དད་ཅན་རྣམས་ཀྱིས་ང་ཡང་དམ་པ་གོང་མའི་ལུང་གིས་ཟིན་པའི་སྐྱེས་བུ་དམ་པ་ཞིག་ཡིན་པར་འདུག་སྙམ་པའི་དད་གུས་དག་སྣང་ཁྱད་པར་ཅན་གྱི་སྒོ་ནས་རྣམ་ཐར་འཆད་པ་དང་། ཉན་པ་སོགས་བྱས་ན་ཕན་ཡོན་རྒྱ་ཆེན་པོ་འབྱུང་བར་འགྱུར་ཏེ། བཀའ་བརྒྱུད་གསེར་ཕྲེང་ལས། རྒྱལ་བ་སྲས་དང་བཅས་པ་རྣམས་དང་། དེ་ཡི་སྤྲུལ་པ་བཀའ་བརྒྱུད་རིན་པོ་ཆེ་དང་། གཞན་ཡང་སྐྱེ…

སེམས་དཔའི་མཛད་པ་ངོ་མཚར་ཅན་དེ་ལྟ་བུ་བདག་ཀྱང་བྱེད་པར་གྱུར་ཅིག་སྙམ་པ་བྱུང་ན། སྨོན་པ་སེམས་བསྐྱེད་ཀྱི་སྡོམ་པ་རྒྱུད་ལ་སྐྱེ་ལ། དགེ་བ་སྟོབས་ཆེན་པོ་རྣམས་ལ་རྗེས་སུ་ཡི་རངས་སྐྱེས་ན། བསོད་ནམས་མཉམ་པོར་འཐོབ་པར་བཤད་ཅིང་། མཛད་པ་ངོ་མཚར་བ་དང་། ཆོས་ཀྱི་གཏམ་ཟབ་མོ་རྣམས་ཐོས་པས་འཕྲལ་དུ་ཡང་ཆགས་སྡང་མི་དགེ་བ་དང་། སྡུག་བསྔལ་རྣ…

དང་པོ་སྔོན་གྱི་ལས་བཟང་སྨོན་ལམ་དག་པས་མཚམས་སྦྱར་ནས་ཡུལ་ཕྱོགས་གང་དུ་སྐྱེ་བ་བླངས་ཚུལ། གཉིས་པ་འཇིག་རྟེན་འཁོར་བའི་ཆོས་ལ་སྙིང་པོ་མེད་པར་བསམས་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བའི་ཚུལ། གསུམ་པ་ཕ་ཡུལ་རྒྱབ་ཏུ་སྤངས་ནས་ཆོས་རྒྱལ་ངག་གི་དབང་པོའི་ཞབས་པད་བསྟེན་ཚུལ། བཞི་པ་བླ་མས་ལུང་བསྟན་པའི་རྩེ་གཞུང་དབེན་པའི་དགའ་ཚལ་ནས…

སེ་སེང་གདོང་མ་དཀར་མོ་སྐུ་ཡི་གནས་སུ་སོང་ནས་སྒྲུབ་པ་བྱས་ཚུལ། བཅུ་གཉིས་པ་ངོ་མཚར་ལྷ་ཡི་ཡུལ་དང་མཚུངས་པའི་བལ་ཡུལ་མཆོད་རྟེན་ཆེན་པོ་རྣམ་གཉིས་མཇལ་དུ་སོང་ཚུལ། བཅུ་གསུམ་པ་བར་ན་ཁུངས་བཙུན་པ་ལ་ཕྱི་སྟག་གདོང་མ་ཁྲ་མོ་གསུང་གི་གནས་སུ་སོང་ནས་སྒྲུབ་པ་བྱས་ཚུལ། བཅུ་བཞི་པ་དབུས་གཙང་དག་པའི་ཞིང་དུ་ཚུར་ལ་འོངས་ནས་ཕྱོགས་མེད་འགྲོ…

ཐག་ཉེ་བ་ན། རེབ་གོང་གྲུབ་པ་ཐོབ་པའི་གནས་བརྒྱད་དང་། རྗེ་སྐལ་ལྡན་རྒྱ་མཚོའི་སྒྲུབ་གནས་མང་པོ་ཡོད་པའི་ནང་ནས་མཆོག་ཏུ་གྱུར་པ། ཤར་ཀྭ ཐོག་ནས་བྱོན་པའི་སྔགས་འཆང་ཆེན་པོ་མཚན་ཀྭ་བ་རྡོ་རྗེ་འཆང་དབང་ཞེས་བྱ་བ། ཡི་དམ་བདེ་མཆོག་དང་རྡོ་རྗེ་རྣལ་འབྱོར་མ་ལ་བརྟེན་ནས་ཚེ་གཅིག་ལུས་གཅིག་ལ་འཇའ་ལུས་རྡོ་རྗེའི་སྐུ་བརྙེས་པའི་གནས། བདེ་མ…

སྤྱོད་རྒྱས་ཤིང་། དེ་ལ་བུ་ཉི་མ་སེང་གེ་དང་། ཟླ་བ་སེང་གེ བྱང་ཆུབ་སེང་གེ་ཞེས་བྱ་བའི་སེང་གེའི་མིང་ཅན་གསུམ་བྱུང་བ་རེ་རེ་ལ་ཡང་བུ་མང་པོ་བྱུང་། དེ་གསུམ་གྱི་རིགས་རྒྱུད་འཕེལ་ནས་ཕྱིས་སྔགས་སྐོར། དམ་གཙང་། དགོངས་པ་ཟེར་བའི་ཕ་ཚན་གསུམ་བྱུང་། ང་ནི་བྱང་ཆུབ་སེང་གེའི་བུ་རྒྱུད་དམ་གཙང་ཟེར་བ་དེའི་ཡིན། ཨ་མེས་བྱང་ཆུབ་སེང་གེ་ཟ…

ནས། རྒྱལ་བའི་གསུང་རབ་བཀྲ་ཤིས་བརྩེགས་པ་ཤིག་བླངས་པས། བུ་ཚ་མ་སྐྱེས་པར་བུ་མོ་སྐྱེས་པས། མིང་ལ་བཀྲ་ཤེས་བརྩེགས་ཞེས་བཏགས། དེ་ངའི་ཨ་མ་ཡིན། ཕྱིས་གཅེས་མིང་ལ་བརྩེགས་གོ་ཞེས་འབོད་པ་བྱུང་། འབྱོར་པ་ནི་ཤཱ་རིའི་བུས། ཧ་ཅང་ཕྱུག་པོའི་ཁྱིམ་དང་ནི། །དབུལ་པོའི་ཁྱིམ་དུ་མི་སྐྱེ་བར། །བར་མའི་ཁྱིམ་དུ་སྐྱེས་ནས་ཀྱང་། །རབ་ཏུ་འབྱུང་…

སྔགས་འཆང་རྡོ་རྗེ་རྣམ་རྒྱལ་ཡིན་ཞེས་གྲགས་ལ། ངའི་ཨ་མ་དེ་ཡང་ཆེར་སོང་ནས་ཡུལ་ཕྱོགས་ཀྱི་བླ་མ་དགེ་བའི་བཤེས་གཉེན་མང་པོའི་དྲུང་ནས་ལས་རྒྱུ་འབྲས་སོགས་ཀྱི་ཆོས་ལ་ཉན་པས། ཆོས་ཕྱོགས་ལ་དགའ་ཞིང་སྡིག་ལ་འཛེམ་པ། ཉ་སྟོང་བརྒྱད་གསུམ་ལ་བསྙེན་གནས་ཡན་ལག་བརྒྱད་པའི་སྡོམ་པ་བསྲུང་ཞིང་། རྒྱུན་ལྡན་དུ་སྒྲོལ་མ་ཁ་ཏོན་བྱེད་ཅིང་ཕྱག་འཚལ་བ…

རྩིས་བྱས་པས། མི་གཅིག་ལ་མི་བརྒྱ་འབྲོས་ཟེར་བའི་ཉི་མ་ཞིག་ལ་བཙས་འདུག་པས་བཙས་སྐར་བཟང་། བུ་འདི་འཇིག་རྟེན་བྱས་ན། དམག་བརྒྱ་ཡང་ཐུབ་པའི་དཔའ་བོ་ཞིག་འོང་ལ། ཆོས་བྱས་ན་ཉོན་མོངས་བརྒྱད་ཁྲི་བཞི་སྟོང་འཇོམས་པའི་གྲུབ་ཐོབ་ཅིག་འོང་ཟེར་བས། དཔོན་སྔགས་ཕྲུག་གིས། སྐྱེས་ལྷ་མཆོད་ཅིང་ཚེ་ཐར་ཕུལ་ནས། མིང་ལ་ངག་དབང་བཀྲ་ཤིས་ཞེས་བཏགས། …

རྫུན་མ་བཤད་དང་། མུན་ནག་གི་ནང་ལ་བལྟས་པས་དེ་འདྲ་གང་ནས་མཐོང་། ཁ་རོག་པར་ཉོལ་ལ་སྡོད་ཟེར། ཡང་ཉི་མ་ཁ་ཤས་རེའི་འཕྲོ་ལ་བལྟས་ན་མཐོང་གི་བཤད་པས། རྫུན་ཨེ་ཡིན་ཟེར། རྫུན་མིན་ངོ་ཐོག་ཡིན་བཤད་པས། ཨ་མས་ངེད་ཚང་གི་དཔོན་སྔགས་ཕྲུག་ལ་ཟློས་པས། དེ་བདེན་ཡོང་གྲིབ་ལ་འཛེམས་དང་། ཆོས་པ་བཟང་པོ་ཞིག་གི་སྐྱེ་བ་འདྲ་ཡིན་ན། རྗེས་ནས་ཆོས་བྱ…

ནས་སྲོག་གཅོད་བྱས་ན་དམྱལ་བར་འགྲོ་བས་ཤིན་ཏུ་འཛེམ་དགོས། མཆོད་སྦྱིན་དང་དགེ་འདུན་ལ་བསྙེན་བཀུར་སོགས་དགེ་བ་བསྒྲུབ་དགོས། དེའི་ནང་ནས་ཕྱག་སྐོར་ཁ་ཏོན་དང་བསམ་པ་བཟང་པོ་བྱས་ན་བདེ་བ་ཅན་དུ་སྐྱེས་ཡོང་བས་འབད་པ་གལ་ཆེ། དེའི་རྒྱུ་མཚན་འདི་ཡིན་ཞེས་མདོ་སྡེ་མཛངས་བླུན་བཏོན་ནས། སྐབས་སྐབས་སུ་འདི་འདྲ་གསུང་རྒྱུ་རེད་ཅེས་འགྲེལ་བཤད…

སྙམ་ནས་ཞེ་དམ་ཡང་ཡང་བྱས། དེ་དུས་ངའི་ཨ་མའི་སྤུན་ཨ་ལྕེ་ཞིག་གི་བུ་གནམ་ལྷ་ཟེར་བ་དེ་ལ། ངའི་ཨ་མའི་ཕ་རྒད་པོ་ངག་དབང་གིས་ཡི་གེ་སློབ་པའི་ཕྱི་རྒྱབ་ཐག་ཉེར་བསྡད་ནས་བལྟས་པས། དཀའ་ཚེགས་མེད་པར་ངས་ཡི་གེ་ཤེས་པ་བྱུང་། ཁོས་ཡུན་རིང་མ་ཤེས་ཚེ། གནམ་ལྷ་བྱམས་ལ་ཁྱོད་ཀྱིས་བསླབས་ཀྱང་མི་ཤེས། ཚ་བོ་ཆུང་ཆུང་འདི་ལ་མ་བསླབས་ཀྱང་ཤེས་པར་འ…

ཚེ་རིང་བཀྲ་ཤིས་ཟེར་བ་བྱུང་། ཉིན་གཅིག་ངེད་ཀྱི་ཉེ་བ་ཨ་ཡེས་ཀླུ་མོ་དཔལ་ཟེར་བའི་རབས་ཆད་རྒན་མོ་ཞིག་ཡོད་པ་དེ། སྒོ་ཡི་ཉི་མ་དྲོ་ས་ཞིག་ན་གཅིག་པུར་བསྡད་ཡོད་པའི་སར་སོང་ནས། ཁྱོད་ཀྱི་སེམས་མ་སྡུག་དང་། ང་ཆེར་སོང་ན་ཁྱོད་ལ་ཕན་གང་ཐོགས་བྱས་ཆོག་ཅེས་བཤད་དེ་ཡུལ་དུ་འོངས་ནས། ཨ་མས་མ་ཤེས་པ་བྱས་ཏེ་མར་ཞིག་ཁྱེར་ནས་མོ་ལ་བྱིན། ང་ཡ…

པས་ཐུགས་སྐྱོ། དགེ་སློང་ཞིག་གཟིགས་པས་ཐུགས་སྤྲོ་ནས། །རྒྱལ་སྲིད་སྤངས་ཏེ་མཆོད་རྟེན་རྣམ་དག་དྲུང་ནས་རབ་ཏུ་བྱུང་། རྒྱ་གར་རྡོ་རྗེ་གདན་གྱི་བྱང་ཆུབ་ཤིང་དྲུང་དུ་སངས་རྒྱས་པའི་རྣམ་ཐར་ལ་ལྟོས་དང་། ངེད་རྣམས་ཀྱིས་ཀྱང་དེ་ལྟར་ཆོས་བྱེད་ཐུབ་ན་སྐལ་བ་བཟང་གསུངས་པ་ཐོས་ནས་ཡུལ་དུ་འོངས། ངེད་ཚང་ལ་སྟོན་པའི་རྣམ་ཐར་མཛད་པ་བཅུ་གཉིས་…

མི་དགེ་བཅུ་སྤོངས་དགེ་བཅུ་བསྒྲུབ་ལ་བརྩོན། །རྟག་ཏུ་འཆི་བདག་ཁ་རུ་འགྲོ་བ་སོམས། །ཕྱི་རུ་བློ་རྒྱ་མ་ཆེ་ནང་དུ་ལྟོས། །ནང་གི་སེམས་ཉིད་གཏན་ལ་ཕབ་ན་དགའ། །གསལ་སྟོང་རྗེན་པའི་དགའ་སྟོན་མ་མྱོང་ཡང་། །དོན་སྤྱི་ཙམ་གྱི་ངེས་པ་མ་རྙེད་ན། །གཞན་གྱི་ཡར་འདྲེན་དེ་ཡང་ལོང་ཁྲིད་ཡིན། །ནམ་ཞིག་འཆི་བདག་ཁ་རུ་ཕྱོགས་པའི་ཚེ། །གདམས་ངག་གཅིག་…

ཆོ་གའི་འདོན་རིམ། གཏོར་མ་དང་། བསྲུང་བཟློག་གི་འཁོར་ལོ་འབྲི་ཚུལ་སོགས་ཕྱག་ལེན་རྣམས་བསླབས་པས་ཚེགས་མེད་དུ་ཤེས་པས་ཐུགས་མཉེས་པ་བྱུང་། ཁོང་ལ་ངས་ཆོས་སྤྱོད་ཁ་ཤས་ཀྱི་ལུང་ཞུས་པས། ཁོང་གིས་ང་ལ་ཆོས་དགོས་ན་སྔོན་དུ་དཀའ་བ་སྤྱད་ཐུབ་ན་དེ་ནས་སྟེར་གསུངས། ངས་དེ་ལགས་ཞུས་ནས། ཁོང་གི་མཚམས་ཁང་ནང་ལ་འདམ་རྒྱག་པའི་ཆུ་ཉི་མ་རེ་རེ་ལ་ཡ…

ཞོ་འོང་སྔགས་མང་གིས་རྡོར་སེམས་ཀྱི་དབང་དང་། རྫོགས་ཆེན་ཨ་ཏི་ཟབ་དོན་གྱི་ཁྲིད་ཞག་བདུན་གྱི་བར་དུ་ཞུས་པའི་དུས་སུ། ང་ཡང་གྲལ་དུ་བསྡད་ནས་ཉན་པས། ཁོང་གིས་ཐུན་མོང་གི་ཆོས་བཤད་གནང་བའི་སྐབས་སུ་ཐམས་ཅད་ལ་ངེས་འབྱུང་དང་སྐྱོ་ཤས་སྐྱེས་པ་བྱུང་། དངོས་གཞིའི་སྐབས་སུ་སེམས་ཚོལ་བྱས་ནས། སྔགས་པ་རེ་རེ་བཞིན་མདུན་དུ་བོས་ནས་དྲིས། སྐབ…

རིན་པོ་ཆེ་ལ་གསོལ་བ་འདེབས་དགོས་སྙམ་ནས། རིག་འཛིན་གདུང་སྒྲུབ་ཀྱི་ཆོ་ག་ལ་བརྟེན་ནས་བཛྲ་གུ་རུ་ས་ཡ་གཅིག་བཏོན་པས། རྨི་ལམ་དུ་ནམ་མཁའ་ལ་འཕུར་བ་དང་། ཉི་ཟླ་མཐོང་བ། གྱེན་ལ་འགྲོ་བ། རིན་པོ་ཆེའི་གཏེར་རྙེད་པ་སོགས་རྨིས། དེ་ནས་བཟུང་སྟེ་ཨོ་རྒྱན་ཆེན་པོའི་ཐུགས་རྗེས་བླ་མ་ལ་མོས་གུས། མཆེད་གྲོགས་ལ་བརྩེ་གདུང་། སེམས་ཅན་ལ་སྙིང་ར…

སྐབས་ཤིག་ཡི་གེར་ཤིན་ཏུ་བྱང་ནས་དཔྱིད་ཀྱི་ཉི་མ་རེ་ལ་ཤོག་གུ་སྣ་ཐུང་བརྒྱ་རེ་འབྲི་ཐུབ་པ་བྱུང་བས་ཀུན་ངོ་མཚར་བར་གྱུར། དེའི་སྐབས་སུ་གསར་རྙིང་གཉིས་ཀའི་ཆོས་ཀུན་མཁྱེན་པའི་གྲུབ་པའི་དབང་ཕྱུག་འཇམ་དབྱངས་རྒྱ་མཚོ་རིན་པོ་ཆེ་དེ་ཉིད་རྒྱལ་མཁན་ཆེན་མཆོག་གིས་བཀྲ་ཤིས་འཁྱིལ་དུ་གདན་དྲངས་པ་དང་མཇལ་ནས། སྔགས་མང་དང་ལྷན་དུ་སྟག་ཚང་ཕ…

ཡོན་བཟང་པོ་བྱིན་ནས་མཉེས་པར་བྱས། །རབ་གནས་ལ་དྲིན་ཅན་རྩ་བའི་བླ་མ་རྗེ་བཙུན་འཇམ་དབྱངས་རྒྱ་མཚོ་རིན་པོ་ཆེ་གདན་དྲངས་ནས་སྔགས་མང་དང་བཅས་པས་རབ་ཏུ་གནས་པའི་མེ་ཏོག་འཐོར་ཞིང་། དགའ་སྟོན་རྒྱས་པར་བྱས་པས་ཡུལ་མི་ཀུན་ཀྱང་རྗེས་སུ་ཡི་རང་བར་གྱུར། དེ་ལ་བརྟེན་ནས་ཀ་ཤུལ་གཉན་རྒྱ་སོགས་ཀྱིས་གསེར་མགར་དེ་ཚུར་བོས་ནས་སྐུ་མང་པོ་བླུགས་…