གྲུབ་ཆེན་རིན་པོ་ཆེའི་གསོལ་འདེབས་ཐར་འདོད་དད་པའི་པི་ཝང་ཞེས་པ་བཞུགས། ན་མོ་གུ་རུ་ཀརྨ་ཀ་ཡེ། ཆོས་དབྱིངས་ཀུན་ཏུ་ཁྱབ་པའི་ཀློང་། །བདེ་ཆེན་མ་འགགས་ལོངས་སྤྱོད་རྫོགས། །སྣ་ཚོགས་སྤྲུལ་བསྒྱུར་རྡོ་རྗེའི་གར། །དུས་གསུམ་རྣམ་པར་རོལ་པ་ཡིས། །ནམ་མཁའ་ཇི་སྲིད་གནས་ཀྱི་བར། །གདུལ་བྱའི་ཁམས་དབང་མོས་པའི་ངོར། །ཞིང་ཁམས་རྒྱ་མཚོར་འབྱམ…

དབྱིངས་དང་ཡེ་ཤེས་དབྱེར་མེད་པའི། །འོད་ཟེར་སྣང་བས་སྐྱོང་བའི་ཡུལ། །ཀཻ་ལ་ཤ་ཡི་ལྗོངས་འདིར་ཡང་། །དཔལ་ལྡན་དྷརྨ་ཀཱིརྟིར་གྱུར། །མཐོང་ཐོས་དྲན་རེག་སྐྱེ་བོ་ཀུན། །འབྲེལ་ཚད་དོན་ལྡན་བཀོད་ལ་འདུད། །དྲེགས་ལྡན་ཁེངས་པ་གཞོམ་པ་དང་། །རྒྱལ་བསྟན་ཉི་མ་གསལ་བའི་ཕྱིར། །གྲུབ་ཆེན་ཆོས་ཀྱི་བླ་མའམ། །ཀརྨ་པཀྴི་ཞེས་གྲགས་པ། །རྫུའཕྲུལ་སྣང…

པའི་བདག་ཉིད་ཅན། །དཀྱིལ་འཁོར་རྒྱ་མཚོའི་གཙོ་མཆོག་སྟོན། །རང་བྱུང་སེམས་དཔའ་ནས་བཟུང་སྟེ། །མཐོན་མཐིང་མི་བསྐྱོད་ཅོད་པན་ཅན། །བསམ་བཞིན་སྐྱེ་བའི་ཕྲེང་བ་འཛིན། །བཅུ་གསུམ་བདུད་ལས་རྣམ་པར་རྒྱལ། །རྡོ་རྗེའི་ཏིང་འཛིན་བྱེ་བ་བརྒྱས། །གནས་དང་གནས་མིན་དྲི་བཅོམ་ཞིང་། །སྒྲིབ་བྲལ་ཡེ་ཤེས་སྟོན་ལ་འདུད། །མ་འོངས་བསྐལ་བཟང་རྣམ་པར་འད…

རྣམས་ཀྱིས། །མཐུན་འགྱུར་ཟབ་མོའི་སྟོབས་དེང་འདིར། །ཡིད་བཞིན་ལྷུན་གྱིས་གྲུབ་གྱུར་ཅིག །དགེ་དེས་འཇིག་རྟེན་ཁམས་རྣམས་སུ། །ཆོས་འཕེལ་བདེ་བ་དང་ལྡན་ཞིང་། །སྡུག་བསྔལ་རྒྱུ་བཅས་ཡོངས་སུ་བྲལ། །ཀུན་ཀྱང་བླ་མེད་ཉིད་ཐོབ་ཤོག །ཅེས་པའང་སྤྲེང་ཡུལ་རྒྱལ་པོའི་ཁབ་ཀྱི་ཆོས་སྡེ་ཆེན་པོའི་དགེ་སློང་སྒྲུབ་ཆེན་པ་ཀརྨ་བསྟན་རྒྱས་ཀྱིས་བསྐུ…

རྒྱལ་བ་ཡབ་སྲས་ལྔ་ཡི་སྐྱེས་རབས་གསོལ་འདེབས་མདོར་བསྡུས་བཞུགས་སོ། །བདེ་བར་གཤེགས་ཀུན་གསང་གསུམ་མི་བཟད་པ། །རྒྱན་འཁོར་ལྔ་ཡི་བདག་ཉིད་དབང་བསྒྱུར་པ། །ཐབས་མཁས་འགྲོ་བ་སྒྲོལ་བའི་ཕྲིན་ལས་ཅན། །བཀའ་བརྒྱུད་བླ་མ་རྣམས་ལ་ཕྱག་འཚལ་ལོ། །སྔོན་ཚེ་རྒྱལ་སྲས་མཆོག་གི་བློ་གྲོས་དང་། །སྤྱན་རས་གཟིགས་དབང་པདྨ་རྣམ་པར་རོལ། །བློ་གྲོས་རིན…

བསྐལ་མང་སྔོན་ནས་བྱང་ཆུབ་བདུད་རྩི་བརྙེས། །སངས་རྒྱས་དཀོན་མཆོག་ཡན་ལག་ལ་ཕྱག་འཚལ། །འཕགས་པའི་ཡུལ་དུ་སྔགས་ཀྱི་སྤྱོད་འཆང་གཙོ། །ཁོལ་པོ་དགའ་དང་བྲམ་ཟེ་ཀུན་རིག་མཆོག །འགྲོ་མང་མཆོད་པའི་རྟེན་གྱུར་དེང་འདིར་ཡང་། །ཞྭ་དམར་ཅོད་པན་ཅན་ཞབས་གུས་ཕྱག་འཚལ། །རྣམ་འདྲེན་ལྔ་པ་མི་ཕམ་བྱམས་པ་མགོན། །གྲུབ་པའི་སྤྱི་མེས་ཌོམྦི་ཧེ་རུ་ཀ། ད…

མགོན་སྤོམ་བྲག་པ། །རིན་ཆེན་དཔལ་དང་མཚུར་ཕུ་འཇམ་དབྱངས་མཚན། །ཀརྨ་གུ་རུ་འཕྲུལ་ཆེན་རྩལ་ལ་སོགས། །ཧྲེ་ཧོ་རིམ་པར་བྱོན་ལ་གུས་ཕྱག་འཚལ། །དེ་ལྟར་གསོལ་བཏབ་དགེ་གང་སྨིན་པའི་མཐུས། །ལེགས་བྱས་ལྷག་བསམ་ཐ་གྲུ་ུཁྱོན་ཡངས་པོར། །རྣམ་དག་བྱང་ཆུབ་སེམས་ཀྱི་རྩ་བ་བརྟན། །ཐེག་ཆེན་དམ་པའི་རྐང་འཐུང་རྒྱས་པར་ཤོག །སྒྲིབ་གཉིས་བག་ཆགས་དྲི་བཞ…

རྒྱལ་བ་ཡབ་སྲས་གསོལ་འདེབས་བཞུགས། མཆོག་ཏུ་མི་འགྱུར་ཆོས་དབྱིངས་མཐའ་བྲལ་ཁམས། །རང་མདངས་ལྷུན་གྲུབ་བདེ་བ་ཆེན་པོའི་རྩལ། །འགགས་མེད་སྒྱུ་འཕྲུལ་དྲྭ་བའི་རང་བཞིན་ཅན། །སྐུ་གསུམ་བདག་ཉིད་བླ་མའི་ཞབས་ལ་འདུད། །འབྱམས་ཀླས་བསྐལ་པའི་གོང་ནས་

བྱང་ཆུབ་ཀྱི། །སྤྱད་པ་སྤྱོད་ཅིང་བདུད་རྩི་བརྙེས་ཟིན་ཀྱང་། །འགྲོ་སྒྲོལ་དམ་བཅས་སྙིང་རྗེའི་སྐུར་བཞེངས་པ། །རྗེ་བཙུན་བདུད་འདུལ་རྡོ་རྗེའི་ཞབས་ལ་འདུད། །རླབས་ཆེན་ཐུགས་བསྐྱེད་ཟབ་མོའི་འཇུག་ངོགས་ནས། །གདུལ་བྱ་རྗེས་འཛིན་ཕྲིན་ལས་ཡིད་བཞིན་དབང་། །ལྷན་སྐྱེས་ཡེ་ཤེས་དངོས་གྲུབ་ཆར་འབེབས་པ། །མི་ཕམ་ཆོས་གྲུབ་རྒྱ་མཚོའི་ཞབས་ལ་…

མྱང་འདས་གོ་འཕང་ཐོབ་གྱུར་ཅིག །ཀྱེ་མ། གྲངས་མེད་བསྐལ་པར་འཁྲུལ་འབྱམས་དྲྭ་བས་འབྲེལ། །སྣང་ཞེན་མ་རིག་མུན་པ་སྟུག་པོས་བསྒྲིབས། །དྲན་རྟོག་རྗེས་ཤེས་ལས་ཀྱི་སེར་བུས་བསྐྱོད། །རྣམ་སྨིན་གཡང་ལས་སྐྱོབས་ཤིག་བཀའ་བརྒྱུད་རྣམས། །ཐར་མེད་ལས་ཀྱི་དབང་བཙན་དུག་ལྔ་ཡིས། །ཞི་བདེའི་གོ་སྐབས་འགོག་པའི་གཉིས་འཛིན་བདུད། །རང་གསལ་ཤར་གྲོལ་ཀ…

གསོལ་འདེབས་ཡོངས་འདུའི་ལྗོན་བཟང་བྱིན་རླབས་དགའ་ཆར་ཞེས་པ་བཞུགས་སོ། །འགྱུར་མེད་ཀུན་ཁྱབ་མཐའ་བྲལ་ཆོས་ཀྱི་སྐུ། །བདེ་བ་ཆེན་པོའི་རང་མདངས་ལོངས་སྤྱོད་རྫོགས། །རང་བྱུང་ལྷུན་གྲུབ་སྤྲུལ་པའི་སྐུར་སྣང་བ། །ཨོ་རྒྱན་ཆེན་པོ་པདྨཱ་ཀཱ་རར་འདུད། །དྲི་མེད་ཀོ་ཤའི་མཚོར་འཁྲུངས་དུས་གསུམ་གྱི། །མཐུ་སྟོབས་གཅིག་བསྡུས་བུདྡྷཱ་ཐོད་ཕྲེང་ར…

ཧེ་རུ་ཀ་དཔལ་འདུད། །གང་ཞིག་མཐའ་གཉིས་རྣམ་པར་བྲལ་བ་ཡི། །འདུས་མ་བྱས་པའི་རང་གཟུགས་ངེས་པའི་དོན། །ཡང་དག་གྲོལ་བའི་རྨད་བྱུང་ཕྲིན་ལས་ཅན། །དཔལ་ལྡན་རྡོ་རྗེ་འཛིན་ཞབས་པད་ལ་འདུད། །ཉོན་མོངས་གཉིས་འཛིན་བདུ༵ད་བཞིའི་གཡུལ་ངོ་རྣམས། །ཕ་མཐར་གཞོམ་ཞིང་འདུ༵ལ་བའི་མངོན་སྤྱོད་ཀྱི། །རྡོ༵་རྗེ༵་གདེངས་པས་སྣང་སྲིད་ཟིལ་གནོན་པ། །ལུས་མེ…

དྲ༵ག་པོ༵་ཐོགས་མེད་རྫུ་འཕྲུལ་གྱི། །རྣམ་བཞིའི་ཕྲི༵ན་ལ༵ས་འདུ༵ས་པ༵འི་རང་རྩ༵ལ་ལས། །འཁོར་འདས་དངོས་ཀུན་དབང་སྒྱུར་བྱེད་པོར་འདུད། །གང་སྐུའི་བཀོད་པས་རབ་འབྱམས་ཞིང་རྣམས་བདག །རྣམ་དག་ཞིང་ཀུན་མ་ལུས་སྐུ་ལ་རྫོགས། །ཀུན་བཟང་མཁའ་ཁྱབ་རྒྱལ་བ་རྡོརྗེ་འཆང་། །ཨོ་རྒྱན་ཆེན་པོར་སྒོ་གསུམ་གུས་པས་འདུད། །ལྔ་བརྒྱའི་མཐར་ཐུག་དུས་ཀྱི་ཡ…

བཀའ་བརྒྱུད་བསྟན་པའི་རྒྱལ་མཚན་མཆོག་རྣམས་ཀྱི། །ཞབས་རྟན་ཕྲིན་ལས་སྣང་བ་རབ་གསལ་རྟག་ཏུ་བདེ་ལེགས་ཤོག །རྒྱ་ཆེན་གཙུ༵ག་ལ༵ག་གོམས་སྟོབས་ལ། །ཆོ༵ས་ཀྱི༵་རྒྱ༵ལ་པོ༵་བླ་ན་མེད། །གྲུབ་པ་མཆོག་གི་གསུང་གཡར་ངོར། །པ༵དྨ༵་ཉི༵ན་མོ༵ར་བྱེད་པ༵ས་སྤེལ། །ཤུ་བྷཾ་སརྦ་ཛ་ག་ཏཾ།། །།

རྒྱལ་མཆོག་ཕྱག་ན་པདྨོ་བདུད་ཚོགས་འདུལ་བའི་རྡོ་རྗེ་འཆང་ཆེན་པོར་གསོལ་འདེབས་བཞུགས་སོ། །རྒྱལ་ཀུན་ཐུགས་རྗེའི་རང་གཟུགས་སྤྱན་རས་གཟིགས། །བསམ་མི་ཁྱབ་པའི་སྒྱུ་འཕྲུལ་གར་རོལ་པ། །རྡོ་རྗེ་ཅན་དངོས་སྐུར་བསྟན་སེམས་དཔའ་ཆེ། །བདུ༵ད་འདུ༵ལ་རྡོ༵་རྗེ༵འི་ཞབས་ལ་གསོལ་བ་འདེབས། །དཔ༵ལ་ལྡ༵ན་བསྟ༵ན་པ༵འི་སྙིང་པོ་སྒྲུབ་བརྒྱུད་ཀྱི། །ཉི༵…

བར་ལུང་བསྟན་རྗེས་སུ་གནང་ལ་འདུད། །གླང་ལོ་ཁྲུམས་ཀྱི་ཟླ་བའི་ཡར་ཚེས་ལ། །ཕུན་ཚོགས་ལྟས་བཟང་དང་བཅས་སྐུ་འཁྲུངས་ནས། །ལུས་ཅན་སྐྱེ་དགུའི་མགོན་དུ་ཕྱོགས་བཅུ་ཡི། །སངས་རྒྱས་བྱང་སེམས་དབུགས་དབྱུང་སྩོལ་ལ་འདུད། །སྐབས་དེར་བྱིས་པ་དར་དཀར་རལ་ག་ཅན། །ཤེལ་སྣོད་ཀ་མ་ལ་ཐོགས་འཇའ་འོད་ཀློང་། །གླུ་གར་རོལ་རྩེད་སྣ་ཚོགས་ཅིར་ཡང་བསྒྱུར།…

གིང་དཀར་སོགས་མཐུ་ཆེན་གྱི། །རྩལ་ལྡན་ཚོགས་ཀྱང་གུས་པས་རབ་བསྙེན་ཅིང་། །མཐའ་བཞིའི་དྲེགས་ལྡན་ཁེངས་པ་ཡོངས་བསྐྱུངས་ནས། །ཐུགས་རྗེའི་ཆར་གྱིས་སྨིན་གྲོལ་བཀོད་ལ་འདུད། །གཞན་ཡང་རིགས་དྲུག་བག་ཉལ་རྣམས་ཀྱི་རྒྱུད། །བྱིན་རླབས་འོད་ཀྱིས་རང་སྐད་ཆོས་སྒྲ་སྟོན། །བདེན་པ་མཐོང་བའི་ལས་ཅན་བསམ་ལས་འདས། །སངས་རྒྱས་གཉིས་པ་དངོས་སུ་བྱོན་…

ཅན་གྱི་ཉེར་བཞི་ལ། །དགོངས་པ་ཆོས་དབྱིངས་ཐིམ་པའི་སྣང་བ་བསྟན། །མེ་ཏོག་ཆར་བབས་ལྷ་ཡིས་རོལ་མོ་ལྡིར། །སྐལ་ལྡན་རྒྱུད་སྨིན་བྱིན་རླབས་སྩོལ་ལ་འདུད། །རྒྱལ་བའི་རྣམ་ཐར་རྒྱ་མཚོའི་ཕ་རོལ་སོན། །གཞལ་བར་དཀའ་ཡང་ཟེགས་མ་འཐོར་བའི་དགེས། །མ་འོངས་བསྐལ་བཟང་དྲུག་པ་སེང་གེ་ཡིས། །རྗེས་བཟུང་བླ་མེད་བྱང་ཆུབ་སྤྱོད་པར་ཤོག །རྣམ་དག་ངེས་གས…

བཅོམ་ལྡན་འདས། །མཉམ་བཞག་ཏིང་འཛིན་ཕྱག་རྒྱ་ཅན། །འོད་སྣང་མཐའ་ཡས་ལ་ཕྱག་འཚལ། །བྱ་གྲུབ་ཡེ་ཤེས་རྣམ་པར་དག །ལས་རབ་རྒྱལ་པོ་བཅོམ་ལྡན་འདས། །མི་འཇིགས་སྐྱབས་སྦྱིན་ཕྱག་རྒྱ་ཅན། །དོན་རྣམས་གྲུབ་པ་ལ་ཕྱག་འཚལ། །དཔལ་འབར་བཀྲ་ཤིས་ལྷ་མོ་བརྒྱད། །ཤར་ནས་རིམ་བཞིན་པད་ཅན་མ། །འཇིགས་བྱེད་དང་ནི་འོད་ཟེར་ཅན། །རྣམ་པར་རྒྱལ་དང་མདངས་ལྡན་མ།…

མ་འོངས་དྲུག་པ་སེང་གེའི་རྣམ་པར་འཕྲུལ། །དུས་གསུམ་ཀུན་མཁྱེན་ཆོས་རྗེ་ཀརྨ་པ། །བདུད་འདུལ་རྡོ་རྗེའི་ཞབས་ལ་གསོལ་བ་འདེབས། །བྱིན་གྱིས་རློབས་ཤིག་འགྲོ་མགོན་རིན་པོ་ཆེ། །མ་ཧཱ་མུ་དྲ་སརྦ་སིདྡྷི་ཧཱུྃ། །འདས་པའི་སངས་རྒྱས་དཀོན་མཆོག་ཡན་ལག་ཏུ། །འཚང་རྒྱ་ཟིན་ཀྱང་སྤྲུལ་པའི་སྐུར་བཞེངས་པ། །ཆོས་གྲུབ་རྒྱ་མཚོའི་ཞབས་ལ་གསོལ་བ་འདེབས…