འབྱམས་པ་དང་། ཐུབ་ཀྭན་བློ་བཟང་ཆོས་ཀྱི་ཉི་མ་ལ་སོགས་ཀྱིས། ཆོས་རྣམ་དག་ཡིན་ཚུལ་གྱི་ཤེས་བྱེད་མང་པོ་བཀོད་ནས་ལན་བཏབ་པ་དང་། སྟག་ཚང་ལོ་ཙཱ་བ། འབར་ཆུང་བ་བཀྲ་ཤིས་རྒྱ་མཚོ་སོགས། རྙིང་མ་བཀའ་བརྒྱུད་པ་སོགས་ཀྱི་བླ་མ་མང་པོས། དགེ་ལུགས་པའི་གྲུབ་མཐའ་འདི། ཆོས་རྣམ་དག་མིན་ཚུལ་གྱི་ཤེས་བྱེད་མང་པོ་བཀོད་ནས་སྨད་པ་ལ། གསར་མའི་བླ་མ་…

དག་སྣང་སྦྱང་དགོས་ཞེས་གསུངས་པའི་ཕྱིར་རོ། །ཡང་ཁ་ཅིག་ལ་དེ་འདྲའི་དགོས་གཞི་གང་ཡང་མེད་པར་ལོག་ལྟ་ཆགས་སྡང་ཕྲག་དོག་རྙེད་བཀུར་སོགས་ཀྱི་གདོན་ཁོག་ཏུ་ཞུགས། ཤེས་པ་རང་དབང་མ་ཐོབ་པར་མྱོས་ནས། གྲུབ་མཐའ་གཞན་དང་། དེ་འཛིན་པའི་སྐྱེས་བུ་དམ་པ་ཡོངས་ལ་སྒྲོ་སྐུར་ངན་པ་བཏབ་པའང་ཡོང་སྲིད་དེ། སྔོན་ལེགས་སྐར་དང་ལྷས་སྦྱིན་ཕྱི་རོལ་པ་སོ…

གསུང་དུ་མ་བཅུག་པའི་རྣམ་སྨིན་གྱིས་སྐུ་ཚེ་མཇུག་ཡང་ཀླུ་ནད་ཀྱིས་གཤེགས་ཞེས། སྐྱེས་བུ་དམ་པ་དེ་ཚོ་ལ་སྐུར་བ་འདེབས་ན་གཞན་སྨོས་ཅི་དགོས། སྐལ་ཆད་ལོག་ལྟ་ཅན་གྱི་ཁ་སངས་རྒྱས་ཀྱིས་ཡང་མི་ཆོད། དེས་ན་འོ་སྐོལ་རྣམས་ཀྱིས་དེ་རྣམས་ཀྱི་ལད་མོ་བྱས། ཁ་ཁོག་གཉིས་ཀས་གཞན་གང་ལའང་སྨོད་ག་ལ་རུང་། བླ་མ་དམ་པ་རྣམས་ཀྱིས་བསྟན་པ་དང་སེམས་ཅན་ལ…

དང་འདྲ། རྙིང་མའི་བསྟན་པ་ཀུན་གྱི་སྔོན་དུ་དར་བས་ན་ཕ། དེའི་འཕྲོ་ཕྱག་ཆེན་དར་བས་ན་མ། དེ་གཉིས་ཀྱི་འཕྲོ་ལ་གསར་མ་དགེ་ལུགས་པ་དར་བས་བུ་ཡིན། འཇིག་རྟེན་ན་ཕ་མ་བུ་གསུམ་བཟང་རུང་ངན་རུང་འགྲིགས་ན་བཟང་བ་ལྟར། དབུ་རྫོགས་ཕྱག་གསུམ་པོ་བཟང་རུང་ངན་རུང་འགྲིགས་མཐུན་ན་བཟང་། ཕ་རྒོད་པོ་ཤ་ཟན་ལ་བུ་ཁྭ་ཏ་སྐྱག་ཟན་སྐྱེས་ཀྱང་། ཕ་བཟང་པོས…

ནུས་མཐུ་གང་གི་སྒོ་ནས་བཏུལ་ཀྱང་ཐུལ། ནང་པའི་བསྟན་པ་དང་འགྲོ་བའི་དོན་གང་མཛད་ཀྱང་ཡོང་། དཔེར་ན་ཕ་མ་བསད་ནས་བུས་ཕ་མའི་རོ་ཤུན་གོན་པ་དང་། བུ་བསད་ནས་ཕ་མས་བུའི་རོ་ཤུན་གྱོན་བསྡད་ན་མཚང་ཞིག་མིན། དགེ་ཞིག་མེད་པ་ལྟར། ཕྱག་རྫོགས་ཀྱི་དགོན་པ་གཏོར་ནས། དགེ་ལུགས་པས་ཤུལ་བདག་ཏུ་འཛིན་པ་དང་། དགེ་ལུགས་པའི་དགོན་པ་ཉམས་སུ་བཅུག་ནས་ཕ…

བསྟན་པ་གང་ཡིན་ཡང་འཛིན་སྐྱོང་སྤེལ་གསུམ་བྱེད་མཁན་ལ་བསྟན་འཛིན་ཟེར། དེས་ན་སྐྱེས་བུ་བློ་གྲོས་ཅན་རྣམས་ཀྱིས། བསྟན་པ་ཐམས་ཅད་ཀྱི་བདག་པོ་སྐྱེ་འགྲོ་ཀུན་གྱི་ཕྱག་མཆོད་གསོལ་བ་འདེབས་པ་རྣམས་གཤེགས་ཀྱང་། མཚན་བསྐལ་པར་མི་ནུབ་པ་སྔོན་གྱི་དམ་པ་གོང་མའི་མཛད་པ་ལྟ་བུ་ཞིག་གྱིས། སྤྱིར་ཚེ་ཐུང་རང་ནམ་འཆི་ཆ་མེད་ཚེ་ཕྱེད་ཤོར་སོང་། ཚེ…

དག་པར་རྫོགས་པའི་སངས་རྒྱས་ཀྱིས། དགོས་འདོད་ཐམས་ཅད་སྒོ་རྩར་འོང་བ་མཁྱེན་ཏེ། མ་མཛད་པར་བསོད་སྙོམས་མཛད་པ་ལགས་མོད། དགོན་ཆུང་འཛིན་པ་ཀུན་བདུད་ཀྱིས་ཁྱེར་བ་ཡིན། ཞེས་དང་། ཚེ་བློས་བཏང་ནས་གྲུབ་ཐོབ་གཅིག་བྱེད་པ་ཡིན། འཁོར་བ་མ་སྟོངས་བར་དུ་གཞི་དགོན་གྱི་བདག་འཛིན་མི་བྱེད། སོ་ནམ་མི་བྱེད། གསུངས། བཀའ་གདམས་བླ་མ་གོང་མ་འགའ་རེས…

ང་རྒྱལ་ཕྲག་དོག་སེར་སྣ་སོགས་ཉོན་མོངས་ཁྱིམ་པ་བཞིན་ཆེ། འཇིག་རྟེན་ཆོས་བརྒྱད་དཀར་ནག་ཁྲ་གསུམ་མི་དགེ་བཅུ་སོགས། འཁོར་བ་ངན་སོང་དུ་ལྟུང་བའི་རྒྱུ་ལས་ངན་པའི་ཕྱོགས་ལ་སོ་ནམ་བཞིན་རེམ་པ་མཐོང་ན། ཁྱིམ་པ་དང་ཁྱད་པར་མེད་གསུངས་པའི་དོན་ཧ་གོ་ནས་ངེས་ཤེས་འདྲོང་པར་གདའ། ཡང་གཏེར་སྟོན་འགའ་རེས་མ་འོངས་ལུང་བསྟན་ན། སྙིགས་མའི་དུས་སུ་…

འོག་ནས་འོག་ཏུ་ལྷུང་སྲིད་པས། །དགོན་གོག་གཞི་མ་དགྲ་ལྟར་ལྟོས། །གསུངས། གང་ཤར་རང་གྲོལ་གྱིས། དགོན་གནས་གྲྭ་ཚང་ལ་ཆགས་པའི་བླ་མ་ཡི་ཚོགས་རྣམས། །ཚེ་མཇུག་དོན་མེད་དུ་ཟད་ཚེ་གང་འདྲ་རང་བྱེད་དམ། །གསུངས། རྗེ་སྐལ་ལྡན་རྒྱ་མཚོས། སྔོན་རྒྱལ་པོས་བསྐྱང་ཚེ་གྲྭ་ཚང་བཙུགས། །དེ་བ་ཧར་རྒྱས་ཐབས་མི་བྱེད་པར། ཁོང་སངས་རྒྱས་བྱང་སེམས་མཉེས་…

ཐོངས། །གསུངས། ད་ངས་བསམ་བློ་བཏང་ན། དེང་སང་བླ་མ་དགེ་བཤེས་འགའ་ཞིག་གིས། རང་གི་ཚེ་གང་པོར་ཐོས་བསམ་སྒོམ་གསུམ་བྱེད་དགོས་པ་ཐམས་ཅད་བློས་བཏང་བ་ཕར་ཞོག །ཐ་ན་ཞག་བདུན་གྱི་མཚམས་ཡང་མ་བསྡམས་པར། དང་པོ་དགོན་པ་འདེབས་རྒྱུ་ཡིན་ཟེར། སྡེ་ལ་ཁྲལ་དང་འུ་ལག་མང་པོ་བཞག །མི་ཕྱུགས་མང་པོས་ས་རྡོ་ཤིང་མང་པོ་བླངས། བྲན་གཡོག་མང་པོ་ངལ། ཁལ་ར…

མི་ཆོས་བླ་མའི་རྫུན་སོགས་སྨྲས། རྩ་བཞིའི་སྡོམ་པ་ཡན་ཆད་ཤོར། མཐར་ཐུག་གི་འཐོབ་བྱ་སྡིག་སྡུག་གཏམ་ངན་གསུམ་མ་གཏོགས་འདི་ཕྱིར་བདེ་སྐྱིད་ཀྱི་ཡོང་སྒོ་མཆོད་ཅིག་མ་མཐོང་། དེ་བས་དགོན་གོག་རེ་བདག་ཏུ་མ་བཟུང་བར་སྤངས་ན་སྐྱིད་ཆེ་སྟེ། སྐྱིད་པའི་རྒྱང་གླུ་ལས། བདག་འཛིན་དགོན་པ་ནི་མི་འདུག །དངོས་པོའི་གསོག་བསྲུང་ནི་མི་སྣང་། །མི་ང…

བླ་མ་དམ་པ་གོང་མ་ཐམས་ཅད་ཀྱི་རྣམ་ཐར་དང་ཞལ་གསུང་འཁྲུལ་མེད་ཡིན་པས། གདམས་ངག་གི་ཆེ་ཤོས་ཤིག་ཡིན་ཏེ། སྔོན་སྟོན་པ་སངས་རྒྱས་ཀྱིས་དགོན་གཞི་ཞིག་བརྩིགས་ནས་སླར་བཤིག་པ་ཕར་ཞོག །སྐུ་ཚེ་གང་པོར་དགོན་པ་ཚྭ་འབུམ་གྱི་ཁང་པ་ཙམ་ཞིག་ཀྱང་མ་བརྩིགས་པར། དུས་རྒྱུན་དུ་གནས་བླ་གབ་མེད་པའི་ཤིང་དྲུང་སོགས་ལ་བརྟེན་ནས་འཚོ་བ་བསོད་སྙོམས་མཛད་…

པའི་སླད་དུ་བྱས་པ་ཡིན་པས་ཤིན་ཏུ་དྲིན་ཆེ་སྟེ། རྒྱལ་བ་རྒོད་ཚང་བས། ངའི་ལུས་ལོངས་སྤྱོད་གཞིས་དགོན་ཡོན་བདག་ལ་སོགས་པ་བདག་འཛིན་མི་བྱ་བ་འདི། ཁྱེད་བུ་སློབ་རྣམས་ལ་དྲིན་ཆེ་བ་ཡིན། ང་ལ་གང་ཤར་ཆོས་སྐུར་འཆར་བར་འདུག་སྟེ། ཚེ་གང་པོ་སྒྲུབ་པ་བྱེད་པ་ཁྱེད་ཚོའི་དོན་ཡིན་གསུངས། ཡང་སངས་རྒྱས་ཐུགས་རྗེ་ཅན་གྱིས། འདོད་ཡོན་ཤིག་ཙམ་རེ་…

བོར་ལ། བདག་ཅག་གི་སྟོན་པའི་རྣམ་ཐར་ཞལ་གསུང་ལྟར་དམ་པ་གོང་མའི་གདན་ས་མི་མེད་དབེན་དགོན་གྱི་ལྗོན་ཤིང་བསིལ་གྲིབ་ཏུ། ཟས་སྐོམ་ངན་ངོན་བསོད་སྙོམས་ཙམ་རེ་ལ་བརྟེན་ནས་དགེ་སྦྱོར་རྣམ་དག་བྱེད་དགོས་ཏེ། ཀློང་ཆེན་རབ་འབྱམས་པས། མང་པོའི་ནང་ན་འདུ་འཛིས་གཡེངས། །སྡེ་དགོན་ཡིན་ཡང་ཕན་པ་མེད། །ཕྱོགས་རིས་ཆགས་སྡང་ཟག་པ་འཕེལ། །རི་ཁྲོད་ད…

དགོན་བརྩིགས་གསོག་འཇོག་བྱེད་པ་འདི་ཀུན། བདག་ཅག་གི་སྟོན་པའི་རྣམ་ཐར་བཅས་པ་དང་འགལ་ནས་བདུད་ཀྱི་དབང་དུ་སོང་བ་ཡིན་ནམ་ཟེར་ན། ངས་ཁྱོད་ལ་བྱེ་བྲག་ཕྱེད་པར་བཤད་ཀྱིས། ལེགས་པར་ཉོན་ལ་ཡིད་ལ་ཟུངས། འོ་སངས་རྒྱས་ཐུགས་རྗེ་ཅན་གྱིས་འོ་སྐོལ་ལས་དང་པོ་བ་ཤེས་རྒྱུད་ཐ་མལ་ལས་མ་འཕགས་པ་རྣམས་ཀྱིས་ཐར་པའི་བཙན་ས་ཟིན་པའི་བར་ཆད་དུ་འགྲོ་བར…

དཔལ་དུ་འགྱུར་བར་མཁྱེན་ནས། རང་འདོད་ཀྱི་དྲི་མ་སྤུ་ཙམ་མེད་པར་གཞན་ཕན་གྱི་ལྷག་བསམ་དུང་ལྟར་དཀར་བའི་སྒོ་ནས། དགོན་པ་བརྩིགས་པ་བདུད་ཀྱི་དབང་དུ་སོང་བ་ཡིན་ཞེས་གསུངས་པ་ག་ལ་ཡིན། དེ་ཡིན་ན་དགོན་པའི་གཟིམས་ཁང་གི་མིང་ཡང་སྤོས་ནས་བདུད་ཁང་ཟེར་དགོས་པར་འགྱུར། ཁྱོད་ཀྱིས་འདི་ལྟར་བྱེ་བྲག་མ་ཕྱེད་བར་གཅིག་རེའི་མགོར་འདུག་མཁན་ཚོ་ར…

སངས་རྒྱས་ཀྱི་རྣམ་ཐར་གསུང་དང་མཐུན་མཐུན་འདྲ་ཡང་། དོན་གྱིས་གསུང་རབ་དང་རྒྱབ་འགལ་ཆེ་བས་བདུད་ཀྱི་དབང་དུ་སོང་བ་ཡིན་ཏེ། དེ་ཅིའི་ཕྱིར་ཞེ་ན། སངས་རྒྱས་ཀྱིས་ནམ་ཡང་སེམས་ཅན་ལ་གནོད་པའི་བྱ་བ་ཕར་བལྟས་ན་བཟང་བ་ལྟར་སྣང་ཡང་མི་བྱེད་ཅིང་། རྗེས་འཇུག་རྣམས་ལ་ཡང་མ་བྱེད་གསུངས་པའི་ཕྱིར། དེ་དང་འགལ་ནས་བསྟན་འགྲོ་ལ་ཕན་འདོགས་པ་ལྟར་བ…

ཕྱིར་ཕུལ་ཀྱང་བཞེས་ན་སངས་རྒྱས་ཀྱིས་བཅས་པ་དང་འགལ་བས་མི་རུང་ཟེར་དགོས་པས་དེ་མི་འགྲིགས། ད་ཡང་ངས་ཁྱོད་ལ་བཤད་ཀྱིས། དཔེར་ན་ལྷ་སྐུའི་མདུན་དུ་མཆོད་རྫས་བཞག་པ་ལྟར། བླ་མ་འདོད་སྲེད་ཆགས་ཞེན་གཏན་ནས་མེད་ན་ནོར་རྫས་རི་རབ་ཙམ་སྤུངས་པའི་དཀྱིལ་གོས་དར་གྱི་ནང་ན་དབུ་ཚོ་ཐུང་ཙོག་གེ་གནས་ཀྱང་ཕན་གནོད་སྤུ་ཙམ་མི་འབྱུང་། སྔོན་སངས་རྒ…

བཞུགས་པ་ཀུན་ཀྱང་བདག་ཅག་གི་སྟོན་པའི་རྣམ་ཐར་གསུང་རབ་ཀུན་དང་རྒྱབ་འགལ་ཡིན་པས་གཞན་མ་སེམས། དཔེར་ན་སཏྭ་རེ་དང་རལ་གྲི་རྣོན་པོ་སོགས་མཚོན་ཆ་ཐམས་ཅད་ཀྱི་དགོས་པ་ཕ་རོལ་ཤིང་སོགས་དངོས་པོ་ཆེ་ཆུང་གང་གཅོད་འབུག་པའི་ཐབས་སུ་གཅིག་པ་ལྟར། རྒྱལ་བའི་གསུང་རབ་ཐེག་པ་ཆེ་ཆུང་ཐམས་ཅད་ཀྱི་དགོས་པ། བདག་འཛིན་འདུལ་བའི་ཐབས་སུ་གཅིག་ལ། མཚོན་…

ཆོས་གང་བྱས་དོན་ཡོད་དུ་སོང་བ་ཡིན་ལ། ཆོས་པ་དེ་ལ་མི་ཟེར་ན་གང་ལ་ཟེར། ནང་བློ་ཡི་དྲི་མ་མཐའ་དག་སྦྱོང་བའི་ཐབས་ས་དགེ་རྙིང་འབྲུག་སོགས་ཀྱི་ཆོས་གང་ཡིན་ཡང་རྒྱུད་ལ་སྐྱེས་པའི་རྟགས་ཁྱད་པར་ཅན་ཞིག་འདི་ཡིན་ལ། ཆོས་གང་ཉམས་སུ་བླངས་ཀྱང་། ཆོས་སུ་སོང་མ་སོང་གི་ཁྱད་པར་འདི་ན་ཡོད་པས། བློ་གྲོས་ཅན་གྱིས་རང་གཞན་རྒྱལ་བའི་གསུང་རབ་དང་…