རུལ་པར་གྱུར་ཅིག་ཅེས་ནི་བདེན་སྟོབས་བརྗོད། །དེ་ཕྱིན་སྐྲག་པས་སངས་རྒྱས་བསྟན་པ་ལ། །བདུད་ཀྱིས་བར་དུ་གཅོད་པར་མི་ནུས་སྐད། །ཨུ་ཤི་རི་ཡི་བྲག་གི་ཕུག་པ་ནི། །མཆུ་ཞེང་དཔངས་ཟབ་གཞུ་འདོམ་ཉི་ཤུ་པར། །སློབ་མ་དགྲ་བཅོམ་ཐོབ་པ་རེ་རེ་ཡིས། །སོ་ཤིང་སོར་བཞི་པ་རེ་འཕངས་པ་ཡིས། །སོ་ཤིང་ཚོགས་ཀྱིས་ཕུག་དེ་བྱུར་བུ་རུ། །གང་ཚེ་མྱ་ངན་འདས…

བཀའ་བསྡུ་གསུམ་པ་ལུང་ན་མེད་པའི་ཕྱིར། །འདོད་ཚུལ་མི་འདྲ་དུ་མ་སྣང་མོད་ཀྱང༌། །རྟོག་གེ་ལ་འབར་དབུ་མའི་གཞུང་ལུགས་ལས། །དེ་བཞིན་གཤེགས་པས་མདོ་ལས་ལུང་བསྟན་ལྟར། །རྒྱལ་པོ་དགའ་བོ་དང་ནི་པད་ཆེན་དུས། །སྡིག་ཅན་བདུད་ཀྱིས་བཟང་པོ་ཞེས་བྱ་བ། །དགེ་སྦྱོང་ཆ་བྱད་འཛིན་པ་ཅིག་དུ་བྱས། །རྫུ་འཕྲུལ་དུ་མས་སྐྱེ་བོའི་ཡིད་བསྒྱུར་ནས། །རྒྱ…

འདི་ལ་སྡེ་ཚན་ལྔ་ཡོད་པའི། །འཇིག་རྟེན་འདས་པར་སྨྲ་བ་ཡི། །གྲུབ་པའི་མཐའ་ནི་འདི་སྐད་བརྗོད། །ཐུབ་པ་འཇིག་རྟེན་ལས་འདས་སྟེ། །རྫས་ཡོད་སྐུ་དང་ཚེ་མཐའ་ཡས། །མཉམ་གཞག་སྐད་ཅིག་གིས་ཀུན་མཁྱེན། །ཟད་མི་སྐྱེ་བློ་རྟག་དུ་མངའ། །ཆོས་འཁོར་བསྐོར་བ་ཚིག་ཡིན་ནོ། །བྱང་སེམས་རྣམས་ལ་ཉོན་མོངས་དང༌། །ནུར་ནུར་སོགས་ལས་སྐྱེ་བ་མེད། །བདེན་པ་ར…

དྲུག་པ་ཤེས་དང་ཤེས་བྱ་མིན། །དེ་ལྟར་གཞན་དང་མི་མཐུན་པའི། །གྲུབ་མཐའ་མང་ཕྱིར་དང་པོར་བཤད། །འཇིག་རྟེན་རྣམས་དང་མི་མཐུན་ཕྱིར། །འཇིག་རྟེན་འདས་པར་སྨྲ་བ་ཟེར། །གཉིས་པ་བཏགས་པར་སྨྲ་བ་རྣམས། །སྐྱེས་བུ་བྱེད་པའི་རྩལ་དང་ནི། །དུས་མ་ཡིན་པར་འཆི་བ་མེད། །ལམ་ནི་མི་འཇིག་བསྒོམ་བྱ་མིན། །དེ་ནི་བསོད་ནམས་ཀྱིས་ཐོབ་སྨྲ། །ཤར་གྱི་རི་ད…

གཉིས་པ་འོད་སྲུང་སྡེ་པ་རྣམས། །ཡོངས་སུ་ཤེས་པ་གང་ཡིན་དེ། །མ་སྤངས་པ་དང་མ་འོངས་པའི། །རྒྱུ་ལས་འབྱུང་བ་འགར་ཡང་མེད། །ཐོབ་པ་རྣམ་པར་འཇོག་པ་ནི། །ཆོས་ཀུན་རྣམ་སྨིན་ཡོད་ཏོ་ཞེས། །གསུངས་པའི་གཞུང་ལ་བསྟེན་ཏོ་ཟེར། །གསུམ་པ་ས་སྟོན་སྡེ་པ་རྣམས། །མ་འོངས་པ་དང་འདས་པ་མེད། །བདེན་པ་ཅིག་ཅར་ཁོ་ན་མཐོང༌། །ཕྱི་རོལ་ཉོན་མོངས་ཟད་པ་མེད།…

གཞན་མ་འོངས་མེད། །རིགས་མི་མཐུན་པའི་ཆོས་རྣམས་ནི། །དེ་མ་ཐག་པའི་རྒྱུར་མི་འགྱུར། །གཟུགས་ནི་འདྲ་བའི་རྒྱུ་མ་ཡིན། །གཟུགས་ཀྱི་འདྲ་བའི་རྒྱུ་ཡང་མེད། །དེ་སྐད་སྨྲ་ཞིང་ལྟ་བར་བྱེད། །སྟོན་པ་གཉིས་པ་སྟོབས་བཅུ་ལྡན། །འོད་སྲུང་ཆེན་པོའི་རྗེས་ཞུགས་སྟེ། །གནས་བརྟན་རྒན་རབས་དག་འདུས་པས། །གནས་བརྟན་པ་ཡི་སྡེ་པར་གྲགས། །མདོ་སྡེ་ཤ་ཟ…

སྒོ་ལྔའི་རྣམ་པར་ཤེས་པ་ཡིས། །འདོད་ཆགས་སྐྱེ་བར་མི་འགྱུར་ལ། །བྲལ་བར་ཡང་ནི་མི་འགྱུར་རོ། །མཐོང་ལམ་སེམས་ཀྱི་སྐད་ཅིག་མ། །བཅུ་གཉིས་ཚུན་ནོ་དེ་ཕན་ཆད། །འབྲས་བུ་དང་ནི་བཅས་པར་གནས། །ཤེས་བྱ་བརྗོད་དུ་ཡོད་པ་དང༌། །མེད་པ་གཉིས་སུ་གནས་སོ་ཟེར། །ཁ་ཅིག་དོན་དང་ལ་ལ་གནས། །གཞན་དག་སློབ་དཔོན་ཐ་དད་ཕྱིར། །སྡེ་ཚན་རྣམ་པ་བཅོ་བརྒྱད་གྱ…

འདི་ནི་བསྟན་པ་ཡིན་གྱི་གཞན་མིན་ཞེས། །སོ་སྐྱེའི་མཁས་པ་རྣམས་ནི་རྩོད་པར་གྱུར། །སྟོན་པ་མྱ་ངན་འདས་ནས་ལོ་ཡི་གྲངས། །སུམ་བརྒྱ་འདས་ཚེ་ཁ་ཆེའི་ཡུལ་ཁམས་སུ། །རྒྱལ་པོ་ཀ་ནི་ལྷ་ཡིས་སྦྱིན་བདག་བྱས། །དགྲ་བཅོམ་བྱང་སེམས་ལྔ་བརྒྱ་ཕྲག་རེ་དང༌། །སོ་སྐྱེའི་པཎ་ཆེན་ཁྲི་དང་དྲུག་སྟོང་འདུས། །རྒྱལ་བའི་བཀའ་ཡི་བསྡུ་བ་གསུམ་པ་བྱས། །ཀྲྀ་…

རྒྱལ་པོས་ཐུབ་པའི་གཙོ་ལ་ཞུས་པའི་ཚེ། །རྒྱལ་བའི་ཞལ་ནས་རྨི་ལམ་དེ་དག་ནི། །ཁྱོད་ལ་ངན་པར་འགྱུར་པ་མ་ཡིན་སྟེ། །མ་འོངས་སྐྱེ་རྒུའི་ཚེ་ལོ་བརྒྱ་པའི་ཚེ། །ཤཱཀྱ་ཐུབ་པ་ཞེས་བྱའི་སངས་རྒྱས་འབྱུང། །དེ་ཡི་བསྟན་པ་ཐ་མར་གྱུར་པའི་ཚེ། །ཇི་ལྟར་འབྱུང་བའི་མཚན་མ་ཡིན་གྱིས་ཉོན། །སྡོམ་ནི། གླང་གཉིས་སྤྲེའུ་གཉིས་ཙནྡན་ཕྱེ། །ལྡུམ་ར་ཁྲོན…

ཕལ་ཆེར་གཉེན་དང་ཡུལ་ཕྱོགས་ལ་སོགས་པས། །བསྡུས་པའི་ཁྱིམ་པས་སྤྱོད་པར་འགྱུར་བའི་ལྟས། །རབ་ཏུ་སྐོམ་པའི་མི་ཞིག་ཆུ་འཚོལ་ཕྱིར། །མྱ་ངམ་ཐང་ལ་རབ་ཏུ་རྒྱུག་བྱེད་ཅིང༌། །ཡན་ལག་བརྒྱད་ལྡན་ཆུས་གང་ཁྲོན་པ་ཅིག །མི་དེའི་རྗེས་སུ་འབྲེང་ལ་མི་དེས་ཀྱང༌། །མཐོང་བཞིན་མི་འཐུང་འོན་ཀྱང་ཆུ་འཚོལ་བར། །ཁྱོད་ཀྱིས་རྨི་ལམ་ནང་དུ་མཐོང་བ་དེ། །…

འགའ་ཡིས་རྟོག་གེ་འབར་བ་ལས། །བཤད་པའི་བཟང་པོ་དང་ནི་གཅིག་པ་སྟེ། །དེ་ཡིས་བཟང་པོ་ཡིན་པར་ཁས་བླངས་སོ། །ཞེས་སོགས་ཐོབ་པའི་ཕྱིར་ཞེས་བྲིས་མོད་ཀྱང༌། །བདུད་ཀྱིས་སྤྲུལ་པ་བཟང་པོའི་མིང་ཅན་དེས། །ཆོ་འཕྲུལ་སྣ་ཚོགས་བསྟན་ནས་སོ་སྐྱེ་རྣམས། །ཡིད་བསྒྱུར་མགུ་ཚེ་ལམ་གཞན་སྟོན་པར་བཤད། །ལྷ་ཆེན་དེ་ལ་རྫུ་འཕྲུལ་མི་ལྡན་ཕྱིར། །ད་ནང་རྫུ…

བ་ཀུན་གྱི་སྙན། །གཅིག་བསྡུས་སེམས་དཔའ་ཕྱག་རྡོར་ཡིན་པར་གསུངས། །ཤིན་དུ་ངེས་པའི་དོན་དུ་སྟོན་པོ་དང༌། །སྡུད་པོ་བསྟན་བྱའི་ཆོས་རྣམས་ཐམས་ཅད་ཀྱང༌། །ཡེ་ཤེས་གཅིག་ལས་རྣམ་དབྱེར་མེད་པ་སྟེ། །ཐམས་ཅད་ལྷན་ཅིག་སྐྱེས་དངོས་གཅིག་དུ་བསྟན། །དེ་ལྟར་བསྡུ་བྱའི་བསྟན་པ་རིན་ཆེན་ནི། །རྫོགས་སངས་རྒྱས་ཀྱིས་འོད་སྲུང་ཆེན་པོར་གཏད། །ཀུན་ད…

འདུལ་བར་ལུང་བསྟན་མཛད། །རྒྱལ་བས་ཤེས་ཕྱིན་མདོ་ལས་ཟབ་མོའི་དོན། །བྱང་གི་ཕྱོགས་སུ་རྒྱས་པར་ལུང་ཡང་བསྟན། །བཀའ་ཕྱག་གཉིས་ཀའི་བརྒྱུད་པའི་ཆུ་བོ་ནི། །ཏིང་འཛིན་རྒྱལ་པོའི་མདོ་ལས་ལུང་བསྟན་པའི། །དཔལ་ལྡན་སྒམ་པོ་པ་ལ་གཅིག་དུ་འདྲེས། །དེ་ལས་བྱུང་བའི་བསྟན་པ་རིན་ཆེན་ནི། །དངོས་དང་ཡན་ལག་དུ་མར་བཅས་པ་ཡིས། །དེང་སང་དུ་ཡང་ཅུང་ཟད…

འདུད་དེ་ཞལ་ཕྱེ་ཞེས། །ཕྲིན་ཡིག་བསྲིངས་སྟེ་རྒྱལ་པོས་ཞལ་ཕྱེ་ཚེ། །ཚོང་པ་ཀུན་གྱིས་སངས་རྒྱས་ཕྱག་འཚལ་ཞེས། །ཐོས་པས་རྒྱལ་པོ་སྤུ་ལངས་མཆི་མ་གཡོས། །བཀའ་ཡི་ཚིགས་སུ་བཅད་པ་རྣམས་བཀླགས་པས། །སྐྱབས་སུ་སོང་སྟེ་དགེ་བསྙེན་ཉིད་དུ་གྱུར། །བདེན་པ་མཐོང་སྟེ་ཆོས་མིག་ཐོབ་པར་གྱུར། །ཐུབ་པའི་བྲིས་སྐུ་ཆུ་ལོན་མ་ཞེས་གྲགས། །ཡང་ནི་སེར་ས…

བྲེ་ཆེན་རེ་རེ་ཕུལ། །ཐུབ་པ་འོད་ཟེར་མ་ཞེས་གྲགས་པ་ཡིན། །འདི་དག་བསྟན་འདིའི་བྲིས་སྐུའི་ཐོག་མ་ཡིན། །ཁྱིམ་བདག་དད་ལྡན་རྣམས་ཀྱིས་གདུགས་ཚོད་ལ། །དགེ་འདུན་སྤྱན་དྲངས་སྟོན་པ་མ་གཤེགས་ཚེ། །གྲལ་གྱི་ཐོག་མ་མི་བརྗིད་གྱུར་མཐོང་ནས། །ཁྱིམ་བདག་ཆེན་པོ་མགོན་མེད་ཟས་སྦྱིན་གྱིས། །སྟོན་པས་གནང་ན་བདག་གིས་རིན་ཆེན་ལས། །སྟོན་པའི་སྐུ་…

བྱ་མ་སྐྱེས་དགྲ་ཡི་བུས། །ང་ཡི་བཀའ་ཀུན་གླེགས་བམ་འབྲི་འགྱུར་ཞེས། །སྟོན་པ་ཉིད་ཀྱིས་སྔོན་དུ་ལུང་ཡང་བསྟན། །སེར་སྐྱའི་གྲོང་དུ་སྐུ་བལྟམས་མཆོད་རྟེན་དང༌། །མ་ག་དྷ་རུ་བྱང་ཆུབ་ཆེན་པོ་ཉིད། །ཝ་ར་ཎ་སིར་ཆོས་འཁོར་མཆོད་རྟེན་སྟེ། །མཉན་དུ་ཡོད་པར་ཆོ་འཕྲུལ་མཆོད་རྟེན་དང༌། །ཀ་ཤིའི་གྲོང་དུ་ལྷ་ལས་བབས་པ་ཉིད། །རྒྱལ་པོའི་ཁབ་ཏུ་ད…

བཀང་སྟེ། །ཨོ་ཌྱན་མཁའ་འགྲོའི་ཡུལ་དུ་སྤྱན་དྲངས་བཞུགས། །ལན་བདུན་བསྐོར་བས་མཆོག་དངོས་འགྲུབ་བོ་སྐད། །ཆོས་སྐུའི་རྟེན་འདིས་ལྷ་དང་མཁའ་འགྲོ་འདུལ། །རཱ་ཧུ་ལ་ཡིས་ཀླུ་ཡི་རིན་ཆེན་ཚོགས། །སྤུངས་པ་བཞུ་བཏུལ་བླུག་པས་ལོངས་སྐུའི་རྟེན། །རྣམ་སྣང་གངས་ཆེན་མཚོ་རྒྱལ་ཞེས་བྱ་བ། །དཔག་ཚད་བརྒྱད་བཅུ་མཆུ་ཞེང་གབ་པའི་སྐུ། །སྐུ་མདོག་མཐི…

མཐུན་པར་མ་གྱུར་ནས། །བི་ཤྭ་ཀརྨས་ཞབས་ཀྱི་ཐེའུ་ཆུང་ལ། །ཐིག་སྐུད་བཏགས་ནས་འཇལ་བར་བརྩམས་པའི་ཚེ། །ཇི་ཙམ་བསྲིངས་ཀྱང་ཚད་ལོན་མ་གྱུར་ནས། །འོད་མདངས་དགའ་བ་ཞེས་བྱའི་འཇིག་རྟེན་ན། །སངས་རྒྱས་དགའ་དཔལ་བཞུགས་པའི་དྲུང་དུ་སླེབས། །ད་དུང་དབུ་ཡི་གཙུག་དང་མ་མཉམ་ཚེ། །འདི་ནས་མི་འབྱེད་ཞིང་དུ་ཙམ་མཆི་ཞེས། །གསོལ་བས་རྒྱལ་བ་དེ་ཡིས་འད…

སྣང་བའི་སྐུ་ཚད་དངོས་དང་མཚུངས་པར་བྱས། །གསུམ་གའང་རྫོགས་སངས་རྒྱས་པའི་ཚུལ་དང་བསྟུན། །ས་གནོན་མཉམ་བཞག་སྤྱན་གྱིས་འཁོར་ལ་གཟིགས། །ཕྱག་ཞབས་འཁོར་ལོ་གཙུག་ཏོར་རིན་ཆེན་སྤྲས། །ཁ་དོག་སྣ་ཚོགས་འཇའ་འོད་ལྟ་བུར་འདུག །སྙན་ཁུང་ཁྲོ་བོ་བདུད་རྩི་འཁྱིལ་པས་བརྒྱན། །ཁྲི་སྟན་སེང་གེ་བརྒྱ་རྩ་བརྒྱད་ཀྱིས་བཏེག །རྒྱབ་ཡོལ་མཛད་པ་བཅུ་གཉ…

ཕྱག་རྡོར་སྤྲུལ་པ་ཤུ་ལན་བྷ་ཏི་དང༌། །བྱམས་པ་གྲུབ་པ་དཀར་རྒྱལ་བྱ་བ་ཡོད། །གཉིས་པོས་ཕྱག་རྡོར་དང་ནི་བྱམས་པར་སྤྲུལ། །བྱམས་པས་ཀླུ་རྣམས་བདུད་རྩིའི་ཆར་གྱིས་བྲིད། །ཕྱག་ན་རྡོ་རྗེས་ཀླུ་རྣམས་གཟིར་ཞིང་བསྡིགས། །བྱམས་པས་བསྐྱབས་སྟེ་སྟོན་པའི་ཁྲུས་རྫིང་ནས། །སྐུ་གཉིས་སྤྱན་དྲངས་མ་འོངས་འཛམ་གླིང་གི །བསྟན་པ་ནུབ་ཚེ་སྐུ་གཉིས་…