རང་གིས་ཀྱང་དུག་ལྔ་སྐྱེ་རུ་བཅུག །སྐྱེ་འགག་གནས་གསུམ་དབྱིབས་ཁ་དོག་སོགས་ཨེ་གྲུབ་ལྟོས། མིང་ཙམ་མ་གཏོགས་རང་བཞིན་གྱིས་གྲུབ་པ་རྡུལ་ཙམ་མེད་པར་ཐག་བཅད་ཚེ། ཕྱིས་ཉོན་མོངས་གང་སྐྱེས་ཀྱང་། སྐྱེས་པ་དང་དུས་མཉམ་བདེན་མེད་ཀྱི་ངེས་ཤེས་ཀྱང་ལྷང་གིས་སྐྱེ། ཤར་གྲོལ་དུས་མཉམ་དུ་གྱུར་ནས། དཔེར་ན་ཤིང་ཅི་ཙམ་མང་ཡང་མེ་ཡི་གྲོགས་ཡིན་པ་བ…

ཉོན་མོངས་ཐམས་ཅད་མ་སྤངས་པར་ཡེ་ཤེས་སུ་བསྒྱུར་བ་ཕྱག་རྫོགས་ཨ་མའི་བུ་རྒོད་ཚོའི་ཁྱད་ཆོས་ཡིན་པས། དབུ་མ་ཚང་ལ་མ་གྲགས་པའི་ཁྱད་ཆོས་ཤིག་འདིར་མཆིས་སོ། །དེ་བཞིན་དུ་བློ་སྦྱོང་མཚོན་ཆ་འཁོར་ལོ་ལས་ཀྱང་། བཙན་དུག་ནགས་སུ་རྨ་བྱ་རྒྱུ་བ་ན། །སྨན་གྱི་ལྡུམ་ར་ལེགས་པར་མཛེས་གྱུར་ཀྱང་། །རྨ་བྱའི་ཚོགས་རྣམས་དགའ་བར་མི་འགྱུར་གྱི། །བཙན་…

བཞིན་སྦྱར་བ་ན། །བྱ་རོག་ལྟ་བུའི་ཐར་པའི་སྲོག་ལ་འབབ། །དེ་ཕྱིར་སེམས་དཔའ་རྨ་བྱ་ལྟ་བུ་ཡིས། །དུག་གི་ནགས་དང་འདྲ་བའི་ཉོན་མོངས་རྣམས། །བཅུད་དུ་སྦྱར་ལ་འཁོར་བའི་ནགས་སུ་འཇུག །དང་དུ་བླངས་ལ་དུག་འདི་གཞོམ་བར་བྱ། །ཞེས་གསུངས་སོ། །སྤྱིར་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་སེམས་ཅན་གྱི་ཉོན་མོངས་བརྒྱད་ཁྲི་བཞི་སྟོང་འདུལ་བའི་ག…

བདེའི་གོ་འཕང་ཙམ་ཞིག་ཀྱང་མ་འཐོབ་པར། འཁོར་བ་སྡུག་བསྔལ་གྱི་རྒྱ་མཚོར་ལྷུངས། སྐྱེ་རྒ་ན་འཆི་སོགས་སྡུག་བསྔལ་མྱོང་དགོས་པ་ཅི་བྱུང་བ་ཡིན་ཁྱོད་ལ་དྲི་བས། སོར་བཞི་ཐུགས་ཀར་ཞོག །སྤྱན་ཡང་རེ་ཞིག་ཟུམ་ལ་ཐུགས་བསམ་ཐོངས། བླ་མ་ཞང་རིན་པོ་ཆེས། ཀྱེ་མ་ལོང་བས་མིག་ལྡན་སྨོད། །སྒོ་མི་འབྱེད་པར་ནང་རྒྱུས་བཤད། །ལོང་བས་ལམ་སྣ་ཁྲིད་བཞེད…

ཕྱག་གསུམ་སོགས་གྲུབ་མཐའ་དག་མི་འགྲིགས་པའི་རྩ་བ་འདི་ཕར་དེད་ན། ལྟ་བ་འདི་མཐའ་གཅིག་ཏུ་བཟུང་བས་ལན་པར་གདའ། མཐའ་གཅིག་ཏུ་འཛིན་ག་ལ་རུང་། གཟུགས་སྐུའི་རྒྱུ་ཐབས་ཀྱི་ཆ་མཐའ་ཡས་པ་བཞིན། ཆོས་སྐུའི་རྒྱུ་ཤེས་རབ་ལྷག་མཐོང་ངམ་ལྟ་བའང་མཐའ་ཡས་སྟེ། མགོན་པོ་ཀླུ་སྒྲུབ་ཀྱིས། གང་ཚེ་སངས་རྒྱས་གཟུགས་སྐུ་ཡི། །རྒྱུ་ཡང་དེ་ལྟ་འཇིག་རྟེན་བ…

ཆོས་ཀྱང་བསམ་མི་ཁྱབ། །མ་གསུངས་སམ། བློ་གྲོས་ཅན་གྱིས་རང་གི་གཞུང་དང་མི་མཐུན་ཡང་། དེ་འདྲའི་ཆོས་ཀྱང་ཡོད། དེ་ལ་ཁ་གཏོང་མི་རུང་སྙམ་དུ་དད་གུས་དང་། ནམ་ཞིག་དེའི་དོན་གོ་བར་སྨོན་ལམ་ཐོབ་དང་བཟང་། དཔེར་ན་རི་ཆེན་པོ་ཞིག་གི་རྩེ་ལ་འགྲོ་བ་ཕྱོགས་ཕྱོགས་ན་ལམ་ཆེ་ཆུང་མང་པོ་ཡོད་པ། སྔར་སྐྱ་སེར་ཕོ་མོ་བརྒྱད་ཁྲི་བཞི་སྟོང་སོང་། ད་ད…

རྒྱ་ཆེ་ཆུང་། ཉེ་རིང་ཉམས་སུ་ལེན་པའི་གང་ཟག །ཆགས་ལྡན། ཆགས་བྲལ་མཐའ་གཅིག་ཏུ་མ་ངེས་ཀྱང་ཐམས་ཅད་ཀྱི་སྐྱེ་བ་རེའམ། སྐྱེ་བ་བཟང་པོ་བརྒྱུད་ནས་ཐམས་ཅད་མཁྱེན་པའི་གོ་འཕང་འཐོབ་པར་འགྱུར་བས། ལམ་ཐམས་ཅད་རྣམ་དག་ཡིན་ཏེ། བླ་མ་ཞང་རིན་པོ་ཆེས། རང་རང་ལམ་ལ་མངོན་ཞེན་པས། །ཕན་ཚུན་ལམ་ལ་སྨད་མི་བྱ། །གང་ནས་ཞུགས་ཀྱང་འདོད་སར་སླེབས། །ཨེ་མ…

དབང་བསྐུར་བྱ། །ཚངས་པར་སྤྱད་པས་བླང་མི་བྱ། །གལ་ཏེ་དབང་བསྐུར་དེ་འཛིན་ན། །ཚངས་སྤྱོད་དཀའ་ཐུབ་ལ་གནས་པས། །བཀག་པ་སྤྱད་པར་འགྱུར་བའི་ཕྱིར། །དཀའ་ཐུབ་སྡོམ་པ་དེ་ཉམས་ཏེ། །བརྟུལ་ཞུགས་ཅན་དེ་ཕམ་པ་ཡི། །ལྟུང་བ་དག་ནི་འབྱུང་འགྱུར་ཞིང་། །དེ་ནི་ངན་སོང་དེ་ལྟུང་བས། །གྲུབ་པ་ནམ་ཡང་ཡོད་མ་ཡིན། །གསུངས། ཞང་གཡུ་བྲག་འགྲོ་མགོན་གྱི་ཞ…

པ་ཅི་ཡིན་ཟེར་ན། མཉམ་མེད་ཇོ་བོ་ཆེན་པོས། དང་པོའི་སངས་རྒྱས་རྒྱུད་ཆེན་གྱིས། །ལུང་ཁུངས་སུ་དྲངས་ནས། དབང་གསུམ་པ་ཤེས་རབ་ཡེ་ཤེས་ཀྱི་དབང་བསྐུར། སོ་ཐར་སྡོམ་ལྡན་ལ་བསྐུར་མི་རུང་། སྡོམ་པ་ཉམས་ནས་དམྱལ་བར་འགྲོ་གསུངས་པ་དེ། སྤྱིར་སྙིགས་དུས་འདིར་སྔགས་ཀྱི་ཆོས་སེངྒེ་དཀར་མོའི་འོ་མ་ལྟ་བུ་བླུགས་པའི་སྣོད་གདུལ་བྱ་སྐལ་བཟང་དབང་…

ཡུན་རིང་གནས་པ་སོགས་བསྟན་འགྲོ་ལ་ཕན་པའི་དགོངས་གཞི་མང་པོ་ཡོད་ནས། དེ་སྐད་གསུངས་པ་མ་གཏོགས། གསང་དབང་བསྐུར་ཚད་ཐམས་ཅད་ཀྱི་སྡོམ་པ་ཤོར་ནས་དམྱལ་བར་འགྲོ་ཞེས་གསུངས་པ་མ་ཡིན་པའི་དགོངས་པ་ལོན་དགོས། དེ་ལྟར་དགོངས་པ་མ་ལོན་ན། སྡོམ་གསུམ་ལྡན་པས་གསང་སྔགས་ཉམས་སུ་ལེན་ཞེས་མཁས་གྲུབ་ཚད་ལྡན་དུ་མས་གསུངས་པ་ཐམས་ཅད་དང་འགལ་ཞིང་། འབྲོ…

སྔགས་ཀྱི་གདུལ་བྱ་དབང་པོ་ཡང་རབ་གསེར་སྣོད་ལྟ་བུ་ལ་མཚན་ལྡན་བླ་མས་ལམ་ཐུན་མོང་དང་ཐུན་མོང་མ་ཡིན་པས་རྒྱུད་སྦྱངས། སྔགས་ཀྱི་དབང་བཞི་བསྐུར་བའི་སྣོད་རུང་བྱས། ད་ངེས་པར་དབང་བསྐུར་ན། འདོད་ཡོན་ཉོན་མོངས་པའི་གྲོགས་སུ་འགྲོ་བ་ཕར་ཞོག །ངེས་པར་གསང་སྔགས་ཀྱི་བསྐྱེད་རྫོགས་ཀྱི་ལམ་གྱི་གྲོགས་སུ་གྱུར་ནས། མཆོག་གི་དངོས་གྲུབ་ཚེ་འད…

མང་། གལ་ཏེ་དབང་བཞི་བསྐུར་ཡང་ལས་རྒྱའི་གཟུགས་བརྙན་ཤོག་གུ་ཚོར་བྲིས་པ་ལྟ་བུ་ལ་བལྟས། ཡིད་ཀྱིས་ཡེ་ཤེས་ཀྱི་ཕྱག་རྒྱ་ཚོར་མོས་པ་ཙམ་རེ་མ་གཏོག་ག་ལ་རུང་། དེ་ལྟར་དགོངས་པ་མ་ལོན་ན། མདོ་རྒྱུད་དུ་མ་དང་འགལ་ཞིང་། རྟ་བོང་ཡན་ཆད་ཀྱིས་སྔགས་ཀྱི་སྡོམ་པ་ཡར་ལྡན་དུ་གཏོང་ཞེས་ཁས་ལེན་དགོས་པའི་ཕྱིར་རོ། །དེ་ལྟར་དགོངས་པ་ལོན་ན་ཁོང་རྣམ…

རྗེས་སུ་བསླབ། །ཅེས་དང་། གསང་བ་ཡེ་ཤེས་ལས། ཕྱི་ལྟར་ལག་ལེན་འདུལ་བའི་ལུགས་སུ་སྤྱོད། །རྒྱུ་འབྲས་སྤང་བླང་ཞིབ་པའི་དགོས་པ་ཡོད། །ནང་ལྟར་གསང་སྔགས་ཐུན་མོང་ལུགས་སུ་སྤྱོད། །བསྐྱེད་རྫོགས་དོན་དང་འབྲེལ་བའི་དགོས་པ་ཡོད། །གསང་བ་གསང་ཆེན་ཨ་ཏིའི་ལུགས་སུ་སྤྱོད། །ཚེ་གཅིག་འོད་སྐུར་གྲོལ་བའི་དགོས་པ་ཡོད། །ཅེས་གསུངས་སོ། འོ་ན་ཡང…

མཉམ་སྦྱོར་བ། །ཉེ་བར་བསྒྲུབ་པ་ཞེས་བཤད་དོ། །ཡེ་གེ་ཧཱུྃ་དང་ཕཊ྄་ལྡན་པ། །བསྐྱེད་པ་སྒྲུབ་པ་ཞེས་བཤད་པ། །ངོ་བོ་ཉིད་བདེ་ཞི་བདེ་བ། །སྒྲུབ་པ་ཆེན་པོ་ཞེས་བཤད་དོ། །ཞེས་དང་། གསང་འདུས་ཀྱི་དམ་ཚིག་ཆེན་པོའི་ལེའུ་ལས། འདོད་པའི་ལོངས་སྤྱོད་ཐམས་ཅད་ལ། །ཇི་ལྟར་འདོད་པར་བསྟེན་ན་ནི། །འདི་ལྟ་བུ་ཡི་སྦྱོར་བ་ཡིས། །སངས་རྒྱས་མྱུར་དུ་…

སྙན་བརྒྱུད་ལས། ཆགས་པས་ལས་རྒྱ་མང་དུ་སྦྱར། །བདེ་ཆེན་རོ་མཉམ་དག་ཏུ་བྱ། །ཞེས་དང་། དུས་འཁོར་རྩ་རྒྱུད་ལས། །བཅུ་དྲུག་ལོ་ལོན་ལུས་ཅན་མ། །གཟུགས་དང་ལང་ཚོས་བརྒྱན་པ་ལ། །དང་པོ་བྱིན་གྱིས་བརླབས་བྱས་ནས། །དབང་སྐུར་བསྒྲུབ་པ་ནས་བརྩམས་ཏེ། །བུད་མེད་སྤྱོད་པ་དེ་རྣམས་ཀྱི། །རྣལ་འབྱོར་པ་ཡི་བྱ་བ་ཡི། །ཚངས་པར་སྤྱོད་པ་ལ་གནས་ནས། །བ…

ནས་སླར་ཡང་སྲིད། །སྲིད་པ་ལས་ནི་སླར་འཆི་འཕོ། །ཞེས་དང་། འོག་མིན་གྱིས་ནི་མཐར་ཐུག་པ། །གཟུགས་ཁམས་ཡེ་ཤེས་ཕྱག་རྒྱ་འོ། །ཞེས་དང་། ཡིད་འོང་ལྷ་མོ་རབ་བསམས་ཏེ། །དེ་ལ་ཀུན་ཏུ་སྙོམས་འཇུག་བྱ། །ངེས་པར་བདེ་ཆེན་རྒྱས་པར་འགྱུར། །ཞེས་དང་། རྣལ་འབྱོར་བླ་མེད་རྒྱུད་ཆེན་ལས། །སྲོག་ཆགས་གསད་པར་མི་བྱ་ཞིང་། །སློབ་དཔོན་སྨད་པར་མི་བྱ་ས…

འབུལ་བ་འདི། །ཁྱད་པར་འཕགས་པའི་འབུལ་བ་ཡིན། །གསུངས་ནས་བཞེས། སློབ་དཔོན་ཀླུ་སྒྲུབ་ཀྱིས་མཛད་པའི་རིམ་ལྔ་ལས། སྒྱུ་མ་དག་ནི་ཐམས་ཅད་ལས། །བུད་མེད་སྒྱུ་མ་ཁྱད་པར་འཕགས། །ཡེ་ཤེས་གསུམ་གྱི་དབྱེ་བ་ཡིས། །གསལ་བ་དེ་ལ་མཚོན་པ་འོ། །ཞེས་དང་། ཏཻ་ལོ་བས། ཕྱག་རྒྱ་ལ་བསྟེན་བདེ་སྟོང་ངང་གིས་འཆར། །ཚེ་རིང་མགྱོགས་ལ་སྐྱོན་རྣམས་མཐའ་དག་བས…

འཇིགས་པ་ཐམས་ཅད་རྣམ་སྤངས་ཏེ། །དེ་ལྟར་རྣལ་འབྱོར་བདག་ཉིད་བསམ། །ཞེས་དང་། རྣལ་འབྱོར་བླ་མེད་རྒྱུད་ལས། བཅུ་དྲུག་ལོ་ལོན་ཤེས་རབ་མ། །ལག་པ་གཉིས་ཀྱིས་ཡང་དག་འཁྱུད། །རྡོ་རྗེ་དྲིལ་བུ་མཉམ་སྦྱོར་བ། །སློབ་དཔོན་གྱི་ནི་དབང་དུ་བཤད། །ཅེས་དང་། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་བཙུན་མོའི་བ…

མེད་རབ་ཏུ་མཆོད། །མ་འམ་ཡང་ན་སྲིང་མོ་འམ། །བུ་མོ་ཡང་ན་ཆུང་མར་ནི། རྣམ་པ་འདི་ལྟའི་ཆོ་ག་ཡིས། །བཅིངས་པ་ལས་ནི་རབ་གྲོལ་བྱ། །དེ་ནས་སྔགས་ནི་འགྲུབ་གྱུར་ཏེ། །ཇི་སྲིད་འབྱུང་བ་ཡོད་དུ་འོ། །ཞེས་དང་། རིག་འཛིན་ཟིལ་གནོད་དྲག་རྩལ་གྱིས། །མཛེས་སྡུག་ལང་ཚོའི་ཁུར་འཛིན་བཞིན་རས་ངོམས། །མཉེན་ལྕུག་སོར་མོའི་འཁྲི་ཤིང་ཟློས་གར་བསྒྱུར།…

འཁོར་ཞོན་པ་བུང་དྲ་རྐང་པ་ཅན། །རུས་སྦལ་ཀུན་ཏུ་བཟང་པོས་བཅིངས་པ་དང་། །རི་མོ་ཅན་སོགས་འཁྲིག་པས་འདོད་ཡོན་གྱི། །སྦྱོར་ཐབས་འོ་འཁྱུད་སོ་དང་སེན་མོ་འདེབས། །མཉམ་སྦྱོར་བསྲུབ་དང་འདེགས་འཇོག་སྒྱུ་རྩལ་གྱི། །ཡོན་ཏན་དྲུག་ཅུ་བཞི་ལ་ལྷག་པར་མཁས། །པདྨ་གླང་པོ་རི་དྭགས་དུང་ཅན་མ། །ཞིང་སྔགས་ལྷན་སྐྱེས་ཕྱག་རྒྱའི་ཕོ་ཉ་མོ། །ཞེས་དང་།…