ཇི་ལྟར་འོན་པ་རོལ་མོའི་སྒྲ། །སིལ་སྙན་གླུ་ལ་མཁས་པ་ཞིག །གཞན་དག་དེ་ཡིས་དགའ་བྱེད་ལྟར། །མ་བསྒོམས་ཆོས་ཀྱང་དེ་བཞིན་ནོ། ཇི་ལྟར་འགྲོ་བ་མང་པོ་ལ། །ཟས་དང་སྐོམ་དག་བྱིན་ནས་ཀྱང་། །རང་ཉིད་བཀྲེས་ཏེ་འཆི་བ་ལྟར། །མ་བསྒོམས་ཆོས་ཀྱང་དེ་བཞིན་ནོ། ཞེས་དང་། ལྷག་བསམ་བསྐུལ་བ་ལས། བུ་རམ་ཤིང་ཤུན་སྙིང་པོ་ཅི་ཡང་མེད། །དགའ་བར་བྱ་བའི་རོ…

བཅས་རྣམས་ཀྱིས་ཡང་ཡང་གསུངས་ཏེ། བསླབ་བཏུས་ལས། བཟོད་བྱ་ཐོས་པ་བཙལ་བར་བྱ། །དེ་ནས་ནགས་སུ་གནས་པར་བྱ། །མཉམ་པར་བཞག་ལ་བརྩོན་བྱ་ཞིང་། །ཞེས་དང་། སོ་སོར་ཐར་པའི་མདོ་ལས། མང་དུ་ཐོས་པ་ནགས་ཀྱི་ནང་དག་ཏུ། །ལང་ཚོ་ཡོལ་བ་རྣམས་ཀྱིས་གནས་པ་བདེ། །ཞེས་དང་། ཏིང་འཛིན་རྒྱལ་པོ་ལས། གྲོང་དང་གྲོང་ཁྱེར་དག་ལ་དགའ་སྤོངས་ལ། །རྟག་ཏུ་དབེན་ཞ…

བརྩོན་པར་བྱ། ཞེས་དང་། རྗེ་རིན་པོ་ཆེས་ཚ་ཁོ་དཔོན་པོ་ངག་དབང་གྲགས་པ་ལ་གདམས་པ། དེ་ལྟར་ལམ་གྱི་གཙོ་བོ་རྣམ་གསུམ་གྱི། །གནད་རྣམས་ཇི་བཞིན་རང་གིས་རྟོགས་པའི་ཚེ། །དབེན་པ་བརྟེན་ནས་བརྩོན་འགྲུས་སྟོབས་བསྐྱེད་དེ། །གཏན་གྱི་འདུན་མ་མྱུར་དུ་སྒྲུབས་ཤིག་བུ། །ཞེས་དང་། འཁོར་བ་ལ་སྐྱོ་བའི་གཏམ་ལས། སྣ་ཚོགས་འདམ་སྐྱེས་དཔག་མེད་གཅལ་ད…

བཟུང་དཀའ་བའི། །དུར་ཁྲོད་དང་ནི་གནས་རྣམས་བརྟེན། །རྟག་ཏུ་ས་ཡི་མལ་སྟན་ཅན། །ཤིན་ཏུ་མྱ་ངན་འདས་རིང་མིན། །གསུངས། སློབ་དཔོན་དཔའ་བོས། རྒྱལ་པོས་ཆོས་སྤངས་ནོར་རྣམས་མཆོག་ཏུ་དོན་གཉེར་བུ་རྣམས་ཕ་མར་སྡང་། །ས་ལ་འབྲས་བུ་མི་སྐྱེ་རྒྱལ་པོ་འཁྲུག་བྱེད་རྒྱལ་བྱེད་མཚོན་གྱིས་རྣམ་པར་གནོན། །འཇིག་རྟེན་བུད་མེད་ལ་དད་བུད་མེད་རྣམས་ཀྱང…

འདམ་དུ་བྱིངས་གྱུར་པའི། །སྡོམ་ཅན་ཞི་འདོད་བདེར་གཤེགས་རྗེས་སུ་ཅི་ཕྱིར་འཇུག་མི་བྱེད། །གསུངས། བློ་བཟང་ཆོས་ཀྱི་ཉི་མའི་གསུང་ལས། བྱེད་རྒྱུ་མ་མང་བྱེད་ན་ལྷ་ཆོས་གྱིས། །སྨྲ་བ་མ་མང་སྨྲ་ན་ཆོས་གཏམ་སྨྲོས། །བསམ་རྒྱུ་མ་མང་བསམ་ན་ལས་འབྲས་སོམས། །འགྲོ་འདུག་མ་མང་འགྲོ་ན་དབེན་པར་སོང་། །གསུངས། སྤྱན་སྔ་བས། དབེན་པ་མ་བརྟེན་སངས་…

པས་ན། ཚེ་ཚད་ཀྱང་སྔོན་ནས་བསྐོས་ཚད་རེ་ཡོད། རྒན་གཞོན་ལ་ངེས་པ་མེད། ཐམས་ཅད་འཆི་བ་ལས་མ་འདས་པ། གཟུགས་ལེགས་ཀྱང་དེ་ལ་ཆགས་པས་མ་ཤི་བར་འདུག་པ་ངས་མ་མཐོང་། ལུས་ཀྱི་གཅེས་འཛིན་ཐམས་ཅད་བློས་ཐོངས་ལ་རི་ཁྲོད་འགྲིམས་གསུངས། ཏེ་ལོ་པས། གཅིག་པུར་ནགས་ཀྱི་གསེབ་དང་རི་སུལ་དུ། །སྒོམ་དུ་མེད་པའི་ངང་ལ་གནས་པར་གྱིས། །ཞེས་དང་། ཨ་ཏི་ཟབ་…

ཡུལ་དུ་བཞུད་དུས་རྗེ་འབངས་ཡོངས་ལ། དབེན་གནས་རི་ཐང་མཚམས་སུ་མི་བྱེད་པར། །ང་ཡིས་བསྒྲུབས་པའི་སྒྲུབ་གནས་ཀུན་ཏུ་གྱིས། །ཞེས་དང་། སུས་ཀྱང་མི་སྟོངས་གཅིག་པུར་འཆི་བ་སོམས། །ཤོམ་ར་བློ་སྣ་མ་མང་རི་ལ་བརྟེན། །ཅེས་དང་། ཇོ་བོ་རྗེས། སེམས་ལ་གནོད་པའི་ཡུལ་དང་ཐག་བསྲིངས་རྟག་ཏུ་དགེ་བ་འཕེལ་སར་སྡོད། །བརྟན་པ་མ་ཐོབ་བར་དུ་འདུ་འཛིས་…

ཞང་གིས། སྙིང་ནས་བཀའ་བཞིན་བསྒྲུབ་འདོད་ན། ཆེ་ཞོག་ཆུང་ཞོག་དགོན་པར་རྒྱུག །བཟང་ཞོག་ངན་ཞོག་རི་ཁྲོད་འགྲིམས། །སྐྱིད་ཞོག་སྡུག་ཞོག་བྲག་ཕུག་སྙོགས། །གསུངས། རྗེ་སྐལ་ལྡན་རྒྱ་མཚོས། རི་ཁྲོད་དགོན་པ་བརྟེན་ན། །དགེ་སྦྱོར་ངང་གིས་འཕེལ་བས། །བསམ་བློ་དྲག་ཏུ་ཐོངས་ལ། །ད་ལྟ་སྒོམ་ལ་སོང་ཞིག །ཅེས་དང་། ཀུན་མཁྱེན་ཀློང་ཆེན་པས། རྣལ་འ…

འགྲིམས། །ཞེས་དང་། དུས་ངན་སེམས་ཅན་ཚོར་ངན་ཆེ། །ཁྱིམ་མཚེས་མཐོ་གནོན་ཅི་གནོད་བསྐྱེལ། །འཛུར་མེད་ཧོར་ཁྲལ་ཆེ་ལ་ཡང་། །སྣེ་མཁན་གོ་མཚམས་སྟང་དུས་མེད། །དུས་ངན་ཕ་ཡུལ་བཟུང་བར་དཀའ། །སེམས་སྐྱོ་བ་བསྐྱེད་ལ་རི་ཁྲོད་འགྲིམས། །གསུངས། དེས་ན་བླ་མའི་བཀའ་བཞིན་ཚེ་འདིར་མ་སེམས་ཅན་ཐམས་ཅད་ཀྱི་དོན་དུ་འཐོབ་བྱ་བླ་ན་མེད་པ་ཡང་དག་པར་རྫོ…

ཞེས་དང་། འཇམ་དཔལ་ཞིང་བཀོད་ཀྱི་མདོ་ལས། བྱང་སེམས་ཁྱིམ་པ་གང་གིས་གངྒཱའི་ཀླུང་གི་བྱེ་མ་སྙེད་ཀྱི་སངས་རྒྱས་དགེ་སློང་དགེ་འདུན་དང་བཅས་པ། བསྐལ་པ་གངྒཱའི་ཀླུང་གི་བྱེ་མ་རྙེད་དུ་མགུ་བའི་ཡོ་བྱད་ཐམས་ཅད་ཀྱིས་མཆོད་པ་བས། བྱང་སེམས་རབ་བྱུང་གིས་དབེན་པ་འདོད་དེ་དགོན་པར་གོམ་པ་བདུན་བོར་ན་བསོད་ནམས་ཆེས་ཆེ་བར་གསུངས། །ཞེས་དང་། ཟ…

ཟླ་བ་སྒྲོན་མེའི་མདོ་ལས། རྒྱལ་སྲིད་མཆིལ་མའི་ཐལ་བ་བཞིན་སྤངས་ནས། །དབེན་པ་འདོད་དེ་དགོན་པར་གནས་བྱེད་པ། །ཉོན་མོངས་སྤངས་ནས་བདུད་ནི་བཅོམ་ནས་སུ། །བྱང་ཆུབ་རྡུལ་མེད་འདུས་མ་བྱས་འཚང་རྒྱ། །ཞེས་དང་། གྲུབ་ཆེན་རྒ་ལོས། མ་འདུག་དགོན་པར་སོང་། །ཐར་པ་དགོན་ན་འདུག །ཟླ་བ་སྒྲོན་མེ་བདེན། །འདི་གཞན་ངས་མ་ཤེས། ཞེས་དང་། ཀུན་མཁྱེན་ཀ…

གསུངས། སློབ་དཔོན་ས་འཚོ་སྦྱིན་གྱིས། ནགས་ཚིག་པ་ཡི་བྱ་དང་འདྲ་བར་སྡུག་བསྔལ་བརྒྱ་ཡི་གཞིར་གྱུར་པའི། །ཁྱིམ་གང་ཡིན་པ་ཡོངས་སུ་སྤངས་ནས་ནགས་སུ་འགྲོ་བྱེད་པ། །དེ་ནི་སྲིད་པའི་གཏིང་རབ་བསལ་བ་འགྲོ་བ་ཀུན་གྱི་མགོན། །སངས་རྒྱས་རབ་ཏུ་མཉེས་པར་བྱེད་པ་ཡིན་ཞེས་དེ་སྐད་གྲགས། །ཞེས་དང་། བྱེ་ཚང་པ་རིན་ཆེན་དཔལ་འབྱོར་གྱིས། གྲུབ་ཐོབ་…

ཡར་གྱེན་དུ་འཕྱུར་ནས་གདུགས་ལྟར་མཛེས་ཤིང་། ངོ་མཚར་ལྷ་ཡི་སྤྱན་གཟིགས་ལྟར་གཟི་བརྗིད་འོད་ཟེར་འཕྲོ་བའི་ཉི་ཟླ་སྐར་གསུམ་ཤར་བ། རི་རྩེ་ཕྲག་གོང་ན་ལྷའི་དབུ་རྒྱན་སྙན་རྒྱན་ལྟར་རབ་དཀར་གངས་ཡར་སྤུངས་པ་དང་མར་བཤམས་པ། དངུལ་གྱི་མདོག་འདྲ་སྨུག་པས་རྐེད་བཅིངས་དོ་ཤལ་ལྟར་གནས་པ་དང་། ལོ་མ་མེ་ཏོག་འབྲས་བུ་ཡོངས་མཛེས་ལྗོན་ཤིང་སྣ་ཚོག…

བྱ་ཁུ་བྱུག་འཇོལ་མོ་ལ་སོགས་བྱ་བྱིའུ་སྣ་ཚོགས་ཀྱིས་སྐད་སྙན་པ་སྒྲོག་བཞིན་དགའ་ཞིང་འཕྱོ་ལ་ལྡིང་བ། ལྷའི་འདོད་འཇོའི་བ་མོ་ཉལ་ལྡང་འགྲོ་བ་བཞིན་མདུན་གྱི་གཡས་གཡོན་ན་རི་དྭགས་དུ་མ་བག་ཕེབས་པར་རྒྱུ་ཞིང་ཕན་ཚུན་རྩེ་བ་ལ་སོགས་པ། མིག་མཛེས་རྣར་སྙན་ཡིད་འབབ་ཀྱི་ངོ་མཚར་མཐའ་ཡས་པ། བདེ་ལྡན་ལྷའི་ཡུལ་ལས་ལྷག་པའི་རི་ཁྲོད་དབེན་པའི་བ…

ཁྱེད་དབེན་པའི་སྤང་ལ་ཡིད་སྤྲོ་ན། །སྤང་མེ་ཏོག་བཀྲ་བའི་ལྗོངས་ཤིག་ན། །རྩྭ་ལྗང་སྔོན་སྤྱིལ་ཆུང་ཉམས་དགའ་ཡོད། །གནས་དེ་འདྲ་བརྟེན་ན་ངང་གིས་བདེ། །ཁྱེད་དབེན་པའི་བྲག་ལ་ཡིད་སྤྲོ་ན། །བྲག་རྒོད་ཚང་ཅན་གྱི་ངོས་ཤིག་ན། །སྐྱིབས་རབ་མཛེས་ཕུག་པ་རང་གྲུབ་ཡོད། །གནས་དེ་འདྲ་བརྟེན་ན་རིག་པ་དྭངས། །ཁྱེད་དབེན་པའི་རྫ་ལ་ཡིད་སྤྲོ་ན། །རྫ…

ལ་ཡིད་སྤྲོ་ན། །ཟས་རང་གྲུབ་ཤིང་ཏོག་ཟ་ཚོད་ལ། །བཅུད་མྱངས་ན་ཞིམ་པའི་བྲོ་བ་ཡོད། །ཟས་དེ་འདྲ་བརྟེན་ན་ངོ་མཚར་ཆེ། །ཁྱེད་དབེན་པའི་གླུ་ལ་ཡིད་སྤྲོ་ན། །གླུ་རང་གི་རྒྱུད་ལ་ཕན་པ་ལ། །དུས་གསུམ་དུ་བསྒོས་པའི་བག་ཆགས་ཡོད། །གླུ་དེ་འདྲ་བླངས་ན་ངོ་མཚར་ཆེ། །གསུངས། ཀློང་ཆེན་རབ་འབྱམས་པས། དབེན་ཞིང་ཉམས་དགའ་རིག་པ་དྭངས། །སྨན་ལྗོངས་…

རི་ངོགས་དབེན་པར་སྒོམ་དུ་གཤེགས། །བདེ་སྐྱིད་རི་ཁྲོད་གནས་ན་ཡོད། །དགྲ་གཉེན་གང་དང་མ་འབྲེལ་བས། །ཆགས་སྡང་ཟག་པ་ངང་གིས་མེད། །ཆེ་ཆུང་གང་དང་མ་འབྲེལ་བས། །ངོ་སྲུང་སེམས་འཛིན་སྡུག་བསྔལ་མེད། །སྐྱེ་བོ་གཞན་དང་མ་འབྲེལ་བས། །ཟོག་དང་ཚུལ་ཆོས་ངང་གིས་མེད། །གཅིག་པུར་རང་དབང་ཆོས་དབང་ཐོབ། །སུས་ཀྱང་ཚེ་འདིར་འཆིང་མཁན་མེད། །འཇིག་རྟ…

འཆར། །བྱས་པ་གཅིག་ཏུ་དོན་ཆེ་བ། །མི་ལུས་རིན་ཆེན་དོན་དང་བཅས། །ཚེ་འདིར་བདེ་སྟེ་ཕྱི་མའང་བདེ། །གཏན་དུ་བདེ་ལ་སྤྱོད་པ་ཡིན། །གསུངས། རྒྱལ་དབང་ཐམས་ཅད་མཁྱེན་པའི་ཞལ་ནས། འདུ་འཛིའི་དབེན་པའི་ས་འཛིན་མཐོན་པོའི་ངོས། །སྤང་ལྗོངས་ནགས་ཚལ་མེ་ཏོག་ཁོར་ཡུག་ཅན། །རྡོ་བའི་སྤྱིལ་ཆུང་རང་བྱུང་ཁང་བུ་རུ། །གྲིབ་མ་གཉིས་པའི་གྲོགས་དང་ལྷན…

མེད་པའི་མཁའ་དབྱིངས་སུ། །བྱ་རྒོད་གཤོག་རྩལ་སྒོར་རོ་རོ། །དྲི་ཞིམ་ཚང་ཚིང་སྟུག་པོའི་ཁྲོད། །ལྷ་བྱ་སྐད་སྙན་ཀྱུ་རུ་རུ། །མདངས་ལྡན་མེ་ཏོག་གེ་སར་རྩེར། །བུང་བ་གླུ་ལེན་དི་རི་རི། །ནེའུ་གསིང་སྔོན་པོའི་སྨན་ལྗོངས་སུ། །རི་དྭགས་བང་རྩལ་ཤ་ར་ར། །འོད་གསལ་ཉི་ཟླའི་སྒྲོན་མ་ལས། །དྲི་མེད་འོད་ལྡན་གསལ་ལ་ལ། །ཆུ་འཛིན་དཀར་པོའི་གདུག…

གསུངས། རྗེ་མི་ལའི་ཞལ་ནས། མེ་ཏོག་སྣ་ཚོགས་སྐྱེས་པའི་གནས། །ལྗོན་ཤིང་གར་སྟབས་བྱེད་པའི་ས། །འཇོལ་མོས་གསུང་སྙན་སྒྲོག་པའི་རི། །སྤྲ་སྤྲེའུ་ཡང་རྩལ་སྦྱོང་བའི་ས། །དེ་ལྟ་བུ་ཡི་དབེན་གནས་སུ། །གཅིག་པུར་འདུག་ན་བདེ་བ་སྟེ། །འདུ་འཛི་སྤངས་ན་ཡོངས་སུ་བདེ། །ཞེས་དང་། ཡང་། མེ་ཏོག་སྣ་ཚོགས་སྐྱེས་པའི་ཡུལ། ཤིང་རྣམས་གར་སྟབས་བྱེད་…