ༀ་སྭ་སྟི། མ་ལུས་རྒྱལ་བ་ཀུན་གྱི་ཡབ་གྱུར་པ། །རང་སྣང་ཡེ་ཤེས་སྐུ་དང་ཞིང་ཁམས་ལ། །དབང་བསྒྱུར་རྡོ་རྗེ་འཆང་གི་ཞབས་པདྨོ། །བྱང་ཆུབ་སྙིང་པོའི་བར་དུ་རྟག་པར་མཆོད། །ཕྲ་རགས་རྟོག་ཚོགས་དབྱིངས་སུ་ཐིམ་པ་ཡི། །ཡོན་ཏན་གྲུབ་པ་མཆོག་བརྙེས་ཏི་ལི་པ། །དཀའ་ཐུབ་མཐར་ཕྱིན་པཎ་ཆེན་ནཱ་རོ་དང་། །དགྱེས་མཛད་རྡོ་རྗེ་དངོས་སྣང་ལོ་ཙཱ་ཆེ། །གྲ…

མ་རྣམས་སྤྲིན་བཞིན་ངང་གིས་འདུ་བ་རྟོགས་ལྡན་སློབ་བརྒྱུད་ཆུ་བོའི་རྒྱུན་ལྟར་འབྱུང་བའི་བསྟི་གནས་ག་ལ་བ་དེར། ༧ ཐུབ་བསྟན་ཆོས་ཀྱི་འཁོར་ལོ་གསང་སྔགས་དགའ་ཚལ་གླིང་ཞེས་རྒྱལ་བ་ཡབ་སྲས་རྣམས་ཀྱིས་ཆགས་བཅགས་ཤིང་། ངེས་དོན་རིང་ལུགས་ཀྱི་སྲོལ་བཏོད་པའི་གདན་ས་མཆོག་ལ་སླར་ཡང་སྙིང་པོའི་བསྟན་པ་སྒྲུབ་པ་དང་། བསྟན་འགྲོར་ཕན་བདེའི་སྒོ…

བདག་ངང་ཚུལ་བཟང་པོའི་རང་བཞིན་དང་ལྡན་པ་གང་དེས། སྒྱུ་མའི་ནོར་ལ་སྙིང་པོ་ལེན་ཕྱིར་དངོས་པོའི་བདོག་པ་ལོངས་སྤྱོད་ཀྱི་བཏང་བ་ཕུན་སུམ་ཚོགས་པ་གཞན་དྲིང་མི་འཇོག་པའི་དཔལ་ལས་ཉེ་བར་གྲུབ་པའི་གཙུག་ལག་དྲི་གཙང་ཁང་དང་། གཞན་ཡང་དབེན་ཁང་འགའ་ཞིག་དང་བཅས་བཀོད་ལེགས་ཁྱད་པར་འཕགས་པ་མངོན་པར་འདུ་བྱས་ཤིང་། དེའི་ནང་རྟེན་དུ་རྒྱལ་བའི་སྐ…

ཀུན་ནས་ཀྱང་ཡོན་སྦྱོར་བ་བཅས་དེང་ནས་བཟུང་ཇི་སྲིད་གནས་ཀྱི་བར་དུ་སྒྲུབ་པའི་གྲྭ་སྡེ་བཙུགས་པའི་ལེགས་བྱས་ཀྱི་རང་གཟུགས་བསྟར་པ་ལ་རེ་ཞིག་སྤང་བླང་གི་ཚུལ་རྣམས་མདོར་བསྡུས་ཏེ་བཅའ་ཡིག་བཀོད་པ་ལ། དེ་ཡང་རང་རེ་རྣམས་སྔོན་བསགས་དགེ་བའི་གོམས་སྟོབས་ཀྱིས་སྐྱེ་དཀའ་བ་ལྷོ་རྒྱལ་འཛམ་བུའི་གླིང་དུ་སྐྱེས་ཤིང་། དལ་འབྱོར་བཅོ་བརྒྱད་དང…

སྤངས་ཏེ། བྱམས་དང་སྙིང་རྗེའི་ངང་ལ་རྟག་པར་གནས་བཞིན། དང་པོར་གཞི་སྡོམ་པ་གསུམ་གྱི་སྒོར་ཞུགས་ནས་དེ་དག་གི་བསླབ་པ་དང་ལྡན་པར་བྱས་ནས། ལམ་བསྐྱེད་རྫོགས་ཀྱི་ཉམས་ལེན་ལ་རྟག་འགྲུས་ཀྱི་རྐང་ཚུགས་པའི། ཕྱག་རྒྱ་ཆེན་པོའི་སྔོན་འགྲོ་དངོས་གཞི་རྗེས་ཀྱི་རིམ་པ་རྣམས་དང་། ཁྱད་པར་ཟབ་ལམ་ནཱ་རོ་ཆོས་དྲུག་ཅེས་རྡོ་རྗེ་འཆང་ནས་རྩ་བའི་བླ་…

ལ་ཐུན་དྲུག་གམ་བཞིར་བཅད་པའི། ༧ རྗེ་རས་པ་ཆེན་པོའི་ཞལ་ནས། ནམ་གུང་རྗེ་ལ་གསོལ་བ་ཐོབ། །ཐོ་རངས་སྲོག་རྩོལ་རླུང་ལ་འབད། །ནམ་ལངས་དུག་ལྔའི་བཤགས་པ་གྱིས། །ཉི་ཤར་སྣང་བ་རྒྱ་ཡིས་ཐོབ། །ཉིན་གུང་ཆོས་སྤྱོད་དགེ་ལ་འབུངས། །དགོང་མོར་སྨོན་ལམ་རྒྱས་འདེབས་བྱ། །ཞེས་གསུངས་པ་ལྟར་ཡིད་ལ་ཅི་འགྲོར་བྱེད་ནས་ཐོར་ཐུན་གཏི་མུག་གཉིད་བསླང་གི་…

ཉམས་ལེན་སྐྱོང་བ་སོགས་ནན་ཏན་དང་། ཉལ་ཁར་གཅོད་ཀྱི་ལུས་སྦྱིན་དམིགས་པ་དང་ལྡན་པས། བདག་འཛིན་བློས་བཏང་ཕུང་པོ་གཟན་དུ་བསྐྱུར། །དབྱིངས་རིག་བསྲེ་ཞིང་སེམས་ཀྱི་གཞི་རྩ་བཅད། །ཅེས་པ་ལྟར་འབད་ཅིང་། དེ་ནས་ཉལ་བའི་རྣལ་འབྱོར་དང་། འོད་གསལ་ལྡང་འཇུག་སོགས་ཀྱི་ཉམས་ལེན་དང་མ་བྲལ་བར་བྱ་བ་སྟེ་དེ་རྣམས་འཕྲལ་དགོས་ཀྱི་སྐོར་རྣམས་སོ། །ཐ…

ཀུན་ཏུ་ཆུ་བོའི་རྒྱུན་བཞིན་དྲན་རྫི་བརྟན་པོའི་ངང་ནས་རིག་པའི་རང་ངོ་འཁྲུལ་མེད་ཡེངས་མེད་ཀྱི་ངང་ནས་གནས་ལུགས་ཀྱི་དོན་ལ་མཉམ་པར་བཞག་པ་སོགས་ཁྲིད་ཆེན་རྣམས་ཀྱི་དགོངས་པ་ཇི་བཞིན་ཉམས་སུ་ལེན་པར་བྱ་བ་ནི་གདམས་པའི་ཡང་སྙིང་བླ་ན་མེད་པའོ། །སྨྲས་པ། སྔོན་བྱོན་རྟོགས་པ་དོན་གྱི་ཡེ་ཤེས་ལ། །མངའ་བརྙེས་གྲུབ་པ་མཆོག་གི་སྲོལ་བཟང་པོ།…

མགོན་ཁང་ཆེན་མོའི་སྒྲུབ་པ་རྣམས་ཀྱི་འདོན་སྒྲིག་དང་བཅའ་ཡིག་ཡོད། ༀ་སྭསྟི་སིདྡྷཾ། སྣང་སྲིད་ཟིལ་གནོན་པདྨ་སཾ་བྷ་ཝ། །དབྱེར་མེད་གྲུབ་ཆེན་ཀརྨ་པཀྴི་དང་། །བསྟན་སྲུང་རྡོ་རྗེ་བེར་ཅན་ལྕམ་དྲལ་ལ། །གུས་པས་འདུད་དོ་བྱང་ཆུབ་བར་དུ་སྐྱོངས། །ཞེས་ཆེད་དུ་བརྗོད་ནས། མགོན་ཁང་ཆེན་མོ་བདུད་དཔུང་ཟིལ་ནོན་གྱི་སྒྲུབ་པའི་རྣལ་འབྱོར་པ་རྣམ…

ཆ་གསར་བཀོད་ནང་འགགས་འདུས་རྩིས་ཀྱིས་དེ་ཙམ་བྱ། སྔ་དྲོའི་ཐུན་ལ། མཚལ་མ་གཞུང་བཞིན། མཆོད་པ་བྱིན་རླབས། ཚོགས་དང་། གསང་སྔགས་ནང་གཏོར། ལྷ་ཆེན་དཔལ་བར་སྔགས་རིང་མཐར། རྡོ་རྗེ་འཆང་དངོས་མ་ཡབ་ཡུམ། བཅོ་ལྔ་ཉིན་རྣམ་སྲས་རྒྱས་པ། རྒྱུན་པར་རྣམ་སྲས་དང་སྔགས་བདག་གཏོར་འབུལ་བསྡུས་པ་རེ། དམ་ཅན་རྒྱས་པ། སྲིན་མགོན་བསྡུས་པ། ཞིང་སྐྱོང་ར…

བསྙེན་པ་བཅས། དགུག་གཞུག །འདས་བྱོན་མ་ཡབ་ཡུམ་བསྐུལ་དང་གཏེར་སར་སོགས། གཏོར་མ་ཡར་འབུལ། ཐུན་གྲོལ། གཞན་གྱི་གསོལ་ཀ་སོགས་དམིགས་བསལ་དགོས་ན་བྱ། དགོང་ཐུན་ལ། མཚལ་མ་དང་། མཆོད་པ་བྱིན་རླབས་འདོན། ཚོགས་མི་དགོས། གསང་སྔགས་ནང་གཏོར། ལྷ་ཆེན་སྔགས་རིང་མཐར། ཕྱག་བཞི་ཡབ་ཡུམ་དང་། རྣམ་སྲས། སྔགས་བདག། དམ་ཅན། སྲིན་མགོན། ཞིང་སྐྱོང་། …

པའི་གཟུངས་༣ དང་། བར་ཆད་སེལ་གཟུངས། ༣ སྨོན་ལམ་བཀྲ་ཤིས་དང་བཅས་བྱའོ། །ཉེར་དགུའི་དུས་གཏོར་རྒྱས་པ་ལ་ཚོགས་ཆེན་སྲོལ་བཞིན་ཕྱོགས་མཚུངས་དགོས་པའི། ཐོར་ཐུན་སྐབས་ཉིན་ལྟར་དང་འདྲ་ཞིང་། སྔ་ཐུན་ལ་མངོན་རྟོགས་རྒྱས་པ་ནས་གཞུང་བཞིན་གྱི་འཁོར་ལྔ་རྣམས་དང་། མཁར་ནག །ཨ་ཕྱི་རྒྱས་པ་ནས་དཀྱུས་ལྟར་གཞི་བདག་དཀར་གཏོར་བཅས་དང་། བསྟོད་པ་ར…

སོགས་གཞུང་བཞིན། དངོས་གྲུབ་ལེན་ཆོག་དང་བཀྲ་ཤིས་བཅས། དེ་ནས། ཕག་མོའི་ཚོགས་བྱིན་རླབས་བཏོན་ལ་བླ་མ་ཡི་དམ་སྤྱན་འདྲེན་གཞུང་ལྟར་དང་། རིགས་ལྔ་མཁའ་འགྲོ་བསྡུ་ཚིག་བྱེད། དེ་ཕྱིན་དཀྱུས་ལྟར་ཚོགས་ཕུད་འབུལ། ཚོགས་རོལ་དང་ཞབས་བརྟན་འདོན། ལྷག་མ་དང་རྗེས་ཆོག་བཀྲ་ཤིས་སོགས་མཐའ་རྒྱས་བྱའོ། །གནམ་གང་ཉིན་རྒྱུན་གྱི་འདོན་འགྲིགས་ཇི་ལྟ…

མཚམས་བསྡམ་ཞིང་། ཆ་གསུམ་བཏང་ལ་ཐོ་བསླང་། བསམ་འགྲུབ་མ་འདོན། དེ་ནས། མཚལ་མ་བསྡུས་པ་ཉིན་བཞིན་དགོང་ཐུན་དང་ཕྱོགས་མཚུངས་ལ་ཁྱད་པར་བྲག་བཙན་བསྡུས་པ་དང་། གཞན་རྣམས་དཀྱུས་ལྟར། བསྙེན་པ་དང་། འགུག་གཞུག ༣ །མ་དག་མ། གང་ཞིག་མའི་མཐར་ཐུན་གཏོར་ཕྱིར་ཕུལ། དམ་ཞིང་བསྐུལ་པ་མི་འདོན། གར་ཟློག་ལ་སོགས་གཞུང་ལྟར་བྱ། ཕྱི་ཉིན་ཐོར་ཐུན་ལ། …

གྱི་དོན་ལ་དམིགས་པའི་བསྙེན་སྒྲུབ་ལས་གསུམ་སོགས་ལུས་དང་ངག་ཡིད་དགེ་ལ་བསྐུལ་བའི་སྒོ་ནས་བསྐྱེད་རྫོགས་ཀྱི་ཉམས་ལེན་གཙོར་བཏོན་པའི་ལྷ་བསྒོམ་སྔགས་བཟླས་གདོན་བྱའི་གོ་རིམ་རྣམས་དང་། ཌཱ་དྲིལ། རོལ་མོ་རྔ་ཚིག། རྐང་གླིང་བཏང་ལགས། གཏོར་མ་དང་མཆོད་པ་རྣམས་བཤམ་བཀོད་གསོ་བྲན་འབུལ་བ་ལ་སོགས་ཕྱག་ལེན་མཐོང་བ་བརྒྱུད་པའི་ཞལ་རྒྱུན་ཇི་…

པར་བཞག་པའི་དགེ་དེས་རྒྱལ་བསྟན་དར་ཞིང་བསྟན་འཛིན་མཆོག་རྣམས་ཞབས་པད་བརྟན་པ་དང་། དགེ་འདུན་གྱི་སྡེ་རྒྱས་ཞིང་ལྷག་པར་དེ་ཉིད་ས་དང་ལམ་གྱི་ཡེ་ཤེས་ཡོན་ཏན་མཐའ་དག་ཡོངས་སུ་རྫོགས་ནས་ཀུན་བཟང་འོད་མི་འགྱུར་དང་དབྱེར་མེད་མངོན་བྱང་ཆུབ་ཅིང་། མ་གྱུར་འགྲོ་རྣམས་རྫོགས་སངས་རྒྱས་ཀྱི་གོ་འཕང་ཐོབ་པའི་ཕྱིར་དུ་ཡོངས་སུ་བསྔོ་བས་དེ་བཞིན…

བོད་དང་བོད་ཆེན་ལྗོངས་རྣམས་སུ། །བསྟན་དང་བསྟན་འཛིན་མཆོག་རྣམས་ལ། །བསྙེན་བཀུར་མཆོད་སྤྲིན་འབུལ་བའི་ཐོ། །པུཎྜ་རཱི་ཀའི་ཕྲེང་འདིར་གསལ། །

ཨངྒི་ར་ཞེས་ཆུ་སྤྲེལ་ལོར། །བོད་ཡུལ་དབུས་གྱི་རྒྱལ་རྣམས་ལ། །དངོས་འབུལ་ཐོ་ཡིག་ཚིགས་བཅད་ཕྲེང་། །བཀོད་རྣམས་འདི་ན་གསལ་བར་བྱ། །དེ་ཡང་དང་པོ་སྐྱབས་མཆོག་རྒྱལ་དབང་རིན་པོ་ཆེའི་ཞབས་དྲུང་དུ་ཕུལ་བ་ནི། ༀ་སྭ་སྟི་ཛ་ཡནྟུ། མཐའ་ཡས་སྲིད་པར་ཕྲིན་ལས་རྒྱ་མཚོ་ཡི། །ཐུགས་རྗེ་ཆེན་པོའི་རླབས་ཕྲེང་གཡོ་བ་ཅན། །མི་བཟད་སྙིང་རྗེའི་རྣམ་པ…

ནོར་བུས་མངོན་བཏུད་པའི། །བསྔགས་འོས་ཕྱག་བྱར་གྱུར་པ་གང་དྲུང་དུ། །ཕུན་སུམ་ཚོགས་པའི་རབ་དགེའི་དུས་ཀྱི་ཆར། །གུས་པས་ཡིད་ཀྱི་དང་བ་བསྐྱེད་བཞིན་དུ། །ལུས་ཀྱི་གནས་ལྔ་ས་ལ་རེག་ནས་སུ། །ངག་གི་སྡེབ་ལེགས་ལྷ་ཡི་རོལ་མོ་བཀྲོལ། །ཀ་མ་ལ་ཡི་ཆར་ཆེན་ཕྱོགས་ཀུན་ཏུ། །འཐོར་བར་བྱས་ནས་མགོན་པོ་ཁྱོད་ཉིད་ཀྱི། །གསང་གསུམ་རྣམ་ཐར་རིག་པའི་ཨ…