སྔགས་པ་ཅིག་དུ་གྱུར་སྟེ་ཁོ་བོ་ལ་རབ་ཏུ་འབྱུང༌། ཡོན་ཏན་འོད་སོགས་ཁྱེད་བདུན་རྗེ་རིགས་སུ་སྐྱེ་ཁོ་བོ་དང་འཕྲད། ཡུལ་ཕྱོགས་དེར་སློབ་དཔོན་རིན་རྒྱལ་སོགས་མང་དུ་སྐྱེ་ཞིང་བླ་མ་ལྷ་རྗེ་དང་མཇལ་བར་འགྱུར། ཡང་ལྷོ་བྲག་གྲུབ་པའི་གནས་བདུན་དུ་སློབ་མ་ཞིག་གི་དོན་དུ་སྐྱེ་སྟེ་ཡུན་རིང་པོ་ནི་དེར་མི་སྡོད། ཡང་རྒྱ་གར་ལྷོ་ཕྱོགས་ཨུ…

གདན་ས་མ་ཞིག་པར་གྱིས་ལ་འདིར་སྡོད་གསུང་བ་དང༌། སྒང་ལོ་ཙཱ་བ་ཞམ་རིང་དུ་ཡོད་པ་ལ་གཞོན་ནུ་ཁྱོད་ཀྱི་ལོ་ཤས་འདིར་སྡོད་ལ་ཁོ་བོའི་སྐུ་གསུང་ཐུགས་རྟེན་རྣམ་ཡི་གེ་གཅིག་ཀྱང་མ་འཐོར་བ་གྱིས། ངས་ཀྱང་ཆོས་སྐྱོངས་ལ་བཅོལ་བ་ཡིན་ཞེས་སྤྲུལ་པའི་སྐུ་དངོས་སུ་འབྱོན་པར་དོན་གྱིས་ལུང་བསྟན་སྟེ་ཡར་ཚེས་གསུམ་དུ་ཉེ་བ་ནས་གཡོས་བྲེང་མ་ཆད་པ་…

ཇོ་སྲས་སྟེ་སྔ་བུ་བཞི༏ གཙང་སྟོན་ཚུལ་སེང༌༏ ཏྲེ་བོ་དཀོན་མཆོག་དཔལ༏ རྡོ་རྗེ་ཤེས་རབ༏ སྒང་ལོ་ཙཱ་བ་སྟེ་ཕྱི་བུ་བཞི་སྟེ་ཡོངས་གྲགས་ཀྱི་བུ་ཆེན་རང་ཉིད་ཁོ་ནས་སྨིན་གྲོལ་དུ་མཛད་པ་རྣམས་དང༌། ལྷོ་ལ་ཡག་པ་བྱང་ཆུབ་དངོས་གྲུབ༏ དྭགས་པོ་འདུལ་བ་འཛིན་པ༏ འབྲི་ཁུང་གི་འཇིག་རྟེན་གསུམ་མགོན༏ སྟག་ལུང་གི་ཐང་པ་ཆེན་པོ༏ རྣ་ཕུའི་གླིང་ར…

པ་རྗེ། །ཞེས་ལོ་གཙང་དང༌། ཐུགས་དགོངས་མཁའ་ལྟར་དག་པའི་མཐའ་ཙ་པ། །ཐམས་ཅད་མཁྱེན་པར་རྩོད་མེད་གྲགས་ཆེན་པོ། །བདེ་གཤེགས་ཀུན་གྱི་དཔལ་ལྡན་རིན་པོ་ཆེ། །ཞེས་རྗེ་ཕག་གྲུ་པ་དང༌། གྲུབ་ཐོབ་ཀུན་གྱི་རྩོད་མེད་དབུ་སེའི་ཞབས། །གདུལ་དཀའ་འདུལ་མཛད་འགྲོ་མགོན་སྐྱེ་མེད་ཞང༌། །ཞེས་པས་ཚལ་མཚུར་གཉིས་བསྟན་པ་ཡིན་ལ། དེ་བཞིན་དུ། རས་ཆུང་…

གསུང་བྱ་བ་རྣམ་ཐར་ན་སྣང་ཞིང་དེའི་མགུར་ན་ཡང༌། སྲིན་པོ་སྒོ་བ་ལྷོ་པ་ཡིས། །མི་བསད་ནོར་ཁྱེར་མཐོང་ཙ་ན། །ངེད་བཙོན་དུ་མ་བཟུང་མཁར་རྗེ་ཆེ། །བཀའ་རྒྱུད་ཀྱི་བྱིན་རླབས་ཞུགས་པ་འདྲ། །འདི་ཡང་བླ་མ་རྗེ་ཡི་དྲིན། །ཞེས་བྱུང་ངོ༌། །ཉེ་གནས་འོད་བཞིའི་ན་མཁའ་འོད་ཀྱི་སྐྱེ་བ་རིམ་པར་བརྒྱུད་པ་ཤ་གྲགས་པ་སེང་གེ་ནས་བཟུང་སྟེ་ཞྭ་དམར་ཅོད…

དང་མཇལ། སར་སྙིང་གི་གདམས་ངག་མང་དུ་གསན། ཆུ་འདུས་སུ་རྗེ་སྒམ་པོ་པའི་སློབ་མ་གྲུབ་ཐོབ་དར་མ་ཤེས་རབ་བྱ་བ་རླུང་དབུ་མར་ཚུད་འོད་གསལ་ཁོར་ཡུག་དུ་གྱུར་པ་ཅིག་ལ་དབང་བྱིན་རླབས་ཞུས། ཏིང་ངེ་འཛིན་གྱི་ཡོན་ཏན་དུ་མ་བྱུང་ཡར་ལུངས་སུ་ཐུགས་སོ་མ་སོད་ནས་རང་ཡུལ་རྣ་བས་མི་ཐོས་པ་ཅིག་དུ་འགྲོ་དགོངས་ནས་གཡེ་དྭགས་ཀོང་པོ་བརྒྱུད་ནས་ཁམས་…

སྟག་གི་ཤུལ་ན་མཚོ་ཆུང་ཞིག་འདུག །བསྐོར་བ་བྱས་རྡེའུ་འགའ་བསྐྱུར་ནས་ཕྱིན་པས་ད་དུང་སོང་ཟེར་ཕྱིན་པས་མཚོ་མེད་པར་སྒོམ་ཆེན་ཞིག་འདུག་པའི་པང་པ་ན་སྔར་བསྐྱུར་པའི་རྡེའུ་ཡང་འདུག །དེས་ཀྱང་དེ་སྐད་ཟེར་བས་སློབ་མ་འདི་འདྲ་ན་བླ་མའི་ཡོན་ཏན་ལྟ་ཅི་སྨོས་སྙམ་ནས་དད་པ་དབང་མེད་དུ་སྐྱེས་སྟེ་གདམས་ངག་ཞུས་ནས་ལོ་བདུན་དབུ་སྔས་ལ་མི་འཇ…

གི་ཟེར་བཏང་བས་ཤིན་དུ་གྲང་བར་གྱུར་པའི་ཚེ་ཐོ་རེངས་ཀྱི་ཆ་ལ་རྗེ་དུས་མཁྱེན་ན་མཁའ་ལ་བྱོན་ནས་སྟག་དེལ་བ་ཁྱོད་ཀྱིས་སྔགས་ཆུང་འདི་འཁྱགས་རིར་མ་གསད་གསུངས་པས་ཁོང་གིས་ཏིང་ངེ་འཛིན་གློད་པ་ན་ཆུ་ཚན་གྱི་རྒྱུན་གྱིས་ཆབ་རོམ་ཐམས་ཅད་དུས་གཅིག་དུ་ཁྱེར་སྐད། དེར་དད་པ་ཆེར་སྐྱེས་ནས་བླ་མའི་ཞབས་ལ་གཏུགས་ཅེས་སྒྲོག་ཞིང་སྣང་ངོ༌། །དེ་ན…

གཞུ་ཅན་བཞི་ཁོང་གིས་དམིགས་པ་གར་གཏད་དུ་མདའ་གཞུ་ཝང་ཝང་བྱེད་པ་གཟིགས་པས་མཁན་པོ་དད་སྟེ་དབང་བསྐུར་ཚུར་ཞུས། སྤྱིར་ཡི་དམ་ཆོས་སྐྱོང་ཐམས་ཅད་ནམ་འདོད་དུ་གཟིགས། བྱ་བྱེད་ལེགས་ཉེས་ཐམས་ཅད་རྡོ་རྗེ་རྣལ་འབྱོར་མས་སྐུའི་རྣམ་འགྱུར་གྱིས་བརྡའི་ཚུལ་དུ་སྟོན། མཚུར་ཕུར་ཆོས་རྗེ་རིན་པོ་ཆེ་སྐུ་ཡལ་བ་མཁྱེན་སྟེ་གསོལ་འདེབས་མཛད། ཕྱ…

ཏུ་འཁྲུངས། དགུང་ལོ་ལྔ་ནས་འབྲི་ཀློག་མཁས་པར་མཁྱེན། དགུ་ནས་གཉན་ལྷ་ཁང་སྒང་པ་ལ་མ་རྒྱུད་གསན། བཅུ་བཞིའི་ཚེ་རྗེ་འགྲོ་མགོན་གྱི་སྙན་པ་གསན། མཚན་ཐོས་པས་ཏིང་ངེ་འཛིན་ཁྱད་པར་ཅན་སྐྱེས། བུད་མེད་དམར་མོ་བུད་མེད་མང་པོས་བསྐོར་བ་ཞིག་གིས་ཁྱོད་ཀྱི་བླ་མ་དྭགས་པོ་སྒོམ་ཆུང་གི་སྐྱེ་བ་འགྲོ་མགོན་རས་ཆེན་ཡིན་ཞེས་ལུང་བསྟན། དེ་ནས…

ཏན་ཅན་དུ་གྲགས་པས་སྙོམས་ཆུང་ཡིན་ཡང་གྲ་པ་སྟོང་གི་ནང་ན་ཀུན་གྱིས་བཀུར་ཞིང་བླ་མ་མཆོག་དུ་དགྱེས། ཡོན་སྒོམ་གྲགས་ཤེས་འབུལ་ཆེན་ཁྱེར་ནས་ཆོས་སྐྱོངས་གི་གཏོར་དབང་ཞུས་པའི་ཞར་ལ་ཞུས་པས་མ་མགོན་གཉིས་ཕྱག་བཞི་པ་དང་གསུམ་དུས་གཅིག་དུ་གཟིགས། བླ་མའི་ཞལ་ནས་ཆོས་སྐྱོངས་ལའང་གཏད་པ་མི་འདུག །ཡོན་སྒོམ་གྱིས་ཟས་ནོར་འདི་ཙམ་བཏང་བ་ལས་…

མཐའ་ཡས་པ་འཁྲུངས། རྩོལ་སྒྲུབ་མེད་པར་འཕྲིན་ལས་རྣམ་བཞི་གྲུབ། མི་དང་མི་མ་ཡིན་ཐམས་ཅད་འདུས། ལོངས་སྤྱོད་ཆར་ལྟར་དུ་བབ་སྙན་པས་ཕྱོགས་ཐམས་ཅད་དུ་ཁྱབ་སྟེ་གནས་དེར་ལོ་བཅུ་དྲུག་བཞུགས། དེ་དུས་ཀ་ཐོག་གཙང་སྟོན་པ་དེ་སྙན་པ་ཆེ་བས་མནལ་ལམ་གཏད་པ་ན་ལོངས་སྐུའི་ལྷ་ཚོགས་དང་ཁོང་གི་དབུ་ཐོག་ན་འཇའ་འོད་དང་ཧེ་རུ་ཀ་མང་པོ་གཟིགས་པས་ཆོ…

ཐམས་ཅད་ཀྱི་ངོ་བོ་དཔལ་ཀརྨ་པ་ནི་སྔོན་རྫོགས་ལྡན་གྱི་ཐ་མ་རྩོད་ལྡན་གྱི་དང་པོ་མང་བསྐུར་རྒྱལ་པོའི་དུས་རྡོ་རྗེ་འཆང་ཨིནྡྲ་བྷཱུ་ཏི་ཡེ་ཤེས་སྒྲིབ་པ་མེད་པའི་སྐུར་བསྟན་པའི་ཚེ་ཤཱཀྱའི་རིགས་མཐོང་ན་ཡིད་འོང་གི་མདུན་དུ་རྣལ་འབྱོར་ན་མཁའ་འོད་ཡེ་ཤེས་དབྱིངས་སུ་གྱུར། ཡང་སངས་རྒྱས་རབས་བདུན་གྱི་དྲུང་དུ་བཀའ་བསྒྲུབས་དགོངས་པ་རྫོག…

བཏུལ་བས་ད་ལྟ་འདུལ་སླ་བ་ཡིན། དེའི་ཚེ་ནུབ་ཕྱོགས་སུ་མགོན་པོ་ནག་པོ་ལ་དབང་བསྒྱུར་བའི་སྔགས་པ་ཅིག་དུ་གྱུར་ནས་མགོན་པོ་དངོས་སུ་གྲགས། ཡང་རྒྱ་གར་ནུབ་ཕྱོགས་སུ་རྣལ་འབྱོར་པ་སེང་གེ་ཡེ་ཤེས་ཅན་དུ་གྱུར་སྟེ་བརྟུལ་ཞུགས་ཀྱིས་འགྲོ་བ་བཏུལ། དེའི་ཚེ་ཉིད་ན་རྣལ་འབྱོར་མ་ཆང་ཚོང་མར་གྱུར་ནས་སྣང་སྲིད་དབང་གི་འཕྲིན་ལས་ཀྱིས་རྒྱལ་འ…

ཡང་རང་ངོ་ཅུང་ཟད་མ་རྟོགས་པ་རྗེ་སྤོང་བྲག་པས་ངོ་སྤྲད་སྟེ་སྔར་འདྲིས་ཀྱི་མི་དང་ཕྲད་པ་ལྟ་བུར་གྱུར། དེ་རིང་ན་མཁའ་དཔའ་བོ་མཁའ་འགྲོས་གང་བ་དང་ཁྱོད་འདུག་པའི་ཐད་ན་རྗེ་དུས་གསུམ་མཁྱེན་པ་ལ་སོགས་བཀའ་རྒྱུད་ཀྱི་བླ་མ་སྤྲིན་གཏིབས་པ་ལྟ་བུ་སྣང་སྟེ་ཁྱོད་ནི་ལས་ཅན་དུ་འདུག །ཁྱོད་དང་འཕྲད་ཕྱིན་དག་སྣང་ལ་ཟད་པ་མེད་གསུངས་ནས་དགུང་…

རྡོ་རྗེ་རྣལ་འབྱོར་མ། །རྒྱུད་རྣམས་ཀུན་གྱི་རྩ་བ་ཡིན། །ཞེས་གསུང་བ་གསན་པས་རྒྱུད་སྡེ་སྟོང་དང་བདུན་བརྒྱའི་སྒོ་ཕྱེར། ལུང་པ་དམར་པོ་ཡངས་ཤིང་ཆེ་བ་ཞིག་ན་ཆང་གི་རྒྱུན་ཆུ་བོ་དབྱར་འབྲུབ་པ་ལྟ་བུ་འབབ་པ་ལ་བུད་མེད་ཅིག་གིས་འདིའི་ཕུ་ལ་ཡར་སོང་དང་གང་ནས་འབབ་མཐོང་བར་འགྱུར་ལ་འདི་ནི་ཁྱོད་ཀྱི་ཡིན་སྟེ་ད་དུང་ཡུན་རིང་དུ་འབབ་པོ་ཟ…

རྩོལ་མེད་དུ་བཀྱེ་ནས་རྩེ་གཅིག་དུ་སྒོམ་དུ་བཅུག །ལྷ་སྲིན་སྡེ་བརྒྱད་བྲན་དུ་བཀོལ། མ་མགོན་ལྕམ་དྲལ་ཕོ་ཉར་བཀྱེ་སྟེ་རྒྱ་དང་འཇང་ཡན་ལ་ལམ་རྒྱ་དང་འཕྲིན་ལས་བཞི་དངོས་སུ་མཛད། དགོ་རིག་དུ་སྨྱོ་བ་བཏུལ་སྟེ་གཏོར་མ་ཆེན་པོ་མི་བཞིས་མི་ཐེག་པ་ཕྱག་གཅིག་གིས་འཕངས། ཡབ་ལེགས་ལྡན་ནག་པོས་ས་སྨད་ལྷ་དམག་གིས་བཀང་སྟེ་ཙནྡ་ནའི་བེང་གིས། …

ཟེར་བཀྱེ་བ་ཡིན་གྱིས་ད་ཕྱིན་ཡིག་དྲུག་གིས་འཕྲིན་ལས་དཔག་མེད་འབྱུང༌། ཕྱོགས་རིས་མེད་པར་སྟོན་ཞིག་གསུང་བ་གསན། དེ་ཕྱིན་སྒྲུབ་ཐབས་ཀྱི་མཇུག་དུ་དབང་མ་ཐོབ་པ་དང་སློབ་དཔོན་གྱིས་ཆོས་མ་རྫོགས་པར་ཉམས་སུ་ལེན་པ་རྣམས་ཀྱང་འཕྲིན་ལས་ཐུགས་རྗེ་ཆེན་པོ་དང་མཉམ་པར་གྱུར་ཅིག་ཞེས་འབྲི་བར་མཛད་སྟེ། གྲུབ་ཐོབ་ཆེན་པོའི་ལུགས་ཀྱི་ཐུགས་…

ཞིང་སྔོན་ལ་ཐལ། ལམ་ཅུང་ཟད་ནོར་ཚེ་མགོན་པོ་ལ་དྲག་དུ་བོས་པས་མགོན་པོའི་ལྷ་དམག་འབུམ་སྡེས་སྣ་དྲངས་པ་ཕལ་ཆེར་གྱིས་མཐོང༌། འབྲི་གུང་ཐིལ་བས་གུས་པར་བྱས། སྐྱི་ཤོད་དུ་ཇོ་བོ་རྗེ་དང་འཕན་ཡུལ་རག་མར་དམ་པ་རྒྱ་གར་དཔག་མེད་གཟིགས་སྟེ་དེ་དག་གི་འཕྲིན་ལས་ཀྱི་རྒྱུན་ཡོད་པར་དགོངས། ལྷ་སར་ཇོ་བོ་ལས་འོད་ཟེར་བྱུང་བ་སྐུ་ལ་མངོན་སུམ་…

གཙང་དུ་བསྟན་པ་དར་བར་མཁྱེན། ཚོང་འདུས་འགུར་མོ་སོགས་སུ་འགྲོ་མང་སྨིན་གྲོལ་དུ་མཛད། བཙན་བྲག་དུ་རྒྱ་གར་གྱི་མཁའ་འགྲོ་མ་དཔག་མེད་བྱུང་སྟེ་དོ་ནུབ་གནས་མང་པོ་ཚོགས་ཀྱི་འཁོར་ལོ་ཡོད་པས་ཚོགས་གཙོ་བོ་ལ་འབྱོན་པར་ཞུ་ཟེར་སྟེ། ཀརྟི་ཀ་ཨོ་རྒྱན། ཧ་ཧ་སྒྲོག་པ། དཔལ་གྱི་རི་སོགས་གནས་མང་པོར་དུས་གཅིག་དུ་སྐུའི་བཀོད་པས་གྲུབ་ཐོབ་མང…