མ་འཕེལ་སྐད། །ཕྱི་དུས་བསྐལ་བཟང་སངས་རྒྱས་བདུན་པ་གང༌། །རབ་གསལ་ཤཱཀྱའི་བསྟན་ལ་ཚངས་སྤྱོད་པ། །ཁ་ཆེའི་མཁས་པ་ཤཱ་ཀྱ་ཤྲཱི་ཞེས་པ། །འཕགས་པའི་ཡུལ་ན་རྩོད་མེད་སྡོམ་བརྩོན་པ། །ཁྲོ་ལོའི་དད་བརྩོན་མཁྱེན་པ་ཟླ་མེད་པས། །དབང་དུ་མཛད་དེ་བོད་ཡུལ་སྤྱན་དྲངས་པ། །དེ་ལས་བྱང་རྡོར་རྣམ་གཉིས་བསྙེན་རྫོགས་སྟེ། །རྩ་བའི་སྡེ་པ་རྣམ་བཞིའི་རྟེ…

གྱི་ཆོ་ག་སངས་རྒྱས་ཉིད་དང་གསོལ་བཞིས་བསྙེན་པར་རྫོགས་པ་དགེ་འདུན་དང་འབྲེལ་བའི་ལས་ཀྱིས་སྔོན་ཆོག་གི་ཡུལ་རྣམས་བསྙེན་རྫོགས་སུ་མཛད་ལ། སངས་རྒྱས་ནས་ལོ་བདུན་པའི་སྔོན་ནས་ད་ལྟར་གྱི་ཆོ་ག་གནང་ཞིང་བརྗོད་བྱ་དོན་གྱི་འདུལ་བའི་རྒྱུན་མ་ཆད་པའོ། །བརྗོད་བྱེད་ཀྱི་འདུལ་བ་སོ་སོ་ཐར་པའི་མདོ་གཉིས་ལུང་སྡེ་བཞི་ཕྱོགས་གཏོགས་དང་བཅས་པ…

གྱིས་ལ་བཞི་གར་བསྡོམས་པས་གནས་གཞི་གཅིག་ཟུང་ཞིག་གསུངས་ཀྱང་མཁན་སློབ་ཀྱི་གསུང་བཅག་ནས་སོ་སོར་བཟུང་བས་སྡེ་བཞི་བྱུང༌། དེ་ཡང་གླང་དར་གྱིས་ཆོས་བསྣུབས་པའི་ལྕགས་བྱ་ནས་ལོ་ངོ་གསུམ་པ་ཆུ་མོ་གླང་ལ་ཁུ་གཞོན་ནུ་རིན་ཆེན། གཉས་ཡོན་ཏན་སྙིང་པོ། མཆིམས་ལྷུན་གྲགས་དང་མཆོག་གྲུབ་གཉིས་སྟེ་བཞིས་ཀླུ་མེས་མོན་མཁར་འབྲས་ཕུར་སྤྱན་དྲངས།…

ཕྱོགས་བཅུར་རྒྱས་པར་བྱ་བའི་ཕྱིར། །དང་པོར་བདག་གིས་རབ་ཏུ་བྱུང་བར་བྱ། །ཞེས་གཙང་གིས་མཁན་པོ། གཡོ་སྨར་གྱིས་སློབ་དཔོན་བྱས་སྟེ་རབ་བྱུང་བསྙེན་པར་རྫོགས། དེ་ནས་བྱང་ཕྱོགས་སུ་མི་ཉག་ལྷའི་ཡུལ་དུ་གོ་རོང་སེང་གེ་གྲགས་ལ་འདུལ་བ་གསན་པས་ལུང་སྡེ་བཞི་བསྟན་བཅོས་དང་བཅས་པ་བྱིན་ནས་བསྟན་པ་གསལ་བར་གྱིས་ཅིག་ཁོ་བོ་ནི་ཡུན་རིང་དུ་མི…

ཕྱོགས་མི་བྱེད་པ་མང་བས་དེའི་ཆེད་དུ་ལྷ་ཁང་དང་མཆོད་རྟེན་མང་པོ་བཞེངས་པས་ཡུལ་དེར་ཚོན་རྩི་ཡང་བྱུང༌། གཟོ་ཡང་རང་གིས་མཛད། དེར་པ་གོང་ཡེ་ཤེས་གཡུང་དྲུང་འཁོར་མང་པོ་དང་བཅས་པ་དན་ཏིག་དུ་བྱོན་པ་ན་བླ་ཆེན་པོས་འདུལ་བའི་བསླབ་གཞི་བརྗོད་པས་དད་ཅིང་རང་གི་སྤྱོད་པས་འགྱོད་དེ་རབ་ཏུ་བྱུང༌། དེ་བཞིན་དུ་པར་གྲགས་པ། ཇ་པ་གྲགས་པ་དང་…

ནའང་ཁོ་བོ་ནི་བྱམས་པ་མ་བྱོན་གྱི་བར་དུ་འཛམ་གླིང་འདི་ཐམས་ཅད་ཏུ་སྐྱེ་བ་བརྒྱད་ཙམ་རེ་ལེན་དགོས་ཅེས་གསུངས་སྟེ་དགའ་ལྡན་དུ་གཤེགས། ཞེས་དཔོན་བི་ཅིས་བྲིས་པར་སྣང༌། ས་སྐྱ་བླ་མའི་ཆོས་བྱུང་ལས་ནི་བསྟན་པ་བསྣུབས་པའི་ཚེ་དང་པོར་སྨར་གཡོ་གཙང་གསུམ། དེ་ནས་བཀའ་འོད་མཆོག་གྲགས་པ་དང་རོང་པོ་ལྷུན་གྱི་དཔལ་གཉིས། དེ་ནས་ལྷ་ལུང་རྣམས…

བྱིས་པ་ཁམས་སུ་ཕྱིན་པ་དེ་ཁོ་ན་ལ་ཤཱཀྱ་དགེ་བ་གསལ་དུ་བཏགས་པ་ཕྱིས་མཁས་པར་གྱུར་ནས་དགོངས་པ་རབ་གསལ་དུ་གྲགས་པ་ཡིན་པས་ལན་གཉིས་སུ་བགྲང་མི་འོས་ལ་དབུས་གཙང་མི་བཅུ་སུས་ཀྱང་བླ་ཆེན་དང་དེའི་སློབ་མ་ལའང་མ་ཐུག་ན་དེས་བསྟན་པའི་མེ་རོ་གསོས་པར་ཇི་ལྟར་འཆད། དེས་ན་རྗེ་རང་བྱུང་རྡོ་རྗེ་དང་ཀུན་མཁྱེན་བུ་སྟོན་སོགས་བཞེད་པ་ནི་འདི་ཡིན…

དབུས་ནས་གླག་པ་ལམ་པ་ཀླུ་མེས་ཚུལ་ཁྲིམས་ཤེས་རབ། སྨྱལ་པ་འབྲིང་ཡེ་ཤེས་ཡོན་ཏན། གཡོ་རུ་པ་ན་ཚུལ་ཁྲིམས་བློ་གྲོས། རག་ཤི་ཚུལ་ཁྲིམས་འབྱུང་གནས། སུམ་པ་ཡེ་ཤེས་བློ་གྲོས་སྟེ་ལྔ༌། གཙང་ནས་མགུར་མོ་རབ་ཁ་བ་ལོ་སྟོན་རྡོ་རྗེ་དབང་ཕྱུག །ཤབ་སྒོ་ལྔའི་ཚོང་བཙུན་ཤེས་རབ་སེང་གེ །མངའ་རིས་པ་འོད་བརྒྱད་དཔུན་གཉིས། བོ་དོང་པ་ཨུ་དཀར་དེ་…

ངས་ཚོང་པ་དང་འགྲོགས་སྟེ་དབུས་གཙང་དུ་ཕྱིན་ལ་བསྟན་པ་དར་བར་ནུས་ན་བསྡད་ཀྱི་ཁྱེད་རྣམས་ཡང་བྱོན། མི་ནུས་ན་ལོག་ལ་འོང་གསུངས་ནས་འདན་མའི་ཚོང་པ་དང་འགྲོགས་སྟེ་བྱོན་པས་ཚོང་པ་སྔར་སུམ་འཕྲང་ནས་ལྡོག་པ་ལ། ལོ་སྟོན་གྱིས་འདི་ནས་མ་ལྡོག་པར་གཙང་དུ་སོང་ཚོང་ལེགས་པར་འོང༌། མགུར་མོ་རབ་ཁ་ན་ལོ་ནད་གཙུག་ན་བྱ་བ་ཡོད། དེ་ལ་ཁྱོད་ཀྱི་…

བཞུགས། ཀླུ་མེས་ཀྱི་མཁན་བུ་ཞང་རྔོག་གླན་གྲུ་མེར་སྟེ་ཀ་བ་བཞི་ཡམ་ཤུད་སོགས་མང་དུ་བྱོན། དེ་ལ་ཞང་སྣ་ནམ་རྡོ་རྗེ་དབང་ཕྱུག་ནི་བྱམས་པའི་སྤྲུལ་པར་གྲགས། སྣ་ནམ་ཇོ་སྲས་དང་ཞང་ལྕམ་སྒྲོལ་མའི་སྲས་སུ་ཉམས་དགའ་མོར་འཁྲུངས། ལོ་བཅོ་བརྒྱད་པ་ལ་ར་བ་ཟླུམ་པོར་ཀླུ་མེས་ལས་རབ་ཏུ་བྱུང༌། དང་པོར་ར་ཆག་བཏབ། སོ་བདུན་པ་ཆུ་བྱི་ལ་རྒྱལ་ལ…

མ་བླ་བྲང་པ་གཞོན་ནུ་རྒྱལ་མཚན་ནས་བླ་བྲང་པ་དང༌། ལོ་པའི་སངས་རྒྱས་ཇོ་བོའི་སློབ་མ་གསེར་ཁང་པ་དང༌། ཁུ་མདོ་སྡེ་འབར་གྱི་ཆོས་བརྒྱུད་འཛིན་པ་ཁུ་པ་སྟེ་གསུམ་དུ་གྱེས་སོ། །ཡང་ཁུའི་བནྡྷྱེ་མི་གསུམ་གྱི་ཁུ་ཤུད་པུ་ཚ་གཞོན་ནུ་གྲགས་པས་ཁུ་ཚེས་ཀྱི་སོ་མཚམས་སུ་འཇུ་མ་བཞེངས། དེ་ནས་ཡུགས་ཀྱི་ཤུད་པུས་སྤྱན་དྲངས་སྟེ་བ་ཤི་བཏབ། རྒྱ་…

རྣ་ཤུད་ཀྱི་སོ་མཚམས་སུ་གནོད་སྦྱིན་གྱིས་ལུང་བསྟན་སྟེ་གྲ་ཐང་བརྩིགས། སྤྱིར་ལྷ་ཁང་བརྒྱ་རྩ་བརྩིགས་པར་གྲགས། དགུང་ལོ་དོན་དགུ་ལ་མཁན་བུ་ཅིག་གིས་སྙིང་ཐུར་བརྒྱབ་པ་ཐལ་ནས་གཤེགས། དབོན་པོ་འབྱུང་ཤེད་དང་འབྱུང་ཚུལ་གྱིས་ལྷག་རྣམས་བསྒྲུབས། གྲ་པའི་གདན་ས་དོན་སྟངས་པ་ཆོས་སྐྱབས་ཀྱིས་མཛད་དེ་ཁོང་རོག་དམར་ཞུར་བའི་སློབ་མ་ཡིན། …

གྱི་མཁན་བུ་གླན་ཡེ་བྱང༌། ཚལ་ཆུང་གི་གཉོས་ཚུལ་རྒྱལ། འཕངས་དབང་རྒྱན། གཟི་རླུང་གཉིས། ཀླུ་མེས་ཀྱི་གཅུང་དགེ་ངོམ་འདིས་མོན་མཁར་འགན་བཞེངས། མཁན་བུ་མིན་ཡང་མི་ཆེ་བས་གྲངས་སུ་བགྲངས་པ་བྷེ་སྟོན་རྡོ་རྗེ་ཤེས་རབ་འདིས་གཞུང་སྒྲེ་མཁར་བཏབ། དེ་ལ་སོགས་པ་ནི་ཕྱམ་སོ་གཉིས། དེ་བས་ཆུང་བ་ལ་གྲལ་མ་དཔག་དུ་མེད་པ་ཅེས་གྲགས་ཤིང༌། རྒྱལ་…

འབྲིང་གིས་ངན་ལམ་སྤྱི་མོ་བརྩིགས་པ་ལས་འབྲིང་ཚོ་སྟོད་པ་མཆེད། དེ་ནས་དཀར་ཆུ་དང་སྙེ་ཐང་བྲག་སྣ་བཟུང༌། དེའི་ལམ་སྟེགས་སུ་བྲང་ར་མོ་ཆེ་བརྩིགས། དེ་ལས་འབྲིང་ཚོ་སྨད་པ་མཆེད། ཀླུ་གོང་ནས་འབྲིང་ཚོ་བར་པ་བྱུང་སྟེ་དེ་རྣམས་ལ་འབྲིང་སྡེ་ཟེར་སྟེ་དབུས་པ་ལྔ་ལས་ཇི་ལྟར་གྱེས་པའོ། །གཙང་དུ་ལོ་སྟོན་ལ་མཁན་བུ་ཉི་ཤུ་རྩ་བཞི་ཞེས་གྲགས…

དམར་བཟུང༌། འདར་ཤཱཀྱ་ཡོན་ཏན་གྱིས་གཟུས་པོ་བཟུང༌། ལི་བློ་གྲོས་གཞོན་ནུས་ཇོ་མོ་བརྩིགས། གླག་བྱང་ཆུབ་རྒྱལ་མཚན་གྱིས་ཆུ་མིག་བརྩིགས། དེ་རྣམས་མཆེད་པ་ལ་རྒྱ་མཚོ་ནས་གླག་ཚོའི་བར་སོ་སོར་གྲགས་ཤིང་འགའ་ཤེས་རབ་བླ་མས་བསྙེམས་བརྩིགས། རྔོག་ཡེ་ཤེས་འབྱུང་གནས་ཀྱིས་སྤང་དཀར་ལྷ་ལུང་བརྩིགས་ཀྱང་དེ་གཉིས་ཀ་གླག་ཚོར་ཐིམ། གླང་བཙུན་…

དེར་སྟོད་ཀྱི་མཁན་བུ་རྣམས་བཞི་བྱུང་བའི་ཁྲི་སྟོན་བརྩོན་འབར་གྱིས་ཤོང་སྣར་བཟུང༌། ས་རྦད་བཙུན་ཆུང་གིས་བྲང་ཆུང་བཟུང༌། རྒྱ་སྟོན་ཨཱརྻ་དེ་ཝས་སྤོ་རུ་སྣ་བཟུང༌། འདར་ཤཱཀྱ་གཞོན་ནུས་སར་ཕུག་བཟུང་སྟེ། ཁྲི་ཚོ། བྲ་ཚོ། རྒྱ་ཚོ། སར་ཚོ་ཞེས་ཁྲལ་ཚོ་བཞི་བྱུང་བ་ལ་ཀྱི་ཚོ་སྟོད་པར་གྲགས། དེ་ལས་གྱེས་པ་གཞོན་ནུ་འབྱུང་གནས་ཀྱིས་རྒྱ…

བྲན་མ་སྒང་བརྩིགས། དེ་གསུམ་དང་ལན་འགྲོ་བའི་སྟག་ཚང་དང་བཞི་ལ་སྨོན་གྲོའི་མ་དང་མཉམ་པའི་བུ་བཞིར་གྲགས་སྟེ་སྨོན་གྲོ་སྐོར་རོ། །གསེར་གྱི་སྤོང་ཐོག་ཞང་ཚོར་ཁྲོད་པ་ལ་གཏད། དེས་སེར་གྱི་བྲག་ཤོད་བརྩིགས། བཙན་པོ་སྡིངས། རྩིས་ཀྱི་ཡང་དབེན་ར་སོག་མཚར་ལ། སྟག་ཚལ་མཁར་པོ་ཆེ་བཟུང་ནས་མཁན་བུ་རྦ་དགེ་མཐོང་ལ་གཏད། དེས་རོང་བ་དོ་བཟུང་…

སྐྱི་སྒང༌། ཉང་རོ་བུད་མདོ། འཁོར་རེ་བ་ཁོར་ལྡན་གྱི་དྲེ་ཤོད་རྣམས་བཟུང༌། དེའི་མཁན་བུ་སོག་ཚུལ་ཁྲིམས་བླ་མས་ཀྱང་བ་སོ་ཐང་བཟུང༌། དེའི་མཁན་བུ་སྤང་འདུལ་འཛིན་གྱིས་སྟག་གི་སྤེན་ཅན་བཟུང༌། དེའི་མཁན་བུ་སྣུབས་རིན་ཆེན་གྲགས་ཀྱིས་ཁུ་ལུང་ལྷ་གྲལ་དང་འུ་ཡུག་གསལ་སྒང་སོགས་བཟུང་སྟེ་འ་ཚོའི་སྐོར་རོ། །ཡང་འབྲེ་གཞོན་ཚུལ་གྱིས་ཁམས་…

ཀྱང་མཁན་སློབ་མ་རྙེད་པས་ཡབ་སྲས་གསུམ་དཀོན་མཆོག་གི་དྲུང་དུ་རང་གིས་རྟགས་བླངས་སྟེ་ཁོང་རང་གི་མཚན་ཡེ་ཤེས་འོད་དུ་བསྒྱུར། པཎྜི་ཏ་དྷརྨ་པཱ་ལ་སྤྱན་དྲངས་སྟེ་སཱ་དྷུ་པཱ་ལ་གུ་ཎ་པཱ་ལ་པྲཛྙ་པཱ་ལ་སྟེ་པཱ་ལ་གསུམ་སོགས་མང་དུ་བསྙེན་པར་རྫོགས། པྲཛྙ་པཱ་ལའི་མཁན་བུ་ཞང་ཞུང་རྒྱལ་བའི་ཤེས་རབ། འདིས་པཎྜི་ཏ་མང་དུ་བསྟེན་ཞིང་མཁན་པོ་དང…

འདུལ་སྨད་འདུལ་གཉིས་མཐུན་པར་ཁས་ལེན་པར་སྣང་ལ་སྟོན་པ་འདས་ནས་ལོ་དགུ་བརྒྱ་ན་ཐོགས་མེད་བྱོན་པའི་ལོ་ཚིགས་དང་སྦྱར་ན་གློས་མི་འབེབས་དང་ཡོན་ཏན་འོད་ཀྱི་བར་དུ་འགའ་ཞིག་ཆད་པར་དོགས་སོ། །ཛི་ན་དཱ་ན་གཉིས་ལ་ཅོག་རོ་ཀླུའི་རྒྱལ་མཚན། དེ་ལ་གཡོ་སྨར་གཙང་གསུམ། དེ་ནས་བླ་ཆེན་པོ། གྲུམ་ཡེ་ཤེས་རྒྱལ་མཚན། ཀླུ་མེས་ཚུལ་ཁྲིམས་ཤེས་རབ། …