ལས། །སྤྲུལ་སྐུའི་ཞིང་དུ་དབུགས་དབྱུང་ནས། །མྱ་ངན་འདས་པའི་སར་གཤེགས་སོ། །ཞེས་དང་སམ་བྷུ་ཊའི་རྒྱུད་ལས། །གང་ཕྱིར་ཕྱོགས་བཅུའི་སངས་རྒྱས་དང་། །བྱང་ཆུབ་སེམས་དཔའི་བསོད་ནམས་པས། །སློབ་དཔོན་བ་སྤུའི་ཁུང་གཅིག་མཆོག །དེ་ཕྱིར་སློབ་དཔོན་མཆོད་བྱེད་པ། །སངས་རྒྱས་བྱང་ཆུབ་སེམས་དཔས་གཟིགས། །ཞེས་དང་དགོངས་པ་འདུས་པ་ལས། །དེས་ན་སངས…

གཅིག་བྱུགས་པ། །བསོད་ནམས་བརྒྱ་ཕྲག་ཆར་མི་ཕོད། །ཞེས་དང་རྡོ་རྗེ་སྙིང་བོ་ནི། །སྲ་བ་འབྱུང་གནས་རྒྱུད་ལས་ཀྱང་། །བླ་མ་རྟག་ཏུ་བསྟེན་པའི་མིས། །མཁའ་འགྲོའི་གཟུགས་རྣམས་མཐོང་བ་དང་། །དེ་ཡི་བྱིན་རླབས་འཇུག་པ་དང་། །དུས་གསུམ་ལུང་ཡང་སྟོན་པ་དང་། །སྐྱེ་ཤི་གཉིས་ལ་དབང་ཐོབ་འགྱུར། །ཞེས་དང་གཞན་ཡང་དེ་ཉིད་ལས། །བླ་མ་བསྙེན་བཀུར་བྱ…

དམ་ཚིག་བཀོད་པ་ལས། །མཚན་དང་དཔེ་བྱད་ལྡན་པའི་ལྷ། །བསྐལ་པ་འབུམ་དུ་བསྒོམས་པ་བས། །བླ་མ་དྲན་པ་འབུམ་ཆར་མིན། །བསྙེན་སྒྲུབ་བཟླས་པ་ས་ཡ་བས། །བླ་མའི་གསོལ་འདེབས་ལན་གཅིག་དགའ། །ཞེས་དང་གཞན་ཡང་བླ་མ་ཡི། །ཅི་གསུང་བཀའ་ནི་མ་བཅག་ན། །ཆོས་སྐྱོང་སྲུང་མ་རྣམས་ཀྱིས་ཀྱང་། །བར་ཆད་གནོད་ཚེ་ཐམས་ཅད་ལས། །སྐྱོབ་ཅིང་དགོངས་པ་འདུས་པ་ལས། །…

ནག་བཀའ་འགྲེལ་དུ། །དྲངས་པ་ལས་ཀྱང་འདི་སྐད་གསུངས། །ཚིགས་བཅད་གཅིག་ཙམ་ཉན་པ་ལས། །གང་གིས་བླ་མར་མི་འཛིན་ན། །ཁྱི་ཡི་སྐྱེ་བ་བརྒྱ་བླངས་ནས། །སྨེ་ཤ་ཅན་དུ་སྐྱེ་བར་འགྱུར། །ཞེས་དང་ཁྱད་པར་བླ་མ་ལ། །དམིགས་ནས་ཁོང་ཁྲོ་སྐྱེས་པ་ན། །བསྐལ་པར་བསགས་པའི་དགེ་རྩ་འཇོམས། །ཁོང་ཁྲོ་སྐད་ཅིག་ཅི་ཙམ་ཞིག །སྐྱེས་པའི་གྲངས་དང་མཉམ་པ་ཡི། །བསྐ…

ནི་མེ་ཡི་དུས་ཡིན་པས། །གངས་དང་རི་རྩེ་ལ་སོགས་པ། །བསིལ་སར་བསིལ་ཁང་ནང་དུ་སྒོམས། །ཟས་གོས་སྤྱོད་ལམ་དེ་མཐུན་གྱིས། །སྟོན་ནི་རླུང་གི་དུས་ཡིན་པས། །ནགས་ཁྲོད་བྲག་རྫོང་ལ་སོགས་པ། །བསིལ་དྲོད་སྙོམས་པའི་གནས་སུ་སྒོམས། །ཟས་གོས་སྤྱོད་ལམ་དེ་མཐུན་གྱིས། །དགུན་ནི་ཆུ་ཡི་དུས་ཡིན་པས། །ས་ཕུག་བྲག་ཕུག་ལ་སོགས་པ། །དྲོ་བའི་གནས་སུ་བ…

བླ་མ་ཡི་མཁྱེན་བརྩེ་ཡིད་ལ་ཤར། །ཡང་ཡང་མཇལ་རྒྱུ་ཞིག་བྱུང་ན་དགའ་བ་ལ། །ཞེས་པ་འདི་ཡང་ཉིན་ཞིག་ཆོས་རྒྱལ་ངག་གི་དབང་བོའི་ཞབས་པད་བསྟེན་དུས། སྐུའི་དབྱིབས་གསུང་གི་གདངས་ཐུགས་རྗེས་བསྐྱངས་ཚུལ་རྣམས་ཡིད་ལ་ཤར་ཚེ་ཚོགས་དྲུག་རང་གྲོལ་གྱིས་སྨྲས་པའོ། །ལམ་ངེས་འབྱུང་ནགས་ཀྱི་ཁྲོད་ན་འགྱིང་། །བྱམས་སྙིང་རྗེ་བྱང་སེམས་ཐིག་ལེ་བཀྲ། །…

གཉིད་བཟའ་བཏུང་ཁོ་ནའི་དབང་སོང་བས། །ཉིན་མཚན་གཉིས་གར་ཤོར་ངས་མ་ཤེས། །མི་གཞན་གྱི་སྐྱོན་ལ་བལྟས་བལྟས་ནས། །ཚུར་རང་སྐྱོན་ཡོད་པ་ངས་མ་མཐོང་། །ད་ཕ་ཡི་ཞལ་གདམས་མེ་ལོང་ལ། །བུ་བདག་གིས་བལྟས་པས་རང་སྐྱོན་མཐོང། །ངོ་ཚ་ཞིང་འགྱོད་པ་དྲག་པོ་བྱུང་། །འདི་ཕ་ཁྱོད་བཀའ་དྲིན་ཡིན་པར་གོ །དུས་ད་དུང་ཕ་རྒན་རིན་པོ་ཆེ། །ལུས་ཉོན་མོངས་ལྷོ་…

ཕྱི་གཞན་དུ་བཙལ་ནས་རྙེད་མི་སྲིད། །ཚུར་ནང་དུ་ཚོལ་དང་མྱུར་དུ་རྙེད། །ཁྱོད་རང་སེམས་སངས་རྒྱས་རྟོགས་འདོད་ན། །སྤྱིར་སྣང་སྲིད་འཁོར་འདས་བསྡུས་པའི་ཆོས། །སྣ་ཚོགས་སུ་སྣང་བ་ཐམས་ཅད་པོ། །དཔེ་མཁའ་ལས་འཇའ་སྤྲིན་སྣང་བ་བཞིན། །གང་སྣང་ཡང་སེམས་ཉིད་གཅིག་པུའི་འཕྲུལ། །འཇའ་སྤྲིན་རྣམས་སྣང་ཡང་སྟོང་བ་བཞིན། །གང་སྣང་ཡང་རང་བཞིན་མ་གྲ…

ཕོད་ཅན་ཚོ་ཚུར་ཉོན་དང་། །རྒས་པ་དབྱར་དགུན་སྟོན་དཔྱིད་འདྲ། །རིམ་གྱིས་འགྱུར་བ་ཡིད་ལ་ཟུངས། །གཞོན་ནུའི་དུས་སུ་ལྷ་ཆོས་མཛོད། །ན་བ་བྱེའུ་ཆུང་རྡོ་ཕོག་འདྲ། །སྟོབས་ནུས་ཟད་པ་ཡིད་ལ་ཟུངས། །ན་ཚ་མེད་དུས་ལྷ་ཆོས་མཛོད། །འཆི་བདག་རི་གཟར་རྦབ་རྡོ་འདྲ། །གང་གིས་ཀྱང་མི་བཟློག་ཡིད་ལ་ཟུངས། །མ་ཤི་གོང་འདིར་ལྷ་ཆོས་མཛོད། །རྒས་པ་ན་དང…

དཔོན་ཚོགས་དྲུག་རང་གྲོལ་གྱིས། །ཕ་ཡུལ་སྡུག་བསྔལ་རྒྱ་མཚོ་རུ། །བྱིང་བའི་སྐྱེ་བོ་རྣམས་ལ་གདམས། །འདི་ཐོས་ལས་འཕྲོ་ཅན་གྱི་མི། །རི་ཁྲོད་རིན་ཆེན་གླིང་བསྙེགས་ནས། །དགེ་སྦྱོར་ནོར་བུ་མི་ལེན་རི། །སྙམ་དུ་ཞེ་མནའ་ལན་གསུམ་སྐྱོལ། །མྱུར་དུ་སྐྱོ་ཤས་སྟོབས་བསྐྱེད་ལ། །མྱུར་དུ་འོང་བའི་ཐབས་ལ་འབོད། །མྱུར་དུ་འོངས་ན་དགའ་བ་ལ། །མྱུ…

པོའི་གཡོག་བཞིན་གྱིས། །དགེ་འདིས་སྐལ་ལྡན་སློབ་བུ་ཡི། །བློ་ཁ་ཆོས་ལ་ཕྱོགས་པར་ཤོག །ཅེས་པ་འདི་ཡང་ཨ་རིག་ནགས་ཚང་སྤྲུལ་སྐུ་རིན་པོ་ཆེའི་ཚ་བོ་གཉིས་ལ་ཞལ་གདམས་ཤིག་དགོས་ཞེས་བསྐུལ་ངོར་ཚོགས་དྲུག་རང་གྲོལ་གྱིས་མཚོ་སྙིང་ནས་ཉོན་དང་ཡོན་བདག་གཞོན་པ་ཚོ། །ཕ་མ་རྒན་རྒོན་རྣམས་ཀྱིས་ནི། །སྣབས་དང་ལུད་པ་ཁ་ཡིས་ཕྱིས། །མི་གཙང་བ་ནི་ལག…

རྣམས་བུ་ལ་སྤྲོད། །བུ་མོར་གོས་རྒྱུན་སྣ་ཚོགས་པ། །བཏགས་ནས་གནས་ལ་རྫོང་བ་སོགས། །དེ་འདྲའི་དཀའ་ལས་སྣ་ཚོགས་ཀྱིས། །ཕ་མས་བུ་ཚ་བསྐྱང་བསྐྱངས་ནས། །རྒས་ཁར་ཕན་དུ་རེ་བའི་ཚེ། །ལ་ལས་ཕན་ལན་མི་འཇལ་སྟེང་། །ཐ་ན་ཁ་ཡང་གྲག་དབང་མེད། །ཕེ་ཐོབས་བྲང་རྡུངས་ཁ་རོག་ཟེར། །རྐང་ཐོ་ལག་ཐོ་ལ་སོགས་པས། །སྟེ་ཕུང་བཞིན་དུ་ཡང་ཡང་བརྡུངས། །རྨ་མེད…

རིང་མི་སྡོད་འགྲོ། །འགྲོ་བའི་ནངས་པར་ཕ་མ་ལ། །གཅེས་གཅེས་འདྲ་བའི་ཁ་བཟང་དེ། །བཤད་ཀྱང་ཕ་མས་ཉན་དབང་མེད། །འཇམ་པོ་བསྐོན་ཡང་གོན་དབང་མེད། །ཞིམ་པོ་བྱིན་ཡང་ཟ་དབང་མེད། །དེ་ནས་བཟུང་སྟེ་ཕ་མ་གཉིས། །དངོས་སུ་མཐོང་བ་ཕར་ལ་ཞོག །རྨི་ལམ་དུ་ཡང་མཐོང་མི་འགྱུར། །མི་མཐོང་ཡུལ་དུ་འགྲོ་བའི་དུས། །བུ་བཟང་ཁྲེལ་ཡོད་ཐམས་ཅད་ཀྱི། །མགོ་ཡི…

དད་ལྡན་ཞབས་དྲུང་དགེ་སློང་ངག་དབང་བློ་བཟང་གིས་ཁྱིམ་པ་རྣམས་ལ་ཕན་པའི་ཞལ་གདམས་ཤིག་དགོས་ཞེས་བསྐུལ་ངོར་ཚོགས་དྲུག་རང་གྲོལ་གྱིས་སྨྲས་པའོ།། །བདེ་མེད་འཁོར་བ་སྡུག་བསྔལ་རྒྱ་མཚོ་ལས། །བདེ་ལྡན་ཐར་བའི་རིན་ཆེན་གླིང་མཆོག་ཏུ། །བདེ་བར་འགྲོ་ཀུན་འཁྲིད་པའི་དེད་དཔོན་མཆོག །བདེ་ལེགས་གཞི་གཅིག་བླ་མ་བདག་ལ་དགོངས། །མགོན་པོ་ཁྱོད་ནི…

ཆེ། །རྒྱལ་མཚན་ཏོག་ལྟར་སྤྱི་གཙུག་རྒྱན་དུ་བཞུགས། །དུང་དུང་སྙིང་ནས་དྲིན་ཅན་བླ་མ་ལ། །ལྷང་ལྷང་གདུང་བའི་དབྱངས་ཀྱིས་གསོལ་བ་འདེབས། །འཛུམ་འཛུམ་དགྱེས་པའི་སྒོ་ནས་སློབ་བུ་ལ། །བཟང་བཟང་མཆོག་དང་ཐུན་མོང་དངོས་གྲུབ་སྩོལ། །ཟླ་མེད་མཚན་ལྡན་བླ་མའི་བཀའ་བཞིན་དུ། །དོན་མེད་ཚེ་འདིའི་བྱ་བ་བློས་བཏང་ནས། །ངེས་མེད་དབེན་པའི་རི་ལ་གཅ…

སྡུག་མྱོང་བའི། །མ་གྱུར་འགྲོ་བའི་དོན་དུ་སེམས་བསྐྱེད་ལ། །མ་རབ་སྤྱོད་སྤོང་རྒྱལ་སྲས་སྤྱོད་པ་རྣམས། །མ་ལུས་སྒྲུབ་ལ་ཞུམ་པ་མེད་པར་གྱིས། །གསང་སྔགས་ཉམས་སུ་ལེན་མཁན་བླ་མ་ལ། །གསང་སྔགས་དབང་བཞི་ཚད་ལྡན་སྔོན་དུ་ཞུས། །གསང་སྔགས་གཞུང་བཞིན་དམ་ཚིག་ལེགས་བསྲུངས་ལ། །གསང་སྔགས་བསྐྱེད་རྫོགས་ཉམས་སུ་ལེན་པར་མཛོད། །ཡང་དག་རྫོགས་པའི…

མཐའ་ཡས་པའི། །ཡིད་འོང་རང་བྱུང་བྲག་ཕུག་ཏུ། །སྙོམ་ལས་མཁན་ང་ཉལ་ཉལ་ནས། །ཉིན་གཅིག་ཁམས་གསེང་བྱས་པའི་ཚེ། །སློབ་བུ་ཐུབ་བསྟན་རྒྱ་མཚོ་ཡིས། །ཞལ་གདམས་དགོས་ཞེས་འདི་སྐད་ཟེར།། ༈ཨེ་མ་རྣམ་དག་བསླབ་གསུམ་གྱི། །སྒོ་ནས་རང་རྒྱུད་ལེགས་པར་བཏུལ། །མང་ཐོས་ལུང་གི་ཡོན་ཏན་མངའ། །ཟབ་མོ་ལྟ་བའི་དོན་རྟོགས་ཤིང་། །སློབ་མ་རྣམས་ལས་ཡོན་ཏན་ལ…

ཉུང་ན་མཛེས།། ༈མགོན་ཁྱོད་སྔོན་སྦྱངས་བག་ཆགས་བཟང་། །བཟང་བོའི་ཆོས་ལ་ཆུང་ནས་དད། །དད་གུས་བཟང་བོས་བླ་མ་ཡང་། །ཡང་དག་བསྟེན་ནས་ཟབ་ཆོས་གསན། །དལ་འབྱོར་རྙེད་དཀའ་དོན་ཆེ་དང་། །ཕངས་མེད་མི་རྟག་འཆི་བ་དྲན། །ཚེ་འདིའི་བྱ་བ་བློ་ཡིས་བཏང་། །ལེ་ལོ་སྙོམ་ལས་མ་མཛད་པར། །གོང་མའི་རྣམ་ཐར་ཇི་བཞིན་དུ། །དུ་མའི་རི་ཁྲོད་དབེན་གནས་སུ། །ས…

མཐུས། །ཚེ་འདིར་ཚེ་རིང་ནད་མེད་ཅིང་། །རིགས་གཟུགས་འབྱོར་དང་དབང་ཕྱུག་དང་། །ཤེས་རབ་ཡོན་ཏན་བདུན་གྱིས་མཛེས། །དལ་འབྱོར་ཚང་བའི་མི་ལུས་ཐོབ། །ཆོས་མཛད་ཀུན་ལ་དག་སྣང་ཆེ། །བདག་གིས་སྔོན་ཆད་གང་སྨྲས་ལ། །མཁས་པ་དགྱེས་པའི་སྡེབ་སྦྱོར་མེད། །འོན་ཀྱང་བྱིས་པས་ཅི་སྨྲས་རྣམས། །རྒན་པོས་ཐོས་ན་མི་ཁྲོ་ལྟར། །བློ་ཆུང་ང་འདྲེས་གོང་སྨྲས…

བསམ་བྱས་ནས་མ་བསྒོམས་ན། །འབྲས་བུ་སངས་རྒྱས་ཐོབ་མི་འགྱུར། །དེ་ཕྱིར་ཤེས་པས་མི་ཆོག་པར། །གང་ཤེས་རྩེ་གཅིག་བསྒོམ་པ་གཅེས།། ༈ལས་འབྲས་བསླུ་བ་མེད་མཁྱེན་ནས། །སྡིག་སྤངས་དགེ་བ་རབ་ཏུ་བསྒྲུབས། །གཏན་དུ་བདེ་བའི་བཙན་ས་བཟུང་། །མཚན་ལྡན་བླ་མ་རིན་པོ་ཆེ། །ཐོས་བསམ་བྱས་པས་མི་ཆོག་པར། །རྩེ་གཅིག་བསྒོམ་ལ་རག་ལས་ན། །གང་དུ་གནས་ནས་བས…