སྐྱེ་དཀའ་བ་གླིང་བཞི་ཡི་ནང་ནས་མཆོག་ཏུ་གྱུར་པ་ལྷོ་འཛམ་བུ་གླིང་དུ་སྐྱེས། ཐོབ་པར་དཀའ་བ་མི་ཡི་ནང་ནས་དབང་པོ་སྒོ་ལྔ་ཚང་བའི་མི་ལུས་གཙང་མ་ཐོབ། མཇལ་བར་དཀའ་བ་བླ་མའི་ནང་ནས་མཚན་ཉིད་ཚང་བའི་བླ་མ་དང་མཇལ། འཕྲད་པར་དཀའ་བ་ཆོས་ཀྱི་ནང་ནས་སངས་རྒྱས་ཀྱི་གསུང་རབ་དགོངས་འགྲེལ་དང་བཅས་པར་འཕྲད་པའི་དུས་འདིར་དཀར་པོ་དགེ་བའི་ལས་ལ་བརྩ…

ཆད་ཡང་ནས་ཡང་དུ་འཛམ་བུའི་གླིང་དུ་མི་སྐྱེ། སྐྱེས་ཀྱང་མི་ལུས་གཙང་མ་མི་ཐོབ། ཐོབ་ཀྱང་མཚན་ལྡན་གྱི་བླ་མ་དང་སངས་རྒྱས་ཀྱི་བསྟན་པར་མི་མཇལ། མཇལ་ཀྱང་དམ་ཆོས་སྒྲུབ་པའི་རང་དབང་རང་ལ་ཨེ་ཐོབ་མི་ཤེས། དེས་ན་དལ་འབྱོར་དོན་ལྡན་ཞིག་བྱེད་དགོས། དེ་ཡང་མྱུར་དུ་བརྩོན་པས་མ་འབད་ན་མི་ཚེ་ཡུན་ཐུང་། རྒས་དུས་མི་ནུས། ནམ་འཆི་ཆ་མེད་པས། ཕ…

ལྷག་པར་ཤ་ཁྲག་གི་ལུས་འདི་ནི་ཆུ་ཡི་ཆུ་བུར་ལྟ་བུར་ཡལ་བར་སླ་བས་དོ་ནུབ་ཙམ་ཡང་མི་འཆི་སྙམ་པའི་བློ་གཏད་མེད་དེ། སྐྱེ་བོ་ཕོ་མོ་གཞོན་ནུ་ལང་ཚོ་དར་ལ་བབ་པ་རྣམས་ཀྱང་གློ་བུར་དུ་ཤི་བ་མང་བས་ན། དབུགས་རླངས་པ་ཙམ་དྲོད་མེ་སྟག་ཙམ་པ་འདིའི་རྒྱུན་སྐད་ཅིག་ཙམ་ལ་འཆད་ཉེན་ཡོད། རྒན་གཞོན་ལ་གོ་རིམ་མེད། ཕོ་མོ་ལ་བཟང་ངན་མེད། གཟུགས་བྱད་ལ…

བསྔལ་ཆེ་བ་མཐོང་ཆོས་སུ་ཡོད་པ་འདི་རྣམས་ཡིན། རྒྱུ་དགེ་བ་བྱས་ན་མངོན་མཐོ་ལྷའམ་མིའི་གོ་འཕང་དང་། ངེས་ལེགས་ཐར་པ་ཙམ་དང་ཐམས་ཅད་མཁྱེན་པ་སངས་རྒྱས་ཀྱི་གོ་འཕང་འཐོབ་ལ། མངོན་མཐོ་ལྷའམ་མིའི་གནས་སུ་སྐྱེས་ན་རིགས་གཟུགས་འབྱོར་དང་དབང་ཕྱུག་ཤེས་རབ་ཚེ་རིང་ནད་མེད་བདེ་དང་ལྡན་ཞིང་། མཚན་ལྡན་གྱི་བླ་མ་དུ་མའི་ཞབས་རྡུལ་བསྟེན་ནས་ཟབ་ར…

གང་གི་མིག་ཡིད་དབང་མེད་དུ་འཕྲོག་པ། གསུང་དབྱངས་ཡན་ལག་དྲུག་ཅུའི་གདངས་པི་ཝང་གླིང་བུ་ལས་བརྒྱ་སྟོང་འགྱུར་གྱིས་སྙན་ཅིང་། ལྷ་ཀླུ་མི་ལ་སོགས་སོ་སོའི་སྐད་དུ་ཆོས་སྟོན་ནུས། ཐུགས་ཀྱིས་ཆོས་ཐམས་ཅད་ཕྱག་མཐིལ་དུ་གཟིགས་པ་ལྟར་ས་ལེར་མཁྱེན་ཅིང་། མི་གཅིག་གིས་གཡོན་ནས་སྐུ་ལ་སཏྭ་གྲིས་གཤག་ཅིང་། གཡས་ནས་མི་གཅིག་གིས་སྐུ་ལ་ཙན་དན་ག…

རོ་བརྒྱའི་ཟས་སོགས་བྱིན་ནས་ཅི་འདོད་ཀྱི་རེ་བ་སྐོང་ནུས། མདོར་ན་སངས་རྒྱས་ནི་སྐྱོན་ཀུན་ཟད་ཡོན་ཏན་ཀུན་ལྡན། ཕན་བཏགས་མ་བཏགས་མེད་པར་སེམས་ཅན་ཐམས་ཅད་ཀྱི་མགོན་སྐྱབས་དཔུང་གཉེན་བྱེད་པ་ཡིན། དེས་ན་རྒྱུ་མི་དགེ་བ་སྤངས་ནས་དགེ་བ་བསྒྲུབ་དགོས་པའི་རྒྱུ་མཚན་དེ་ཡིན། འོ་ན་རྒྱུ་མི་དགེ་བ་དེ་གང་ཡིན་ཟེར་ན། མང་བོ་ཡོད་ཀྱང་བསྡུ་ན། …

༈ མཚོ་སྙིང་དབེན་པའི་དགའ་ཚལ་ནས་དད་ཅན་ཡོན་བདག་ཕོ་མོ་རྣམས་ལ་གདམས་པའི་སྐོར། བླ་མ་མ་ལུས་སྤྱི་བོའི་རྒྱན་དུ་བཞུགས། །སློབ་མ་མ་ལུས་ཐུགས་རྗེ་སྤྱན་གྱིས་གཟིགས། །མི་མེད་རི་ཁྲོད་འགྲིམ་པའི་རྣལ་འབྱོར་གླུ། །ཡེངས་མེད་སྐལ་ལྡན་སློབ་བུ་གུས་པས་ཉོན། །ཐོབ་དཀའི་མི་ལུས་རིན་ཆེན་ད་རེས་ཐོབ། །མཇལ་དཀའི་ལྷ་ཆོས་མཇལ་བ་སྐལ་བ་བཟང་། །ཚ…

པོར་བསྒྲུབས་ཀྱང་ཚར་དུས་མེད། །ནམ་འཆི་ཆ་མེད་ཚེ་ལ་ལོང་མི་སྟེར། །ནམ་ཡང་ཕྱི་མར་རང་ཉིད་བདེ་ཐབས་གྱིས། །ཉི་མ་བཞིན་དུ་ཕྱོགས་རིས་མ་མཆིས་པའི། །བླ་མ་རྣམས་ལ་གང་ཡོད་འབྲེལ་བ་ཞོག །དགེ་འདུན་པ་རྣམས་བསོད་ནམས་ཞིང་གི་མཆོག །དགེ་སློང་བནྡེ་གང་ལ་བསྙེན་བཀུར་གྱིས། །དྲིན་ཅན་ཕ་མ་འཛོམ་པ་ཚེ་སྟོད་ཡིན། །དྲིན་གཟོ་ཡོད་ན་གྱིས་མིན་འཆི་…

མ་རྣམས་ལ་གསོལ་བ་འདེབས། །མི་རྟག་འཆི་བ་དྲན་པར་བྱིན་གྱིས་རློབས། །ཚེ་འདི་མི་རྟག་སྟོན་ཀའི་སྤྲིན་དང་འདྲ། །ཕ་མ་ཉེ་འབྲེལ་ཚོང་འདུས་མགྲོན་པོ་འདྲ། །ཉམ་ཆུང་ལུས་འདི་ཆུ་ཡི་ལྦུ་བ་འདྲ། །ནོར་རྫས་མི་རྟག་རྩྭ་མགོའི་ཟིལ་བ་འདྲ། །འཇིག་རྟེན་འཁོར་བའི་ཆོས་ལ་སྙིང་པོ་མེད། །སྙིང་པོ་ཡོད་པ་དམ་པའི་ལྷ་ཆོས་ཡིན། །དམ་ཆོས་བྱེད་པའི་དུས་…

གཉེན་སྐྱོང་དང་། །ཡོད་པ་འཚོ་སྐྱོང་མེད་པ་བཙལ་རྙེད་དང་། །ཚོང་དང་ཞིང་ལས་ཁོ་ནས་གཡེང་གཡེངས་ནས། །ཡོད་མེད་གཉིས་ཀས་མི་ཚེ་སྡུག་ཟད་བྱེད། །མ་ཤི་བར་དུ་ཁོམ་པའི་དུས་མི་འབྱུང་། །ཤི་ནས་ཕྱིར་ལ་འོང་བའི་མི་གཅིག་མེད། །མ་བྱེད་མ་བྱེད་ཚར་མེད་བྱ་བ་ཞོག །བྱེད་ན་བྱེད་ན་ཕྱག་སྐོར་ཁ་ཏོན་གྱིས། །ཚེ་འདིའི་ལྟོ་རྒྱབ་འདང་བ་མ་གཏོགས་པ། །…

མ་རིང་། །ད་ལྟ་ད་ལྟ་འཆི་བྲོད་ལྷ་ཆོས་གྱིས། །ལོ་བརྒྱ་ཐུབ་པའི་མི་ནི་ཤིན་ཏུ་དཀའ། །ད་ལྟའི་ཚེ་ཚད་དྲུག་ཅུ་བདུན་ཅུ་སྟེ། །ཚེ་སྟོད་དམ་ཆོས་མི་དྲན་ཚེ་སྨད་ལ། །དྲན་ཀྱང་མི་ནུས་བར་གྱི་ཚེ་ལ་ཡང་། །ཕྱེད་ཀ་གཉིད་དང་བཟའ་བཏུང་གཡེང་བས་འཁྱེར། །དམ་ཆོས་སྒྲུབ་སྐབས་ཅུང་ཟད་ཙམ་མིན་མེད། །ཅུང་ཟད་ཙམ་ལས་མེད་པ་མི་ཤེས་པར། །དམ་ཆོས་མི་བྱེ…

དབང་རང་ལ་ཡོད་དུས་དགེ་ཕྱོགས་གྱིས། །གལ་ཏེ་གསོན་དུས་དགེ་རྩ་བྱེད་ཁོམ་ནི། །མ་བྱུང་གློ་བུར་འཆི་ན་ཁ་ཆེམས་ལ། །ང་ནི་མི་རྙེད་ཡུལ་དུ་འགྲོ་བ་ཡིན། །ཁྱེད་རྣམས་རྙེད་ཀྱི་ཡུལ་ནས་འདུག་པས་ན། །ང་ལ་དགེ་རྩ་ཅི་ནུས་ཐོངས་ཞེས་ཤོད། །དེ་མིན་ཁོ་བོ་ཕྱིར་ལ་འོང་རྒྱུ་ལྟར། །ལབ་ལབ་མང་བོས་འཆི་ཁར་དགོས་པ་མེད། །ཁ་ཅིག་འཆི་དུས་ཁོ་ལ་དགེ་རྩ་…

དུས་ཚོད་དེ། །དོ་ནུབ་ནངས་པར་མི་འོང་ངེས་པ་མེད། །མ་རིང་མ་རིང་བློ་སྣ་མ་རིང་བར། །ད་ལྟ་ད་ལྟ་ཆོས་ལ་འབད་ན་ལེགས། །ཐམས་ཅད་བཞག་ནས་རང་ཉིད་གཅིག་པུ་རུ། །སྔོན་ཆད་ཐོས་ཀྱང་འགྲོ་མ་མྱོང་བ་ཡི། །རྒྱུས་མེད་ཆ་མེད་བར་དོའི་འཕྲང་རིང་འགྲིམས། །གཤིན་རྗེ་ཆོས་རྒྱལ་དྲུང་དུ་སོང་ཙ་ན། །གཤིན་རྗེ་ཆོས་རྒྱལ་ཞལ་ནས་འདི་སྐད་གསུང་། །ཁྱོད་ནི་…

མཐོ་རིས་ཐར་ལམ་ལ། །མི་རྣམས་མི་རྣམས་མིག་གིས་ཡར་ལ་ལྟོས། །མྱུར་བ་མྱུར་བར་དེ་ལ་འགྲོ་ཐབས་གྱིས། །གླུ་འདི་ཐོས་ཚད་འཆི་བར་རབ་འཇིགས་ནས། །ཕྱི་མར་སྐྱིད་པའི་ལྷ་ཆོས་བྱེད་པར་ཤོག །ཅེས་པ་འདི་ནི་དད་ལྡན་ལྷུན་གྲུབ་སོགས་ཨ་རིག་ཡོན་བདག་རྣམས་ལ་ཚོགས་དྲུག་རང་གྲོལ་གྱིས་མཚོ་སྙིང་ནས་སྨྲས་པའོ། །སྤྱི་གཙུག་པདྨ་ཉི་ཟླའི་གདན་སྟེང་གི །…

དམན་བར་གསུམ་ཐམས་ཅད་འཆི། །རང་ཉིད་ངེས་པར་འཆི་བའི་ཚུལ་སོམས་ལ། །མ་བྱེད་མ་བྱེད་རྐུ་དང་ཇག་མ་བྱེད། །བྱེད་ན་བྱེད་ན་ཕྱག་དང་སྐོར་བ་གྱིས། །འཛམ་བུའི་གླིང་འདིའི་ཚེ་ལ་ངེས་པ་མེད། །འཆི་བའི་རྐྱེན་མང་སྨན་གྱི་ནུས་པ་ཆུང་། །ན་སོ་རྒས་ནས་ཤི་བའི་ཕོ་མོ་ཉུང་། །གཞོན་ནུ་དར་བབ་དུས་སུ་ཤི་བ་མང་། །རང་ཉིད་ནམ་འཆི་མི་ཤེས་ཚུལ་སོམས་ལ། …

འགྲོ་བའི་དབང་། །རང་གི་ལག་ན་ཡོད་པའི་ཚུལ་སོམས་ལ། །མ་བྱེད་མ་བྱེད་མི་དགེ་ཆུང་ངུ་འཛེམས། །བྱེད་ན་བྱེད་ན་དགེ་ཚོགས་མཐའ་དག་སྒྲུབས། །ད་རེས་ལུས་འདིའི་ཐོག་ནས་ཆོས་མ་བསྒྲུབས། །སྡིག་པ་བྱས་པ་ངན་སོང་གསུམ་དུ་སྐྱེ། །བསྐལ་པ་བྱེ་བ་བརྒྱར་ཡང་མི་ཡི་ལུས། །ཐོབ་པ་ཕར་ཞོག་བདེ་འགྲོའི་སྒྲ་མི་ཐོས། །དམྱལ་བར་སྐྱེས་ན་ཚ་གྲང་སྡུག་བསྔལ་…

རྣམས། །ནམ་མཁར་ཤར་ནས་ཁྲ་ཤིགས་སེ། །ཡོད་པ་ནངས་དུས་མི་སྣང་ལྟར། །ཆོས་རྣམས་མི་རྟག་དེ་དང་འདྲ། །དཔེར་ན་རི་ངོས་སྤང་གཞོང་གི །དཀར་སེར་དམར་ལྗང་མེ་ཏོག་རྣམས། །སྔ་ཕྱི་བྱས་ནས་རྙིང་འགྲོ་ལྟར། །ཆོས་རྣམས་མི་རྟག་དེ་དང་འདྲ། །དཔེར་ན་སྔོ་ལྗང་རྩི་ཤིང་གི །ལོ་མ་མེ་ཏོག་འབྲས་བུ་རྣམས། །ཐམས་ཅད་ས་ལ་ལྟུང་བ་ལྟར། །ཆོས་རྣམས་མི་རྟག་དེ་…

ལ་འགྱོད་བཤགས་གྱིས། །སྙིང་རྗེ་ཉམ་ཐག་འགྲོ་ལ་ལྟོས། །སྙིང་པོ་ཡི་གེ་དྲུག་མ་ཐོན། །བར་བར་ནམ་འཆི་ཆ་མེད་སོམས། །སྐབས་སྐབས་ཕྱག་སྐོར་སྡོམ་པ་སྲུངས། །རྒྱུན་དུ་བསམ་པ་དཀར་པོ་གྱིས། །འགྲོ་ལ་ཕན་པ་ཐུབ་ཚད་སྒྲུབས། །ཕན་མི་ཐོགས་རུང་གནོད་མ་སྐྱེལ། །དེ་ལྟར་མཛད་ན་ཚེ་འདི་དང་། །ཕྱི་མར་བདེ་སྐྱིད་ཉི་མ་འཆར། །གླུ་འདི་ཐོས་ཚད་ཁྱིམ་པ་ཡ…

བསྒོམས་ན་ལེགས། །གང་ལ་མ་ཆགས་སྒོམ་བྱེད་པའི། །གང་ཟག་རྒྱུད་ལ་ཉམས་རྟོགས་འཆར། །གང་ལ་སྙིང་པོ་མེད་པ་མཐོང་། །གང་ནུས་དགེ་སྦྱོར་བྱས་ན་འཚེངས། །གང་དུ་འགྲོ་འམ་འདུག་ཀྱང་རུང་། །གང་ལ་ངན་སྨྲ་མ་བྱེད་བཟང་། །གང་ཟག་གཞན་གྱི་སྐྱོན་རིག་ཀྱང་། །གང་ལ་མ་བཤད་སེལ་ཐུབ་ལྟོས། །གང་ཡང་རྟག་པ་མེད་པ་ཤེས། །གང་རྙེད་གསོག་འཇོག་མ་བྱས་བདེ། །གང…

ཨ་ནེ་མནའ་མ་མ་བུ་བཞིན་དུ་འགྲོགས། །ཆེན་མས་ཆུན་མར་ཁ་ཚག་རྐྱང་མ་བྱེད། །གཡོག་པོ་གཡོག་མོས་གང་བཅོལ་གོ་ཆོད་གྱིས། །ཁྱིམ་མཚེས་གྲོགས་ལ་ན་ཚ་བྱུང་ན་དྲིས། །གཞོན་ནུ་ཤ་ཁྲག་རྒྱས་དུས་ཕྱག་སྐོར་རེམ། །ཟས་ནོར་ལོངས་སྤྱོད་འཛོམ་དུས་མེད་ཕོངས་སྐྱོངས། །རྒྱུ་ནོམ་གང་བཟང་ཆོས་ཀྱི་ཕྱོགས་སུ་ཐོངས། །མི་ལ་ན་ཚ་བྱུང་དུས་སྐུ་རིམ་གྱིས། །ཕྱུ…