་དབང་བསྐུར་ཀུན་དགའ་གཞོན་ནུ་ཞེས༔ ཞིང་སྐྱོང་ཆེན་པོ་ཨ་མྲ་གཙིགས་པའི་ཞལ༔ ཤ་ཟ་ཁྲག་འཐུང་ཟ་བྱེད་སེང་གེའི་གད…

ཁྱོད་ལ་བདག་བསྟོད་དོ༔ ཤིན་ཏུ་མི་བསྲུན་བམ་རོ་ཕོ་མོ་དང་༔ ཚར་གཅོད་ཕན་འདོགས་བྱེད་པ་དྲག་པོའི་ཚོགས༔ བཀའ་ཉན་བྱེ་བ་སྟོང་ཕྲག་འབུམ་དང་བཅས༔ བསྟན་སྲུང་འཁོར་དང་བཅས་ལ་བདག་བསྟོད་དོ༔ ཤ་ཁྲག་དམར་གྱི་གཏོར་མ་འདི་བཞེས་ལ༔ ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད༔ མངྒ་ལཾ༔

࿅༔ རེ་མ་ཏིའི་ཕྲིན་བཅོལ་ཁྱེར་བདེ་ནི། བྷྱོ༔ སྣང་སྟོང་ཟུང་འཇུག་ཡེ་ཤེས་བདེ་བ་ཆེ༔ སྲིད་གསུམ་བདག་མོ་དཔལ་ལྡན་རེ་མ་ཏི༔ རྒྱལ་བས་དབང་བསྐུར་སྤྱི་བོར་མི་བསྐྱོད་བརྒྱན༔ སྐུ་གསུམ་དོན་མཚོན་སྤྱན་གསུམ་དྲག་ཏུ་བསྒྲད༔ མཚན་མའི་སྐྱོན་བྲལ་མཐིང་ནག་གཅེར་བུ་མོ༔ དུར་ཁྲོད་ཆས་བརྒྱན་དུར་ཁྲོད་གནས་ཀུན་ཉུལ༔ ཉི་ཟླ་སྦྲུལ་དང་དུང་སེང་རྨ…

ཕྲིན་ལས་མཛོད༔ ཕྱི་ནང་གསང་མཆོད་དངོས་འབྱོར་ཡིད་སྤྲུལ་དང་༔ ཁྱད་པར་མཐུན་པའི་རྫས་ཀྱིས་ཐུགས་དམ་བསྐང་༔ མ་ཁྱོད་གཙོ་མོ་འཁོར་བཅས་མངའ་གསོལ་ལོ༔ སྡང་བའི་དགྲ་སོད་གནོད་པའི་བགེགས་དཔུང་ཐུལ༔ ཚེ་སྲིངས་དཔལ་སྐྱེད་བསྟན་པའི་རྒྱལ་མཚན་ཕྱོར༔ སྙན་དང་གྲགས་པའི་བ་དན་ཕྱོགས་བཅུར་སྒྲོན༔ གདུལ་བྱ་ལྷ་འདྲེ་མི་གསུམ་དབང་དུ་སྡུས༔ ནག་པོའི་…

༄༅། །སྲོག་བདག་གཟའ་ཡི་སྒྲུབ་ཐབས་སྤུ་གྲི་གཅིག་ཤུར་གཟའི་བརྒྱུད་འདེབས་བཞུགས་སོ། །ན་མོ་གུ་རུབྷྱཿམངོན་སངས་རྒྱས་པ་རིན་ཆེན་སྙིང་པོའི་ཞབས། །ཞིང་འདིའི་འདྲེན་པ་རྒྱལ་དབང་ཤཱཀྱ་ཐུབ། །ཁྱབ་བདག་ཆེན་པོ་དཔལ་ལྡན་རྡོ་རྗེ་འཆང་། །དང་པོའི་སངས་རྒྱས་གསུམ་ལ་གསོལ་བ་འདེབས། །མཐུ་སྟོབས་ནུས་པའི་དབང་ཕྱུག་གསང་བའི་བདག །གསང་ཆེན་རྒྱུད་…

དཀྱིལ་འཁོར་བདག་ཉིད་ཀུན་དགའ་གྲགས་པའི་མཚན། །གར་དབང་ཆེན་པོ་ཀུན་དགའ་བསྟན་འཛིན་དཔལ། །བྱིན་རླབས་རྩལ་ལྡན་གསུམ་ལ་གསོལ་བ་འདེབས། །བརྒྱུད་པའི་སྲོལ་འཛིན་བཀྲ་ཤིས་དབང་ཕྱུག་དང་། །ཡོངས་འཛིན་དབང་པོ་ཀརྨ་དོན་ཡོད་དཔལ། །མན་ངག་བཀའ་བབ་ཀརྨ་ཆགས་མེད་རྗེ། །རིག་འཛིན་ཆེན་པོ་གསུམ་ལ་གསོལ་བ་འདེབས། །འགྲོ་དོན་མཐར་ཕྱིན་གྲུབ་དབང་རྫོགས…

གསུམ་ཐ་མལ་འཛིན་པ་ཀུན་སྤངས་ནས། །ལྷ་སྔགས་ཏིང་འཛིན་རོལ་པར་ཡོངས་སྨིན་ཞིང་། །གཉེན་པོ་སྟོབས་ཀྱི་ལྷ་མཆོག་མངོན་གྱུར་ནས། །ཁྱབ་འཇུག་ཆེན་པོ་བྲན་བཞིན་བྱེད་པར་ཤོག །དྲེགས་པའི་སྡེ་དཔོན་མཐུ་ཆེན་རཱ་ཧུ་ལ། །དྲག་པོའི་སྦྱོར་བ་ཤིན་ཏུ་མི་བཟོད་པ། །དུག་གི་སྤུ་གྲི་འབར་བའི་གནམ་ལྕགས་མཚོན། །བསྟན་དགྲའི་སྲོག་གི་གཤེད་དུ་ཐེབས་པར་ཤོ…

ན་མོ་གུ་རུ་བཛྲ་པཱ་ཎི་ཡེ། གསང་སྒྲུབ་ཆེན་པོའི་རིམ་པ་ལ་དང་པོ་འབོད་པའི་སྔགས་དམིགས་ནི། རང་ཡི་དམ་གྱི་མདུན་དུ་གཟའ་བདུད་གཙོ་འཁོར་འཇིགས་ཤིང་རྔམ་པ་དེ་ཡི་ཐུགས་ཀར་སྲོག་ཡིག་ཀྵ་ནག་པོ་དེ་ལས་འོད་འཕྲོས་རང་བཞིན་གྱི་གནས་ནས་དྲང་སྲོང་ཆེན་པོ་སྤྱན་དྲངས། མདུན་བསྐྱེད་ལ་གཉིས་མེད་དུ་ཐིམ། དེ་དག་གི་བཀའ་ཉན་ཞིང་གསུང་སྡོད་པའི་ཚུལ་…

ཏ་རཀྟ་བྷ་ལིངྟ་ཁ་ཁ་ཁཱ་ཧི། དམ་ཉམས་དགྲ་བགེགས་བསྒྲལ་བའི་མཱཾ་ས་ཙིཏྟ་ཀོ་རོ་ཙ་ན་བ་སུ་ཏ་ཀིཾ་ནི་རི་ཏི་ཁ་ཁ་ཁཱ་ཧི་ཁཱ་ཧི། ཧཱུྃ། རྔམས་ཆེན་སྲིན་པོ་འདུལ་བའི་སྟོབས་མངའ་བ། །ཐོག་སེར་ལས་ཀྱི་མངའ་བདག་དགྲ་ཕུང་བྱེད། །ལྕམ་དྲལ་འགལ་བྱེད་འདུས་པའི་འཁོར་བཅས་ལ། །རྣལ་འབྱོར་གདུང་བའི་སེམས་ཀྱིས་ཕྱག་འཚལ་བསྟོད། །གཞན་ཡང་སྤྲོ་ན་བསྟོད་པ་…

༄༅། །ན་མོ་པདྨ་ཀཱ་ར་ཡེ། དྲང་སྲོང་དགྱེས་པའི་བསྟོད་བསྐུལ་ནི། ཧཱུྃ། གསང་བའི་བདག་པོ་ཡ་མནྟ་ཀ་དང་། །དབང་ཆེན་རྟ་མཆོག་ཐུགས་རྗེའི་རྣམ་རོལ་ལས། །བསྟན་སྲུང་དབང་པོ་ཆེན་པོ་ཡོངས་བཞེངས་པའི། །དྲང་སྲོང་ཆེན་པོ་ཁྱབ་འཇུག་ཁྱེད་ལ་བསྟོད། །ཀ་དག་ཀུན་བཟང་ཆོ་འཕྲུལ་རོལ་པ་ལས། །ཁྭ་གདོང་འཇིགས་པའི་སྲིན་པོ་མགོ་དགུ་པ། །ག་ན་བཞུགས་ཀྱང་ད…

བརླག་པར་མཛད་ལ་བསྟོད། །ཙ་སྦུར་བསྲེགས་བཞིན་དགྲ་སྡེ་ཅིག་ཅར་འཇོམས། །ཚ་གྲང་འཁྲུགས་པའི་ང་རོས་ས་གསུམ་གཡོ། །ཛཿཡིས་འབོད་ཅིང་བྷྱོ་ཡིས་རྦད་པའི་ཚེ། །ཝ་ལེར་དྲག་པོའི་ཕྲིན་ལས་མཛད་ལ་བསྟོད། །ཞ་རེངས་འཁྲུགས་པའི་ཀླུ་གདོན་འབྱུང་པོ་དང་། །ཟ་བྱེད་ལྷ་འདྲེ་འབུམ་གྱི་དམག་ཚོགས་ཀྱིས། །འ་འུར་འཁྲུགས་པས་སྟོང་གསུམ་དངངས་སྐྲག་བྱེད། །ཡ…

མཛོད། །གསང་བདག་རྟ་མཆོག་དཔལ་དང་གཤིན་རྗེ་གཤེད། །རིན་ཆེན་སྙིང་པོ་ཐུབ་དབང་རྡོ་རྗེ་འཆང་། །རོམ་བུ་གྷུ་ཧྱ་པད་འབྱུང་རྗེ་འབངས་བཅས། །རཏྣ་གླིང་པ་བརྒྱུད་པའི་རིག་འཛིན་ཚོགས། །ཀུ་མ་རཱ་ཛ་ཀློང་ཆེན་རབ་འབྱམས་པ། །གྲུབ་དབང་རྫོགས་ཆེན་པདྨ་རིག་འཛིན་བཅས། །པདྨའི་གདུང་འཚོབ་ཉི་གྲགས་རིམ་བྱོན་གྱི། །སྤྱན་སྔར་ཁས་བླངས་དམ་མནོས་སྲོག་…

࿅༔ ཤན་པ་དམར་ནག་གི་མཆོད་ཕྲེང་ཕྲིན་ལས་ཐོགས་པ་མེད་པའི་རོལ་གར་བཞུགས་སོ༔ གུ་རུ་ཐོད་ཕྲེང་རྩལ་ལ་ཕྱག་འཚལ་ལོ༔ ཤན་པ་དམར་ནག་མཆོད་པའི་རིམ་པ་ནི༔ མཆོད་རྫས་སོགས་མཐོང་བརྒྱུད་ལྟར་ལེགས་པར་བཤམས་ཤིང་༔ བྷྱོ༔ རིག་འཛིན་ཆེན་པོ་རྡོ་རྗེ་ཐོད་ཕྲེང་རྩལ༔ ཐོག་མར་སྨོན་ལམ་ལས་ཀྱིས་མཆེད་དུ་འབྲེལ༔ བར་དུ་དམ་ཚིག་རྡོ་རྗེའི་གཡར་དམ་འཛིན༔ ཐ…

མཛོད༔ བསྟན་དགྲ་གདུག་པ་ཅན་ཀུན་ཚར་ཆོད་ཅིག༔ ཨེ་ཧེ་མེ་རུ་ཙེ་ས་མ་ཡ་ཨེ་དཾ་བྷ་ལིངྟ་ཁ་ཁ་ཁཱ་ཧི་ཁཱ་ཧི༔ མ་ཧཱ་མཱཾ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་གོ་རོ་ཙ་ན་ལ་ཁཱ་ཧི༔ མ་ཧཱ་བྷ་སུ་ཏ་ལ་ཁཱ་ཧི༔ མ་ཧཱ་ཀིང་ནི་རི་ཏི་ལ་ཁཱ་ཧི༔ སརྦ་པཉྩ་ཨ་མྲྀ་ཏ་ལ་ཁཱ་ཧི༔ བྷྱོ༔ ཡ་ང་འཇིགས་སུ་རུང་བའི་དུར་ཁྲོད་དུ༔ སྐྱི་གཡའ་བྱེ…

࿅༔ བཀའ་སྲུང་ཤན་དམར་མཆོད་ཐབས་བཞུགས༔ ལྷོ་ནུབ་ལྔ་ཡབ་གླིང་གི་ཕོ་བྲང་དུ༔ རིག་འཛིན་སློབ་དཔོན་པདྨ་འབྱུང་གནས་ཀྱིས༔ སྨོན་ལམ་ལས་སད་དཔའ་བོ་ལས་རབ་ལ༔ དམ་ཅན་ཤན་པའི་སྲོག་གཏད་མཛད་པའི་ཚེ༔ གནོད་སྦྱིན་དམར་པོ་སྒེག་པའི་ཆ་ལུགས་ཅན༔ དར་ལྗང་སྨད་གཡོགས་དར་དང་རིན་ཆེན་བརྒྱན༔ ཕྱག་བཞི་ནོར་བུ་གཏེར་བུམ་ལྕགས་ཞགས་འཛིན༔ དམ་བཞིན་གནས་ཤི…