བྲག །ཐེག་པའི་ཆེ་ཆུང་དེ་དབང་པོ་མཆོག་དམན། །ཚེ་འདིའི་སྐྱིད་སྡུག་དེ་སྔོན་བསགས་ལས་འཕྲོ། །སྐྱེ་མཐའ་ཅི་འགྱུར་དེ་ད་ལྟའིི་བྱེད་ལས། །གླུ་དང་རྩེད་མོ་དེ་མགོ་ཆུང་སྨྱོན་པ། །ནམ་མཁའ་ཡང་རྒྱ་ཆེ། །སེམས་ཅན་ཡང་རྒྱ་ཆེ། །རྒྱ་མཚོ་ཡང་གཏིང་ཟབ། །རྒྱུ་འབྲས་ཡང་གཏིང་ཟབ། །རྩི་ཤིང་ཡང་གྲངས་མང་། །སྐྱེ་བ་ཡང་གྲངས་མང་། །ཨ་ཀྱང་རྩེད་མོ་ལ…

བློའི་རྒྱའི་གཟེབ་ཀྱིས་མ་སྒོམས་ཤིག །ཐད་ཀར་ཆོད་པའི་ཁྲེགས་ཆོད་ལ། །སྤྲོ་བསྡུ་དྲན་པས་མ་མཐུད་ཅིག །སྒྲིབ་མེད་སངས་རྒྱས་རང་སེམས་ལས། །སྒྲུབ་འདོད་ལྷ་སྐུ་མ་སྐྱེད་ཅིག །གཅིག་ཆོག་རྒྱལ་པོ་མཐའ་ཆོད་པས། །ངན་སོང་གནས་ལ་མ་དོགས་ཤིག །རང་གྲོལ་རང་བབས་ཀུན་བཟང་ཀློང་། །གཉེན་པོས་བསྐྱར་ནས་མ་སྒོམས་ཤིག །ཚིག་དང་བརྗོད་པ་བྲལ་བ་ན། །སྙན…

མྱོས་པ་ཡི། །སྤྲོས་མེད་རྣལ་འབྱོར་སྤྲོས་སྤྲོས་ནས། །སྤྲོས་པའི་གླུ་ཞིག་ལེན་འདོད་ཀྱི། །འདུས་པའི་ཚོགས་རྣམས་གླུ་ལོངས་ཤིག། །། ༈ མི་ངའི་སྤྱི་གཙུག་ཉི་ཟླའི་སྟེང་། །རྡོ་རྗེ་འཆང་ཆེན་སྤྲུལ་པའི་སྐུ། །པདྨའི་མཚན་ཅན་བླ་མ་བཞུགས། །སྤྲང་ངས་གསོལ་བ་སྙིང་ནས་འདེབས། །གསོལ་བ་བཏབ་པའི་བྱིན་རླབས་ཀྱིས། །ང་ཡི་རྗེས་འཇུག་སློབ་མ་རྣམས…

ལྷུན་གྲུབ་ཞིང་སྣང་ཤུགས་ལ་རྫོགས། །ཡེ་ཤེས་རླུང་ལྔའི་མཁའ་དབྱིངས་སུ། །སྒྲིབ་བཅས་རླུང་ལྔ་བག་ལ་ཞ། །རང་རྩལ་ཆོས་ཀྱི་སྐུ་ལ་འདུད། །ང་དང་ང་ཡི་རྗེས་འཇུག་རྣམས། །རིག་རྩལ་བཙན་ས་ཟིན་པར་ཤོག །ཕྱི་ནས་བདེན་མེད་སྒྱུ་མས་མྱོས། །འཛིན་པས་འཆིང་ཐག་མི་བཅའོ། །བར་ནས་འབྲུ་བཅུད་ཆང་གིས་མྱོས། །བློ་ལ་གསལ་དུ་མ་བཅོས་སོ། །ནང་གི་ཡེ་ཤེས་ཀ…

དགའ་འོ་སྐྱིད་དོ་བློ་ཡི་རབ། །སྙིགས་མའི་བླ་སློབ་འབྲེལ་བ་རྣམས། །ལོང་བས་ལོང་བ་ཁྲིད་པ་འདྲ། །མ་རིག་ཆེ་ལ་གཡང་ས་ཆེ། །བསམས་ཤིང་འགྱོད་ལ་སྙིང་རེ་རྗེ། །རང་ཅག་རྡོ་རྗེའི་གླུ་ལེན་པ། །སྐལ་བཟང་སྔོན་གྱི་གྲུབ་བརྙེས་རིག །ཉོན་དང་སེམས་དང་སྐལ་ལྡན་རྣམས།། །། ༈ བདེ་ཆེན་པདྨ་འོད་ཀྱི་གཞལ་ཡས། །གཞལ་ཡས་པདྨ་འོད་ཀྱི་བདེ་ཆེན། །ལྷུན་ག…

འཛིན། །བཀྲ་ཤིས་དགའ་བདེའི་གླུ་བྲོའིམཛོད་ཀྱི། །མཛོད་ཀྱི་གླུ་བྲོའི་དགའ་བདེའི་བཀྲ་ཤིས།། །། ༈ ཀྱེ་མ་རང་རིག་མ་རིག་སེམས་ཅན་སྙིང་རེ་རྗེ། །འདོད་པའི་ཁམས་ཀྱི་སེམས་ཅན་འདི་ཚོ་འོ། །བྱ་བྱེད་ཙབ་ཙུབ་ཙིར་སྒྲ་དི་རི་རི། །འདོད་བཞིན་བསམས་ཀྱང་མི་འདོད་ཐོག་ཏུ་འབབ། །སྡུག་བསྔལ་ཉམ་ཐག་ཅན་རྣམས་སྙིང་རེ་རྗེ། །དགའ་བའི་གཏམ་དང་མཐུན་པ…

སོ།། །། ༈ ཀྱེ་ཧོ་འབྱོར་ལྡན་ཕོ་མོ་ཡ་རབས་ཀྱིས་གོ་ན། །གཅེས་ཕྲུག་ཚར་སྐྱེན་ནར་སོན་རང་མཐོང་དུས། །ངེད་རང་རྫོགས་ཆེན་རྣལ་འབྱོར་པ་ཀུན། །ཕ་རྒན་བླ་མའི་བཀའ་དྲིན་དྲན་བྱུང་། །ད་ནངས་སྣང་གསལ་ཉི་མ་ཤར་བ། །ནུབ་རིར་བསྙེགས་ཤིང་བརྒལ་བ་མཐོང་དུས། །ངེད་རང་རྫོགས་ཆེན་རྣལ་འབྱོར་པ་ཀུན། །མི་རྟག་འཆི་བ་སྙིང་ནས་དྲན་བྱུང་། །ཁེངས་སེམས…

རྩལ་སྦྱོང་བ་མཐོང་དུས། །ངེད་རང་རྫོགས་ཆེན་རྣལ་འབྱོར་པ་ཀུན། །སྤྱོད་པའི་རྩལ་སྦྱོང་བྱེད་དགོས་དྲན་བྱུང་། །ཚོང་དཔོན་རྒྱ་མཚོའི་ནོར་བུ་ལོན་ནས། །བློ་བདེའི་མལ་དུ་གཟིམས་པ་མཐོང་དུས། །ངེད་རང་རྫོགས་ཆེན་རྣལ་འབྱོར་པ་ཀུན། །འབྲས་བུ་དོན་མཆོག་སྒྲུབ་དགོས་དྲན་བྱུང་། །ཡང་ཅིག་མེ་ལོང་དྭངས་པའི་ངོས་ལ། །སྒེག་མོས་བྱད་ལ་བྱི་དོར་མ…

སྐྱེ་བོ་ཆང་གིས་མྱོས་པའི་གླུ་བྲོ་མཐོང་བས་བསྐྱེད་དེ་ཕྲིན་ལས་ཀྱིས་གླུ་བླངས་པ་དགེའོ།། །། ༈ རྗེ་བཙུན་བླ་མ་སངས་རྒྱས། །འབངས་ངའི་སྤྱི་བོར་བཞུགས་ཤིག །ཉམ་ཆུང་སྣང་བ་སྤྲོ་བྱུང་། །ངག་འཆལ་གླུ་ཞིག་ལེན་མོས། །སྔོན་བྱོན་གྲུབ་པ་བརྙེས་རྣམས། །ཉམས་དང་རྟོགས་པ་རྒྱས་ནས། །ཉམས་མྱོང་གླུ་རུ་བླངས་སོ། །ན་ཕྲ་གཞོན་ནུ་ཕོ་མོ། །ཁམས་ཀྱ…

ལོས་མྱོང་། །ཚེ་སྟོད་བླ་མ་འཛོམས་དུས། །གདམས་ངག་ཆོས་ཤིག་ལོས་ཐོབ། །ཚེ་སྐེད་དར་ལ་བབ་དུས། །བདེ་འགྱུར་རྩེད་མོ་ལོས་མྱོང་། །ཚེ་སྐེད་རྩ་རླུང་དར་དུས། །ཉམས་ལེན་ཐོས་བསམ་ལོས་བྱེད། །ཚེ་གཞུག་རྒས་ཀྱིས་ནོན་དུས། །ལག་འཁར་སྟེང་དུ་ལོས་འཆང་། །ཚེ་གཞུག་ཚེ་འདིར་འདོར་དུས། །ལམ་ཁྱེར་རྩལ་སྦྱོང་ལོས་བྱེད། །འཆི་བའི་ལམ་དུ་ཞུགས་དུས། …

ཀྱང་སྣང་བ་ཡེར་འདུག །ཨ་ཀྱང་རྩེད་མོ་ཡིན་ཨང་། །བླ་དགོན་ལས་འཛིན་དེ་ཡང་། །མི་ཚེ་སྟོང་ཟད་འདྲའོ། །སྔོན་གྱི་རྒྱལ་བས་གསུངས་འདུག །དཔོན་གྱི་ཞབས་ཕྱི་དེ་ཡང་། །མི་དོན་རང་ཕུང་འདྲའོ། །སྔོན་གྱི་རྒྱལ་བས་གསུངས་འདུག །ཡུལ་སྡེའི་གོ་ཆོད་དེ་ཡང་། །མི་ཁ་བྱུར་སྡུད་འདྲའོ། །སྔོན་གྱི་རྒྱལ་བས་གསུངས་འདུག །ཁྱིམ་གྱི་བཟའ་དཔོན་དེ་ཡང་།…

པ་གནད་ཡིན། །རྫོགས་ཆེན་སྤྱོད་པ་བཟང་པོ། །བཅིངས་གྲོལ་མེད་པ་གནད་ཡིན། །རྫོགས་ཆེན་འབྲས་བུ་བཟང་པོ། །རྩོལ་སྒྲུབ་མེད་པ་གནད་ཡིན། །ཨ་ཀྱང་སྣང་བ་ཡེར་འདུག །ཨ་ཀྱང་རྩེད་མོ་ཡིན་ཨང་།། །། ༈ ལྷ་འདྲེའི་རིགས་འདུས་ནས་གཅེར་བུ་གསུམ་འཐབ་འཁྲུག་བྱེད་ཅིང་ཁྱོད་ཀྱི་མགུར་ཞིག་ལོངས་དང་ཟེར་བས་འདི་ལྟར་བླངས་པ་རྨིས། མ་བྱས་ཡེ་ནས་སྐུ་གསུམ…

པ། །གླུ་ལེན་པ་ནི་ཀུན་རྟོག་པ། །ཐོག་མའི་གཞི་ལ་འཁྲུལ་གྲོལ་མེད། །གསང་སྔགས་ལམ་ལ་སྤང་བླང་མེད། །འབྲས་བུ་སངས་རྒྱས་རེ་དོགས་མེད། །རིག་པའི་ཀློང་དུ་མ་རིག་ཆུབ། །ཡེ་ཤེས་མཐར་ཕྱིན་རྣམ་རྟོག་ཟད། །སྟོང་ཆེན་མངོན་གྱུར་མཚན་བཅས་དག །སྐུ་གསུམ་ཚད་རྫོགས་བདུད་བཞི་བཅོམ། །སྔོན་ཚེ་རྟ་གདོང་ཁྲོས་པའི་གླུ། །བར་དུ་རྡོ་རྗེ་ཐོད་ཕྲེང་གླུ…

ངེས་པར་སྐྱོན་གསུམ་ལྡན་པ་ནི། །ནད་རྣམས་སློང་བས་གཅོང་ཅན་འདྲ་བའི་སྐྱོན། །ནད་ཀྱིས་ཟིན་པའི་ནད་པ་འདྲ་བའི་སྐྱོན། །གཡོ་འགུལ་མེད་པར་རོ་དང་འདྲ་བའི་སྐྱོན། །ཡང་དག་སྤྱོད་རྣམས་ཐུབ་པའི་བཀའ་བཞིན་དུ། །ལེགས་པར་སྤོང་འཚལ་རྨོངས་པ་ཕྲིན་ལས་གཏམ།། །། ༈ གྲོགས་པོ་ཆང་གི་ཡོན་ཏན་བསྔགས་པ་ནི། །ཁ་དོག་དྲི་རོ་ནུས་པ་མཐོང་བ་ཡིས། །འབྲལ་མ…

དྭགས་ཀུན་ཀྱང་འདི་ལ་དགའ། །འབྱུང་བ་སྙོམས་ཤིང་རླུང་གི་སྨན་གྱི་མཆོག །མཛའ་མཐུན་ལྷག་པར་འགྲོགས་ཤིང་ཞིབ་པར་བྱེད། །དྲང་སྲོང་ཐུབ་པའི་དབང་དང་བླ་མ་རྗེ། །གྲོགས་པོ་ཆང་གི་སྐྱོན་དུ་གཟིགས་པ་ཡང་། །མྱོས་ཤིང་དབང་མེད་གདོན་གྱིས་བརླམས་དང་མཚུངས། །སོར་བྱང་སྔགས་ཀྱི་སྲུང་སྡོམ་ས་མཚམས་འཆལ། །བརྗེད་ངས་ཆེ་ཞིང་དོན་མེད་གཡེང་བས་ཁྱེར།…

གླུ་བླངས་པ། གླུ་ལ་ཉོན་དང་སོམས་དང་སྐྱེ་བོའི་ཚོགས། །ཨ་རག་སྙིང་གི་ཡུལ་དུ་སོང་བ་ཡིས། །བན་རྒན་ཁ་ནས་འཆལ་གཏམ་ཅ་ཅོ་སྒྲོག །བུད་མེད་དམ་པའི་ཡོན་ཏན་རབ་ཏུ་བརྗོད། །བཀའ་དགོངས་ཕུར་པ་བདེ་ཀྱེ་གསང་གསུམ་དང་། །མཁའ་འགྲོ་རྒྱ་མཚོ་དུས་ཀྱི་འཁོར་ལོ་སོགས། །སྔགས་རྒྱུད་རྣམས་ལས་རིག་ལྡན་བུད་མེད་དེ། །ཚེ་གཅིག་སངས་རྒྱས་ཕོ་ཉ་ལམ་དུ་བཤད…

བཞིན། །ཀུན་ནས་མཛེས་ཤིང་ཀུན་ནས་དགའ་བ་མོས། །ཡིད་འོང་སྙན་པའི་གླུ་དང་ལག་པའི་གར། །དར་དང་རིན་ཆེན་རྒྱན་དང་འཛུམ་པའི་ཉམས། །ཟིམ་བུའི་མིག་གིས་ཟུར་གྱིས་བལྟ་བ་ཡིས། །ཆགས་ལྡན་སྐྱེ་བོའི་ཚོགས་རྣམས་འགུགས་པར་བྱེད། །པདྨའི་ཚལ་བཞིན་འདི་ལ་དགའ་བ་ལྟོས། །ཉེས་པའི་རང་བཞིན་བུད་མེད་སྐྱོན་བརྗོད་པ། །མདོ་སྡེ་དམ་པ་མཛངས་བླུན་དག་དང་ནི…

ལས་སྐྱེས་པའི་བུ་ཚ་གསོད་པར་ཕོད། །བུད་མེད་བསྟེན་པ་ཀུན་གྱིས་ཁྲེལ་ཅིང་བཞད། །ཐར་པ་འདོད་ཀྱང་འཆིངས་ཤིང་འབྲེལ་དབང་མེད། །མིག་སེར་བྱེད་ཅིང་ཁྱོ་ཕོ་སྙིང་རླུང་སློང་། །སྤྲེའུ་བཞིན་དུ་སྐད་ཅིག་སྡོད་མི་ཚུགས། །གང་ཞིག་དལ་གྱིས་འཁྱིལ་བའི་རྒྱ་མཚོ་ལ། །རླུང་རྒོད་དྲག་པོས་བཏབ་པ་བཞིན་དུ་དཀྲུགས། །དུག་སྦྲུལ་ཁྲོད་བཞིན་འདི་ལ་འཇིག…

ཅན་འགྲོ་བ་ཀུན་གྱིས་བསུ་ཞིང་བསྐྱེལ། །རྒྱགས་པའི་སྟེང་དུ་ཀུན་གྱིས་མགྲོན་བཞིན་སྟོན། །ཡ་རབས་དབུལ་པོས་མཆོད་སྦྱིན་བྱེད་པ་ལས། །ནོར་ལྡན་མཆོད་སྦྱིན་མེད་ཀྱང་ཡོངས་ཀྱིས་སྦྱིན། །འབྱོར་ལྡན་མཁོ་དགུའི་ཡོ་བྱད་ཀུན་རྫོགས་པའི། །མངོན་སུམ་མཐོ་རིས་ལྷ་ཡི་བདེ་བ་འདྲ། །ནོར་དང་བཅས་ལ་འཁོར་རྣམས་འདུ་བ་ཡི། །རྒྱལ་རིགས་ཆེན་པོ་རྣམས་དང…

དགའ་བའི་འདོད་ཆགས་སྐྱེ། །ནོར་གྱི་དོན་དུ་ཞེ་སྡང་རྩོད་པ་འབྱུང་། །ནོར་དང་འགྲོགས་ནས་མི་ཚེ་སེར་སྣར་ཟད། །ནོར་ཅན་དགྲ་དང་འདྲེས་པས་རྟག་ཏུ་རྒོལ། །ནོར་ཅན་ནོར་དང་བྲལ་བའི་མྱ་ངན་ལྡང་། །ནོར་གྱིས་སྲོག་ལ་རྒོལ་ཞིང་ཆོས་དང་ཕྲལ། །སྤྲང་རྣམས་ཕྱུག་ལ་དགའ་བས་མ་སྨོན་ཀྱེ།། །། ༈ ཨེ་མ་ཧོ་ལ་ཨེ་མ། །ངོ་མཚར་ཆེའོ་ངོ་མཚར། །གནས་ལ་ཕུན་སུ…