འདི་ཆོས་པ་སྲང་ལ་འཇལ་བའི་རྒྱ་མ་ཡིན། གསུངས་སོ། །འོན་ཀྱང་ཡབ་སྲས་མཇལ་མདོར། ལ་ལར་བདུད་ཀྱི་ཆ་བྱད་ཀྱིས། །སེམས་ཅན་རྣམས་ནི་འདུལ་བར་མཛད། །འཇིག་རྟེན་པ་རྣམས་རྟོགས་མི་ནུས། །གསུངས་པས་ན། རྒྱ་མར་འགྱོགས་མི་རུང་། ངས་ཀུ་རེ་བྱས་པ་ཡིན་པས་བདེན་པར་མ་འཛིན། དེང་སང་གང་ཟག་འགའ་རེས་ཆགས་ཞེན་མེད་རུང་ཞེན་པའི་ཚུལ་མཛད་པ་སོགས་མང་། བླ…

དུང་དཀར་པོ་ཡིན་པ་ལྟར། དཀར་པོའི་ཡོན་ཏན་ཀྱང་ཡོད་སྲིད་དེ། རང་གི་ལས་ཉོན་གྱི་སྒྲིབ་པ་མཐུག་དྲགས་པས་ཅི་ཙམ་བལྟས་ཀྱང་མཐོང་བའི་སྐལ་བ་མ་བྱུང་བ་ཡིན། འདི་འདྲའི་བྱ་བ་མི་མཛེས་པ་མཛད་པ་བསྟན་འགྲོ་ལ་དངོས་སམ་ཡང་ན་བརྒྱུད་ནས་ཕན་པའི་དགོས་པ་ཡང་ཡོད་སྲིད། སངས་རྒྱས་བྱང་སེམས་རྣམས་ཀྱི་རྣམ་འཕྲུལ་བསམ་གྱིས་མི་ཁྱབ་པས་ན་དོན་ལ་འདི་རྣ…

བརྒྱུད་པ་འཇོག་པ་དང་། ལམ་རིམ་གྱི་མགོ་ན། འདིའི་གཞུང་ནི། བྱང་ཆུབ་ལམ་གྱི་སྒྲོན་མ་ཡིན་པས། དེ་མཛད་པ་པོ། འདིའི་ཡང་མཛད་པ་པོ་གསུངས། མཇུག་ན་འདི་ནི་མང་དུ་ཐོས་པའི་དགེ་སློང་སྤོང་བ་པ་ཤར་ཙོང་ཁ་པ་བློ་བཟང་གྲགས་པའི་དཔལ་གྱིས་རི་བོ་དགའ་ལྡན་དུ་སྦྱར་གསུངས་པ། དགོངས་གཞི་ཆེ་ཡང་འགལ་བ་ཤིན་ཏུ་ཆེ་སྟེ། དམ་པའི་ཆོས་ཐམས་ཅད་རྒྱལ་བའི…

ཞེས་མིང་གཉིས་ཀྱང་མི་དགོས། ཀླུ་སྒྲུབ་དང་ཐོགས་མེད་ཀྱིས་མཛད་ཅེས་པའི་བསྟན་བཅོས་ཀྱང་དེས་མཛད་གསུངས་པ་རྫུན་ཡིན་ཞེས་ཁས་ལོངས། དེ་ཁས་ལེན་ན་ཁོ་བོས་ཀྱང་རྒྱལ་བའི་གསུང་དང་མཐུན་པ་ཞིག་བརྩམས་ནས། རྒྱལ་བའི་གསུང་ཡིན་རྒྱལ་བ་ནས་བརྒྱུད་ཅེས་བརྒྱུད་པ་བཞག་ཆོག་པ་སོགས་ཧ་ཅང་ཐལ་ཆེས་པར་འགྱུར། ཡང་ལམ་རིམ་རྗེ་རིན་པོ་ཆེས་མཛད་པ་ཡིན་ན།…

སྙིང་རྗེ། རང་གི་བློ་གྲོས་དམན་པས་རྒྱལ་བ་བློ་བཟང་གྲགས་པའི་གསུང་གི་དགོངས་པ་མ་ལོན་པར་འདི་འདྲ་སྨྲ་ཕོད་པ་འཇིགས་རྒྱུ་ཞིག་དང་། མ་ཤེས་པའི་དབང་གིས་སྨྲས་པ་ལོས་ཡིན་སྙམ་སྙིང་རྗེ་རྒྱུ་ཞིག་གཉིས་དུས་གཅིག་ལ་བྱུང་། ཁྱོད་ཀྱིས་འདི་སྔར་ནས་བསམ་པ་ཡིན་ནམ། ད་དྲན་བྱུང་། རྗེ་རིན་པོ་ཆེ་བློ་གྲོས་དམན་པའི་སྟབས་ཀྱིས་འདི་འཕྱུགས་ཡོད…

བྱིན་ན། དེ་སྨན་པའི་ལག་ནས་རྒན་གཞོན་བར་མ་སུ་ཞིག་གིས། སྨན་ཐུན་དེ་འོང་བའི་ཁུངས་རྒྱལ་བྱེད་ཚལ་མིན། དེ་ཚོང་བ་འདི་འདྲ་ཞིག་གི་ལག་བརྒྱུད་ནས་འོང་ཟེར་བ་རྫུན་ཡིན། སྨན་པ་ཁོ་རང་གི་ལག་ནས་བྱུང་བ་ཡིན་མི་ཟེར་བ་ལྟར། ཡུལ་རྒྱ་གར་འཕགས་པའི་ཡུལ་གྱི་མཉམ་མེད་སྟོན་པ་ཤཱཀྱའི་རྒྱལ་པོའི་གསུང་རབ་རྣམས་རྒྱལ་བ་རང་དང་ས་བཅུའི་བྱང་ཆུབ་སེ…

གི་ལག་གམ་ལུས་ཀྱི་ཆ་ཤས་ཞིག་ལས་བྱུང་། རྒྱལ་བྱེད་ཚལ་སོགས་ནས་འོང་བ་མིན་སྨྲས་པ་དང་མཚུངས་སོ། །ཡང་བྱང་ཆུབ་ལམ་རིམ་ལ་བརྒྱུད་པ་མེད་ན། སྔོན་ཨོ་རྒྱན་པདྨས་གདུལ་བྱ་ལ་བློ་དམན་ལེ་ལོ་ཅན་རྣམས་ཀྱི་ཆེད་དུ་གསང་སྔགས་ཀུན་གྱི་བཅུད་བསྡུས་པ་ཡིན་ཚོ་ཟེར། སྔགས་ཆོས་མང་པོ། གཏེར་སྟོན་འགའ་རེས་གཏེར་ནས་བཏོན། ཨོ་རྒྱན་ནས་ཀུན་བཟང་གི་བར་…

དེ་ཀུན་འདི་ལྟར་ཉོས། མི་འདི་འདྲ་བརྒྱུད་ནས་འོང་། བཤད་ཀྱང་མི་འགལ་བ་ལྟར། པཎྜི་ཏའི་བསྟན་བཅོས་ལམ་རིམ་ཡིན་ཡང་། རྒྱལ་བའི་གསུང་རབ་ཀྱི་ལུང་འདྲེན་མང་ན། རྒྱལ་བའི་གསུང་རབ་ཡིན། དུས་འདི་འདྲ་ཞིག་ལ་གསུངས་ཤེས་སྔོན་གྱི་ལོ་རྒྱུས་དང་། མཁས་གྲུབ་འདི་འདྲ་ཞིག་ལ་བརྒྱུད་གསུངས་པ་འགལ་བ་སྤུ་ཙམ་མེད་པས། རྒྱལ་བའི་གསུང་ཡིན་མཁས་གྲུབ་…

མིང་གཉིས་བཏགས་པ་གཅིག་དགོས་པ་དང་། ཀླུ་སྒྲུབ་ཐོགས་མེད་སོགས་ཀྱིས་བསྟན་བཅོས་མཛད་པ་པོ་ཁོང་གཉིས་མིན། རྫུན་ཡིན་ཞེས་ཁས་ལེན་དགོས་པའི་ཁྱབ་པ་ཅི་ཡོད། དཔེར་ན་རྒྱལ་པོ་ཞིག་གི་གསུང་ཇི་བཞིན་པ་བྲན་གཡོག་ཅིག་གིས་བསྒྲགས་ཀྱང་། རྒན་པོ་ཐམས་ཅད་ཀྱིས་དེ་རྒྱལ་པོའི་ཚིག་རེད། བློན་འབངས་བརྒྱུད་ནས་གོ་བ་རེད། ཅེས་ཁས་ལེན་པ་ལྟར། ད་ཁྱོད…

དོན་གྱིས་གཅིག་ཡིན་པས། ཁོང་རྣམ་གཉིས་ཀྱི་སུའི་གསུང་ཡིན་ཞེས་བཤད་ཀྱང་འགལ་བ་མེད་པར་མ་ཟད། ཤུགས་ཀྱིས་ཁོང་ཡང་ཇོ་བོ་རྗེའི་སྤྲུལ་པ་ཡིན་པར་ཞལ་གྱིས་བཞེས། བྱང་ཆུབ་ལམ་རིམ་ཁུངས་ཤིན་ཏུ་བཙུན་པར་བྱས་པ་བློ་གྲོས་ཅན་རྣམས་ཀྱིས་བསམས་ན། རྗེ་བླ་མར་དད་གུས་ཁྱད་པར་ཅན་སྐྱེ་བའི་རྒྱུ་ཞིག་འདི་ན་སྣང་། གཞན་ཡང་ཉམས་མགུར་ལས། གཞུང་བཟང་ས…

ཇི་བཞིན་པའི་ལེགས་བཤད་བརྩམས་ནས། ཇོ་བོ་རྗེ་དང་རྗེ་རིན་པོ་ཆེས་གསུངས་ཞེས་བརྗོད་ན་དོན་གྱིས་འགལ་བ་མེད་པས་ཆེས་ལེགས་ཏེ། ཆུ་དང་འོ་མ་བསྲེས་པ་བཞིན་ཡིན་ན་བརྒྱའི་ནང་དུ་མིན་ནི་སྟོང་བསྲེས། ལེགས་བཤད་ཉེས་བཤད་ཀྱིས་བརྫད་པའི་སྔོན་མེད་ལམ་རིམ་ཞིག་བརྩམས་ནས་འདིའི་མཛད་པ་པོ་ཇོ་བོ་རྗེའམ་རྗེ་རིན་པོ་ཆེ་ཡིན་ཞེས་ཁྱིའི་མིང་ལ་སེངྒེ…

འགའ་རེས་རྙིང་མ་བ་འདིས། གཏེར་སྟོན་ཆུང་ནས་བཞག་པའི་སྐྲ་རྙིང་ཚོ་དུད་པར་སོང་ནས། རྙིང་དྲིའི་མི་ཚད་དུད་དྲི་ཚད་གི་འགྲོ་བ་མང་པོས། དེང་སང་ས་འོག་རྡོ་འོག་ནས་སེར་པོར་འགྲོ་རག་བར་དུ་བཞག་པའི་ཆོས་རྙིང་པ་བཏོན་ནས་གཏེར་གསར་ཟེར། རླན་དྲི་མ་ཡལ་བ་མཁའ་འགྲོའི་ཁ་རླངས་མ་ཡལ་བའི་ཟབ་ཆོས་ཚོ་ཟེར། བླུན་པོའི་མགོ་བསྐོར་བ་འདི་ཡ་མཚན། འད…

གིས་མཛོ་འབྲི་བརྒྱ་སྟོང་གི་འོ་མ་རྣམས་བཞོས་ཤིང་དཀྲོགས་ནས་མར་བླངས་ནས། དེ་ལ་འཁོད་པའི་ཉེ་འཁོར་རྣམས་ལ་ཡང་བྱིན། ཕྱི་འདངས་བརྒྱབ་ནས་མར་དེ་ཀུན་ཆུད་ཟོས་སུ་མི་འགྲོ་བའི་ཕྱིར་སྣོད་དུ་བཅུག་ནས་མཛོད་དུ་སྦས། ཕྱིས་དགོས་དུས་སུ་མོ་རང་ངམ་ཡང་ན་མར་ཡོད་པ་ཆ་རྒྱུས་ཆེ་བའི་ཉེ་འཁོར་གྱི་མི་ཞིག་གིས་བླངས་ནས། དགོས་དོན་སྒྲུབ་པ་ལྟར། ས…

རིན་པོ་ཆེས་དངོས་སམ་ཉམས་གང་རུང་ལ་གཏེར་ཆོས་དེའི་དབང་ལུང་ཁྲིད་དང་བཅས་པ་གནང་བའི་བྱིན་རླབས་ཀྱི་དྲོད་མ་ཡལ་བ། དེ་སྐལ་བཟང་གི་གདུལ་བྱ་ལ་སྤེལ་བ་ཡིན་ལ། ཨོ་རྒྱན་རིན་པོ་ཆེ་སྤྱིར་སངས་རྒྱས་ཐམས་ཅད་ཀྱི་ཐུགས་སྤྲུལ་ཡིན་པས། ཆོས་དང་བརྒྱུད་པ་ཐམས་ཅད་འདུས་མོད། འོན་ཀྱང་གདུལ་བྱའི་སྣང་ངོར་འོག་མིན་མན་ཆད་ཀྱི་ཞིང་ཁམས་ཐམས་ཅད་དུ་ར…

པོས་བསྒྲགས་ནས་ངོམས་ཆོག་པའི་ཚོད་ཡིན། ཁྱོད་ཀྱིས་རྙིང་མའི་གཏེར་ཆོས་འདིའི་བརྒྱུད་པ་ཕར་དེད་ན་སའམ་རྡོ་རེད་ཚོ་ཞེས་ཧ་ཧ་ཟེར་བ་དེ། དཔེར་ན་དེད་དཔོན་ཞིག་གིས་རྒྱ་མཚོའི་གླིང་གི་རིན་པོ་ཆེ་ཁྱེར་འོང་ནས། རྡོ་ཤིང་གི་སྣོད་ལྟ་བུ་ཞིག་ཏུ་སྦས་ནས་སྣོད་མཛོད་དུ་བཞག་ཡོད་པ། ཕྱིས་དེད་དཔོན་དེའམ་དེའི་ཉེ་འཁོར་བ་ཞིག་གིས་བཏོན་དུས། གླ…

དེ་ཡིན་ན། ཁྱོད་སྔར་མེད་པའི་མི་བརྗོད་བདག་བརྗོད་བྱེད་པའི་མཁས་པ་ཞིག་གསར་དུ་བྱུང་བ་ཡིན་པས་ཁྱོད་ཀྱིས་ཧ་གོ །མི་བརྗོད་བདག་བརྗོད་མཁས་པ་ཞིག །མི་ཁྱོད་མ་གཏོགས་གཞན་ན་གང་། །མི་རྣམས་མཁས་པའི་ངོ་ལ་བལྟས། །མི་ཟད་བཞད་གད་ཅིས་མི་བྱེད། །ཅེས་གླུ་ལེན་པར་རིགས་སོ། ཡང་འགའ་རེས་ཁོ་ཨ་དུར་གི་མཁས་པ་ཨ་རྫི་འཇིགས་པ་སུས་མདུན་ནས་ཁ་གྲགས…

རྣམས་ཀྱིས་ཕར་སྦས་པ་དང་། ཚུར་བླངས་པའི་ལོ་རྒྱུས་བརྒྱ་དགོས་ན་སྟོང་དང་། སྟོང་དགོས་ན་ཁྲི་ཡོད། པདྨ་བཀའ་ཐང་། ཐང་ཡིག་སྡེ་ལྔ་དང་། མཁས་གྲུབ་དུ་མའི་ལུང་བསྟན་ན། མ་འོངས་པ་ན་ཡང་གཏེར་འདོན་རྒྱུ་མཐའ་ཡས་པ་ཡོད་པར་གསུངས། འདི་རྣམས་མ་ཤེས་མ་གོ་མ་མཐོང་ན། ཁྱོད་ལ་སེམས་མེད་འོན་ལོང་མི་ཟེར་ན་སུ་ལ་ཟེར། དེང་སང་ང་ཚོས་ཀྱང་རིན་ཆེན་ས…

ཨ་ཧོ། ཁྱོད་ཀྱིས་ཟེར་བ་དེ་ཅི་ཞིག་རེད། རྒྱལ་བ་སྲས་བཅས་ཀྱིས་ངན་སྐྱུགས་ལྟར་སྨད་པའི་གནས། ནོར་རྫས་ཀྱི་གཏེར་ཡོད་ན། རྒྱལ་བས་ཡང་ཡང་བསྔགས་པའི་གནས་འཇིག་རྟེན་ཁམས་ན་ཡིད་བཞིན་ནོར་ལས་དཀོན་པའི་དམ་པའི་ཆོས་ཀྱི་གཏེར་ཡོད་པ་སྨོས་ཅི་དགོས། གཏེར་ལ་ངན་པ་སྦེད་དམ། བཟང་པོ་སྦེད་བསམ་བློ་ཐོངས་གི་ཐོངས་གི་ཤོད་དང་། གཏེར་ཆོས་སྤྱད་ན་འ…

སྒྲོན་ནས་བརྒྱུད་པའི་གཅོད་ཀྱི་གདམས་པ་ཟབ་མོ་འདི་ལ་ཡང་བརྒྱུད་པ་སྐབས་ཤིག་ཆད་སོང་། ད་བརྒྱུད་པ་མེད། ཁུངས་ཡང་མི་དག་ཟེར་བ་སོགས་བྱུང་། དེང་སང་སེམས་ཅན་བསོད་ནམས་དམན་པའི་སྟབས་ཀྱིས་ཆོས་དང་གང་ཟག་བཟང་པོ་ཐམས་ཅད་ལ་སྒྲོ་སྐུར་འདེབས་མཁན་མང་བས། བློ་གྲོས་ཅན་རྣམས་ཀྱིས་ཕྱིན་ཆད་དེ་འདྲའི་གཏམ་ལ་ནམ་ཡང་ཡིད་བརྟན་མི་བྱའོ། །སྤྱིར་…

ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད། །ཅེས་པ་དང་། སེམས་ཉིད་གཅིག་པུ་ཀུན་གྱི་ས་བོན་སྟེ། །གང་ལ་སྲིད་དང་མྱ་ངན་འདས་འཕྲོ་བ། །ཞེས་པ་དང་། མཁའ་འགྲོ་མ་ཀུན་སྤྱོད་ལས། དེས་ན་ཧེ་རུ་ཀ་དཔལ་རྒྱུད། །སེམས་རྒྱུད་དྲི་མེད་ཡིན་པར་བཤད། །ཅེས་པ་ལ་སོགས་ལུང་མཐའ་ཡས། དེས་ན་རྗེ་རིན་པོ་ཆེ་དང་སྔོན་བྱོན་གཏེར་སྟོན་སོགས་སངས…