ཀྱིས་སེམས་ལ་ཕན་པའི་ཞལ་གདམས་ཤིག་དགོས་ཞེས་བསྐུལ་ངོར་མགུར་དབྱངས་འདི་བླངས་སོ།། །རྗེ་ཆོས་རྒྱལ་ངག་གི་དབང་བོ་ལ། །བདག་གསོལ་བ་འདེབས་སོ་བྱིན་གྱིས་རློབས། །མགོན་དེ་ཡི་ཐུགས་སྲས་ཞབས་དཀར་པས། །ཚིག་རྣར་སྙན་ཡིད་འབབ་ཆོས་ཀྱི་གླུ། །ཁྱེད་འདིར་འཚོགས་ལྷ་མིའི་སྙན་དུ་འབུལ། །ཁྲོམ་གོ་རེ་འཚོགས་པ་ཀྱི་ལེར་ཉོན། །ཆོས་ཡོན་ཏན་འབྱུང་ག…

པའི་དགའ་ཚལ་ཉམས་དགའ་སྟེན། །ཚེ་འདི་སྣང་ཆོས་བརྒྱད་བློས་བཏང་ནས། །རང་གཅིག་པུར་ཉམས་སུ་ལེན་པ་གཅེས། །གཏམ་འདི་ལས་བྱུང་བའི་དགེ་བའི་མཐུས། །མ་འགྲོ་ཀུན་སངས་རྒྱས་མྱུར་འཐོབ་ཤོག །ཡུལ་འདི་རུ་བཀྲ་ཤིས་གཡང་ཆགས་ཤིང་། །བཀྲ་ཤིས་པས་འཛམ་གླིང་ཁྱབ་གྱུར་ཅིག །ཅེས་བླངས་པས་དད་ཅན་སློབ་མ་མང་པོའི་སེམས་ལ་ཕན་པ་བྱུང་ངོ་། །དེ་ནས་ཆུ་དབར་…

ལྷོ་རྒྱལ་འཛམ་བུ་གླིང་དུ་སྐྱེས་དུས་འདིར། །དཔེར་ན་ལམ་གྱི་བཞི་མདོར་སླེབས་པ་འདྲ། །ཡར་འགྲོ་མར་འགྲོའི་ས་མཚམས་འབྱེད་པ་ཡིན། །འགྲོ་ས་ནོར་ཉེན་ཆེའོ་ཕྱུག་པོ་ཚོ། །དེ་སྐད་གཞན་ལ་སྨྲ་བའི་ཁ་བདེ་པོ། །རང་ལ་གར་འགྲོ་འདིར་འགྲོའི་གདེང་མེད་ཀྱང་། །གཞན་ལ་ཤ་ཚ་བསམ་པ་དཀར་པོའི་གཏམ། །ཡིན་པས་དད་ཅན་ཀུན་གྱིས་ཉན་པར་འོས། །ཡིད་མི་ཆེས་ན…

པར་ཉམ་ཆུང་ཕྲུག་གུ་གསོ། །དེ་ཉིད་མཐོང་བས་དྲིན་ཅན་ཕ་མ་དྲན། །དྲིན་ལན་འཇལ་ན་འདོད་པ་ཡང་ཡང་བྱུང་། །རི་བོ་རྣམས་ཀྱི་མགུལ་དང་ལུང་བ་ན། །ན་བུན་སྨིག་རྒྱུ་ལང་ལོང་གཡོ་བ་ཡིས། །ལུས་དང་ལོངས་སྤྱོད་འདི་ལྟར་མི་རྟག་ཅེས། །གཡོ་འགུལ་མང་པོ་བྱེད་བཞིན་གློ་བུར་ཡལ། །དེ་ཉིད་མཐོང་བས་མི་རྟག་འཆི་བ་དྲན། །གང་ཡོད་སྦྱིན་པར་གཏོང་འདོད་ཡང་…

སོགས་པའི་ནོར་འདྲ་བྱུང་ཚེ། སྔོན་བྱ་རྫི་བདེ་མཆོག་མ་དང་བུ་བཞིས་མཆོད་རྟེན་བྱ་རུང་ཁ་ཤོར་བཞེངས་ནས་སྲོག་ཤིང་ནང་དུ་སངས་རྒྱས་འོད་སྲུང་གི་རིང་བསྲེལ་མ་ག་དྷའི་བྲེ་གང་བཞུགས་སུ་གསོལ་ཏེ་སྨོན་ལམ་བཏབ་པས། མ་དེ་ཉིད་དམ་ཚིག་གི་ལྷ་མོ་པྲ་མོ་ཧ་ཞེས་བྱ་བར་སངས་རྒྱས། བུ་བཞི་བོ་མཁན་སློབ་ཆོས་གསུམ་སྦ་མི་ཁྲི་གཞེར་དང་བཞིར་གྱུར་ནས། …

པ་ནི། འཁོར་འབངས་རྒྱལ་ཁམས་ཡོངས་ལ་བཀའ་དྲིན་གྱི་མཆོག་ཏུ་གྱུར། །གུས་ཕྲན་བདག་ཀྱང་བླ་མ་མཆོག་གསུམ་གྱི་ཐུགས་རྗེ་ལ་བརྟེན་ནས་སྒྱུ་ལུས་བདེ་ཞིང་སྒོམ་སྒྲུབ་དང་། གཞན་ཕན་གྱི་བསམ་སྦྱོར་ཀྱང་གོང་དུ་འཕེལ་བཞིན་མཆིས། མཚམས་ཀྱི་གསོལ་བ་འདེབས་པའི་སྙིང་པོ་ནི། ངོ་མཚར་གཟིགས་མོ་ཆེ་བའི་དབུས་ཀྱི་རི་དབང་རྩེ་མོའི་ལྷ་ཡི་རྣམ་རྒྱལ་ཁང་…

སུམ་ཚོགས་པ་ཞིག་བསྒྲོན་རྒྱུ་བྱུང་ན་སྙམ་ཡོད་པས། ལོ་རྗེས་མར་དེ་འདྲའི་བསྐལ་པ་བཟང་པོ་ཞིག་ཤར་ཚེ། ས་བདག་ཆོས་ཀྱི་རྒྱལ་པོ་ཆེན་པོ་བཀའ་བློན་བྱང་ཆུབ་སེམས་དཔའ་རྣམས་ཀྱི་ཐུགས་རབ་ཏུ་དགྱེས་པའི་སྒོ་ནས། དེ་བསྒྲུབ་ཆོག་པའི་རྣར་སྙན་ཡིད་འབབ་ཀྱི་གསུང་གི་གནང་བ་སྩོལ་བ་དང་། ཁྱེད་ཀྱི་མངའ་འབངས་ཟངས་ཀྱི་ཐོན་ཁུངས་ཡོད་པ་རྣམས་ནས་ཟངས…

གནས་དེར་སྡོད་དུས་དད་བརྩོན་ཤེས་རབ་ཆེ་ཞིང་དབེན་པའི་རི་ལ་སྡོད་པའི་སློབ་བུ་ཀུན་བཟང་གཞན་ཕན་གྱིས་ཉིན་གཅིག་བསམ་བློ་འདྲ་བཏང་ཚེ། ཇི་ལྟར་བྱས་ཀྱང་སྐྱིད་འདོད་ཚེ་འདིའི་བྱ་བ་བློ་ཡིས་མ་ཐོངས་པར་ཟས་གོས་ནོར་རྫས་ཕྲན་བུ་རེ་མཆེད་གྲོགས་ཤིག་གིས་ཁྱེར་སོང་ན་ཡང་ཆགས་སྡང་གི་དུག་རོ་རྙིང་བ་འདི་ད་དུང་ལངས་ཉེན་འདུག་པས། འདི་ཆོས་ཀྱི་…

ཚེ་འདི་བློས་ཐོངས་པའི། །རེ་བ་ཆེན་པོ་མ་མཆིས་ཀྱང་། །འོན་ཀྱང་བླ་མའི་ཐུགས་རྗེ་ཡིས། །ད་དུང་འོང་བའི་རེ་བ་བྱེད། །ད་ནི་ཚེ་འདི་བློས་ཐོངས་པའི། །གནད་ཀྱི་གདམས་པ་ཟབ་མོ་ཞིག །སྦ་གསང་མེད་པར་སྟོན་པར་ཞུ། །བསྟན་པ་བཞིན་དུ་བསྒོམས་པའི་མཐུས། །ཚེ་བློས་མྱུར་དུ་ཐོངས་པར་ཤོག །ཅེས་ཞུས་པའི་ལན་དུ། འོ་ཚེ་འདིའི་བྱ་བ་བློས་མི་ཐོངས་པར་…

བློ་ཡིས་ཐོངས། །མི་རྟག་འཆི་བ་དྲན་གྱུར་ན། །ཅིས་ཀྱང་དགོས་མེད་བློ་སྣ་སྐྱེ། །མི་རྟག་འཆི་བ་དྲན་གྱུར་ན། །གང་ལ་འདོད་པ་མེད་པར་འགྱུར། །མི་རྟག་འཆི་བ་དྲན་གྱུར་ན། །བླ་མ་རྣམས་ལ་དད་པ་སྐྱེ། །མི་རྟག་འཆི་བ་དྲན་གྱུར་ན། །མཆེད་གྲོགས་རྣམས་ལ་དག་སྣང་འབྱུང་། །མི་རྟག་འཆི་བ་དྲན་གྱུར་ན། །མི་དགེ་སྡིག་པ་ངང་གི་འཛེམ། །མི་རྟག་འཆི་བ…

གསུང་དེ་བདེན་པར་འདུག་སྙམ། འཆི་བ་ཡང་ཡང་དྲན་པར་བྱས་པས་ཅིས་ཀྱང་དགོས་མེད་ཀྱི་བློ་སྣ་རྒྱུད་ལ་སྐྱེས་ནས། ཚེ་བློས་ཐོངས་མཁན་གྱི་བྱ་བཏང་རྣལ་འབྱོར་ཕོ་མོ་མང་པོ་བྱུང་ངོ་། །ཡང་ཉིན་གཅིག་བསམ་པ་དཀར་ཞིང་ཆོས་ལ་མོས་པ། གཏོང་ཕོད་ཆེ་ཞིང་སྒྲུབ་ལ་བརྩོན་པའི་དགེ་སློང་ཡེ་ཤེས་སྙན་གྲགས་ཀྱིས་གསེར་དངུལ་གཉིས་ལས་གྲུབ་པའི་མཎྜལ་ཏོག་དང…

མི་ནོར་ཟས་གསུམ་འཇིག་རྟེན་བྱ་བཞག་བློས་གཏོང་ཚུལ་གྱི་ཞལ་གདམས་འདི་བྱིན་ཆོས་རྗེ་བླ་མའི་ཞབས་ལ་འདུད། །ཆོས་བཞིན་ནུས་པར་བྱིན་གྱིས་རློབས། །དམ་ཆོས་སྙིང་ནས་མཛད་འདོད་པའི། །དམ་ལྡན་སྙིང་གི་སློབ་མ་ལགས། །ཕ་ཡུལ་ཆགས་སྡང་འབྱུང་ཁུངས་ཡིན། །སྐྱེས་པའི་ཕ་ཡུལ་རྒྱབ་ཏུ་སྐྱུར། །ཆང་ནི་ཉེས་པའི་རྩ་བ་ཡིན། །ཧུབ་གང་ཙམ་ཡང་མ་འཐུང་ཞིག །…

གང་ཡོད་ཕུལ་ནས་གནས་ཆེན་འདིར་སྐུ་གཟུགས་བདེ་བ་དང་ཐུགས་དམ་འཕེལ་པོ་ཨེ་བྱུང་ཟེར་བའི་ལན་དུ། ལུས་སེམས་བདེ་ཞིང་དགེ་སྦྱོར་འཕེལ་ཚུལ་གྱི་མགུར་དབྱངས་འདི་བླངས་སོ། །སངས་རྒྱས་ལས་ཀྱང་དྲིན་ཆེ་བའི། །ཆོས་རྒྱལ་ངག་གི་དབང་པོ་ལ། །གསོལ་བ་སྙིང་གི་དཀྱིལ་ནས་འདེབས། །བྱིན་རླབས་ཐུགས་ཀྱི་ཀློང་ནས་སྩོལ། །གྲུབ་ཐོབ་གོང་མ་བཞུགས་པའི་ཤུལ…

བྲག་ནས་སྐུ་གཟུགས་བདེ་མོ་ཨེ་བྱུང་དྲིས་པའི་ལན་དུ་འདི་སྐད་ཅེས་ཕུལ་བྱུང་། མཁྱེན་བརྩེའི་མངའ་བདག་དྲིན་ཅན་རྗེ། །སྐུ་བདེ་གསུང་སྙན་ཐུགས་དམ་འཕེལ། །གནས་འདིར་བསྟན་པའི་རྒྱལ་མཚན་བཙུགས། །འགྲོ་དོན་མཛད་པ་བཀའ་དྲིན་ཆེ། །ཕྲན་ཀྱང་བླ་མའི་བཀའ་དྲིན་གྱིས། །ལུས་པོ་ཤིན་ཏུ་བདེ་ན་ཡང་། །ཚེ་འདི་བློ་ཡིས་མ་ཐོངས་པས། །སེམས་ལ་བདེ་རྒྱུ…

ན། །ཆོས་ཀྱི་ཕྱེད་ཀ་ཚར་བ་ཡིན། །ཚེ་འདིའི་བྱ་བ་བློས་བཏང་ན། །སྐྱིད་ཀྱི་འགོ་དེ་ཚུགས་པ་ཡིན། །ཚེ་འདིའི་བྱ་བ་བློས་བཏང་ན། །སྡུག་བསྔལ་མྱང་འཕྲོ་ཆད་པ་ཡིན། །ཚེ་འདིའི་བྱ་བ་བློས་བཏང་ན། །སྡོམ་པ་དམ་ཚིག་གཙང་བ་ཡིན། །ཚེ་འདིའི་བྱ་བ་བློས་བཏང་ན། །ཕན་སེམས་ཤུགས་ཀྱིས་འབྱུང་བ་ཡིན། །ཚེ་འདིའི་བྱ་བ་བློས་བཏང་ན། །ཚེ་གཅིག་སངས་རྒྱས་…

འགྲོའི་འདུ་ས་ཡོད། །མི་མེད་ལུང་བ་སྟོང་བ་ན། །ཉམས་རྟོགས་སྐྱེ་བའི་མཐུན་རྐྱེན་ཡོད། །མི་མེད་ལུང་བ་སྟོང་བ་ན། །དམ་པ་གོང་མའི་གདན་ས་ཡོད། །མི་མེད་ལུང་བ་སྟོང་བ་ན། །ཉམས་དགའི་ལྟད་མོ་སྣ་ཚོགས་ཡོད། །མི་མེད་ལུང་བ་སྟོང་བ་ཡི། །ཡོན་ཏན་བ ཤད་ན་བརྗོད་མི་ལང་། །དེའི་ཕྱིར་རྒྱལ་བའི་སྲས་པོ་ཁྱོད། །ལུང་སྟོང་འགྲིམས་ལ་ཉམས་ལེན་མཛོད།…

མཚང་འབྲུ་བ་དེ། །རང་གི་སྐྱོན་མཚང་བྲུས་པ་འདྲ། །གཞན་གྱི་ཡོན་ཏན་བརྗོད་པ་དེ། །རང་གི་ཡོན་ཏན་བརྗོད་པ་འདྲ། །ཅི་འདྲ་བ་ཡི་ལས་བྱས་པ། །འབྲས་བུ་དེ་འདྲ་སྨིན་པར་འགྱུར། །དེ་ཕྱིར་དུས་རྣམས་ཐམས་ཅད་དུ། །བླ་མ་དམ་པའི་བཀའ་ཆོས་ལྟར། །གཞན་ལ་གནོད་འཚེ་མི་བྱ་ཞིང་། །ཕན་བདེའི་ཐབས་ལ་འབད་པར་བྱ། །གཞན་གྱིས་གནོད་པ་ཅི་བྱས་ཀྱང་། །རང་གི་…

ཁྲོ་མི་བྱ། །གཞན་གྱིས་ཟེར་ཚད་བདེན་དོགས་མེད། །ཅི་འདྲ་ཟེར་ཡང་ཟེར་དུ་ཆུག །མི་སྙན་བརྒྱ་ཐོས་སྟོང་ཐོས་ཀྱང་། །དེ་ལ་རྩད་གཅོད་མ་བྱེད་ཅིག །མི་འདོད་བརྒྱ་བྱེད་སྟོང་བྱེད་རུང་། །དེ་ལ་སྣང་རྟོག་མ་མཛད་ཅིག །ཁེ་དང་རྒྱལ་ཁ་གཞན་ལ་བྱིན། །གྱོང་དང་ཕམ་ཁ་རང་གིས་ལོངས། །མཚན་དཔེས་བརྒྱན་པའི་གཟུགས་སྐུའི་རྒྱུ། །བཟོད་པ་ཡིན་པས་ནན་ཏན་མ…

སངས་རྒྱས་དངོས་སུ་མཐོང་ལགས་ཀྱང་། །ཞལ་གདམས་བདུད་རྩིའི་ཐིགས་པ་ལ་སོགས་པའི། །གསུང་དང་རང་རྒྱུད་མཐུན་པ་དཀའ་མོར་གདའ། །ཀྱེ་མ་ལས་ངན་བདག་ལ་ཐུགས་རྗེས་གཟིགས། །དལ་བརྒྱད་འབྱོར་བཅུའི་མི་ལུས་རིན་ཆེན་ལ། །དོན་ལྡན་སྙིང་པོ་ལེན་དགོས་ཤེས་ན་ཡང་། །དོན་མེད་ཆོས་བརྒྱད་བཙན་པོའི་དབང་དུ་སོང་། །ཀྱེ་མ་སྟོང་ལོག་མཁན་ལ་ཐུགས་རྗེས་གཟིགས…

རྟོགས་འབུལ། །བུ་ངན་བསྟན་འཛིན་ཉི་མ་སྙིང་རུལ་ངས། །ཉོན་མོངས་ངན་རྟོགས་འབུལ་བ་ཡ་རེ་ང་། །ད་ནི་ཁྱེད་གསུང་བློ་སྦྱོང་མཆོག་གྱུར་པ། །བདུད་རྩིའི་ཐིགས་པ་ཞེས་བྱའི་ཚིག་དོན་རྣམས། །ཉམས་ལེན་བྱེད་འདོད་འདུན་པ་གཏིང་ནས་ཡོད། །བཀའ་བཞིན་བསྒྲུབ་ཚེ་མཐར་སོན་སྐྱབས་འཇུག་མཁྱེན། །ཞེས་ཕུལ་བའི་ལན་དུ། སྙིང་རྗེ་ཆེན་པོའི་སྒོ་ནས་དུས་རྟག…