སང་དུས་ན་རང་མདོ་ཅན་དུ་བྱེད། །བྱ་བྱེད་བཞག་ནས་སྙིང་པོ་བགྲང་བ་དེ། །དེང་སང་དུས་ན་བྱ་རྒྱུ་མེད་པར་བྱེད། །ཚེ་འདི་འདོད་ནས་བྱ་བཞག་བྱེད་པ་དེ། །དེང་སང་དུས་ན་ཕན་སེམས་ཅན་དུ་བྱེད། །ཚོགས་གསོག་མིང་བཏགས་ཁ་ལན་བྱེད་པ་དེ། །དེང་སང་དུས་ན་ཆོས་ཀྱི་མཆོག་ཏུ་བྱེད། །བསླབ་ལ་གུས་ཤིང་དམན་ས་འཛིན་པ་དེ། །དེང་སང་དུས་ན་ཀུན་གྱིས་བརྙས་བ…

བསོད་ནམས་ཚོགས་ཀྱང་མི་བསོག་ཅིང་། །ཡེ་ཤེས་ཚོགས་དང་མི་ལྡན་པར། །རང་ཉིད་སངས་རྒྱས་ཡིན་ཟེར་ནས། །ཁ་འཕང་ཤོར་ལ་སྐྱོ་བ་སྐྱེས། །ཞེས་གསུངས་པ་འདི་ཐུགས་ཤིན་ཏུ་གདའ་དེ། །དེང་སང་འེ་ཚོའི་བླ་མ་འདི་བཟང་། འདིས་ཆོས་ཤེས་སྙམ། རེ་བཞག་ཆེ་བ་རྣམས་ཀྱི་མདུན་དུ་སོང་ན་རེ་བ་བཞིན་མ་བྱུང་། ཁོག་ལོག་གེ་གཏོང་བ་མང་། དེས་ན་ས་དགེ་རྙིང་འབྲུག…

འོ་སྐོལ་རྣམས་ཀྱིས་སངས་རྒྱས་ས་བཟུང་བས་དམན་སར་ལྷུང་ཟེར་བ་ཞིག་གི་གནས་སུ་མ་གྱུར་པར་མཛོད། ཡང་དཔེར་ན་ཟས་བཟང་ངན་རབ་འབྲིང་ཐ་གསུམ་ཡོད་ན། སེམས་ཅན་གྱི་རིགས་སྣ་ཚོགས་ལ་ཕན་ཆེ་བ་ལྟར། ཆོས་ལུགས་གྲུབ་མཐའ་སྣ་ཚོགས་ཡོད་ཀྱང་ཐམས་ཅད་མ་ཉམས་དར་ན། སེམས་ཅན་ལ་གཅིག་གིས་ཕན་མི་ཐོགས་པ་གཅིག་གིས་ཕན་པས་བཟང་། ཁྱིམ་པ་སོ་ནམ་བྱེད་མཁན་མང་ན…

རྣམས་མ་འདྲེས་ན། རང་གིས་གང་མོས་ཉམས་སུ་བླང་ཆོག་པས་བཟང་། འདྲེས་སོང་ཡང་ཁྲག་དང་འོ་མ་འདྲེས་པ་བཞིན་བསམ་པ་དེ་གནད་མ་གོ་བ་ཡིན། ཆོས་ཤིག་ཡིན་ཕྱིན་སེམས་ཅན་ལ་དངོས་སམ་བརྒྱུད་ནས་ཕན་ཐོགས་འབྱུང་བ་ཤ་སྟག་ཡིན། དེ་རྣམས་འདྲེས་སོང་ཡང་ཀ་ར་བུ་རམ་སྦྲང་རྩི་རྣམས་འདྲེས་པ་དང་འདྲ་བས་འགལ་བ་མེད། དཔེར་ན་ཟས་ཞིམ་པོ་ཕྱོགས་གཅིག་ཏུ་བསྡུས་…

འགལ་བར་སེམས་པ་དེ་རང་གི་བློ་མཐུ་ཆུང་བས་ལན་པ་ཡིན་པས་གཞན་མ་སེམས། ཕྱག་ན་པདྨོ་ལྔ་པ་རྒྱལ་དབང་རིན་པོ་ཆེའི་ཞལ་ནས། དགེ་ལྡན་བསྟན་པའི་གཞི་མ་ཡིན་པས་བརྟན་དགོས། རྙིང་མ་བསྟན་པའི་ལྕགས་རི་ཡིན་པས་མཐོ་དགོས། གསུངས། ཡང་སྔགས་འཆང་གོས་དཀར་ལྕང་ལོ་ཅན་གྱི་སྡེ། རབ་བྱུང་ངུར་སྨྲིག་ཆོས་གོས་ཅན་གྱི་སྡེ་གཉིས། འབྲོང་རྭ་གཡས་གཡོན་བཞིན་…

བྱས་ནས་ཁ་བཏང་ན། ཆོས་དེ་བརྒྱུད་པའི་བླ་མ་གསུང་བ་པོ་སྟོན་པ་སངས་རྒྱས་རྡོ་རྗེ་འཆང་སོགས་ལ་ཡང་ཁས་མི་བཟང་མ་སྨྲས་པ་མ་གཏོགས། དོན་གྱི་མི་བཟང་ཞེས་སྐུར་བ་བཏབ་པ་ཡིན་པས། མི་དགེ་བ་ཐམས་ཅད་ཀྱི་ནང་ན་སྐུར་འདེབས་ཉེས་པ་ཆེ། རྟ་ཁ་འཐེན་མིན་མཐའ་འ་ལྟུང་གི་ཟེར་བ་ལྟར། ཚོད་བཟུང་མིན་དམྱལ་བའི་མེ་ནང་དུ་ལྟུང་ཉེན་ཡོད། ཡང་དེ་རྣམས་སྨད་…

གསན་ན་བཞད་གད་ཀྱི་གནས་ཡིན་པས་གཞན་མ་སེམས། ཕྱི་རབས་པས་ཆོས་བསྲེ་སླད་བྱས་ནས་བརྫད་ཡོད་ན། དེང་སང་ས་དགེ་རྙིང་གསུམ་སོགས་ཀྱི་ཆོས་ཉམས་སུ་ལེན་མཁན་གྱི་ནང་ན། མཁས་ཤིང་གྲུབ་པ་བརྙེས་པའི་སྐྱེས་ཆེན་དམ་པ་མང་པོ་འདུག་པ་མིག་གིས་ལྟོས། རྣ་བས་ཉོན་དང་བརྫད་ཡོད་ན་དེ་འདྲ་བྱུང་དོགས་མེད། དེས་ན་མ་བརྫད་པར་ཆོས་རྣམ་དག་ཡིན་པའི་རྟགས་དེ་…

དབང་དུ་སོང་ན། སངས་རྒྱས་ཀྱི་བཀའ་ཡང་ཕྱི་ནས་ཉན་ཐོས་དགྲ་བཅོམ་པ་མང་པོས་བསྡུས། ཡི་གེར་ཕབ་པ་ཡིན་པས། དེའི་དུས་ཀྱང་འཆུག་པ་དང་། དག་མི་དག་ཨེ་ཡོད་སྙམ་ནས་ཐེ་ཚོམ་ཟ་དགོས། དེ་ནས་ལོ་ཙཱ་བ་བརྒྱ་ཕྲག་མང་པོས་ཆོས་དེ་བོད་སྐད་དུ་བསྒྱུར་བ་ཡིན་པས། དེའི་དུས་སུ་འཆུག་ཨེ་ཡོད་སྙམ་ནས་ཐེ་ཚོམ་ཟ་དགོས། དེ་ནས་བོད་ཀྱི་འབྲི་ཤེས་མི་ཤེས་གཉི…

ལྷང་ལྷང་བསྐྱེད་ནས་ཕྱོགས་རིས་སྤོང་བ་གལ་ཆེ་སྟེ། འབའ་ར་བས། སེམས་ཅན་བསམ་པ་སྣ་ཚོགས་ལ། །རྒྱལ་བས་ཐེག་པ་སྣ་ཚོགས་བསྟན། །སྣོད་དང་མཐུན་པའི་ཆོས་དེ་ཟབ། །ཕྱོགས་རིས་སྤོངས་ཤིག་རྒྱལ་མཚན་དཔལ། །གསུངས། ཡང་བསམ་པ་མི་ལ་གནག་ན། སྦྱོར་བ་རང་ལ་འཁོར་ཟེར་བ་ལྟར། གཞན་ལ་བསམ་ངན་བཟུང་ན། རང་གི་བསྟན་པ་ཉམས་པའི་གེགས་ཡིན་ཏེ། སྔོན་ལྷོ་ཁའི་…

པ་བཞུགས་སའི་ཁྲི་ཐོག་ཏུ་སོང་ནས་ཉལ་འདུག་སྨྲས་པས། ཐམས་ཅད་ཀྱི་མ་བཟང་རྟེན་འབྲེལ་བཙོག་པ་ཟེར་ནས་རྣམ་རྟོག་ཟོས། དེའི་ཕྱི་ལོ་དགོན་པ་དེར་དམག་ཅིག་གིས་བརྒྱབ་ནས། ཤུལ་དུ་དགེ་ལུགས་པའི་དགོན་པ་ཞིག་ཚུགས་སྐད། ཡང་སྔོན་དབུས་ཕྱོགས་ཀྱི་དགོན་ཆུང་རྙིང་མ་བ་ལ་ཁ་བཏང་སྡང་པོ་བྱེད་མཁན་ཞིག་ཡོད་པའི་གྲྭ་བ་གཅིག་ལམ་དུ་སོང་བས་བྲག་འཕྲང་ཞ…

བླ་མ་རྒྱལ་པོ་རྣམས་ཀྱི་སྐུ་ཚེ་ཇེ་ཐུང་དུ་བཏང་། བསྟན་པ་དར་མི་དགོས་རྒུད་དུ་འཇུག །ཆགས་སྡང་མཁན་འགའ་རེས་ཁོ་སྐྱེ་བ་ཕྱི་མ་ལ་ག་ཚང་གི་བསྟན་པ་ལ་གནོད་སྐྱེལ་ནུས་ཤིང་། རང་ལུགས་དར་རྒྱས་སུས་གཏོང་བ་ཞིག་ཏུ་སྐྱེ་བར་ཤོག་ཟེར་སྨོན་ལམ་ལོག་པར་བཏབ་ན། གདོན་ཆེན་པོ་འཇིགས་སུ་རུང་བའམ་སྡིག་རྒྱལ་ཚོར་སྐྱེས། བསྟན་པ་གཅིག་གིས་གཅིག་ལ་གན…

ཕན་ལས་གནོད་ཆེ། སྔ་སོར་ཁམས་ཕྱོགས་ཀྱི་དགེ་ལུགས་པ་དང་བོན་པོའི་དགོན་པ་གཉིས་ཐག་ཉེ་ཞིག་ཡོད་པས་གཅིག་ཚང་གིས་གཅིག་ཚང་ལ། ཁྱེད་ཚང་གི་ཆོས་བཞག་ནས། ཁོང་ཚོའི་ཆོས་འདི་འདོན་དགོས་ཞེས་མ་འགྲིགས། ཕྱིས་དགེ་ལུགས་པ་ཚང་གིས་བོན་པོའི་དགོན་པར་བཙན་ཚུགས་བྱས། བན་ཆོས་འདོན་དུ་བཅུག་པའི་ཚེ། བོན་རྣམས་ཀྱིས་དངོས་སུ་འདོན་པ་ལྟར་བྱས། ལྐོག་…

ནས་ཁྱོད་ཀྱིས་ཆོས་འདི་ལ་ཉན་རྒྱུ་ཨེ་ཡིན། མི་ཉན་ན་གསོད་རྒྱུ་ཡིན་ཞེས་གསུངས་ཟེར་བ་གོ་མ་མྱོང་། སངས་རྒྱས་ཀྱིས་མཁའ་མཉམ་སེམས་ཅན་ཐམས་ཅད་ལ་ཆོས་ཀྱི་སྒོ་མོ་མཐའ་ཡས་པ་གསུངས། ཆོས་ལུགས་གྲུབ་མཐའི་རིགས་མི་འདྲ་བ་མཐའ་ཡས་པ་ཡོད། བོད་གངས་ཅན་ཁབ་མིག་གི་ནམ་མཁའི་ཆ་ཙམ་ལ། ཆོས་སྐུད་པ་ཙམ་ཞིག་དར་ཡོད་པ་ཀུན་གྱིས་ཡིན་མིན་བཟང་མི་བཟང་ཟེ…

རྒྱས་རྣམས་ལ་བཤད་པའོ། །འདི་ནི་བྱང་ཆུབ་སེམས་དཔའ་རྣམས་ལ་བཤད་པའོ། །ཞེས་ཐ་དད་དུ་ཕྱེ་སྟེ། དེ་ཐ་དད་པའི་འདུ་ཤེས་ཀྱིས་ཆོས་དེ་ལ་བརྙས་ན་ཆོས་སྤོང་བ་ཡིན་ནོ། །འདི་ནི་བྱང་ཆུབ་སེམས་དཔའི་བསླབ་པའོ། འདི་ནི་བྱང་ཆུབ་སེམས་དཔའི་བསླབ་པ་མ་ཡིན་ནོ། །ཞེས་ཟེར་ནས་འདོར་ན་ཆོས་སྤོང་བ་ཡིན་ནོ། །ཆོས་སྨྲ་བའི་སྤྱོད་པ་སུན་འབྱིན་ཏེ། སྐྱོན…

སེམས་དཔའ་རྣམས་ལ་བརྙས་པ་དེ་དག་ནི་སེམས་ཅན་དམྱལ་བ་ན་གནས་པ་མཐར་ཕྱིན་པ་ང་མི་སྨྲའོ། །དེ་ཅིའི་ཕྱིར་ཞེ་ན། གང་བྱང་ཆུབ་སེམས་དཔའ་ཆོས་སྨྲ་བ་ལ་བརྙས་པ་དེ་ནི་སངས་རྒྱས་ལ་སྨོད་པ་ཡིན་ནོ། །དེ་ནི་ཆོས་སྤོང་བ་ཡིན་ནོ། །དེ་ནི་དགེ་འདུན་ལ་གཤུང་བ་ཡིན་ནོ། །ཞེས་དང་། སྡུད་པ་ལས། ཐོས་ནས་བློ་ཆུང་དེ་ཡི་འདི་ནི་སྤོང་བྱེད་དེ། །སྤངས་ནས་…

ཕྱིར་ཡང་དམ་པའི་ཆོས་མི་སྤོང་། གསུངས། གཞན་གྱི་གྲུབ་མཐའ་སྨད་ན་བྱང་ཆུབ་སེམས་དཔའ་དང་། རིག་འཛིན་སྔགས་ཀྱི་སྡོམ་པ་གཉིས་ཀ་འཇིག་སྟེ། རྗེ་བུདྡྷ་བཛྲ་གྱིས། ཆོས་ལ་སྨོད་པས་སྡོམ་པ་གཉིས། །འཇིག་ན་ཕྱག་རྒྱ་ཆེན་པོ་དང་། །དེ་འཛིན་དཀར་རྒྱུད་ལ་སྨོད་མཁན། །རྣམས་ཀྱིས་ཐུགས་བསམ་གཏོང་རེ་རན། །གསུངས་པ་ཐུགས་བདེན་དེ། སྡོམ་བཟུང་ལས། ཕྱ…

གསུངས་པ་སོགས་མང་པོ་འགལ་བར་འགྱུར་བས། སྡོམ་པ་ཐམས་ཅད་རྩ་བ་ནས་ཤོར་བ་ཡིན་ལ། དེ་ལ་བཤགས་པ་བྱེད་དགོས་སྟེ། སློབ་དཔོན་འབའ་ར་བས། ཕྱི་རོལ་པ་དང་ཉན་ཐོས་རང་རྒྱལ་དང་། །ཐེག་པ་ཆེ་དང་གསང་སྔགས་བླ་ན་མེད། །ལམ་ཚོལ་ཞུགས་དང་ལམ་ཞུགས་ལམ་ཆེན་ཞུགས། །གྲུབ་པའི་མཐའ་རྣམས་སྨད་པ་མཐོལ་ལོ་བཤགས། གསུངས། གྲུབ་ཐོབ་གླིང་རས་པས། ཆོས་སྐུ་རོ་གཅ…

པ་ཡིན། །ཞེས་པ་དང་། དོན་དམ་བསྙེན་པར་གྲུབ་པའི་མཐའ་ལ་སྐྱོན་བཟུང་བས་ན་དྲུག་པ་སྟེ། ཞེས་གསུངས་པ་དེ་མདོ་སྔགས་ཀྱི་ཕྱོགས་བཟུང་ནས་ཕན་ཚུན་གོང་འོག་སྨད་ན་རྩ་ལྟུང་དྲུག་པར་འགྱུར་བར་གསུངས་པ་ཡིན་གྱི་གཞན་ཕྱི་རོལ་པ་སོགས་སྨད་ན་ཉེས་བྱས་སུ་འགྱུར་ཡང་། རྩ་ལྟུང་དུ་མི་འགྱུར་ཏེ། དྲི་མེད་འོད་ལས། དྲུག་པ་གྲུབ་པའི་མཐའ་ལ་སྨོད་པ་སྟ…

པར་མཐོ་བའི་ལམ་དུ་མཐོང་བའོ། །སྨད་པར་བྱ་ཡང་ཐེག་པའི་རིམ་པས་ཉེས་པ་ཡང་། དེ་བཞིན་དུ་འགྱུར་གསུངས། ཀུན་མཁྱེན་པདྨ་དཀར་པོའི་དམར་ནག་གི་རྒྱུད་དུ། རང་གཞན་ཆོས་ནི་སུན་མི་འབྱིན། །ཞེས་གསུངས་པ་ལ། འགྲེལ་པ་མན་ངག་གི་སྙེ་མ་དང་། སྡོམ་འབྱུང་གི་འགྲེལ་པ་དང་། བསྟན་པའི་ནོར་ཐམས་ཅད་སྒྲུབ་པའི་ཐབས་དང་། གསང་བ་འདུས་པའི་རྒྱན་རྣམས་སུ་…

དུ་བསྟན་ནས་དམྱལ་བར་ལྟུང་བའི་རྒྱུའི་རྩ་བ་རྩ་ལྟུང་དྲུག་པ་ཞེས་ཡོངས་སུ་གྲགས་པ་དེ་ཕོག་ངེས་པས་གཟབ་འཚལ། གཞན་ཕྱི་རོལ་པ་སོགས་ལ་སྨད་ན་ཡང་། བཅོམ་ལྡན་འདས་རྣམ་པར་སྣང་མཛད་ལ་སོགས་ཕྱོགས་བཅུའི་རྒྱལ་བ་རྣམས་ལ་རང་ཞལ་མཇལ་བའི་དུས་མི་འབྱུང་བར་ཇེ་རིང་དུ་འགྲོ་བའི་རྒྱུ་དང་། ཞི་རྒྱས་དབང་དྲག་གྲུབ་པ་བརྒྱད་སོགས་ཐུན་མོང་གི་དངོས་ག…