པོས་ཕྱོགས་ཀུན་ཁྱབ་པར་བྱུང་སྐད། དེས་ན་པོ་ཏོ་བ་རིན་པོ་ཆེས་ཐེག་པ་ཆེན་པོའི་དགེ་བའི་བཤེས་གཉེན་གྱི་ཐུགས་ཐ་མལ་པས་མི་རྟོགས། ཕྱི་ལྟར་མཉེས་མཉེས་མཛད་པ་མཉེས་པའི་ངེས་པ་མེད། མི་མཉེས་པའི་རྣམ་འགྱུར་ཅི་མཛད་ཀྱང་མི་མཉེས་པའི་ངེས་པ་མེད། གང་ལ་དགོངས་ཏེ་མཛད་པ་ཡིན་མི་ཤེས་པས་གཟབ་དགོས་གསུངས། ཕྱག་རྡོར་དབང་བསྐུར་གྱི་རྒྱུད་ལས། ས…

ལད་མོ་བྱེད་ཕྱིར་བྱས་པ་མ་ཡིན་པ་ལྟར། རྒྱལ་སྲས་བྱང་ཆུབ་སེམས་དཔའ་རྣམས་ཀྱིས་མཛད་པ་སྣ་ཚོགས་སྟོན་པ་ཐམས་ཅད་ལ་འེ་ཚོས་ལད་མོ་གྱིས་ཞེས་བསྟན་པ་མ་ཡིན་པ་ཧ་གོ་དགོས། མ་གོ་ན་སེང་གེ་མཆོངས་སར་ཝ་ལྡིང་བ་ལྟར། ཐམས་ཅད་ཀྱི་ལད་མོ་བྱས་ན་མ་གོབ་ཚོ་གཅིག་རེ་འོང་ངེས་པས། བློ་གྲོས་དང་ལྡན་པས་གཟབ་འཚལ། ཡང་འགའ་རེས་ཨ་ཧ་ཧ། ད་འེ་ཚོས་ཁ་རོག་ལ…

བཟང་གི །ཁྱེད་ཀྱིས་ངེད་ཚོའི་མགོའི་ལོག་རྟོག་བསལ་རྒྱུའི་ཟེར། ཁོང་གི་མགོ་ལ་དེས་ཆེ་ཞིག་ལེན་གི །ཨོ་རྒྱན་དང་རྗེ་རིན་པོ་ཆེ་ལ་མཁྱེན་རྒྱ་ཁྱེད་བས་ཆེ་ཞིག་ཡོད་རབས་ཡོད། ངེད་ཚོས་མི་ཤེས་དང་ཨ་ཁུ་རི་ཁྲོད་པ་ཟེར་ན། ཨ་ཧོ་ཧོ། དེ་ངས་བཤད་ཤེས་ཀྱང་ཁྱེད་ཚོས་ཉན་མ་ཤེས་པ་ཡིན་ཏེ། དཔེར་ན་ཨ་ཕས་མགོ་ཡི་ཞ་སྨྲས་ན། ཨ་མས་རྐང་གི་ལྷམ་ཨེ་ཡི…

གོང་མ་ཚོ་ལ་ཡང་སྐུར་བ་འདེབས་མཁན་རེད། སྐྱག་པ་ངན་ཡང་དགོས་པ་ཡོད་ནི་བྱས་ན་ཅི་ལ་མེད། ལོ་ཏོག་བཟང་པོ་སྐྱག་པ་ཡོད་ན། ལྷག་པར་སྐྱེ་སྟོབས་ཆེ། གྲུབ་མཐའི་བཟང་ངན་ཤེས་དཀའ་མོད། འོན་ཀྱང་ཁྱེད་ཚོས་སྨྲས་པ་ལྟར་གྲུབ་མཐའ་གཞན་ངན་པ་ཡིན་པའི་དབང་དུ་བྱས་ཀྱང་། དགོས་པ་ཡོད་ནི་བྱས་ན་ཅི་ལ་མེད། གྲུབ་མཐའ་བཟང་པོ་ལ་དམན་པ་ཡོད་ན་ལྷག་པར་བསྟ…

གོང་དུ་ཞར་ར་རྣམས་ཀྱིས་རང་ཚོད་བཟུང་ནས་ག་ལེར་བསྡད་ན་ཨེ་བཟང་སྙམ་ནས་སྨྲས་པ་ཡིན་ཏེ། སྔོན་བླ་མ་ཞིག་གིས། ང་ཡིས་བལྟས་ན་ཁྱོད་རེ་སྨྱོ། ཁྱོད་ཀྱིས་བལྟས་ན་ང་རེ་སྨྱོ། །ང་སྨྱོ་བ་ཆོས་ཀྱི་དབྱིངས་སུ་སྨྱོ། ཁྱོད་སྨྱོ་བ་འཁོར་བའི་འདམ་དུ་སྨྱོ། །གསུངས་པ་ལྟར། ངས་བལྟས་ན་ཁྱེད་ཚོས་མ་ཤེས་བརྗོད་ཁི། ཁྱེད་ཚོས་བལྟས་ན་ངས་མ་ཤེས་བརྗོད…

བར་མ་སེམས། ད་ལྟ་བོན་པོ་མང་པོས་རྒྱ་གར་པཎ་ཆེན་མ་དང་། དམིགས་བརྩེ་མ་ལ་ཐུགས་དམ་མཛད་པ་མང་པོ་སྣང་། མ་ཤེས་པའི་དབང་གིས་དེ་འདྲའི་ཚིག་ངན་སྨྲས་ཏེ། བོད་ཀྱི་གསར་མ་པ་ཡིན་ཟེར་ནི་འགའ་རེས། ཨོ་རྒྱན་རིན་པོ་ཆེ་སྐུ་རྫུས་སྐྱེས་མ་ཡིན་མངལ་སྐྱེས་ཡིན། བོད་དུ་འོངས་ནས་ལྷ་འདྲེ་དང་འཐབ་འཐབས་པས། ཕལ་ཆེར་མ་ཐུབ་པར་ལག་གི་རྡོ་རྗེ་ས་ལ་ལྷ…

མདོ་སྡེ་གང་ནས་དེ་འདྲ་མ་གསུངས། དེ་བཞིན་དུ་རྒྱལ་བའི་བཀའ་ལ་འགྲེལ་ལོག་རྐྱང་རྒྱབ། གསུང་གི་སྙིང་པོ་རྣམས་མིན་ཞེས་དོར་བས། དེང་སང་སྔོན་ལྟར་གྲུབ་ཐོབ་མེད་པའི་རྒྱུ་མཚན་དེ་ཡིན། སྙིང་པོའི་བསྟན་པ་ལ་གནོད་ཆེན་པོ་བསྐྱལ་ཚོ་ཟེར། འེ་ཚོ་རྒོད་རྒྱུ་ལུ་རྒྱུ་འོང་ནི་རྐྱང་བཤད། དེ་རྣམས་བྲག་ཕུག་ཁ་བྱང་བསྟན་ལ་ཉི་མ་མི་འཆར་བ་བཞིན། ས…

ལ། བཟང་ངན་འབྲེལ་བ་གང་བཞག་ཀྱང་ལེགས་ལེགས་ཏེ། རྗེ་རྒོད་ཚང་པས། བྱང་ཆུབ་སེམས་དཔའ་དགའ་བྱེད་ལ། ཚོང་དཔོན་གྱི་བུ་ཆགས་པ་སྐྱེས་ཏེ་ལུས་རྔུལ་ནས་ཤི་བས། ཡི་དྭགས་སུ་སྐྱེ་བའི་ལས་དག་ནས་སུམ་ཅུ་རྩ་གསུམ་དུ་སྐྱེ་བར་བཤད། གང་ལ་གནོད་པ་བྱས་ན་བདེ་འབྲེལ་བ། །བདེ་བའི་འབྱུང་གནས་དེ་ལ་ཕྱག་འཚལ་ལོ། །ཞེས་གསུངས། འོན་ཀྱང་ངན་འབྲེལ་བཞག་པ་…

འབྲིང་གསུམ་སོ་སོར་བསྟན་ཀྱང་དོན་གྱིས་གཅིག །ཁྱད་པར་ཨོ་རྒྱན་དང་། ཇོ་བོ་རྗེ། རྗེ་རིན་པོ་ཆེ་གསུམ་ཐུགས་རྒྱུད་གཅིག་སྟེ། སྐྱབས་མགོན་རྒྱལ་བ་དགེ་འདུན་རྒྱ་མཚོས། རིགས་འཛིན་གྲུབ་པའི་དབང་ཕྱུག་པདྨ་འབྱུང་། །ལྔ་བརྒྱའི་གཙུག་རྒྱན་དཔལ་ལྡན་མར་མེ་མཛད། །རྡོ་རྗེ་འཆང་དབང་བློ་བཟང་གྲགས་པའི་དཔལ། །སྣ་ཚོགས་སྤྲུལ་པའི་གར་མཛད་དེ་ལ་…

མས་གསུངས། དེས་ན་མ་ཤེས་པའི་དབང་གིས་སངས་རྒྱས་གཅིག་ལ་སྨད་ཀྱང་། དངོས་སམ་བརྒྱུད་ནས་སངས་རྒྱས་ཐམས་ཅད་ལ་སྐུར་བ་བཏབ་པར་འགྱུར་བས་རྒྱལ་བ་རྣམས་ཀྱི་ཐུགས་ཀྱི་དགོངས་པ་བསྐང་མ་ནུས་ཀྱང་། ཐུགས་ཀྱིས་མི་ཁྲེལ་བ་ཞིག་ཅི་ནས་ཀྱང་གྱིས་ཞེས་ཐར་འདོད་ཡོངས་ལ་སྙིང་གཏམ་བྱས་པ་ཡིན་པས་ཐུགས་ལ་ཤོང་ནི་གྱིས། ཨོ་རྒྱན་དང་རྗེ་རིན་པོ་ཆེ་ལྟ་བུའ…

རོག་བྱ་མི་དགོས་ཀྱི། བུ་ཚ་མིང་སྲིང་མ་ངུ་བར་གྱིས་ཤིག་ཟེར། བཙུན་རྒན་གྱི་རོག་གཅིག་ཙམ་བྱེད་ཟེར། རྡེའུ་བདུན་མ་ཎྜལ་གྱི་ཁར་བསྐྱུར་བས། མན་ཇི་ཁ་བརྒྱན་དང་བཅས་པ་ཀུན་བྱུང་། སྟེང་གི་ནམ་མཁའ་ལ་ཐུ་བྱས་མཆིལ་མ་བཏབ་པས་གདུགས་དཀར་པོ་གསེར་གྱི་ཡུ་བ་ཅན་ཞིག་བྱུང་བས། ཁོང་རྣམས་ངོ་མཚར་བར་གྱུར་སྐད། རྗེ་རིན་པོ་ཆེས་ཀྱང་སྔགས་ཉམས་སུ…

པའི་བླ་མ་སློབ་དཔོན་གྱི་འདུ་ཤེས། སྒྲ་སྐད་ཐམས་ཅད་ཆོས་ཀྱི་རང་སྒྲ། མདོར་ན་སྣོད་བཅུད་ཐམས་ཅད་དག་པའི་འཁོར་ལོ་འབའ་ཞིག་ཏུ་མོས་པ་བྱས། ཐ་མལ་གྱི་སྣང་བ་སྐད་ཅིག་ཀྱང་མི་སྐྱེ་བར་དུས་རྒྱུན་དུ་དག་སྣང་སྦྱངས་ན། སྐབས་ཤིག་ལས་ངན་པའི་དབང་གིས་བྱུང་བའི་མ་དག་པའི་སྣང་བ་ཐམས་ཅད་དག་ནས། དག་པའི་སྣང་བ་འབའ་ཞིག་ཏུ་འཆར་སྟེ། རྗེ་རྒོད་ཚང…

པར་སྟོན་པའི་སློབ་དཔོན་དུ་ཤར་ནས། མགུར་བཞེས་པ། རྫ་ད་ལྟ་ཡོད་པ་ད་ལྟ་མེད། །དཔེ་འདིས་ཀྱང་འདུས་བྱས་ཀྱི་ཆོས་ཀུན་མཚོན། །ཁྱད་པར་དལ་འབྱོར་གྱི་མི་ལུས་མཚོན། །ནོར་ཡོད་དགུ་འདུས་པ་མཁོ་བའི་རྫ། །རྫ་ད་ལན་ཆག་པ་བླ་མར་བྱུང་། །ཆོས་མི་རྟག་བཤད་པ་ངོ་མཚར་ཆེ། །གསུངས། སྔོན་ཇོ་བོ་རྗེ་ལ། ཉེ་གནས་ཁོང་ཁྲོ་ཚིག་རྩུབ་ཆེ་བ་ཞིག་ཡོད་པ། གཞ…

པ་གོང་མས་མོས་གུས་དག་སྣང་འདི་ལ་ཐུགས་དམ་གྱི་མཐིལ་བྱས་ཏེ། རྗེ་རྒོད་ཚང་པས། ངས་རི་ཁྲོད་གནས་ཆེན་ལ་སོགས་པ་གང་དུ་ཕྱིན་ཀྱང་། ཆོས་སམ་སྒྲུབ་པ་ལ་མོས་གུས་དག་སྣང་བྱས། མི་མཐོང་ཚད་ལ་ཆོས་ཀྱི་འབྲེལ་བ་ཞུས། ད་དུང་དེའི་དུས་ཀྱི་ཆོས་ཚོ་མ་བརྗེད་པར་སྐད་དེ་ཡོད། གྲོགས་སུ་དང་འགྲོགས་ཀྱང་དམན་ས་བཟུང་ནས་གཡོག་བྱས་གསུངས། དེས་ན་ཀུན་ལ…

བཅོམ་ལྡན་འདས་ཀྱི་གསུང་རབ་ཅེས་བྱ་བ་ཡིན་གསུངས། རྗེ་རིན་པོ་ཆེས་ཀྱང་། རྒྱལ་བའི་ལེགས་པར་བཤད་པ་ཇི་སྙེད་པའོ་གསུངས། དེས་ན་བསྟན་པ་ཟེར་བ་འདི་རྗེས་འཇུག་འོ་སྐོལ་རྣམས་ཀྱིས་རྒྱ་ཆུང་ཆུང་ཞིག་ཏུ་གོ་མི་རུང་སྟེ། སངས་རྒྱས་ཐུགས་རྗེ་ཅན་གྱིས་སེམས་ཅན་གྱི་ཉོན་མོངས་བརྒྱད་ཁྲི་བཞི་སྟོང་གི་གཉེན་པོར་ཆོས་ཀྱི་ཕུང་པོ་བརྒྱད་ཁྲི་བཞི་…

མཚོ་ན། ཁོ་བོའི་ཁྲོན་པའི་ཆུ་འདི་ལས་ལྷག་མེད་སྨྲས་པ་དང་མཚུངས་པས། མཁས་པའི་བཞད་གད་ཀྱི་གནས་ཡིན་ཏེ། ཆོས་ཕུང་གི་ཆེ་ཆུང་མཐའ་གཅིག་ཏུ་མ་ངེས་ཀྱང་། ཆེ་བ་ཚོ་ན་ཤོག་བུ་ཤིན་ཏུ་སྲབ་པའི་ཕྱི་ནང་གཉིས་ཀ་སྙུག་གུ་ཁབ་རྩེ་ལྟ་བུས་ཡི་གེ་ཕྲ་མོ་བྱས། བར་མཚམས་མེད་པར་བྲིས་པའི་པོ་ཏི་གླང་ཆེན་དར་མའི་རྒྱབ་ཁལ་རེ་ཡོད་སྐད། དེ་ཡིན་ན་བོད་ལ་…

བཞིན། །ཕྲ་མོར་འབྱེད་ནུས་སངས་རྒྱས་ཁོ་ནའི་ཡུལ། །ཡིན་ཕྱིར་སྙིང་པོའི་གསུང་རབ་ཕ་མཐའི་ཚད། །ཚུར་མཐོང་བྱིས་བློས་གཞལ་བར་ག་ལ་ནུས། །གསུངས། དེས་ན་བསྟན་པ་ཐམས་ཅད་ཟེར་བ་དེ་སྟོང་གསུམ་མི་མཇེད་འཇིག་རྟེན་གྱི་ཞིང་ཁམས་ཡངས་པ་འདི་ནི། སྟོན་པ་སངས་རྒྱས་ཀྱི་གདུལ་བྱ་ཞིག་གི་གཙོ་བོ་ཡིན་པས། འདི་ན་ས་སྐྱ། དགེ་ལུགས། རྙིང་མ། བཀའ་རྒྱུ…

གོ་འཕང་ཐོབ་ནས་བདེ་སྐྱིད་མྱོང་བའི་རྒྱུ། ཡོན་ཏན་གྱི་རིགས་མཐའ་དག་སྒྲུབ་པའི་ཐབས་ཤ་སྟག་ཡིན་པས། ཆོས་གང་བསྒྲུབས་ཀྱང་། སྐྱོན་སྣ་རེ་འགོག་པ་དང་། ཡོན་ཏན་སྣ་རེ་མི་བསྐྱེད་པའི་ཆོས་གཅིག་ཙམ་ཡང་མེད་ལ། ཆོས་ལུགས་ཐམས་ཅད་སྐྱོན་འགོག་པ་དང་། ཡོན་ཏན་སྒྲུབ་པའི་ཐབས་སུ་གཅིག་པས་ཕན་ཚུན་དོན་གྱིས་མི་འགལ། གདུལ་བྱ་མཐའ་ཡས་པའི་དབང་གིས…

བསྟོད་ལས། གནང་བ་དང་ནི་བཀག་པ་ལ། ཁྱོད་བཀའ་ལ་ལར་གཅིག་ཏུ་ངེས། །ལ་ལར་ངེས་པ་མ་ལགས་ལ། །ཕན་ཚུན་འགལ་བའང་མ་མཆིས་སོ། །གསུངས། པཎ་ཆེན་ཐམས་ཅད་མཁྱེན་པ་བློ་བཟང་ཆོས་རྒྱན་གྱིས། ལྷན་ཅིག་སྐྱེས་སྦྱོར་གའུ་མ། །ལྔ་ལྡན་རོ་སྙོམས་ཡི་གེ་བཞི། །ཞི་བྱེད་གཅོད་ཡུལ་རྫོགས་ཆེན་དང་། །དབུ་མའི་ལྟ་ཁྲིད་ལ་སོགས་པ། །སོ་སོར་མིང་འདོགས་མང་ན་ཡང་…

བླ་མ་གོང་མ་རྣམས་ཀྱི་རྣམ་ཐར་བཞིན་བཀའ་ཐམས་ཅད་གདམས་པར་འཆར་སྟེ། ཇོ་བོའི་སློབ་མ་སྒོམ་པ་རིན་ཆེན་བླ་མས། ཨ་ཏི་ཤའི་གདམས་ངག་ལ་སྟན་ཐོག་གཅིག་ཏུ་ལུས་ངག་ཡིད་གསུམ་རྡུལ་དུ་བརླག་པས། གཞུང་ལུགས་ཐམས་ཅད་གདམས་ངག་ཏུ་གོ་བ་ཞིག་བྱུང་གསུངས། རྣལ་འབྱོར་པ་བྱང་ཆུབ་རིན་ཆེན་གྱིས། གདམས་ངག་ལ་ནང་བྱན་ཚུད་པ་ཞེས་པ་ནི་བེ་བུམ་ལག་མཐིལ་ཙམ་ཞི…