ཐོངས། ཉིན་རེ་བཞིན་ཕྱག་མཆོད་དང་སྐོར་བ་མ་ཎི་ལ་སོགས་པའི་ཁ་ཏོན་ལ་བརྩོན། དུས་རྒྱུན་དུ་མ་གྱུར་སེམས་ཅན་ལ་བྱམས་སྙིང་རྗེ་ཕན་སེམས་སྦྱོངས་དང་། གནས་སྐབས་སུ་ལྷ་མིའི་གོ་འཕང་ཐོབ་ནས་བདེ་ཞིང་མཐར་ཐུག་སངས་རྒྱས་ཀྱི་གོ་འཕང་འཐོབ་ངེས་པས། དེས་ན་མི་ལུས་ཐོབ་པ་དམ་པའི་ཆོས་ཀྱི་སྒོ་ནས་དོན་ལྡན་རེ་མཛོད་ཅིག་ཅེས་མགུར་དབྱངས་འདི་བླངས་…

ཕན་ཞིང་ཕུགས་སུ་བདེ་བ་སྟེར། །དོན་དེ་ཕྱིར་ཉི་མ་རེ་རེ་བཞིན། །ལས་དགེ་བ་ཆུང་ངུ་ཡིན་ཡང་སྒྲུབས། །དུས་རྒྱུན་དུ་མ་གྱུར་སེམས་ཅན་ལ། །བྱམས་སྙིང་རྗེ་ཕན་པའི་སེམས་སྦྱོངས་དང་། །དུས་གནས་སྐབས་བདེ་ཞིང་སྐྱིད་པ་དང་། །མཐར་སངས་རྒྱས་གོ་འཕང་འཐོབ་པར་འགྱུར། །གླུ་འདི་ཉིད་བླངས་པའི་དགེ་ཚོགས་རྣམས། །མ་འགྲོ་བ་ཡོངས་ལ་ཕན་ཕྱིར་བསྔོ། །…

འདུ་ཁང་ལ་རྡོ་བརྩིགས་བརྒྱབ། རྡོ་བཟོ་ཤིང་བཟོ་སོགས་ལས་བྱེད་པ་རྣམས་ཀྱི་ལྟོ་ཆས་ལ་རྐྱལ་མར་ཆེ་ཆུང་བཅུ། ཇ་ལན་ཆེན་གསུམ། ཕྱེ་རྩམ་དོ་བོ་ལྔ་བཅུ། ཡོན་ལ་དངུལ་སྲང་ལྔ་བཅུ་ཙམ་གྱི་རྒྱུ་ནོམ་པ་བྱིན་པས་དགའ་སོང་། དེའི་དབྱར་ཁ་ལྔ་བའི་ནང་ལ་སྔོན་ལས་ངན་པ་དང་འཕྲལ་རྐྱེན་གྱོད་འདྲེ་ངན་པ་མི་འགའ་རེའི་སྙིང་ལ་ཞུགས་ནས། རོང་བོ་དང་བླ་བྲ…

འབབ་པ་འདི། །གཟིགས་ནས་ཐུགས་ཀྱིས་བཟོད་དམ་སྙིང་རྗེ་གཏེར། །སྐྱབས་མགོན་ཡིད་བཞིན་ནོར་བུ་མེད་ཤུལ་དུ། །དད་ལྡན་ལྟོས་བཅས་རེ་བ་སུ་ཡིས་སྐོང་། །ཀྱེ་མ་ཀྱེ་ཧུད་གདུལ་བྱ་སྙིང་རྗེ་ནས། །སླར་ཡང་སྤྲུལ་སྐུ་འབྱོན་པར་མཛད་དུ་གསོལ། །བདག་ཀྱང་དེང་ནས་བྱང་ཆུབ་མ་ཐོབ་བར། །ཚེ་རབས་ཀུན་ཏུ་སྐུ་ཡི་གྲིབ་མ་བཞིན། །རྗེས་སུ་འབྲངས་ཤིང་གསུང་ག…

ཉོན་མོངས་གཞན་གྱི་དབང་གྱུར་པའི། །སྤྲང་རང་ཉིད་འཆི་བ་སྨོས་ཅི་དགོས། །དོན་དེ་ཕྱིར་མདོ་མེད་སྙོམས་ལས་པ། །རྗེ་སྐྱབས་མགོན་ཞིང་གཞན་གཤེགས་པ་འདི། །ཆོས་མི་རྟག་སྟོན་པའི་སློབ་དཔོན་དུ། །རང་ཤེས་པར་གྱིས་ལ་ཉམས་ལེན་རེམས། །ཆོས་ཉམས་སུ་ལེན་ན་མང་མི་དགོས། །མཆོག་སངས་རྒྱས་གོ་འཕང་འཐོབ་པའི་ཕྱིར། །ལུས་ལྷར་བསྒོམ་ངག་གིས་བཟླས་བརྗོད…

མའི་ཐུགས་དམ་གྱི་མཐིལ། གཅིག་ཤེས་ཀུན་གྲོལ་འོད་གསལ་ཕྱག་རྒྱ་ཆེན་པོའི་གནད་ཀྱི་གདམས་ངག་ཅིག་གནང་དུ་གསོལ་ཞེས་སླར་ཡང་ཞུ་དོན་གླུ་རུ་ཕུལ་བ། བསླབ་པ་གསུམ་དང་རིམ་གཉིས་ཀྱི། །རྟོགས་པའི་ཆོས་ཀྱི་ནོར་བུའི་གཏེར། །སྡེ་སྣོད་གསུམ་དང་རྒྱུད་སྡེ་བཞིའི། །ལུང་གི་ཆོས་ཀྱི་ནམ་མཁའི་མཛོད། །མཁས་གྲུབ་གཉིས་འཛོམ་ཁྱེད་འདྲ་བ། །དེང་སང་འཛམ…

ཞིང་བདག་མེད་པ་སྤྲོས་པའི་མཐའ་དང་བྲལ་བ་ནམ་མཁའ་ལྟ་བུ། ཚུར་ལས་བཟང་ངན་གྱི་རྒྱུ་རྐྱེན་རྟེན་འབྲེལ་སྣ་ཚོགས་ལ་བརྟེན་ནས་སྣང་བ་རྣམས་ནམ་མཁའི་འཇའ་ཚོན་ཆུ་ནང་གི་ཟླ་བ། མེ་ལོང་ནང་གི་གཟུགས་བརྙན་བཞིན་སྣང་བཞིན་དུ་སྟོང་། སྟོང་བཞིན་དུ་སྣང་། སྣང་སྟོང་སྒྱུ་མ་རྨི་ལམ་ལྟ་བུ་འདི་སེམས་ཀྱིས་བྱས། སེམས་སུ་སྣང་། སེམས་ཀྱི་རྣམ་རོལ། ས…

རང་ངོ་མ་འཕྲོད་འཁོར་བར་འཁྱམས། །ངོ་འཕྲོད་ན་ཚེ་རབས་ཀུན་ཏུ་བདེ། །འདི་བཀའ་བརྒྱུད་གོང་མས་རྗེན་པར་གཟིགས། །གཞན་འོ་སྐལ་རྣམས་ཀྱིས་ངོས་མ་ཟིན། །རྗེ་བླ་མ་མཁས་པས་ངོ་སྤྱད་ན། །སེམས་སྟོང་གསལ་འཛིན་མེད་ངོ་བོ་དེ། །དཔེ་སྤྲོས་བྲལ་ནམ་མཁའ་ལྟ་བུར་མཐོང་། །དེའི་ངང་ལ་མཉམ་པར་འཇོག་ནུས་ན། །ལས་ཉོན་མོངས་རྟོགས་ཚོགས་སྤྲིན་ལྟར་དྭངས། །…

ལ། །མ་རྟོགས་འགྲོ་བ་ལ་སྙིང་རྗེ། །སྒོམས་ལ་ཕན་ཐོགས་རང་མཛོད་ཅིག །འདི་ཉིད་མཐོང་ཐོས་ཀྱི་འགྲོ་རྣམས། །འཆི་བ་ཆོས་སྐུ་རུ་གྲོལ་ནས། །གཟུགས་སྐུ་རྣམ་གཉིས་ཀྱི་འགྲོ་དོན། །དཔག་མེད་འབྱུང་བར་རང་སྨོན་ནོ། །ཞེས་བླངས་པས་གཉིས་ཀར་བློ་བསྐྱེད་ཆེན་པོ་བྱུང་། རྗེས་སུ་ཚེ་བློས་བཏང་ནས་རི་ཁྲོད་དབེན་པའི་གནས་སུ་གཅིག་པུར་ཉམས་སུ་བླངས་པས…

འོད་གསལ་ཉི་མ་ཡི་འོད་ཀྱིས་འཛམ་གླིང་ཀུན་ཁྱབ་བཞིན། །རྟོགས་ལྡན་རྣལ་འབྱོར་ངའི་སྙིང་རྗེས་འགྲོ་ཀུན་ལ་ཁྱབ་སོང་། །སྐྱི་བསེར་རླུང་པོ་ཁོ་ཆགས་མེད་བར་སྣང་ལ་རྒྱུ་བཞིན། །བྱ་བཏང་རྣལ་འབྱོར་ང་ཕྱོགས་མེད་འགྲོ་དོན་ལ་ཆས་འགྲོ། །འཁྲུལ་ཞིག་རྣལ་འབྱོར་ང་བཀའ་བརྒྱུད་གོང་མ་ཡི་བུ་རྒྱུད། །རྣར་སྙན་ཡིད་འབབ་ཀྱི་ཉམས་མགུར་འདི་འདྲ་རང་བླ…

ཤར་བྱུང་། འོ་སེམས་ཉིད་མཁའ་ལས་ཡངས་པའི་རྣལ་འབྱོར་པ་ཡངས་ཡན་པ་བློ་བདེ་ཞབས་དཀར་པ་རང་ཉིད་སྐབས་ཤིག། ཀུན་གསལ་ཆོས་དབྱིངས་བདེ་བ་ཆེན་པོ་ཟེར་བའི་རི་མཐོན་པོ་ཞིག་གི་རྩེར་ཕྱིན་ནས། ཁམས་བསང་བྱས་ཕྱོགས་ཐམས་ཅད་ལ་ལྟད་མོ་བལྟས་པས། འཁོར་འདས་ཀྱི་ལྟད་མོ་ཅི་ཡང་མཐོང་ཞིང་། ཉིན་ཅིག་མངོན་མཐོ་ལྷ་མི་འཚོགས་པའི་སྐྱེད་ཚལ་ཉམས་དགའ་བ་ཞིག…

ཆོས་ཤིག་མཛོད་ཨང་། །ཞེས་སྨྲས་པའི་ལན་དུ། གཞོན་ནུ་ན་རེ། སྔོན་ཆད་མི་ཞིག་རྒྱས་ཤིང་། །འཆི་རྒྱུ་མེད་པ་ཨེ་མཐོང་། །ཕྱིན་ཆད་རྒས་ནས་འཆི་རྒྱུ། །མེད་པའི་མི་འདྲ་ཨེ་ཡོང་། །ཞེས་སྨྲས་པའི་ལན་དུ། མི་རྒན་ན་རེ། མི་ངས་འཇིག་རྟེན་ཁམས་འདིར། །རྒས་ནས་འཆི་རྒྱུ་མེད་པ། །སྔོན་ནས་ད་བར་མ་མཐོང་། །ཕྱིན་ཆད་མཐོང་བར་མི་འགྱུར། །དེ་ཕྱིར་ག…

དེ་ནས་རྡོ་རྗེ་ཐེག་པའི། །དབང་ཞུས་དབང་དུས་ཁས་བླངས། །སྡོམ་པ་དམ་ཚིག་བསྲུང་ལ། །བསྐྱེད་རྫོགས་གཉིས་ཀྱི་ཉམས་ལེན། །ཁྱད་པར་རྫོགས་རིམ་མཐར་ཐུག །འོད་གསལ་ཕྱག་ཆེན་སྒོམས་དང་། །ཚེ་གཅིག་ལུས་གཅིག་པོ་ལ། །རྫོགས་པའི་སངས་རྒྱས་ཐོབ་ངེས། །མི་རྒན་ང་ནི་ཚེ་འདིར། །དེ་འདྲ་ཅན་པོ་མ་རེད། །མ་ཎི་ཆ་རེ་འདོན་དང་། །ཕྱི་མར་དེ་ཀས་ཕན་ཟེར། །ད…

བྱུང་བར་གྱུར་ཏོ། །ཞེས་རྒན་གཞོན་གཉིས་ཀྱི་གཏམ་ངོ་མཚར་སེམས་ཀྱི་རི་མོ་ཞེས་བྱ་བ་འདི་བྲིས་ནས། སློབ་མ་ཡོན་བདག་ཡོངས་ལ་བསྟན་པས་ཀུན་གྱི་སེམས་ལ་གོ་རྒྱུ་ཆེན་པོ་བྱུང་། ཡང་བློ་ལྡན་བུ་ཆེན་པདྨ་ཀུན་གྲོལ་གྱིས་ཞལ་གདམས་དགོས་ཞེས་ཞུ་དོན་ཚིགས་སུ་བཅད་ནས་ཕུལ་བ། མཆོག་ཐུན་དངོས་གྲུབ་ཀུན་སྩོལ་བའི། །བླ་མ་ཡི་དམ་དཀོན་མཆོག་གསུམ། །མ…

སྐལ་བཟང་ལས་འཕྲོ་ཅན་གྱིས་ཚེ་བློས་བཏང་ནས་རི་ཁྲོད་དབེན་པའི་གནས་སུ། མཚན་ལྡན་གྱི་བླ་མའི་གསུང་བཞིན་དལ་འབྱོར་རྙེད་དཀའ། འཆི་བ་མི་རྟག་པ་ལས་འབྲས་འཁོར་བའི་ཉེས་དམིགས་རྣམས་བསམས་ནས། སྐྱབས་འགྲོ་སེམས་བསྐྱེད་ཡིག་བརྒྱ་མཎྜལ་བླ་མའི་རྣལ་འབྱོར་བསྒོམ་པ་རྣམས་སྔོན་དུ་བཏང་ནས། དངོས་གཞི་རང་ལ་སྔར་བླ་མས་སེམས་ངོ་སྤྲད་པ་ལྟར། སྣང་ག…

བུ་ཡི། །རྗེ་བླ་མར་དད་གུས་རབ་ཆེ་བའི། །བུ་བསམ་དོན་ཆོས་བཞིན་འགྲུབ་རྒྱུ་བོ། །ཁྱོད་འདི་འདྲའི་ཡིད་སྨོན་གྱིས་ཤིག་ཨང་། །དཔེ་སྤྲིན་བྲལ་ནམ་མཁའི་དབྱིངས་རུམ་ནས། །འོད་རབ་གསལ་ཉི་མ་ཤར་བ་བཞིན། །སེམས་སྐྱེ་མེད་སྤྲོས་བྲལ་ངང་ཉིད་ལས། །ཕྱོགས་ཀུན་ཁྱབ་སྙིང་རྗེ་ཤར་ན་ཨང་། །དཔེ་མཐོ་ལ་ཡངས་པའི་ལྷ་ལམ་ལ། །བྱ་རྒོད་པོས་གཤོག་རྩལ་སྦྱ…

བཞི་སྟོང་གསུངས། །གསུང་བཞིན་ཀུན་གྱིས་སྒྲུབ་དཀའ་ཡང་། །མགོན་ཁྱོད་ངེས་འབྱུང་གོ་ཁྲབ་གྱོན། །བྱང་ཆུབ་སེམས་ཀྱི་སྙིང་སྟོབས་བསྐྱེད། །ཡང་དག་ལྟ་བའི་མདུང་རིང་ཐོགས། །རི་ཁྲོད་དབེན་པའི་ཐང་ཐོག་ནས། །བདག་འཛིན་ཉོན་མོངས་དགྲ་ལ་འཐབ། །ཐམས་ཅད་ཆོས་ཀྱི་དབྱིངས་སུ་བསྒྲལ། །རྒྱབ་རྟེན་རྩ་གསུམ་ལྷ་རྣམས་ཀྱིས། །ཉོན་མོངས་གཡུལ་རྒྱལ་རྔ་ཆ…

མགུར་དབྱངས་འདི་བླངས་སོ། །མདོ་སྔགས་ཆོས་ཀྱི་མཚོན་ཐོགས་ནས། །ཉོན་མོངས་དགྲ་ནམས་འཇོམས་མཛད་པའི། །བླ་མ་རྒྱལ་སྲས་དཔའ་བོ་ལ། །གསོལ་བ་འདེབས་སོ་བྱིན་གྱིས་རློབས། །རི་མགོའི་ཕ་བོང་ཐོ་བ་ཡིས། །བཅོས་ནས་མར་ལ་འཕེན་པ་ལྟར། །མདོ་ལུགས་པ་ཡིས་ཉོན་མོངས་པ། །གཉེན་པོས་སྤངས་ནས་གྲོལ་བར་བྱེད། །ཕ་བོང་སྟེང་དུ་མེ་སྦར་བསྲེགས། །ཆུ་བླུགས་…

མོངས་ཐུལ་བ་ཉུང་བར་གདའ། །ཟབ་ཆོས་མང་རུང་ཉོན་མོངས་པའི། །གཉེན་པོར་འགྲོ་བ་དཀའ་མོར་གདའ། །དེ་ཕྱིར་སྐལ་ལྡན་སློབ་བུ་ཁྱོད། །ཉོན་མོངས་དགྲ་བོ་འབུར་འཇོམས་གྱིས། །གླུ་འདི་ཐོས་ཚད་ཆོས་པ་ཡིས། །ཉོན་མོངས་དགྲ་ཀུན་ཐུལ་བར་ཤོག །ཅེས་བླངས་པས་ཀུན་གྱི་རྒྱུད་ལ་ཕན་ཐོགས་པ་བྱུང་། ཡང་མི་བསྐྱོད་རྡོ་རྗེས། ཁོ་བོ་ལ་ངེས་དོན་ཟབ་མོའི་ཞལ་ག…

ནས། །རྣམ་མཁྱེན་སངས་རྒྱས་མྱུར་ཐོབ་ཤོག །ཅེས་ཕུལ་བའི་ལན་དུ། འོ་སྐལ་ལྡན་བུ་མྱུར་དུ་མངོན་པར་རྫོགས་པར་སངས་རྒྱས་པར་འདོད་པའི་གང་ཟག་དབང་པོ་ཡང་རབ་རྣམས་ཀྱིས་ཚེ་བློས་བཏང་ནས། མཚན་ལྡན་གྱི་བླ་མ་བསམ་དང་སྦྱོར་བས་ཚུལ་བཞིན་དུ་བསྟེན་ཏེ། ལམ་ཐུན་མོང་བ་དང་ཐུན་མོང་མ་ཡིན་པའི་རིམ་པས་རྒྱུད་སྦྱངས་པ་སྔོན་དུ་བཏང་ནས། དངོས་གཞི་སྐྱ…