ངང་མ་ཤོར་བ་ལ་བསླབ་བོ། །དེས་རྣམ་རྟོག་རགས་པ་འཇོམས་ཏེ་བྱང་སེམས་ཀྱི་ལྟ་སྟངས་སོ། །གསུམ་པ་ཁྲོ་བོའི་ལྟ་སྟངས་ནི། བསྡད་པ་ལས་ལངས་ཏེ། གོམས་པ་གྱ་ཚོམ་དུ་འདོར་མིག་གཡོ་ཞིང་། ངག་ཏུ་ཧ་ཧ་ཧི་ཧི་སྒྲོག་པ་སོགས་བྱས་ལ་མི་རྟོག་པའི་ངང་མ་ཤོར་བར་བྱའོ། །དེས་རྣམ་རྟོག་སྦོམ་པོ་འཇོམས་ཏེ་ཁྲོ་བོའི་ལྟ་སྟངས་སོ། །དགོས་པ་ནི། རྩ་བ་རྡོ་རྗེ…

ལས། ཁྲེགས་ཆོད་ཀྱི་ལམ་ཀ་དག་སྤྲོས་བྲལ་དུ་སྟོན་པ༔ ཐོད་རྒལ་གྱི་ལམ་ལྷུན་གྲུབ་ཡེ་ཤེས་མངོན་སུམ་དུ་སྟོན་པ་ལས༔ ཞེས་གསུངས་པས། དང་པོ་ཁྲེགས་ཆོད་ལ་གཉིས་ཏེ། རྩ་བ་རྡོ་རྗེའི་ཚིག་རྐང་ལས། གནས་ལུགས་གཏན་ལ་དབབ་པ་དང་༔ རིག་པ་རང་ངོ་སྤྲོད་པའོ༔ ཞེས་གསུངས་པས། དང་པོ་གནས་ལུགས་གཏན་ལ་འབེབ་ཚུལ་ནི། རྩ་བ་རྡོ་རྗེའི་ཚིག་རྐང་ལས། རྟོག་པ…

མཆོད་བཤམས། སློབ་དཔོན་ཁྲིར་འཁོད། སློབ་བུས་ལུས་གནད་བསྲངས་ཤིང་མཎྜལ་འབུལ། སློབ་དཔོན་གྱིས་བླ་མའི་རྣལ་འབྱོར་གྱི་དམིགས་རིམ་འབོག །སློབ་མ་རྣམས་ལ་ང་ཡི་ཚིག་དང་མཐུན་པའི་གསོལ་བ་འདེབས་པར་མོས་ཞེས་བརྡའ་སྤྲད་ཏེ། ཊཱ་མ་རུའི་སྒྲ་དང་བཅས་བརྒྱུད་པའི་གསོལ་འདེབས་སློབ་མའི་ཡིད་འདྲེན་པའི་སྙན་པའི་དབྱངས་ཀྱིས་བརྗོད། ཨོཾ་ཨཱཿཧཱུྃ། …

སྐལ་ལྡན: ཡེ་ཤེས: དྲེགས་པའི་མངའ་བདག་དཔལ་སེང་ལ༔ གསོལ་བ་འདེབས་སོ༴ སྐལ་ལྡན༴ ཡེ་ཤེས: ཆོས་བདག་བདེ་ཆེན་རྒྱལ་པོ་ལ༔ གསོལ་བ༴ སྐལ་ལྡན: ཡེ་ཤེས༴ རྩ་གསུམ་དཔའ་བོ་ཌཱཀྐི་ལ༔ གསོལ་བ་འདེབས་སོ༴ སྐལ་ལྡན༴ ཡེ་ཤེས་སྐྱེ་བར་བྱིན་གྱིས་རློབས༔ བརྒྱུད་པའི་རིག་འཛིན་བླ་མ་རྣམས༔ འཇའ་འོད་ཚོམ་བུར་ཤིགས་སེ་ཤིག༔ ཐུགས་རྗེའི་གཟི་བྱིན་ཡ་ལ་ལ༔…

ཉམས་རྟོགས་སྐྱེ་སླ་བ་སོགས་བྱིན་རླབས་ཤིན་ཏུ་ཆེ་བ་ཡིན་ནོ། ༈ །དེ་ནས་ངོ་སྤྲོད་པ་ལ། འོ་སྐལ་ལྡན་སེམས་ཀྱི་བུ་རྣམས་མ་ཡེངས་པར་ལེགས་བར་རབ་ཏུ་ཉོན་ལ་ཡིད་ལ་ཟུངས་ཤིག །སྤྱིར་ངོ་སྤྲོད་བྱས་པའི་གོ་དོན་རང་ཅི་ཡིན་སྙམ་ན། རང་སེམས་སངས་རྒྱས་སུ་ངོ་སྤྲོད་ཅེས་ཟེར། དེ་ཡིན་ནས་ངོ་སྤྲོད་དམ། མིན་ནས་ངོ་སྤྲོད། རང་སེམས་སངས་རྒྱས་ཡིན་ན་…

བཙལ་བའི་ཚེ། ངོ་བོ་ངོས་བཟུང་དབྱིབས་ཁ་དོག་སོགས་གང་ཡང་མ་རྙེད་པ་དེ་རྙེད་པའི་མཆོག་ཡིན་ཏེ། མ་གཅིག་གི་ཞལ་ནས། བལྟས་པས་རང་གི་སེམས་མི་མཐོང་། །མ་མཐོང་བ་དེ་ཆོས་མཐོང་ཡིན། །ཞེས་གསུངས་པ་ལྟར། འོ་སྐོལ་རྣམས་ཀྱི་སེམས་ཉིད་འདི་ནི། དང་པོ་རྒྱུས་མ་བསྐྱེད་པས། འདི་ནས་བྱུང་ཞེས་སྨྲ་བའི་ཡུལ་མེད་ལ། དེ་ལྟར་བཙལ་ཡང་རྙེད་པ་མ་ཡིན་ཏེ།…

འགྲིབ་དང་གང་སྟོངས་མེད། སྣང་སྲིད་ཀུན་ལ་ཁྱབ་པའི་ཕྱོགས་དང་རིས་སུ་མ་ཆད། སེམས་ཉིད་ཡེ་ནས་དག་པ་འཁོར་བའི་སྐྱོན་གྱི་མ་གོས་པ་སྟེ། སེམས་ཉིད་ཡེ་ནས་སངས་རྒྱས་ཡིན་ཏེ། མདོ་ལས། བདེ་གཤེགས་སྙིང་པོས་འགྲོ་བ་ཡོངས་ལ་ཁྱབ། འགྲོ་བ་འདི་དག་མ་ལུས་སངས་རྒྱས་ཉིད། །ཅེས་དང་། རྒྱུད་ལས། འཇིག་རྟེན་ཁམས་ནི་གང་དུ་ཡང་། །སངས་རྒྱས་གཞན་ནས་རྙེ…

བུམ་པ་ལ་སོགས་པ་ཞིག་བཞག་ལ། དེའི་རང་ངོ་རང་སེམས་ལ་ཝལ་གྱིས་འཆར་དུ་བཅུག་ནས་འདི་ལྟར་སྣ་ཚོགས་སུ་སྣང་བའི་སྣང་གྲགས་ཀྱི་ཆོས་ཐམས་ཅད་རྨི་ལམ་གྱི་སྣང་བ་ལྟར། རང་གི་སེམས་ཀྱི་རྣམ་པར་རྟོག་པའི་འཁྲུལ་ངོ་ཙམ་ལས། ཕྱི་རོལ་ན་བདེན་པར་གྲུབ་པ་རྡུལ་ཙམ་ཡང་མེད་དེ། ཆུ་གཅིག་པུ་ལ་ཡང་ལྷའི་བདུད་རྩི་དང་། མི་ལ་ཆུ་དང་། དུད་འགྲོ་ལ་བཏུང་བ་…

རྒྱ་ཆེར་གསུངས། གུར་ལས། རིན་ཆེན་སེམས་ལས་ཕྱིར་གྱུར་བའི། །སངས་རྒྱས་མེད་ཅིང་སེམས་ཅན་མེད། །ཅེས་གསུངས། དེས་ན་སྣང་སྲིད་འཁོར་འདས་ཀྱིས་བསྡུས་པའི་ཆོས་སྣ་ཚོགས་སུ་སྣང་བ་འདི་ཐམས་ཅད་རང་གི་སེམས་ལས་བྱུང་། དེར་བཟུང་དེར་སྣང་། དེར་བཏགས་པས། དངོས་པོ་གཅིག་ལ་སྣ་ཚོགས་སུ་སྣང་། བདེ་སྡུག་སྐྱེ་འཆི་སོགས་ཉམས་སུ་མྱོང་སྟེ། དེ་ཐམས་…

ཡུལ་དང་དབང་པོའི་རང་བཞིན་ནི། །སེམས་ལས་ཕྱི་རོལ་གྱུར་མེད་ཀྱང་། །གཟུགས་སོགས་སོ་སོར་སྣང་བ་རྣམས། །སེམས་ཉིད་ཁོ་ནར་སྣང་བ་ཡིན། །ཞེས་གསུངས། དམྱལ་བ་སོགས་ངན་སོང་གསུམ་ཡང་ག་ཤེད་ཅིག་ན་ལོགས་སུ་གྲུབ་པ་མེད་དེ། །སྤྱོད་འཇུག་ལས། ལྕགས་བསྲེགས་ས་གཞི་སུ་ཡིས་བྱས། །མེ་ཚོགས་དེ་དག་ཅི་ལས་བྱུང་། །དེ་འདྲ་དེ་དག་ཐམས་ཅད་ནི། །སྡིག་སེམ…

དངོས་གྲུབ་ལེགས་པ་སྣང་བ་སེམས། །སེམས་ལས་མ་གཏོགས་སྣང་བ་གང་ཡང་མེད། །ཅེས་དང་། ཡང་དགོན་པའི་ཞལ་ནས། སྣང་ཚད་རིག་པའི་རང་སྣང་ཡིན། གྲགས་ཚད་སྐྱེ་མེད་རང་སྒྲ་ཡིན། །དྲན་ཚད་གནས་ལུགས་རང་ངོ་ཡིན། །རང་རིག་རྟོགས་ན་སངས་རྒྱས་ཡིན། །ཞེས་གསུངས་སོ། ༈ །གཉིས་པ་རང་སེམས་སྟོང་པར་ངོ་སྤྲད་པ་ནི། དེ་ལྟར་བྱེད་མཁན་གྱི་སེམས་དེ་ཡང་སྔར་བཤད་…

༈ གསུམ་པ་སྟོང་པ་སྣང་བར་ངོ་སྤྲད་པ་ནི། །ངོ་བོ་སྟོང་པ་ཉིད་ལས་འགྱུར་བ་མེད་ཀྱང་། རང་རྩལ་མ་འགགས་པའི་འཆར་སྒོ་ཅིར་ཡང་འཆར་བའི་ཕྱིར། ཨོ་རྒྱན་རིན་པོ་ཆེའི་ཞལ་ནས། སེམས་ཉིད་མ་འགག་སྣང་བ་གང་ཡང་འཆར། །ཤར་ཡང་མཚོ་ཡི་ཆུ་དང་ཆུ་རླབས་བཞིན། །གཉིས་སུ་མེད་དེ་སེམས་ཀྱི་ངང་དུ་གཅིག །ཅེས་དང་། རྒྱུད་ལས། སྟོང་པའི་རང་བཞིན་ཅིར་ཡང་སྣང་…

ལྟར་རོ། ༈ །ལྔ་པ་གཉིས་མེད་རང་གྲོལ་དུ་ངོ་སྤྲད་པནི། དེ་ལྟར་སྣང་སྟོང་གཉིས་མེད། རང་བྱུང་གི་རིག་པ་རང་གསལ་ཧྲིག་གེ་བ། སྤྲོས་བྲལ་འདུས་མ་བྱས་ཤིང་ལྷུན་གྱིས་གྲུབ་པས་སྐུ་གསུམ་གྱི་དབྱིངས་སུ་རང་གྲོལ་བ་སྟེ། ཀུན་མཁྱེན་ཆེན་པོའི་ཞལ་ནས། སེམས་ཉིད་ངོ་བོ་སྟོང་པར་གནས་པ་ཆོས་སྐུ། གསལ་ལ་འཛིན་པ་མེད་པ་ལོངས་སྐུ། སྣ་ཚོགས་སྣང་བའི་…

བཙལ་བས་མི་རྙེད་ཉོན་རེ་མོངས། །ཞེས་གསུངས། དེ་བཞིན་དུ་འདོད་ཆགས། ཞེ་སྡང་། གཏི་མུག །ང་རྒྱལ། ཕྲག་དོག་གང་ཤར་ཡང་དེ་ཀའི་རང་བཞིན་ལས་མ་འདས་པའི་ཕྱིར། རྩ་བ་རྡོ་རྗེའི་ཚིག་རྐང་ལས། འདོད་ཆགས་བདེ་སྟོང་༔ གཏི་མུག་མི་རྟོག་པ༔ ང་རྒྱལ་དང་ཕྲག་དོག་རང་གསལ་གཉུག་མར་འཆར་ཞིང་༔ དུག་ལྔ་མ་སྤངས་ཡེ་ཤེས་ལྔ་རུ་རང་གྲོལ་བའོ༔ ཞེས་གསུངས། དེ…

བ་རང་སར་བཞག་པས་ཆོས་སྐུར་གྲོལ། །ཞེས་དང་། གྲུབ་པའི་དབང་ཕྱུག་རྗེ་བཙུན་མི་ལའི་ཞལ་ནས། ནམ་མཁའ་བསྒོམ་དུ་བདེ་ལགས་ན། །ལྷོ་སྤྲིན་ནམ་མཁའི་ཆོ་འཕྲུལ་ཡིན། །ནམ་མཁའ་རང་གི་ངང་དུ་ཞོག །ཉི་ཟླ་བསྒོམ་དུ་བདེ་ལགས་ན། །གཟའ་སྐར་ཉི་ཟླའི་ཆོ་འཕྲུལ་ཡིན། །ཉི་ཟླ་རང་གི་ངང་དུ་ཞོག །རི་བོ་བསྒོམ་དུ་བདེ་ལགས་ན། །རྩི་ཤིང་རི་བོའི་ཆོ་འཕྲུལ་ཡ…

འདས་སོ། །དེ་བཞིན་དུ་གཟུགས་མཛེས་མི་མཛེས། དྲི་ཞིམ་མི་ཞིམ། རོའི་བཟང་ངན། རེག་བྱའི་འཇམ་རྩུབ། ཡིད་ཀྱི་བདེ་སྡུག་གང་ཤར་ཡང་དེ་ཉིད་ལས་མ་འདས་པའི་ཕྱིར། ཕྱིན་ཆད་ཚོགས་དྲུག་གི་སྣང་བ་གང་ཤར་ཡང་སྟོང་པ་ཉིད་ལས་མ་འདས་པས་བཅས་བཅོས་མེད་པར་སེམས་ཉིད་ཀྱི་ངང་དུ་རང་སར་བཞག་པར་བྱ་སྟེ། ཀུན་བཟང་སྙིང་ཐིག་ལས། ཚོགས་དྲུག་ཡུལ་སྣང་ཐམས་ཅད…

ལས། །ཀ་དག་དོན་ཉིད་མངོན་དུ་འགྱུར། །ཞེས་གསུངས་པ་བཞིན་སློབ་བུ་རྣམས། རི་བོ་ཅོག་བཞག་ལུས་རྣམ་སྣང་ཆོས་བདུན་མི་གཡོ་བར་བྱའོ། །རྒྱ་མཚོ་ཅོག་བཞག་མིག་མདའ་གང་ཙམ་གྱི་ཐད་ཀར་མིག་འབྲས་མི་འགུལ་བར་ཧྲིག་གེར་བལྟ། རིག་པ་ཅོག་བཞག་སེམས་དུས་གསུམ་གྱི་རྟོག་པ་གང་གིས་ཀྱང་མ་བསླད་པར་རང་བབས་སུ་འཇོག་ཏུ་བཅུག་ལ། འོ་དེ་ལྟར་ཁྱེད་རང་གི་སེ…

གང་དུའང་མ་བསྒོམ་པར་འཇོག་པ་ནི། གདོད་མའི་སངས་རྒྱས་ཀུན་ཏུ་བཟང་པོའི་དགོངས་པའི་མཐིལ་ལྷག་གེར་བསྟན་པ་ཡིན་ཏེ། ཨོ་རྒྱན་རིན་པོ་ཆེའི་ཞལ་ནས། འོ་སྐལ་ལྡན་བུ་ཀུན་རྫོགས་པ་ཆེན་པོ་ཞེས་ཀྱང་བྱ། ཕྱག་རྒྱ་ཆེན་པོ་ཞེས་ཀྱང་བྱ། རིག་པའི་རྩལ་དབང་ཞེས་ཀྱང་བྱ། ལྷག་མཐོང་རྟོགས་པ་ཞེས་ཀྱང་བྱ། ལྟ་བ་ཁྲེགས་ཆོད་ལ་སོགས་པ་མིང་གི་རྣམ་གྲངས་དུ…

རྫོགས་པ་ཆེན་པོ་ཚིག་གསུམ་པའི་རྒྱུད་ལས། ཀྱཻ་གསང་བའི་བདག་པོ། །རང་གི་རིག་པ་འགག་པ་མེད་པར་ཝ་ལེར་གསལ་བ་འདི་སངས་རྒྱས་ཡིན་ནོ། །རང་གི་རིག་པ་འགག་པ་མེད་པར་གསལ་བ་འདི་དང་འབྲལ་བ་མེད་པའི་སངས་རྒྱས་ཆོས་སྐུ་བསྒོམ་དུ་མེད་དོ། །རང་གི་རིག་པ་ཝ་ལེ་བ་འདི་སངས་རྒྱས་ཡིན་པར་རང་གི་ངོ་ཤེས་པས་ཆོག་གོ །ཞེས་དང་། ཀུན་ཏུ་བཟང་པོ་ཀློང་དྲུ…

ཐིག་ལས། དྲི་མེད་དག་པའི་སངས་རྒྱས་ནི། །རང་རིག་ཆོས་སྐུ་འགྱུར་བ་མེད། །གསལ་ལེ་སང་ངེ་ཝ་ལེ་པ། །སྤྲིན་མེད་སྟོན་ཀའི་ནམ་མཁའ་བཞིན། །མི་འགྱུར་བརྟན་པ་རི་བོ་བཞིན་དུ་ཞོག །མི་གཡོ་དྭངས་པ་རྒྱ་མཚོ་བཞིན་དུ་ཞོག །ཡང་དོག་བྲལ་བ་ནམ་མཁའ་བཞིན་དུ་ཞོག །ཅེས་དང་། ཀུན་མཁྱེན་ཆེན་པོའི་ཞལ་ནས། ཨེ་མ་སྐལ་ལྡན་རིགས་ཀྱི་བུ། །ངང་དྭངས་རང་བཞི…