འཁོར་བར་དཀའ་བས་བདག་བློ་འཁུམས། །འོན་ཀྱང་ཆ་ཙམ་འཇལ་ཕྱིར་ད་ནས་བཟུང་། །ཚེ་འདིའི་བྱ་བ་ཐམས་ཅད་བློས་བཏང་སྟེ། །ཤིན་ཏུ་དབེན་པའི་རི་དང་ནགས་ཚལ་ནས། །གང་ནུས་བཤད་དང་སྒྲུབ་པའི་མཆོད་སྤྲིན་སྤྲོ། །འདི་ལྟར་རྗེ་ལ་གཏང་རག་ཕུལ་བའི་མཐུས། །འདི་ནས་བཟུང་སྟེ་ཚེ་རབས་ཐམས་ཅད་དུ། །འདི་ལྟར་དཔལ་ལྡན་བླ་མ་ལེགས་བསྟེན་ནས། །འདི་འདྲའི་ཟབ་ར…

འགྲོག་པའི་རྟགས། །མཆོག་སངས་རྒྱས་གོ་འཕང་མ་ཐོབ་བར། །བར་མཚམས་མེད་ཟབ་རྒྱས་ཆོས་ཉན་ཏེ། །དེ་བཞིན་དུ་སྒྲུབ་དུས་འདི་བཞིན་ཡང་། །ཡང་ཡང་དུ་ཕྲད་ནས་འགྲོག་པར་སྨོན། །ཞེས་པ་འདི་ཡང་རི་བ་མང་པོ་མཚོ་སྙིང་ནས་ལྷན་ཅིག་བསྡད་དུས་ཕན་ཚུན་གཅིག་ལ་གཅིག་མཐུན་ཞིང་མ་བུ་བཞིན་དུ་འགྲོགས་ཚེ་སེམས་སྤྲོ་བའི་ཤུགས་ཀྱིས་རྦ་རླབས་ཆལ་ཆིལ་གཡོ་ཞིང་…

བཟང་། །བྲག་སྟོད་སྐུ་ཁམས་བདེ་བར་བཞུགས། །བྱ་རྒོད་མཁའ་ལ་འཕུར་ནས་འགྲོ། །བྲག་སྟོད་ཐོག་གིས་མི་བཤིག་ཅིང་། །བྱ་རྒོད་སྙི་ཡིས་མི་ཟིན་པར། །ཡང་དང་ཡང་དུ་ཕྲད་པར་ཤོག །ལྡུམ་རར་འཁྲུངས་པའི་མེ་ཏོག་དང་། །དེ་ལ་འཁོར་བའི་བུང་བ་གཉིས། །གནས་སྐབས་ཕན་ཚུན་འབྲེལ་བ་བཟང་། །མེ་ཏོག་སྐུ་ཁམས་བདེ་བར་བཞུགས། །བུང་བ་འཕུར་ནས་གཞན་དུ་འགྲོ། །…

པར། །ཡང་དང་ཡང་དུ་ཕྲད་པར་ཤོག །ཅེས་པ་འདི་ཡང་རྨ་ཆེན་གངས་ལ་འགྲོ་ཁར་སློབ་མ་ཡོན་བདག་རྣམས་ལ་བདེ་ཞུས་སུ་སྨྲས་པའོ། །ན་མོ་གུ་རུ། །སྐྱ་ས་ལེ་ནམ་མཁའ་ལངས་བྱུང་། །ང་འཛམ་གླིང་ཉི་མའི་སྐྱིད་པ། །འོད་མུ་མཐའ་མེད་པར་བཀྱེ་ནས། །གླིང་བཞི་བོ་བསྐོར་ལ་ཆས་འགྲོ། །དབྱར་ནམ་ཟླ་རིམ་གྱིས་སླེབས་བྱུང་། །ང་མེ་ཏོག་པདྨའི་སྐྱིད་པ། །འདབ་འཇམ…

ཤིས་འཕེལ་བར་ཤོག །བདག་གི་འདྲ་སྐུ་བཞེངས་པ་མཐོང་ཚད་ཀྱིས། །དབེན་པར་གོང་མའི་རྣམ་ཐར་སྐྱོང་བར་ཤོག །འདྲ་སྐུ་གར་ཡོད་ཁྱིམ་དུ་བཀྲ་ཤིས་འཁྱིལ། །ནད་གདོན་ཉེར་འཚེའི་མིང་ཡང་མེད་པར་ཤོག །བདག་གིས་མགུར་དབྱངས་གང་བླངས་འཇིག་རྟེན་དུ། །འཁོར་བ་མ་སྟོངས་བར་དུ་གནས་པར་ཤོག །གང་གི་ལུས་ཀྱིས་ཕྱག་སྐོར་ཙམ་བྱས་ན། །དེ་ཡི་ལུས་ཀྱི་སྒྲིབ་པ་…

མ་རྣམས་ཀྱི་བཀྲ་ཤིས་ཤོག །མཆོག་དང་ཐུན་མོང་དངོས་གྲུབ་སྩོལ་མཛད་པའི། །ཡི་དམ་ལྷ་ཚོགས་རྣམས་ཀྱི་བཀྲ་ཤིས་ཤོག །ཕྱི་ནང་གསང་བའི་བར་ཆད་ཀུན་སེལ་བའི། །མཁའ་འགྲོ་ཆོས་སྐྱོང་སྲུང་མའི་བཀྲ་ཤིས་ཤོག །ཆོས་ཀྱི་འགལ་རྐྱེན་སེལ་ཞིང་མཐུན་རྐྱེན་བསྒྲུབ། །ཡུལ་ལྷ་གཞི་བདག་རྣམས་ཀྱི་བཀྲ་ཤིས་ཤོག །མི་ལ་ན་ཚ་མེད་པའི་བཀྲ་ཤིས་ཤོག །ཕྱུགས་ལ་གོ…

གེར་འཁོད་སྣང་ཀྱང་། དམ་པ་འདི་ཉིད་བྱ་བྲལ་གྱི་བརྟུལ་ཞུགས་འབའ་ཞིག་ལྷུར་བཞེས་པའི་སྐབས་ཡིན་གཤིས་དོ་དམ་མ་མཛད། གཞན་བཀའ་བསྡུ་བ་པོར་ངེས་འཇོག་ཆེར་མ་བྱུང་སྣང་། འོན་ཀྱང་བླ་མ་པདྨ་རང་གྲོལ་གྱིས་མགུར་ཚན་གཅིག་པར་དུ་བརྐོ་བར་མཛད་པས་འགྲོ་དོན་ཆེར་འཕེལ་ཀྱང་། མགུར་ཕལ་མོ་ཆེའི་མ་ཕྱི་གཞན་གྱིས་དད་རྟེན་དུ་ཁྱེར་ནས་རྒྱུན་འབྱམས་སུ…

༈ ས་བཅུའི་དབང་ཕྱུག་རྨ་ཆེན་སྦོམ་རའི་གངས་རིའི་མགུལ་ནས་བཞེངས་པའི་སྐོར། བཀའ་དང་དགོངས་འགྲེལ་ཚིག་དོན་ཀུན་མཁྱེན་ནས། །བཀའ་ཆོས་སྩོལ་མཁས་ཆོས་རྒྱལ་ངག་དབང་ཝང་། །བཀའ་ལས་ཅུང་ཟད་མི་འདའ་རི་ཁྲོད་ནས། །བཀའ་བཞིན་སྒྲུབ་པའི་བུ་ངའི་སྤྱི་བོར་བཞུགས། །བསྟན་པའི་བདག་པོ་སངས་རྒྱས་སྙིགས་དུས་འདིར། །བསྟན་འཛིན་བཤེས་གཉེན་ཚུལ་འཛིན་བླ་…

ལོ་ཏོག་འཕེལ་ཞིང་རྒྱས། །ས་སྟེང་དགེ་ལེགས་ཁྱབ་པར་བྱིན་གྱིས་རློབས། །མདོར་ན་བདག་དང་བདག་གིས་གླུ་བླངས་པ། །མཐོང་ཐོས་འབྲི་འདོན་ཀློག་འཆང་བྱེད་པ་རྣམས། །གནས་སྐབས་བདེ་ཞིང་མཐར་ཐུགས་སངས་རྒྱས་ཀྱི། །གོ་འཕང་མྱུར་དུ་འཐོབ་པར་བྱིན་གྱིས་རློབས། །དེ་ལྟར་གསོལ་བ་བཏབ་པའི་དགེ་བ་དང་། །གཞན་ཡང་རང་གིས་གང་བསགས་དགེ་བའི་མཐུས། །གངས་ཅན…

འགའ་སྟེར། །ཉོན་མོངས་ནད་མ་སོས་རུང་བསམ་པ་རེད། །གྲོང་ཁྱིམ་ཙིག་ཁུང་བན་རྒན་བུང་བ་ཡིས། །འགྲིམས་ན་ཆགས་སྡང་རྒྱ་རུ་ཚུད་ཉེན་ཆེ། །མཚན་ལྡན་བླ་མ་དྲི་མེད་མེ་ཏོག་གི །མདོ་སྔགས་གསུང་ཆོས་བཅུད་བཟང་འཐུངས་ན་ལེགས། །ཡོན་ཏན་སྟོབས་ཞན་བན་རྒན་བྱིས་པ་ཡིས། །རྒྱལ་སྲས་སྤྱོད་པའི་ཁུར་ཆེན་མི་ཐེག་རུང་། །བསམ་པ་ཐག་པས་འཁུར་བའི་གྲབས་གྱིས…

རང་གཞན་ཀུན་གྱིས་རྟག་ཏུ་ལོངས་སྤྱོད་ཤོག །ཅེས་པ་འདི་ནི་བན་རྒན་རང་ལ་སྨྲས་པའོ། །རི་བོ་རྨ་ཆེན་གྱི་དབུ་རྩེའི་གངས་དཀར་ཁྱོད། །མཚན་ལྡན་བླ་མ་དེ་ཡིན་ན་དགའ་བ་ལ། །གངས་རིའི་ར་བ་ན་འགྲོ་བའི་འབྲོང་ཆུང་ཁྱོད། །དད་ཅན་སློབ་མ་ང་ཡིན་ན་སྐྱིད་པ་ལ། །དྭངས་བསིལ་མཚོ་ཆུང་ཁའི་ངང་པ་སེར་བོ་ཁྱོད། །ཆོས་མཐུན་གྲོགས་པོ་དེ་ཡིན་ན་དགའ་བ་ལ། …

བླངས། ན་མོ་གུ་རུ། ཡ་ཀི་སྟོང་གསལ་གྱི་ནམ་མཁའ་ཡངས་པ་ན། །འོད་སྟོང་ཕྱོགས་བཅུ་རུ་འཕྲོ་བའི་ཉི་མ་ཁྱོད། །འགྲོ་མགོན་སངས་རྒྱས་དེ་ཡིན་ན་དགའ་བ་ལ། །བོད་ལ་ཆོས་འཁོར་ཞིག་བསྐོར་བར་བསྐུལ་ན་ཨང་། །ལྷོ་ནུབ་ཕྱོགས་ཀྱི་རིའི་རྩེ་མོའི་ནམ་མཁའ་ན། །འོ་མ་འཕྱུར་བ་བཞིན་ལྡིང་བའི་སྤྲིན་དཀར་ཁྱོད། །པད་འབྱུང་ཡབ་སྲས་ཚོ་ཡིན་ན་སྐྱིད་པ་ལ། །…

རྒྱན་པདྨ་དེ་བོད་དུ་བྱོན། །རྒྱལ་བསྟན་བཙུགས་པའི་ཚུལ་ཡིད་ལ་ཤར། །བྱ་རྒྱལ་རྒོད་པོ་ཞིག་མདུན་མཁར་འོངས། །ནམ་མཁར་ཡར་ཡར་དུ་བསྟོད་པ་མཐོང་། །གྲུབ་ཆེན་མི་ལ་ཁོང་བོད་དུ་བྱོན། །གྲུབ་རྟགས་བསྟན་པའི་ཚུལ་ཡིད་ལ་ཤར། །དངུལ་དཀར་མདོག་འདྲའི་སྤྲིན་ནམ་མཁར་འཁྲིགས། །སྦྲང་ཆར་འཇམ་པོ་ཞིག་བབས་པ་མཐོང་། །རྗེ་བཙུན་ཙོང་ཁ་པ་བོད་དུ་བྱོན། …

ཆོས་བསྐུལ་ཕྱིར་དུ། །འགྲོ་མགོན་དེ་གསུམ་གྱིས་མི་རྟག་པའི། །རྣམ་འགྱུར་བསྟན་པའི་ཚུལ་ཡིད་ལ་ཤར། །རང་ལུས་མི་རྟག་པར་འཇིག་པར་ངེས། །འཇིག་རྟེན་མི་ཆོས་སྤངས་ཆོས་བསྒྲུབས་ནས། །ཕྱི་མ་འགྲོ་མགོན་གསུམ་བཞུགས་པའི་ཞིང་། །གསུམ་དུ་འགྲོ་འདོད་ཅིག་ཡིད་ལ་ཤར། །ཞེས་པ་འདི་ཡང་ཕྱི་རོལ་གྱི་སྣང་བས་རྐྱེན་བྱས་ནས་ཡིད་ལ་ཤར་བ་ལྟར་གངས་རིའི་…

རྒྱན་བླ་མ་ཕ་མར་བྲལ་ནས་ཐལ། །ཆོས་ཐམས་ཅད་མི་རྟག་འདི་དང་འདྲ། །ཆོས་གསུང་མཁན་བླ་མའི་བཀའ་བཞིན་དུ། །ཆོས་མྱུར་དུ་སྒྲུབས་དང་རི་ཁྲོད་པ། །ཆོས་སྒྲུབ་རྟེན་ལུས་འདི་རྒས་ནས་ཐལ། །རི་རྨ་རྒྱལ་མགུལ་ནས་དགོང་དུས་ཤིག །སེམས་སྐྱོ་བའི་རྟ་ཞིག་རྙེད་ནས་ཞོན། །མགུར་སྙན་མོའི་ལྕག་འདིས་བྲབས་པའི་མོད། །ཆོས་ཟབ་རྒྱས་ལམ་ལ་ཁུར་ནས་ཐལ། ན་མོ་…

རྐྱེན་བྱས་མི་རྟག་དྲན་ནས་བྱུང་། །རི་ཀླུང་གི་ཕ་ཡུལ་ཉམས་དགའ་ན། །བྱ་ཁུ་བྱུག་བུ་མོ་འདུག་པ་དེ། །ཡུལ་ཆ་མེད་ཐག་རིང་གནས་སུ་སོང་། །འདིས་རྐྱེན་བྱས་མི་རྟག་དྲན་ནས་བྱུང་། །སྟེང་ཆུ་འཛིན་ཕྱུག་པོའི་སྦྲ་གུར་ན། །འབྲུག་ཨ་མཆོད་ཆོས་ཀྱི་སྒྲ་སྒྲོག་པ། །ཡར་རྫ་གསེབ་རང་གི་ཡུལ་དུ་ཕེབས། །འདིས་རྐྱེན་བྱས་མི་རྟག་དྲན་ནས་བྱུང་། །ཤར་ར…

བྱུང་། །ཞེས་པ་འདི་ཡང་སྐྱོ་ཤས་ཐན་ཐུན་སྐྱེས་དུས་ཤིག་ཏུ་བྲིས་པའོ། །སྐུ་ལ་མཚན་དང་དཔེ་བྱད་ཡོངས་རྫོགས་པའི། །སྐུ་གསུམ་མཆོག་བརྙེས་ཕྱོགས་བཅུའི་སངས་རྒྱས་ལས། །སྐུ་དྲིན་ཆེ་བའི་རྩ་བའི་བླ་མ་ཡི། །སྐུ་ཚེ་འདི་ཡི་གདུལ་བྱ་རྫོགས་པའི་མོད། །སྐུ་ལ་བགྲེས་རྒུད་མེད་རུང་བགྲེས་པའི་ཚུལ། །སྐུ་ལ་སྐྱེ་འཆི་མེད་རུང་འདས་པའི་ཚུལ། །སྐུ…

པའོ། །ན་མོ་གུ་རུ། ཕྱོགས་བཞིའི་ནམ་མཁའ་ན་གྱེན་དུ། །ལངས་པའི་སྤྲིན་དཀར་གྱི་ཚོགས་རྣམས། །ཞིག་ནས་རང་ཡལ་ལ་སོང་བ། །མཐོང་ཚེ་མི་རྟག་པ་དྲན་བྱུང་། །ཤར་གྱི་རི་མགོ་ནས་ཤར་བའི། །འོད་གསལ་འཛམ་གླིང་གི་ཉི་མ། །ནུབ་ཕྱོགས་རི་སྐྱིབས་སུ་འགྲོ་བ། །མཐོང་ཚེ་མི་རྟག་པ་དྲན་བྱུང་། །བར་སྣང་ཡངས་པ་ན་ཤར་བའི། །ཁ་དོག་ལྔ་ལྡན་གྱི་འཇའ་ཚོན། །…

ཞེས་པ་འདི་ཉིད་ཀྱང་གངས་ཅན། །བོད་ཀྱི་གླུ་བ་ངས་བླངས་སོ། ན་མོ་གུ་རུ། །ཚོང་ར་ཡངས་པའི་དཀྱིལ་ན། །མི་མང་ཁྲོམ་ཆེན་འཚོགས་པ། །མི་སྡོད་ཕྱོགས་བཞིར་གྱེས་ནས། །སོང་ཚེ་མི་རྟག་དྲན་བྱུང་། །མགྲོན་ཁང་ནང་ན་འདུག་པའི། །མགྲོན་པོ་རྙིང་བ་ཆས་ནས། །ཕྱོགས་ཕྱོགས་ལམ་ལ་ཞུགས་པ། །མཐོང་ཚེ་མི་རྟག་དྲན་བྱུང་། །བདེ་འཇམ་ཡངས་པའི་ལྷས་ན། །རྟ་ན…

གཙང་དག་པའི་ཞིང་དུ། །སོང་ཚེ་མི་རྟག་དྲན་བྱུང་། །རང་སྐྱེས་ཕ་ཡུལ་ཉམས་དགའི། །མཐུན་གྲོགས་གཉེན་བཤེས་ཕལ་ཆེར། །མི་མཐོང་འཇིག་རྟེན་ཕྱི་མར། །སོང་ཚེ་མི་རྟག་དྲན་བྱུང་། །ཁྲི་སྟན་མཐོན་པོའི་སྟེང་ནས། །ཟབ་རྒྱའི་ཆོས་ཆར་འབེབས་མཁས། །བླ་མ་མང་པོ་ཞིང་གཞན། །གཤེགས་ཚེ་མི་རྟག་དྲན་བྱུང་། །ཞེས་པ་འདི་ཡང་གངས་ཅན་བོད་ཀྱི་གླུ་དབྱངས་མཁ…