བྱེའུ་དགའ་བས་སྐད་སྙན་འབྱིན། །གཅིག་པུར་རི་ལ་འདུག་པ་ལ། །མི་རྣམས་དགའ་བས་མཐུན་རྐྱེན་བསྒྲུབ། །སྙིང་ནས་གསོལ་བ་བཏབ་པ་ལ། །བླ་མ་དགའ་བས་བྱིན་གྱིས་བརླབ། །ཐུན་བཞིའི་རྣལ་འབྱོར་བྱས་པ་ལ། །ཡི་དམ་དགའ་བས་དངོས་གྲུབ་སྟེར། །རྩེ་གཅིག་སྒྲུབ་པ་བྱས་པ་ལ། །མཁའ་འགྲོ་དགའ་བས་བར་ཆད་སེལ། །དམ་ཚིག་སྡོམ་པ་བསྲུང་བ་ལ། །ཆོས་སྐྱོང་དགའ་བས…

སྡུག་རུང་གསོལ་བཏབ་ན། །བདེ་སྐྱིད་ཉམས་རྟོགས་འཆར་རོ་ཞེས། །བདེ་གཤེགས་རྒྱལ་བ་རྣམས་ཀྱིས་གསུངས། །བདེ་འགྲོ་མཐོ་རིས་མི་ཡི་ལུས། །བདེ་བླག་ཉིད་དུ་ཐོབ་དུས་འདིར། །བདེ་སྡུག་འདམ་ཁ་མ་ནོར་བར། །བདེ་ཐབས་ལྷ་ཆོས་གྱིས་ཤིག་གསུངས། །བདེ་ནས་བདེ་བར་འགྲོ་བ་ལ། །བདེ་ལམ་ལ་སོགས་ལམ་རིམ་དང་། །བདེ་གཤེགས་ཐུགས་བཅུད་རྫོགས་ཆེན་སྒོམས། །བདེ…

དུས་ཚོད་འདི་ཡི་ངན་ཚུལ་དང་། །དུས་ངན་མི་ཡི་འཐབ་རྩོད་ལ། །བསམ་ཞིང་སྐྱོ་ཤས་གཏིང་ནས་སྐྱེས། །བསམ་པ་ཐག་པས་དབེན་པར་འགྲོ། །ཡོད་པ་རྣམས་ཀྱིས་འཚོ་སྐྱོང་དང་། །མེད་པ་རྣམས་ཀྱིས་འཚོལ་སྒྲུབ་ལ། །བསམ་ཞིང་སྐྱོ་ཤས་གཏིང་ནས་སྐྱེས། །བསམ་པ་ཐག་པས་དབེན་པར་འགྲོ། །ནད་དང་མུ་གེ་མང་ཚུལ་དང་། །ན་དང་ཤི་བའི་མོད་ཚུལ་ལ། །བསམ་ཞིང་སྐྱོ་ཤས་…

ཐག་པས་དབེན་པར་འགྲོ། །རྟག་ཏུ་ཚོང་དང་སོ་ནམ་བྱེད། །རྟགས་ཙམ་འཛིན་གྱི་མང་ཚུལ་ལ། །བསམ་ཞིང་སྐྱོ་ཤས་གཏིང་ནས་སྐྱེས། །བསམ་པ་ཐག་པས་དབེན་པར་འགྲོ། །འདོད་ཆུང་ཆོག་ཤེས་མ་མཆིས་པས། །ཆེ་ཆུང་མེད་པའི་མཛད་པ་ལ། །བསམ་ཞིང་སྐྱོ་ཤས་གཏིང་ནས་སྐྱེས། །བསམ་པ་ཐག་པས་དབེན་པར་འགྲོ། །མདོར་ན་བྱ་བཏང་རྣལ་འབྱོར་ང་། །ཚེ་འདིའི་བྱ་བ་ཐམས་ཅད་ལ།…

ཤོག་དང་བདེ་སྐྱིད་ཉི་མ་འཆར། །དགྲ་གཉེན་གང་དང་མ་འབྲེལ་བས། །ཆགས་སྡང་གང་ཡང་སྐྱེས་ཡུལ་མེད། །སྐལ་ལྡན་ཡོད་ན་རི་ལ་ཤོག །ཤོག་དང་བདེ་སྐྱིད་ཉི་མ་འཆར། །དུས་བཞི་རིམ་གྱིས་འགྱུར་བའི་ཚེ། །དུས་ཀུན་མི་རྟག་འཆི་བ་དྲན། །སྐལ་ལྡན་ཡོད་ན་རི་ལ་ཤོག །ཤོག་དང་བདེ་སྐྱིད་ཉི་མ་འཆར། །མི་འཛད་ཆོག་ཤེས་ནོར་གྱིས་ཕྱུག །མི་འདང་སྙམ་པའི་སྡུག་བ…

སྐལ་ལྡན་ཡོད་ན་རི་ལ་ཤོག །ཤོག་དང་བདེ་སྐྱིད་ཉི་མ་འཆར། །ལྗོན་ཤིང་མང་བོས་གར་སྟབས་བྱེད། །ཆུ་གཙང་མང་བོས་ལྷུང་སྒྲ་སྒྲོག །སྐལ་ལྡན་ཡོད་ན་རི་ལ་ཤོག །ཤོག་དང་བདེ་སྐྱིད་ཉི་མ་འཆར། །བདེ་ན་བདེ་ན་གཅིག་པུར་བདེ། །སྐྱིད་ན་སྐྱིད་ན་རི་ཁྲོད་སྐྱིད། །སྐལ་ལྡན་ཡོད་ན་རི་ལ་ཤོག །ཤོག་དང་བདེ་སྐྱིད་ཉི་མ་འཆར། །རྣམ་དཀར་འདིས་མཚོན་དགེ་བ་…

ཤེས་རབ་ཀྱི་མིག་འབུར་ཆེས་ཆེར་གསལ། །བླང་དོར་གྱི་གནས་རྣམས་ཐམས་ཅད་མཐོང་། །ངེས་འབྱུང་གི་ལུས་མཛེས་རྨ་བྱ་ལ། གླུ་དབྱངས་ཀྱི་འབྲུག་སྒྲ་སྒྲོག་ནུས་ན། །རི་ཁྲོད་ཀྱི་ཤིང་ཁར་ཡར་འཕུར་ནས། །ཉམས་ལེན་གྱི་གར་རྣམས་ཡང་ཡང་བྱེད། །ཚུལ་ཁྲིམས་ཀྱི་ས་གཞི་གཙང་མ་རུ། །ཆོས་སྤྱོད་བཅུའི་ཆུ་ལུད་ལེགས་སྦྱར་ནས། །སྨོན་ལམ་གྱི་ས་བོན་འདེབས་ནུས…

འཆི་བ་བསམས་ན་ཅིས་ཀྱང་དགོས་མེད་སྐྱེ། །ཡིད་ལ་དྲན་པར་གྱིས་ཤིག་རྒྱལ་ཁམས་པ། །ནོར་རྫས་སྒྱུ་མ་ཡིན་པས་སྙིང་བོ་མེད། །རྟག་ཏུ་ཆོག་ཤེས་སྟེན་ཅིག་རྒྱལ་ཁམས་པ། །ད་ལྟའི་དུས་འདིར་དམ་པའི་ཆོས་ལ་འབོད། །འཇིག་རྟེན་ཕྱི་མར་ཕན་ནོ་རྒྱལ་ཁམས་པ། །བརྩིགས་པའི་མཁར་ཁང་མི་རྟག་ཐ་མར་འཇིག །གཏན་དུ་སྡོད་དབང་མེད་དོ་རྒྱལ་ཁམས་པ། །དེ་ཕྱིར་དགོ…

ཕྲུ་གུ་དཀར་མོ་ཁྱོད། །ཆུང་ངུའི་དུས་ནས་གངས་ལ་དགའ། །རྒྱུན་དུ་གངས་སྟོད་འཛིན་ནུས་ན། །ངོ་མཚར་གཡུ་རལ་མགོ་ལ་རྒྱས། །རྒྱ་སྟག་ཕྲུ་གུ་ཁྲ་བོ་ཁྱོད། །ཆུང་ནས་ཙན་དན་ནགས་ལ་དགའ། །རྒྱུན་དུ་ནགས་སྟོད་འཛིན་ནུས་ན། །ངོ་མཚར་གྲ་འཛུམ་ལུས་ལ་བཀྲ། །ཉ་མོའི་ཕྲུ་གུ་གསེར་མིག་ཁྱོད། །ཆུང་ནས་རྒྱ་མཚོའི་ནང་ལ་དགའ། །རྒྱུན་དུ་མཚོ་དཀྱིལ་འཛིན་…

ཡར་ཡར་དུ་འཕུར་ཐལ། །འདོད་ཡོན་གྱི་ཁྲ་ཡིས། །མ་བཟུང་བ་བཟང་ཡ། །ཚུལ་ཁྲིམས་ཀྱི་བུ་མོ། །ཞི་དུལ་རྒྱན་སྤྲས་ཚེ། །ལེགས་སྤྱད་ཀྱི་གནས་ལ། །དགའ་བཞིན་དུ་བཞུད་ཐལ། །ལོག་སྤྱོད་ཀྱི་ཨ་ནེས། །མ་མནར་བ་བཟང་ཡ། །བསམ་གཏན་གྱི་ཤ་བ། །དྲན་ཤེས་རྩྭས་འགྲངས་ཚེ། །བདེ་གསལ་མི་རྟོག་པའི། །སྤང་གཤོངས་སུ་ཉལ་ཐལ། །བྱིང་རྒོད་ཀྱི་ཤ་ཁྱིས། །མ་བཟུང་བ…

གློ་བུར་འཆི་བ་སླེབས་ཚེ། །སྒྱུ་ལུས་འཇིག་པར་ངེས་པས། །དེ་གོང་རི་ཁྲོད་དབེན་པ། །བསྟེན་ལ་སྒོམ་སྒྲུབ་གྱིས་ཤིག །ཅེས་པ་འདི་ནི་ཚོགས་དྲུག་རང་གྲོལ་གྱིས་བླངས་པའོ། །སྐྱུ་རུ་ར་ལག་མཐིལ་བཞག་བཞིན་དུ། །དུ་མའི་འགྲོའི་སྐྱོན་དང་ཡོན་ཏན་རྣམས། །རྣམ་དག་གི་ཐུགས་ཀྱིས་ས་ལེར་མཁྱེན། །མཁྱེན་བརྩེ་དང་ནུས་ལྡན་བླ་མར་འདུད། །སྔོན་དུས་སུ…

གྱི་གཡོག་ཁྱོད་ངོ་མི་ཚའམ། །རི་ཁྲོད་དུ་བསྡད་དུས་གྲོང་ལ་སྤྲོ། །དགེ་སྦྱོར་དུ་ཞུགས་དུས་སྣང་བ་སུན། །མཉམ་གཞག་ཏུ་བཞག་དུས་གཉིད་འདོད་སྐྱེ། །ཕ་རོལ་ཏུ་འགྲོ་དུས་ཁྱོད་སྐྱིད་སྙམ། །བླ་མ་ནི་སྔ་སྤངས་ཕྱི་མ་བསྟེན། །ཡི་དམ་ནི་སྔ་བསྒྱུར་ཕྱི་མ་བསྒྲུབ། །ཆོས་སྐྱོང་ནི་སྔ་བཞག་ཕྱི་མ་མཆོད། །དེ་རྣམས་ཀྱི་སྔོན་ཆད་སྐྱོན་ཅི་རིག །གོས་…

ད་ནི་མི་འདི་མི་འཆི་ཞེས། །གདེང་ཅན་སུ་ཡོད་བསམ་བློ་ཐོངས། །འཆི་བ་འདི་ལ་དགྲ་གཉེན་གྱི། །རིམ་པ་འདུག་གམ་མི་འདུག་ལྟོས། །འཆི་བ་རན་དང་མི་རན་གྱི། །ཚོད་བཟུང་འདུག་གམ་མི་འདུག་ལྟོས། །ཁྱོད་ཀྱིས་མ་མཐོང་མ་རྟོགས་པ། །སྐྱེས་ཙམ་ཉིད་ནས་འཆི་བདག་ཁོ། །གཉའ་ཁུང་ཐོག་ན་ཞོན་ནས་ཡོད། །ལ་ལ་བཙས་མ་ཐག་ཏུ་གསོད། །ལ་ལ་དར་བབ་དུས་སུ་གསོད། །ལ…

འབྱོར་ཡང་། །ནོར་རྫས་གསེབ་ཏུ་གུམ་པ་ཡོད། །བྱད་བཞིན་མཛེས་པས་ཐུབ་པ་མེད། །ལྷ་དང་ལྷ་མོ་འདྲ་བའི་མི། །དབྱིབས་དང་ཁ་དོག་ཕུན་སུམ་ཚོགས། །གོས་དང་རྒྱན་ཆ་དུ་མས་སྤྲས། །འཇིག་རྟེན་འདི་ན་ཐམས་ཅད་ཀྱིས། །སྨོན་པའི་གནས་སུ་འཛིན་པ་ཡང་། །ལ་ལ་རྒས་ཏེ་འཆི་བ་དང་། །ལ་ལ་ཕུན་སུམ་ཚོགས་པའི་དུས། །འཆི་བ་ཁྱོད་ཀྱིས་མ་མཐོང་ངམ། །དེ་བཞིན་ཆུས…

གདེང་ཞིག་མ་ཐོབ་འཆི་བའི་དུས། །དབུགས་ལེན་གཤེད་པོ་ལ་སོགས་པའི། །འབྱུང་བོ་དུ་མས་མཐའ་ནས་བསྐོར། །ད་ཟ་ད་འཁྱེར་ཟེར་བའི་དུས། །འགྱོད་ཀྱང་ཅུང་ཟད་བྱ་ཐབས་མེད། །དེ་བས་སྙིང་རྩ་རབ་ནོན་པའི། །ཆོས་ཤིག་མི་བྱེད་འདུག་ཕོད་དམ། །རང་གིས་རང་ལ་སྙིང་རྗེ་ན། །ཉིན་པར་རྣམ་གཡེང་བྱ་བ་སྤོངས། །མཚན་མོ་གཏི་མུག་རོ་ཉལ་ཞོག །ད་ལྟ་ཉིད་དུ་མི་འག…

སེལ་མི་དགོས། །རྩི་ཤིང་རི་བོ་ཡི་ཆོ་འཕྲུལ་ཡིན། །རི་བོ་ཁོ་རང་གི་ངང་དུ་ཞོག །རང་སར་གྲོལ་བ་ལ་ཐེ་ཚོམ་མེད། །གཏད་མེད་སྨྱོན་པ་ཡི་རི་བ་ཁྱོད། །ཁྲི་གཤོག་མཚོ་མོ་ལ་དཔེ་ལོངས་ལ། །ཁ་གཏིང་མེད་པ་ཡི་སྒོམ་ཞིག་རྒྱོབ། །རྦ་རླབས་མང་བོ་དེ་གཡོ་བའི་ཚེ། །གཞན་ས། གྱི་འབད་རྩོལ་གྱིས་སེལ་མི་དགོས། །རྦ་རླབས་མཚོ་མོ་ཡི་ཆོ་འཕྲུལ་ཡིན། །ཁྲི…

བླུན། །དགྲ་འཆི་བདག་ནམ་འོང་ཆ་མེད་པར། །ཡུན་རིང་བོར་སྡོད་སྙམ་ཤིན་ཏུ་བླུན། །ཁྱོད་བླུན་པོའི་ཁྱུ་རུ་མ་འཚངས་པར། །ད་མཁས་པའི་གྲལ་དུ་ཨེ་ཚུད་ལྟོས། །གླུ་འདི་ཡང་རང་ལ་ཕན་ཕྱིར་བླངས། །མི་གཞན་དག་ལ་ཡང་ཕན་ཐོགས་ཤོག །ཅེས་པ་འདི་ཡང་ཚོགས་དྲུག་རང་གྲོལ་གྱིས་སྨྲས་པའོ། །མཚན་ལྡན་གྱི་བླ་མ་རིན་པོ་ཆེ། །འགྲོ་ཀུན་ལ་ཐུགས་རྗེའི་སྤྱན་ག…

ཁྱོད་ཀྱིས་སྤྱད་པར་གྱིས། །དགེ་འདིས་ཀྱང་རང་གཞན་ལ་ཕན་ཤོག །ཅེས་པ་འདི་ཡང་ཚོགས་དྲུག་རང་གྲོལ་གྱིས་རང་ལ་སྨྲས་པའོ། །ཕ་རྒན་ཆོས་ཀྱི་རྒྱལ་པོ་ལ། །གསོལ་བ་འདེབས་སོ་བྱིན་གྱིས་རློབས། །ལུས་ཀྱི་མི་དགེ་བ་རྣམས་སྤོངས། །ལུས་ནི་སྣང་སྟོང་ལྷ་སྐུར་སྒོམས། །ལུས་ཀྱི་སྒྲིབ་པ་ཀུན་དག་ནས། །ལུས་ནི་རྒྱལ་བའི་སྐུ་རུ་འགྱུར། །ངག་གི་མི་དགེ…

པའི་རྒྱུ། །ཚུལ་ཁྲིམས་སྦྱིན་སོགས་དགེ་བའི་ལས། །ཕུན་སུམ་ཚོགས་པ་བསྒྲུབ་དགོས་པས། །སེམས་ཅན་ནང་ན་རྒྱུ་དགེ་བ། །སྒྲུབ་པ་ཤིན་ཏུ་ཉུང་བས་ན། །འབྲས་བུ་དལ་འབྱོར་ཐོབ་པ་དཀོན། །དུད་འགྲོ་ལ་སོགས་འགྲོ་བའི་རིགས། །གཞན་ལ་ལྟོས་ན་དལ་འབྱོར་རྟེན། །ཐོབ་པ་ཉིན་སྐར་ཙམ་དུ་འདུག །བདག་གིས་ད་རེ་དལ་འབྱོར་གྱི། །མི་ལུས་རིན་ཆེན་ཐོབ་པ་འདི། …

རུང་འགྱུར་རོ་རི་ཁྲོད་པ། །ཕྱི་རོལ་རི་དང་ཁང་ཁྱིམ་སོགས། །སྣོད་བཅུད་འདི་དག་ཐམས་ཅད་ནི། །དཔེར་ན་རྨི་ལམ་ཇི་བཞིན་དུ། །རང་གི་སེམས་ཀྱི་འཁྲུལ་སྣང་ཡིན། །རང་བཞིན་གྲུབ་པ་རྡུལ་ཙམ་མེད། །སེམས་ཉིད་ཡ་ཀི་སྤྱི་གཙུག་ནས། །མ་ཀི་རྐང་མཐིལ་བར་དུ་ཚོལ། །བཙལ་ཚེ་སྐྱེ་འགགས་གནས་གསུམ་གྱིས། །སྟོང་ཞིང་ཁ་དོག་དབྱིབས་སོགས་མེད། །ལུས་ཀྱི་ཕ…