དང་དྲུག་ལས། དང་པོ་ལུས་ངག་ཡིད་གསུམ་གྱི་བྱ་བ་དགུ་ཕྲུག་ཏུ་གཏོང་ཚུལ་ནི། རྩ་བ་རྡོ་རྗེའི་ཚིག་རྐང་ལས། ཆོས་ཉིད་ཡིད་བྱེད་ཙམ་དུ་མ་ལུས་པར༔ མངོན་སུམ་རང་ཐོག་ཕབ་ནས་ཉམས་ལེན་པས༔ ཐབས་ནི་ལུས་ཀྱི་སྔོན་འགྲོ་བྱ་བ་གསུམ༔ འགྲོ་འདུག་བསྒུལ་བསྐྱོད་ཕྱག་དང་སྐོར་བ་གསུམ༔ ངག་གི་འཁྲུལ་གཏམ་བཟླས་བརྗོད་ཁ་ཏོན་གསུམ༔ ཡིད་ཀྱི་དུས་གསུམ་རྟོ…

རྟོག །ནང་བྱམས་དང་སྙིང་རྗེ། གསང་བ་ལྷའི་བསྐྱེད་རྫོགས་ཀྱི་སེམས་འཛིན་ཐམས་ཅད་སྤངས་ཏེ། རྟོག་མེད་ཀྱི་ངང་དུ་ལྷན་ནེ་གནས་པར་བྱའོ། །དེ་ལྟར་བྱ་བ་བཏང་བའི་དགོས་པ་ནི། ལུས་ཀྱི་བྱ་བ་བཏང་བའི་ལུས་དལ། ལུས་དལ་བས་རྩ་དལ། རྩ་དལ་བས་རླུང་སེམས་ཤིན་ཏུ་དལ། རླུང་སེམས་དལ་བས་རྣམ་རྟོག་རང་ཤུགས་ཀྱིས་འགགས་ནས་འོད་གསལ་ཡེ་ཤེས་མྱུར་དུ་འཆར…

རྩ་གནད་དུ་མ་འཆུན་ན་རླུང་གནད་དུ་མི་འཆུན། དེ་མ་འཆུན་ན་འོད་གསལ་མངོན་དུ་མི་གསལ་བའི་ཕྱིར། ལུས་ཀྱི་གནད་གཅེས་ཏེ། དེའི་ཚུལ་ནི། རྩ་བ་རྡོ་རྗེའི་ཚིག་རྐང་ལས། ཆོས་སྐུའི་བཞུགས་སྟངས་སེངྒེ་ལྟ་བུ་ཡིས༔ གྱེན་དང་ལོངས་སྐུའི་གཞུགས་སྟངས་གླང་ཆེན་ནི༔ ཉལ་བ་ལྟ་བུས་ཟུར་ཁྲིད་སྤྲུལ་པའི་སྐུ་ཡི༔ བཞུགས་སྟངས་དྲང་སྲོང་ཙོག་པུ་དག་གིས་ན…

མཁའ་ལ་མི་འགུལ་བར་བལྟ་བ་དང་། ལོངས་སྐུའི་བཞུགས་སྟངས་གླང་ཆེན་ཉལ་བ་ལྟ་བུ་ནི། སྟན་ཐོག་ཏུ་ལུས་ཁ་སྦུབ་ཏུ་པུས་བྲང་སྦྱར་ལ་གྲུ་མོ་གཉིས་ས་ལ་གཙུགས་ནས་ལག་མཐིལ་གཉིས་ཀྱིས་ཨོལ་ཀོ་བསྟེན་པའི་སོར་མོ་འགྲམ་པ་ལ་སྦྱར་ཞིང་། སྒལ་ཚིག་བསྲངས། མགོ་གྱེན་དུ་དགྱེ་བ་ཙམ་བྱས་ལ། མིག་ནམ་མཁའ་ལ་ཟུར་གྱིས་བལྟ། སྤྲུལ་སྐུའི་བཞུགས་སྟངས་དྲང་སྲ…

ཆེན་ལ། །རྣལ་འབྱོར་དག་ཏུ་བྱེད་པའོ། །ཆོས་ཀྱི་དབྱིངས་ལ་ལོངས་སྤྱོད་ཕྱིར། །ལོངས་སྐུའི་བཞུགས་སྟངས་བསྟུན་བྱས་པས། །འདིས་ནི་སྐུ་གསུམ་ཞིང་ལ་སྤྱོད། །ལུས་ཀྱི་ཚོགས་པ་དག་བྱེད་པ། །སྤྲུལ་པ་སྐུ་ཡི་བཞུགས་སྟངས་ཉིད། །སུ་ཡིས་ཤེས་པ་དེ་གནད་བསྟུན། །དེ་ཉིད་ལས་གྲོལ་འཚང་རྒྱའོ། །ཞེས་གསུངས་སོ། །གཉིས་པ་ངག་གི་གནད་ནི། དེ་ཡང་སྨྲ་བ་…

མཁའ་སྤྲིན་བྲལ་ལ་མ་ཡེངས་པར་བཞག་པས་དབྱིངས་རྣམ་དག་གི་སྒྲོན་མ་གསལ་སྟོང་ལྷག་གེ་བ་འཆར་ཏེ། ཀློང་གསལ་ལས། དེ་ལྟར་སེམས་ཀྱི་གནད་གཟིར་བས། །སྐུ་གསུམ་རིག་པ་སྟོང་པ་འཆར། །ཞེས་སོ། ༈ །གཉིས་པ་གནད་གསུམ་གྱིས་འོད་གསལ་ལ་བལྟ་བ་ནི། རྩ་བ་རྡོ་རྗེའི་ཚིག་རྐང་ལས། མིག་དང་ནམ་མཁའ་རིག་པ་གསུམ་མི་འབྲལ༔ ཞེས་དང་། ཐལ་འགྱུར་ལས། གནད་གསུམ་མ…

གསལ་བའི་ཟེར་གདངས་སྙིང་ནས་མིག་ཏུ་འབྲེལ་བའི་རྩ་དར་དཀར་གྱི་སྐུད་པ་ལྟ་བུའི་ནང་ནས་མིག་གི་སྒོར་འོད་རྩའི་ལམ་ནས་འཆར་བའི་ཆོས་སྐུའི་གཟིགས་སྟངས་གྱེན་དུ་གཙུག་ཏོར་གྱི་རྣམ་པར་བལྟ་བ། ལོངས་སྐུའི་གཟིགས་སྟངས་གཡོས་གཡོན་དུ་ཟུར་འཁྲིད་སྨྱུག་མ་བསྲོང་བ་ལྟ་བུ། སྤྲུལ་སྐུའི་གཟིགས་སྟངས་ཕྱེད་བཙུམ་ཅུང་ཟད་ཐུར་ལ་ཕབ་ནས་དྲང་སྲོང་བསམ…

གསུམ་པ་རླུང་རིག་གི་གནད་ནི། འདས་རྗེས་ལས། རླུང་གནད་ཤིན་ཏུ་དལ་ལ་བསླབ། །ཞེས་གསུངས་པས། རླུང་དལ་བར་མ་བརྟེན་ན། རླུང་གིས་རིག་པ་སྤུར་ནས་མི་ཟིན་པས་ཤིན་ཏུ་དལ་བར་བྱ་དགོས། རླུང་སྣ་ནས་མི་གཏོང་བར་མཆུ་སོ་གཉིས་མ་རེག་ཙམ་དུ་ཁ་ནས་དལ་བུས་ཕྱི་ནང་(དེ་ལ་ལྟ་སྟངས་བྱེད་དུས་རླུང་གནད་རབ་ཏུ་དལ་བ་ཕྱིར་བཟུང་བ་ནས་དྲངས་པ་འདིའི་ཁྱད་པ…

མེད་པར་སྡོད་པའོ། །རིག་པའི་གནད་ནི། རིག་པ་ལུ་གུ་རྒྱུད་དབྱིངས་དང་ཐིག་ལེའི་ར་བར་བཅུག་ནས་མི་འབྲལ་བར་བྱ་བ་ནི། རིག་པའི་གནད་དེ། ཀློང་གསལ་ལས། རིག་གནད་ལུག་རྒྱུད་བཙོན་(ལུ་གུ་རྒྱུད་ཀྱི་རྗེས་སུ་མི་འབྲེང་བར་དབྱིངས་ཀྱི་ནང་དུ་རིག་པ་གཏད་ནས་བལྟ་བར་བྱ་བ་ལ་)བཙོན་འཛིན་ཟེར་དུ་བཟུང་། །ཞེས་གསུངས་སོ། །དེ་ཡང་སྒོ་གསུམ་གྱི་འཁྲ…

ཞེས་སོ། །དེ་ལྟར་དབྱིངས་རྣམ་དག་གི་སྒྲོན་མ་ཤར་བའི་ནང་དུ་ཐིག་ལེ་སྟོང་པའི་སྒྲོན་མ། ཀོ་མོག་གི་ཆུ་ལ་རྡོ་བོར་བའི་རི་མོའི་རྣམ་པར། ཐིག་ལེ་ཟླུམ་པོ་འོད་ལྔའི་མུ་ཁྱུད་ལ་སོགས་པར་སྣང་ཞིང་། དེར་རྒྱངས་ཞགས་ཆུའི་སྒྲོན་མའི་གཟིགས་སྟངས་ཀྱིས་གཅུན་པས་ནང་གི་རིག་པ་ཤིན་ཏུ་དྭངས་ལ་ཡུལ་མེད་ཅིག་ཉམས་སུ་མྱོང་བ་དེ་ནི་ཤེས་རབ་རང་བྱུང་…

དབྱིངས་ནམ་མཁའ་ལ༔ དབྱིངས་ནི་རྣམ་པར་དག་པའི་ཐིག་ལེ་ལ༔ །འབེན་བཅས་རིག་པ་རྡོ་རྗེ་ལུག་རྒྱུད་ལ༔ གཟིགས་སྟངས་གསུམ་གྱི་མི་འགུལ་བར་བལྟ་སྟེ༔ དབྱིངས་ནི་རྣམ་པར་དག་པའི་སྒྲོན་མ་ནི༔ སྙིང་ནང་ཨ་ཝ་དྷུ་ཏིར་གནས་པ་དེ༔ དཀར་འཇམ་རྩ་ཡི་སྒྲོན་མ་ཞེས་བྱ་བ༔ དར་སྐུད་བརྐྱངས་བ་ལྟ་བུའི་ལམ་བརྒྱུད་ནས༔ ཐིག་ལེ་སྟོང་པའི་སྒྲོན་མ་ཉ་མིག་ལྟར༔ …

དུ་འཆར་བ་དེ་ཉིད་ལྟ་སྟངས་ཀྱིས་རིམ་པར་ཁྲིད་ནས་གོམས་སུ་བཅུག་པས་ནང་གི་རྩ་ཁམས་རྣམས་འོད་དུ་ཅི་ཙམ་དྭངས་སྟོབས་ཆེ་བ་དེ་ཙམ་དུ་དབྱིངས་རིག་སྨིན་མཚམས་ལས་འབྲལ་ནས་ཡུལ་རྐྱེན་ལ་ལྟོས་པ་ཇེ་ཆུང་ལ་སོང་ནས། སྣང་བ་བཞིའི་ཉམས་རྣམས་རིམ་གྱིས་འཕེལ་བར་འགྱུར་ལ། ཕྱིས་ཟད་པའི་ས་ལ་བསྐྱེལ་དགོས་ཏེ། ཚིག་དོན་རིན་པོ་ཆེའི་མཛོད་ལས། ཐོད་རྒལ་…

དམིགས་རིམ་ཕོག་ལ། དེ་ནས་གསོལ་བ་འདེབས་པ་ནི། ཨེ་མ་ཧོ༔ རང་བཞིན་སྐྱེ་བ་མེད་པའི་མཁའ་ཀློང་ནས༔ ཆོས་སྐུ་ཀུན་བཟང་ཡབ་ཡུམ་ལ་གསོལ་བ་འདེབས༔ ཁྲེགས་ཆོད་ཐོད་རྒལ་ལྟ་བསྒོམ་མཐར་ཕྱིན་ནས༔ སྣང་བཞིའི་ཡེ་ཤེས་འཆར་བར་བྱིན་གྱིས་རློབས༔ མ་འདྲེས་མདངས་རྩལ་འགག་མེད་ཞིང་ཁམས་ནས༔ ལོངས་སྐུ་རྡོ་རྗེ་སེམས་དཔའ་ལ་གསོལ་བ་འདེབས༔ ཁྲེགས་ཆོད་ཐོད་…

ཡུལ་པདྨ་བཀོད་ཀྱི་ཞིང་ཁམས་སུ༔ མ་གཅིག་ཡེ་ཤེས་མཚོ་རྒྱལ་ལ་གསོལ༴ ཁྲེགས་ཆོད་ཐོད༴ སྣང་བཞིའི་ཡེ་ཤེས༴ ཌཱ་ཀྐིའི་ཚོགས་ཁང་གཏེར་སྒྲོམ་ཕུག་པ་རུ༔ རླངས་ཆེན་དཔལ་གྱི་སེངྒེ་ལ་གསོལ་བ་འདེབས༔ ཁྲེགས༴ སྣང་བཞིའི༴ འཕྲིན་ལས་རྣམ་བཞིས་འགྲོ་འདུལ་ཞིང་ཁམས་སུ༔ ཀུན་བཟང་བདེ་ཆེན་རྒྱལ་པོ་ལ་གསོལ་བ་འདེབས༔ ཁྲེགས་ཆོད༴ སྣང་བཞིའི༴ ཁྱད་པར་ཀ་ད…

གཞོན་ནུ་བུམ་པ་སྐུའི་བདག་ཉིད་ཅན་དུ་ཡེ་ནས་གསལ་འགྲིབ་མེད་པར་བཞུགས་པ། སྒོ་གསུམ་གནད་ཀྱིས་གཞི་བཟུང་། གནད་གསུམ་གྱིས་བལྟས་པས་དེ་ཉིད་རྩ་ཀ་ཏི་ཤེལ་བུག་ཅན་ནས་རྒྱངས་ཞགས་ཆུའི་སྒྲོན་མ་ནས། ཕྱིའི་དབྱིངས་ནམ་མཁའ་སྟོང་པ་མེད་ལོང་དང་འདྲ་བར། ནང་དབྱིངས་རྣམ་པར་དག་པའི་སྒྲོན་མ་བྱད་འདྲ་བ་འཇའ་ཚོན་ལྟ་བུར་ཤར་བ་འདིའོ། དེའི་ནང་དུ་ཐ…

རང་གི་རིག་རྩལ་སྐུ་ལྔར་ཤར། །རྣམ་སྣང་མི་བསྐྱོད་རིན་ཆེན་འབྱུང་། །སྣང་མཐའ་དོན་ཡོད་གྲུབ་པར་ཤར། །ཞེས་པས། རིག་པའི་ཡེ་ཤེས་འོད་གསལ་ཆེན་པོར་སྣང་བས་རྣམ་པར་སྣང་མཛད། འོད་གསལ་དེ་ཉིད་འཕོ་འགྱུར་མེད་པས་མི་བསྐྱོད་རྡོ་རྗེ། དེ་ཉིད་འཕེལ་ཆ་དང་བཅས་པས་རིན་ཆེན་འབྱུང་ལྡན། འོད་ཀྱི་སྣང་བ་ཚད་མེད་པའི་སྣང་བ་མཐའ་ཡས། འོད་ལྔ་ལྷུན་གྲ…

དང་བྲལ་བ་ཆོས་དབྱིངས་ཡེ་ཤེས་སོ། །གཞི་དེ་ཉིད་ས་ལེ་སང་ངེ་བསྒོམ་པ་ལམ། དེ་མཐར་ཕྱིན་ནས་སྣང་སྲིད་འོད་གསལ་དུ་གསལ་དུས་འབྲས་བུའོ། །རང་ཤར་ལས། དེ་བཞིན་གཤེགས་པའི་རིགས་དང་ནི། །རྡོ་རྗེ་དང་ནི་རིན་ཆེན་རིགས། །པདྨའི་རིགས་དང་ལས་ཀྱི་རིགས། །ཞེས་པས། འོད་གསལ་ཡེ་ཤེས་དང་དེ་བཞིན་གཤེགས་པ་ཐམས་ཅད་ཀྱི་གཤེགས་ཤུལ་ཡིན་པས་དེ་བཞིན་གཤེ…

དང་བྲལ་བར་བསྒོམ་པ་ལམ། འབྱུང་བའི་ཁམས་དབྱིངས་སུ་དག་པ་འབྲས་བུའོ། །རང་ཤར་ལས། རིག་པ་རླུང་ལྔའི་རང་བཞིན་དུ། །སེམས་ཅན་ཀུན་ལ་གནས་པའོ། །ཞེས་པས། འོད་གསལ་གྱི་སྣང་བ་འདི་རྣམས་ཡེ་ཤེས་ཀྱི་དྲོད་དང་མ་བྲལ་བས་མེ་དང་མཉམ་པའི་རླུང་། འཁོར་འདས་ཀྱི་སྲོག་འཛིན་པས་སྲོག་འཛིན་གྱི་རླུང་། དེ་ཉིད་ལ་གོམས་པས་འཁོར་འདས་སོ་སོར་དབྱེ་བས་དྭ…

འོད་སྣང་འགྲོ་འོང་དང་བཅས་པ་བསྐྱོད་པས་བསྐྱོད་པའི་ཤེས་རབ། དེ་ཉིད་རྟོགས་ན་འཁོར་བ་ལས་སྒྲོལ་བས་སྒྲོལ་བའི་ཤེས་རབ་སྟེ། གཞི་དེ་ཉིད་བསྒོམ་པ་ལམ། མཐར་ཕྱིན་པ་འབྲས་བུའོ། །ཀློང་གསལ་ལས། སྟོང་གསལ་རིག་པའི་ཡེ་ཤེས་ནི། །མཁའ་འགྲོ་རྣམ་པ་ལྔ་དང་ལྡན། །ཞེས་པས་འོད་མཐིང་ག་སངས་རྒྱས་མཁའ་འགྲོ། དཀར་པོ་རྡོ་རྗེ་མཁའ་འགྲོ། སེར་པོ་རིན་ཆ…

ནི། ཤེས་རབ་ཀྱི་ངོ་བོ་ཀ་དག་ཁྲེགས་ཆོད་ཀྱི་དོན་དང་། རིག་པའི་རང་བཞིན་འོད་གསལ་གྱི་སྣང་བ་ནི། ཐབས་ལྷུན་གྲུབ་ཐོད་རྒལ་གྱི་དོན་ཏེ། དོན་ལ་སྣང་སྟོང་འདུ་འབྲལ་མེད་པ་ཡིན་ཏེ། ནོར་བུ་ཕྲ་བཀོད་ལས། དབྱིངས་ཀྱི་རང་བཞིན་ཤེས་རབ་སྐུ། །རིག་པའི་རང་བཞིན་ཐབས་ཀྱི་སྐུ། །འདུ་འབྲལ་མེད་པའི་ཚུལ་དུ་གནས། །ཞེས་གསུངས། དེ་ལྟར་སྣང་བ་དེ་ཡང་…