འཐོབ་པར་འགྱུར། །གཏམ་འདི་ཚོགས་དྲུག་རང་གྲོལ་གྱིས། །དད་ཅན་རིན་ཆེན་རྒྱལ་ལ་གདམས། །དགེ་འདིས་རང་ལ་འབྲེལ་ཐོགས་གྱིས། །ཅི་བསམ་ཆོས་བཞིན་འགྲུབ་པར་ཤོག །ཀ་དག་ཆོས་སྐུའི་ཀློང་ནས་འགྲོ་དོན་དུ། །ཁ་དོག་ངུར་སྨྲིག་འཛིན་པའི་སྐུ་རུ་བཞེངས། །ག་ནས་བལྟས་ཀྱང་སྐྱོན་ཟད་ཡོན་ཏན་གཏེར། །ང་ཡི་གཙུག་རྒྱན་དྲིན་ཅན་བླ་མར་འདུད། །ཅ་ཅོའི་རྣམ་…

བྱིང་རྒོད་བར་མི་ཆོད། །ཝ་ལེར་དུས་ཀུན་ད་དུང་སྐྱོང་འདི་རྨད། །ཞྭ་གོས་རྒྱན་སོགས་འཁོར་བ་མྱང་འདས་ཀྱི། །ཟ་ཟིའི་སྣང་བ་སྒྱུ་མའི་ཆོས་སུ་གོ །འ་འུར་ལྷ་འདྲེའི་ཆོ་འཕྲུལ་ཅི་བྱུང་ཡང་། །ཡ་ང་མེད་པར་ཡ་མཚན་ལྟད་མོར་མཐོང་། །རྭ་བ་གངས་རིས་བསྐོར་བའི་ཡུལ་ཕྱོགས་འདིར། །ལ་ལུང་རྣམས་སུ་སྡོད་མི་མང་ན་ཡང་། །ཤ་སྟག་ངེས་དོན་ཆོས་ལ་གཞོལ་བ…

བ་མི་སྐྱེ་སྐྱོ་མགུར་སྙན་མོ་ལེན། །ཉམས་རྟོགས་མེད་པས་ཉམས་མགུར་ལྷང་ལྷང་འཐེན། །ཁ་བཤད་མཁན་ངས་ཁ་ནས་གླུ་དབྱངས་ལེན། །ཀ་རིང་སྔགས་འཆང་ཨ་བར་ཐེ་བུ་ཡི། །ཁ་རྒན་བསམ་ཤེས་གཞོན་ནུ་དད་ཅན་ཚོ། །ག་ལེ་ཀྱི་ལེ་འབོལ་ལེ་དལ་ཅག་གེ །ང་ཡིས་གླུ་དབྱངས་འཐེན་ལ་རྣ་བ་གཏོད། །ཅ་ཅོའི་གཏམ་མང་མ་ལབ་ཁ་ཏོན་གྱིས། །ཆ་མེད་བླ་མ་ཆེ་ཆུང་སུ་བྱུང་ཡང་། …

བྱམས་པར་གྱིས། །ཟ་མ་མེད་པའི་དབུལ་བོར་སྦྱིན་པ་ཐོངས། །འ་འུར་འཐབ་རྩོད་མ་བྱེད་བྱས་པ་སྡུམས། །ཡ་རབས་བླ་དཔོན་རྒན་ལ་བརྩི་བཀུར་གྱིས། །ར་ལུག་གཡག་གསུམ་བསད་ནས་ཆོས་མ་བཅོ། །ལ་ལུང་རི་ཁྲོད་བསྟེན་པའི་སྒོམ་ཆེན་མཆོད། །ཤ་རྐྱང་དགོ་སོགས་རི་དྭགས་རིགས་མ་གསོད། །ས་ཚཱ་ཕྱག་སྐོར་སྨྱུང་གནས་སྡོམ་པ་སྲུངས། །ཧ་ཅང་རྒས་པའི་དྲིན་ཅན་ཕ་དང…

ཆོས་ཀྱི་རྒྱལ་པོ། །རིག་འཛིན་འཇམ་དབྱངས་རྒྱ་མཚོ། །དག་པའི་ཞིང་དུ་གཤེགས་ཐལ། །ཡན་ལག་ཉིང་ལག་འདྲ་བའི། །ཕ་མ་མཆེད་གྲོགས་ཡོན་བདག །ལ་ལ་ཤི་བྲལ་བྱས་སོང་། །ལ་ལ་གསོན་བྲལ་བྱས་ཐལ། །མི་མེད་ལུང་བ་སྟོང་བའི། །བྲག་ཁུང་སྐམ་པོའི་ནང་དུ། །བན་རྒན་རང་ཉིད་གཅིག་པུར། །གཟུགས་ཕུང་བཞིན་དུ་ལུས་ཐལ། །ཚུལ་དེ་ཞིབ་ཏུ་བསམས་ཚེ། །སྐྱོ་ཤས་ཤུགས…

པ་འམ། །ཡང་ན་ལས་ཀྱིས་མནར་བ་ཡིན། །ལོངས་སྤྱོད་ཡོད་བཞིན་རང་སྤྱོད་དམ། །གཞན་ལ་སྦྱིན་པ་མི་གཏོང་ན། །མི་དེ་ནད་ཀྱིས་བཏབ་པ་འམ། །ཡང་ན་ཡི་དྭགས་མངོན་སུམ་ཡིན། །སྤྱོད་དམ་སྦྱིན་པར་མི་ནུས་པའི། །ནོར་དེ་ཕྱུག་པོར་བསྒོམས་ན་ནི། །རི་བོ་གསེར་དུ་བསྒོམས་པ་ཡིས། །ཕྱུག་པོར་བསྒོམ་པ་ཤིན་ཏུ་སླ། །ཆོས་དང་ཆོས་མིན་ཤེས་པ་ཡི། །མཁས་པ་ཤིན་…

དཀོན། །རྫིང་ངན་ཆུ་ཡིས་ཁེངས་པ་ན། །ཕྱོགས་གཅིག་ཅི་ནས་འཇིག་པ་ལྟར། །གང་ལ་ནོར་དང་ལྡན་གྱུར་ན། །དེ་ལ་རིགས་རྒྱུད་ཤིན་ཏུ་དཀོན། །བུ་དང་ལྡན་ན་ནོར་ཆེ་དཀོན། །ནོར་དང་ལྡན་ན་དགྲ་བོས་འཇོམས། །ཐམས་ཅད་འཛོམས་ན་རིང་མིན་དུ། །མི་དེ་མྱུར་དུ་འཆི་བ་མང་། །དེས་ན་མཁས་པས་བསོད་ནམས་བསགས། །བསོད་ནམས་ཁོ་ན་ཕུན་ཚོགས་རྒྱུ། །མི་རྣམས་ཕལ་ཆེར…

པ་ཡི། །ཁྱད་པར་ལེགས་པར་ཤེས་ནས་ནི། །དོན་གཉིས་བྱ་བ་སྒྲུབ་ཤེས་པ། །ཕུན་སུམ་ཚོགས་པའི་གཞི་ཆེན་ཡིན། །མཁས་པས་རིག་པ་མ་བསྒྲིམས་ན། །ཉེས་པ་འབྱུང་ལ་བློ་ལྡན་གྱིས། །རིག་པ་རབ་ཏུ་བསྒྲིམས་པ་ན། །ཉེས་པ་འབྱུང་བའི་གོ་སྐབས་དཀའ། །རང་ཉིད་གང་ལ་མི་དགའ་བ། །གཞན་ལ་དུས་ཀུན་དེ་མི་བྱ། །རང་ཉིད་དགའ་བ་དེ་གཞན་ལ། །བྱས་ན་རང་ལ་གང་དགའ་བྱ། །…

རྣམས་ཀྱིས། །སྐྱོན་དེ་མྱུར་དུ་འདོན་པར་བྱ། །དེ་ལྟར་གཉེན་པོས་སྐྱོན་སྟོན་ན། །མི་དེ་ཇེ་བཟང་ཇེ་བཟང་འགྲོ། །བླུན་པོ་ལོག་པའི་ལམ་འགྲོ་བ། །བླུན་པོ་ཉིད་དུ་གོ་བས་ཆོག །མཁས་པ་ལོག་པའི་ལམ་འགྲོ་ན། །རྒྱུ་མཚན་གང་ཞིག་ཡིན་དཔྱད་དགོས། །རང་གིས་ལེགས་པར་ཤེས་ན་ཡང་། །བྱ་བ་ཐམས་ཅད་གྲོས་ཀྱིས་སྒྲུབས། །མི་གང་གྲོས་ལ་མི་དགའ་བ། །འགྱོད་…

བ། །སྒྲུབ་སླ་གཞན་དགའ་དབང་སྡུད་མཆོག །ནོར་གྱིས་ཐམས་ཅད་མགུ་མི་ནུས། །ལུས་སྲོག་བཏང་ཡང་ཆེར་མི་ཚིམ། །ཕོངས་ཀྱང་གདུང་བ་བསྐྱེད་མི་བྱ། །འབྱོར་ཀྱང་དགའ་བས་དྲེགས་མི་བྱ། །སྐྱིད་སྡུག་གཉིས་ཀ་དབྱར་དགུན་བཞིན། །མི་རྟག་རིམ་པས་འགྱུར་ནས་འགྲོ། །ཆོག་ཤེས་ཅན་གྱི་ལོངས་སྤྱོད་ནི། །མི་ཟད་རྟག་ཏུ་བདེ་ཞིང་སྐྱིད། །ཆོག་ཤེས་མེད་པས་ནོར་…

མང་རྣམས་ཀྱིས་དེ་སྐད་སྨྲ། །བཟའ་རྒྱུ་ཟན་གཅིག་མེད་ན་ཡང་། །གང་ཡོད་གཞན་ལ་གཏོང་ཕོད་པ། །དེ་དག་འཇིག་རྟེན་ནོར་ཆེན་ཞེས། །ཡང་དག་གཟིགས་པ་རྣམས་ཀྱིས་གསུངས། །བུ་ནི་ཕྱུག་པོ་བྱ་སྙམ་ནས། །གང་ཡོད་ཐམས་ཅད་བུ་ལ་སྟེར། །བུ་ངན་ལ་ལས་ནོར་རྣམས་བརླགས། །ཁྱི་ལྡོམ་བཞིན་དུ་འཁྱམས་པ་མང་། །ཕ་མས་བུ་ལ་བྱམས་པ་བཞིན། །བུ་ཡིས་ཕ་མར་བྱམས་པ་མིན…

ནི། །བསོད་ནམས་གསོག་པའི་རྟེན་དུ་བཟང་། །ཀུན་མཁྱེན་ས་སྐྱ་པཎྚི་ཏར། །གསོལ་བ་བཏབ་ནས་གླུ་འདི་བླངས། །པཎྚི་ཏ་ཡི་བྱིན་རླབས་ཀྱིས། །ཐོས་ཚད་རྒྱུད་ལ་ཕན་པར་ཤོག །ཅེས་པ་འདི་ཡང་ཚོགས་དྲུག་རང་གྲོལ་གྱིས་ས་སྐྱ་པཎྚི་ཏའི་གསུང་བཞིན་རང་གཞན་ལ་ཕན་ཕྱིར་སྨྲས་པའོ། །བོད་ཡུལ་གངས་རི་ལྟ་བུ་ན། །སྲབ་མེད་སེང་གེ་འཕྱོ་འདྲ་བའི། །རྗེ་བཙུན་མ…

བུར་ལྟོས། །རེས་འགའ་ཡུལ་དུ་སོང་ན་འདོད། །ཡུལ་དུ་སོང་ན་འདོད་པའི་ཚེ། །ཡུལ་ནི་ཆོས་དབྱིངས་ཕོ་བྲང་ཟུངས། །ཕ་ཡུལ་སྒྱུ་མ་ལྟ་བུར་ལྟོས། །རེས་འགའ་ཕ་མར་ཕྲད་ན་འདོད། །ཕ་མར་ཕྲད་ན་འདོད་པའི་ཚེ། །འགྲོ་ཀུན་དྲིན་ཅན་ཕ་མར་སྒོམས། །ཕ་མ་སྒྱུ་མ་ལྟ་བུར་ལྟོས། །རེས་འགའ་གྲོགས་དང་འགྲོགས་ན་འདོད། །གྲོགས་དང་འགྲོགས་ན་འདོད་པའི་ཚེ། །གྲོག…

སྒོས་སུ་ཁོང་ཁྲོ་འདི་ཉིད་ཀྱིས། །དགེ་རྩ་དཔག་ཏུ་མེད་པ་འཇོམས། །བྱང་ཆུབ་སེམས་དཔའ་ནང་ཕན་ཚུན། །ཁྲོས་ན་བསྐལ་བརྒྱའི་དགེ་འཇོམས་ཤིང་། །གཞི་ནས་ལམ་ལ་སློབ་དགོས་གསུངས། །ཕལ་བ་བྱང་ཆུབ་སེམས་དཔའ་ལ། །ཞེ་སྡང་སྐད་ཅིག་གཅིག་སྐྱེས་ན། །འཁོར་ལོས་སྒྱུར་རྒྱལ་ཐོབ་པ་ཡང་། །སྐད་ཅིག་ཉིད་ལ་འཇོམས་པར་གསུངས། །ཉོན་མོངས་དགྲ་ཡི་ནང་འདི་ན། །…

ཀྱི། །ཁོང་ཁྲོའི་བག་ཆགས་མཐུག་པོ་དེས། །ཞེ་སྡང་ཤིན་ཏུ་ཆེ་བ་ཡིན། །ཞེ་སྡང་འདྲ་བའི་ཉོན་མོངས་མེད། །ལྷག་པར་སྙིགས་མའི་དུས་སྐབས་འདིར། །མི་རྣམས་ཞེ་སྡང་ཆེ་བ་ཡིན། །ཞེ་སྡང་དགྲ་འདི་གཞོམ་འདོད་ན། །བཟོད་པའི་གོ་ཁྲབ་ལུས་ལ་གྱོན། །བྱམས་པའི་མདུང་རིང་ལག་ཐོགས་ནས། །ཞེ་སྡང་དགྲ་ཡི་སྙིང་དུ་ཐོབས། །ཞེ་སྡང་དགྲ་འདི་ཐུལ་གྱུར་ན། །དགྲ…

དོན་གཉིས། །འབྲེལ་ནས་འཆད་ལ་རབ་མཁས་པའི། །རྗེ་བཙུན་ཆེན་པོ་པོ་ཏོ་བར། །གསོལ་བ་འདེབས་སོ་བྱིན་གྱིས་རློབས། །དཔེར་ན་ཆུ་བོ་ཆེན་པོ་ལ། །བརྒལ་ན་གྲུ་ཡོད་དུས་བརྒལ་དགོས། །མེད་ན་བརྒལ་ཐབས་མེད་པ་བཞིན། །འཁོར་བ་སྡུག་བསྔལ་ཆུ་ཆེན་ལ། །དལ་འབྱོར་མི་ལུས་གྲུ་ཡོད་ཐོག །བརྒལ་དགོས་མེད་ན་བརྒལ་ཐབས་མེད། །དེ་ཡང་འཁོར་བ་ཆུ་ཆེན་འདྲ། །དལ་…

ཁྱོད་ནི་འདི་ཙམ་གྱི། །གླུ་དབྱངས་ལེན་པ་ཅི་ཡིན་ཞེས། །དྲིས་པའི་ཚེ་ན་ཁོ་ན་རེ། །ང་ནི་རྐྱང་ལ་ཞོན་དུས་འདིར། །གླུ་མི་ལེན་ན་ནམ་ལེན་ཞེས། །སྨྲས་པ་བཞིན་དུ་དལ་འབྱོར་ལུས། །ཐོབ་དུས་དམ་ཆོས་མི་བྱེད་ན། །ནམ་བྱེད་དམ་ཆོས་ཐོབ་སྐབས་ཡིན། །གཙང་བའི་ཨར་པ་ཚན་གཅིག་གིས། །དབུས་སུ་ཉ་ཡི་ཚོད་མ་བྱས། །ཟོས་པས་གཅིག་གི་ནད་ལ་བརྒྱབ། །སྐྱུགས…

ལན་ཅིག་སྣེ་ཟན་ནི། །ཁྱི་ལ་ཤོར་ཟེར་ངུས་པ་བཞིན། །བརྒྱ་ལ་ལན་ཅིག་རྙེད་པ་ཡི། །དལ་འབྱོར་མི་ལུས་ཆོས་མེད་པར། །ཤི་ན་དེ་དང་འདྲའོ་གསུངས། །དཔེར་ན་དགྲ་སྤུན་ས་མཚམས་ཀྱི། །ས་མཁར་བཙན་པོ་དགྲར་ཤོར་ན། །ཡུལ་ཁམས་ཐམས་ཅད་ཕུང་བར་བྱེད། །མཁར་དེ་སྤུན་གྱིས་ཐོབ་གྱུར་ན། །ཡུལ་གྱི་གཏན་སྲིད་ཟིན་པ་ལྟར། །ད་རེ་དལ་འབྱོར་མི་ལུས་འདི། །མི་ད…

པ་མི་དགེའི་ལས་ངན་པ། །སྣ་ཚོགས་སྤྱོད་པ་དེ་དང་འདྲ། །དལ་འབྱོར་ཆུད་ཟོས་སོང་བ་ཡིན། །ཚེ་རབས་གཏན་དུ་བདེ་བའི་རྒྱུ། །དམ་ཆོས་རྣམ་དག་མ་བྱས་ན། །མ་ཤི་ཚུན་ཆད་བདེ་བ་དང་། །སྡུག་བསྔལ་སེལ་བའི་ཐབས་ཙམ་ལ། །བརྩོན་པ་དུད་འགྲོ་ལ་ཡང་ཡོད། །མི་ལུས་ཐོབ་ཀྱང་དུད་འགྲོ་ཡིན། །ད་རེ་མི་དང་དུད་འགྲོ་ཡི། །ཁྱད་པར་ཤེས་པ་ཞིག་བྱེད་དགོས། །དཔེར…

གསོལ་བ་འདེབས་སོ་བྱིན་གྱིས་རློབས། །ཚེས་བཅུ་བཟུང་བའི་ཕན་ཡོན་ནི། །ཅུང་ཟད་ཙམ་ཞིག་བདག་གིས་བཤད། །དད་ཅན་སྐྱེ་བོ་ཕོ་མོ་ཉོན། །ཡར་ངོའི་ཚེས་བཅུའི་ཉི་མ་དེར། །ཨོ་རྒྱན་པདྨ་འབྱུང་གནས་ཉིད། །ལྷོ་ནུབ་སྲིན་པོའི་ཡུལ་ཕྱོགས་ཀྱི། །ཟངས་མདོག་དཔལ་གྱི་རི་བོ་ནས། །ཉི་ཟེར་མདངས་ལ་ཆིབས་ཏེ་བྱོན། །བོད་ཁམས་སེམས་ཅན་བདེ་སྐྱིད་ལ། །གཟིགས…