ཀྱིས་མེ་བཞིན་རྒྱུ་མཚན་མཚོན་ནུས་སོ། །སྤྱིར་སི་ཏུའི་སྐུ་ཕྲེང་རྣམས་བྱམས་པ་མགོན་པོའི་རྣམ་འཕྲུལ་ནི་ཡོངས་གྲགས་ལྟར་ལ། འཕགས་ཡུལ་གྱི་གྲུབ་པའི་དབང་ཕྱུག་ཌོམྦྷི་ཧེ་རུ་ཀ །བོད་ཡུལ་དུ་མར་པ་ལོ་ཙཱ་སོགས་དང་། དགོངས་འདུས་བཀའ་རྒྱ་མ་ལས། ཨོ་རྒྱན་ཆེན་པོ་པདྨའི་རྣམ་རོལ་ཆོས་ཀྱི་སྤྱན་ཅན་དྲུག་དང་། པདྨའི་ལྗགས་ལྡན་དྲུག་འབྲེལ་ཆགས་ས…

རི་ཁྲོད་དུ་སྒྲོལ་དཀར་ལྗགས་བསྙེན་མཛད་སྐབས་སྒྲོལ་དཀར་གྱི་ཞལ་གཟིགས། དཔལ་སྤུངས་དགུ་གཏོར་གྱི་གྲལ་དབུར་བྱོན་ནས་མགོན་པོའི་གདན་འབུལ་སྐབས་ཤིག་མགོན་པོ་བེར་ནག་གསལ་བར་མཇལ་རྒྱུ་དང་དཔལ་འཁོར་ལོ་བདེ་མཆོག་གི་སྐུ་གཟུགས་ཤིན་ཏུ་ཆེ་བ་གསལ་བར་མཇལ་རྒྱུ་བྱུང་འདུག་པ་སོགས་ནི་ཆ་ཤས་ཙམ་མོ། །ཙཱ་རི་རྩེ་སྐོར་ལ་ཕེབས་དུས་ས་རྡོ་རི་བྲག…

བསོད་ནམས་མགོན་པོ། ཆོས་རྒྱལ་བསྟན་པ་ཚེ་རིང་། ཆོས་རྒྱལ་ཤཱཀྱ་རྒྱལ་མཚན་སྐུ་མཆེད་ཡབ་སྲས་རྣམས་དང་། རྡོ་སྟོད་སྨད་ཀྱི་དཔོན་ལ་སོགས་པའོ། །ཆོས་ཀྱི་འབྱུང་གནས་ཀྱི་སྤྲུལ་པའི་སྐུ་དེ་མ་ཐག་པ་སི་ཏུ་དགུ་པ་རྗེ་པདྨ་ཉིན་བྱེད་དབང་པོ་ཞེས་མཚན་ཡོངས་སུ་གྲགས་པ་དེ་ཉིད་ཀྱི་ཕྱི་ནང་གསང་བའི་རྣམ་པར་ཐར་པ་ནི་བསམ་གྱིས་མི་ཁྱབ་ཀྱང་། རྣམ་ཐ…

གོང་མའི་ཞལ་ཆེ མས་དང་ཡང་མཐུན་པར་ཡིད་ལྷུང་འབྲོག་སྡེའི་ནང་དུ་ངོ་མཚར་བའི་ལྟས་དང་བཅས་ཏེ་འཁྲུངས། ཞྭ་དམར་ཆོས་འགྲུབ་རྒྱ་མཚོས་ཁྲི་འདོན་སོགས་གནང་། དགོངས་འདུས་ལུང་བྱང་ཆོས་འབྱུང་ཡན་ཆོས་ཀྱི་སྤྱན་ཅན་དྲུག་རྫོགས་ནས། རྗེ་འདི་ཉིད་པདྨའི་ལྗགས་ལྡན་དང་པོར་ངེས་པས་པདྨ་དབང་ཆེན་ཞེས་པའི་མཚན་དང་དཔའ་བོས་ཀྱང་དག་སྣང་དུ་དེ་བཞིན་གས…

དང་། འབྲི་འབྲུག་སྟག་ལུང་ཤངས་པ་ཞི་བྱེད་བཀའ་གདམས་སྐོར། རྙིང་མ་བཀའ་གཏེར་གྱི་ཆོས་རྒྱུན་ཕལ་ཆེ་བ་སོགས་གྲུབ་མཐའ་རིས་མེད་ཀྱི་ཆོས་ལུགས་ཀུན་ལ་གསན་བསམ་རྒྱ་ཆེར་མཛད། ཁྱད་པར་སྡོམ་པ་གསུམ་གྱི་བཅས་ཁྲིམས་ཕྲ་མོ་ཙམ་ལས་ཀྱང་ནམ་ཡང་མི་འདའ་བའི་སྐུ་བཙུན་པའི་མཆོག་ཏུ་གྱུར། སྐྱེས་ཐོབ་ཀྱི་ཡོན་ཏན་འབད་མེད་དུ་སད་པའི་དབང་གིས་རིག་གནས…

ཕྱོགས་སུ་ལན་གསུམ་བཞུད། གཞི་བྱེས་ཀུན་ཏུ་ཕྱོགས་འདུས་བགྲང་དུ་མི་ལངས་པ་ལ། རྟག་པར་ཆོས་ཀྱི་འཁོར་ལོ་རྒྱ་ཆེན་བསྐོར་བས་དུས་འདའ་བར་མཛད། སྟོད་མངའ་རིས་ནས་འཇང་རྒྱ་མཚམས་ཡན། རྡོ་སོག་ཚུན་བཀའ་བརྒྱུད་ཀྱི་བསྟན་པ་གང་མཆིས་ཉམས་པ་སོར་ཆུད། མ་ཉམས་གོང་འཕེལ་ཐོག །དགོན་སྡེ་གསར་བསྐྲུན་འགའ་ཞིག་དང་། དེ་དག་རྣམས་སུ་དབང་ལུང་ཁྲིད་གསུམ…

རིས་སུ་བཀོད་རྒྱུའི་སྤྲོས་པ་ཆེད་གཏད་མཛད་སྲོལ་མེད་འདྲ་སྟེ་མདོར་ན་བློ་ཡི་རྭ་བ་ལས་འདས་པ་ལྟ་བུའོ། །སྤྱིར་རྒྱུན་དུ་རྟེན་བཞེངས་རྒྱ་ཆེ་ཁོར་མོ་ཡུག་ཏུ་མཛད་རིགས་རྣམས་ཀར་དགོན་བརྒྱ་དང་བརྒྱད་ཅུ་ཞེས་གྲགས་པའི་དགོན་ཁག་ལ་སོགས་པ་རྣམས་སུ་ཆེད་དུ་གནང་རྒྱུའི་སྤྲོས་པ་ལས་གདན་ས་འདིར་དགོས་འོས་གལ་ཆེ་འགའ་ཞིག་ལས་དམིགས་བསལ་རྒྱ་ཆེ…

ཙམ་གྱི་ཚུལ་བསྟན། ཐུན་བཞི་བཅད་ཁྲིགས་ནམ་ཡང་ཐང་ལྷོད་མེད་ཅིང་། མཚན་མོར་ཡང་ཅུང་ཟད་རེ་མནལ་བ་ལས་ཕལ་ཆེར་གཉིད་སྤང་གི་བརྟུལ་ཞུགས་འཛིན་པ་སོགས་གདོད་ནས་སངས་རྒྱས་ཀྱང་ལམ་སྦྱོང་བའི་ཚུལ་སྟོན་གྱི་རིམ་པ་ཡང་དཔེ་ལས་འདས་པའི་ཐུགས་བརྩོན་གནང་ཞིང་། ཕྱིས་སུ་རྗེས་འཇུག་གདུལ་བྱ་རྣམས་མིག་ལྟོས་འདྲེན་སླད་དགུང་ལོ་རེ་གཅིག་ནས་བརྒྱད་ཅུ…

རིན་པོ་ཆེ་ཡོན་ཏན་རྒྱ་མཚོ་གཉིས་ཡིན་ལ། དེ་མཚུངས་ཀུན་གཟིགས་འཇམ་དབྱངས་མཁྱེན་བརྩེའི་དབང་པོ་ལ་ཕྱག་ཆེན་ཆོས་དྲུག་སོགས་སྨིན་གྲོལ་ཅི་རིགས་པ་གནང་། ཐུགས་གཏད་ཤིན་ཏུ་ཆེ། དོན་བརྒྱུད་བྱིན་གྱིས་བརླབས་པར་ཞལ་གྱིས་བཞེས། ཐུགས་སྲས་ཀྱི་མཆོག་ཏུ་གྱུར། གཏེར་རྙིང་སྐོར་འཆད་སྤེལ་དང་། ཕྱོགས་བསྡུ་བྱུང་ན་ལེགས་ཚུལ་བཀའ་ཕེབས་པའང་རིན་…

འབུར་དུ་དོད་པ་རྫུ་འཕྲུལ་གྱིས་རང་བྱོན་དུ་བརྐོས་པ་ཞིག་ད་ལྟ་སྒྲུབ་ཁང་གི་རྟེན་སྒམ་དུ་མཇལ་རྒྱུ་ཡོད་པ་སོགས་ཐུན་མོང་གི་སྤྱོད་ཡུལ་དུ་དེ་འདྲ་འགའ་ཞིག་བསྟན། ལྷག་པར་གཞན་སེམས་མཁྱེན་པ་སོགས་ཟག་མེད་ཀྱི་མངོན་ཤེས་ནི་སངས་རྒྱས་ལྟ་བུ་མཉམ་རྗེས་དབྱེ་བ་མེད་པར་རྒྱུན་ལྡན་མངའ་བ་ཡོངས་སུ་གྲགས་ཤིང་། སྤྲུལ་སྐུ་ངོས་འཛིན་གནང་རིགས་ར…

རང་བྱོན་དུ་ཕེབས་པ་སོགས་ངོ་མཚར་དུ་མ་མངའ་བའི་འཕགས་ཆེན་དམ་པ་ཉིད་དོ་ཞེས་འཇམ་མགོན་རིན་པོ་ཆེས་ཡི་གེར་བཀོད་པའི་ཕྱག་བྲིས་ངོ་མ་མཇལ་དུ་བྱུང་བ་སོགས་ཡ་མཚན་མཐའ་ཡས་པ་ལགས་སོ། །རྗེ་འདི་ཉིད་ཀྱི་གཅུང་དཔའ་བོ་བརྒྱད་པ་སྟེ། ཟབ་གཏེར་སོགས་ཀྱི་བཀའ་བབས་ཤིང་དམ་པའི་སྐྱེས་བུ་འགྲན་ཟླ་བྲལ་བ་ཞིག་བཞུགས་པར་གྲགས་སོ། །རྗེ་པདྨ་ཉིན་བྱེད…

སོགས་ངོ་མཚར་བའི་ཡོན་ཏན་དུ་མ་མངའ། གཏེར་ཆེན་མཆོག་གླིང་གི་ཡེལ་ཕུག་ནམ་མཁའ་མཛོད་ཀྱི་ཆོས་སྡེ་ལས་ཀྱང་། ཐང་གི་ལྷ་ལ་གནམ་གྱི་མཚོ་ཡོད་པར། །ང་ཡི་སྤྲུལ་པ་ས་མནྟ་བྷ་དྲ། །ཤིང་ཕག་ལོ་ལ་འགྲོ་བའི་དོན་བྱེད་འབྱུང་། །ཞེས་སོགས་ཀྱི་ལུང་བྱང་དང་ཡང་ཇི་ལྟ་བ་བཞིན་དུ་འགྲིགས་པར་གྱུར་ནས་ཀུན་ཀྱང་ཡིད་ཆེས་ཀྱི་ཕུལ་དུ་གྱུར། རྗེ་ཉིད་སྐུ་…

མཛོད། རིན་ཆེན་གཏེར་མཛོད་སོགས་ཤིན་ཏུ་རྒྱ་ཆེན་དང་། ཀུན་གཟིགས་མཁྱེན་བརྩེའི་མདུན་ནས་དེ་བཞིན་དབང་ལུང་ཁྲིད་སོགས་མང་དུ་གསན། རིགས་བདག་གི་བླ་མ་མང་དུ་བསྟེན་ཀྱང་། གཙོ་བོར་ཀརྨ་པ་དང་འཇམ་མགོན་རྣམ་གཉིས་རྩ་བའི་བླ་མར་འཛིན། དགོན་འདིའི་ཚོགས་སྒོ་སྔར་ཡོད་དང་། གསར་སྤྲོས་ཀྱི་རིམ་པ། བཅའ་ཁྲིམས། སྒྲིག་ལམ་སྐོར་ཡར་འཕེལ་ཚགས་ཚུད…

རིགས་ཐམས་ཅད་ཐོག་ཏུ་མ་ཁེལ་བ་གཅིག་ཀྱང་མེད་པས་ཀུན་གྱིས་ཡིད་ཆེས་ཚད་མར་འཛིན་པར་གྱུར། སྐུ་ཤིན་ཏུ་ཆུང་ངུའི་དུས་བླ་བྲང་དུ་བཞུགས་ཡོད་པའི་ཉིན་གུང་ཞིག་ལ་རི་ཁྲོད་རྒྱབ་རིའི་ཕྱོགས་ནས་འཇམ་མགོན་རིན་པོ་ཆེ་བྱོན་པ་ཆིབ་བརྡབ་ཕོག་པ་དེ་འཕྲལ་དུ་མཁྱེན་ནས་སྐྲག་དངངས་ཤོར་ཏེ་སྐྱབས་གསོལ་མཛད་པ་དེ་ཉིན་ཁོང་ལ་བར་ཆད་ཆེ་བ་ཞིག་ཡོད་འདུག…

གཞན་མཚུངས་མེད་པའི་རྗེས་རྣམས་དང་། ཁྱད་པར་ཆིབས་པའི་རྗེས་འདི་འདྲ་ཤིན་ཏུ་དཀའ་བས་ངོ་མཚར་མཆོག་ཏུ་ཆེ་སྟེ་ཨོ་རྒྱན་རིན་པོ་ཆེ་དངོས་ཡིན་འདུག་ཅེས་ཐུགས་ཡིད་འཕྲོག་པའི་གསུང་དངོས་སུ་ཐོས་ཚུལ་གྲྭ་སློབ་འགའ་ཞིག་གི་ཁ་ནས་བཤད་རྒྱུ་འདུག །འདན་ཁོགས་ཕྱོགས་ནས་འབྲི་ཆུ་ཆེན་མོར་ཆིབས་བཅིབས་པ་དང་བཅས་སྐུ་སྟོད་མན་ནུབ་ཙམ་ཐོལ་བྱུང་གིས་…

བས་དེ་ཉིན་རྒྱལ་རོང་ཤུ་བྷམ་དགོན་པའི་བསྟན་པ་ལ་ཕན་ཐོགས་དཔེ་ཟླ་བྲལ་བ་ཅན་ཁྲོ་ཆུ་རྒྱལ་པོའི་སྲས་བླ་མ་ཉིད་དགོན་པར་གཟིགས་རྟོག་ཕྱོགས་ལྷུང་ཆེ་བར་མ་བཟོད་ནས་སྤུན་ཡ་དཔོན་སྐྱ་ནག་ཕྱོགས་ཅན་ནས་ནང་དམེ་བྱས་ཏེ་བསད་སོང་བ་ཡིན་རྒྱུ་དང་། ཁོ་རང་ཡང་དེ་འཕྲལ་དུ་རྐྱེན་ལམ་སོང་བ་ཡིན་ཚུལ་སོགས་ཀྱི་གླེང་གཞི་བཅས། སྤྱིར་གར་བྱོན་ཐམས་ཅད་…

རིགས་ཀྱིས་གཙོས། ནད་གདོན་བགེགས་རིགས་རྣམས་འགའ་ཞིག་གསང་ཆབ་ཁ་ལ་སོང་བ་སོགས་ཀྱིས་རྩད་ནས་འཇོམས་པ་དང་། འགའ་ཞིག་ཕྱག་འབེབས་དང་ཞབས་དབང་ཙམ་གྱིས་འཇོམས་པ་སོགས་མང་དུ་བྱུང་བ་ཀུན་ལ་ཡོངས་གྲགས་ལྟར་དང་། ནད་པ་ཚེ་ཟད་ཤི་ལ་ཁད་པ་འགའ་ཐུགས་གཏད་ཙམ་གྱིས་ཚེ་རིང་དུ་བསྲིང་བ་སོགས་དེ་དང་དེ་འདྲ་བའི་ལོ་རྒྱུས་ཤིན་ཏུ་མང་། ལྷ་གདན་དུ། མ་ད…

ཡོངས་གྲགས་མང་ཚན་ཡོད་པར་མ་མངོན་ནོ། །ཕྱི་དུས་ཀྱི་གྲུབ་ཐོབ་ཆེན་པོ་བྷྱོ་རིག་འཛིན་སྤྲུལ་བསྒྱུར་གྱིས་དགའ་ལྡན་དུ་ཕེབས་པས་བྱམས་པའི་མདུན་སྐུ་ཞབས་སི་ཏུ་ཕེབས་འོང་རྒྱུའི་འུར་སྒྲ་ཞིག་གི་ངང་དགའ་ལྡན་ཕོ་བྲང་དུ་དངོས་སུ་བྱོན་བྱུང་བ་མཇལ་བས་ད་ནི་ཞིང་འདིར་ཡུན་རིང་མི་བཞུགས་ངོ་མ་ལ་བྱམས་པ་དངོས་ཡིན་འདུག་པའི་ད་ལྟ་མཇལ་རྒྱུ་ཡོ…

ཕྱོགས་ནས་འགྲོ་དོན་མི་འོང་བས་རྒྱ་ནག་གི་ཡུལ་ཕྱོགས་སུ་གཤེགས་ཚུལ་གསུངས་པ་དེ་འདྲ་ལ་དགོངས་པ་མི་གཏད་པའི་བཤོལ་འདེབས་ནན་ཏན་ཞུས་པས་མཐར་ལི་ཐང་ཕྱོགས་ནས་བསྐོར་ཏེ་ཡར་བཞུད་ཡོང་བས་མྱུར་དུ་མཇལ་ཡོང་ཞེས་གསུངས་ནས་མི་སྣང་བར་གྱུར་ཅེས་རྗེ་བླ་མའི་ཞལ་ནས་དངོས་སུ་ཐོས་ཞེས་ཞབས་སློབ་རིགས་ཀྱི་ཞལ་ནས་ཐོས་སོ། །ཁུངས་བཙུན་གང་ཐོས་ཕྲན་བ…

ཐང་གནམ་ཆེན་བྲག་དཀར་གྱི་ཉེ་འདབས་དང་འབྲེལ་བའི་ཡུལ་ལྗོངས་སུ་སྔགས་རིག་འཛིན་པ་ཆེན་པོའི་རིགས་རུས་གཙང་མར་རབ་བྱུང་བཅུ་དྲུག་པའི་ནང་གསེས་མེ་ཁྱི་ལོར་སྐུ་འཁྲུངས་པ་ངེས་རྙེད་གྱུར་ནས་ངོས་འཛིན་མཛད། ཀརྨ་པ་དང་གོང་མའི་ཕྱག་ཕྲེང་སོགས་སོ་སོར་ངོས་འཛིན་ཡིད་ཆེས་སུ་གནང་། བལྟམས་མ་ཐག་ནས་བཟུང་ངོ་མཚར་བའི་ལྟས་ཁྱད་འཕགས་མཐུན་སྣང་དུ…