སྣང་ཆེར་སོང་ངོ་། །ཡང་རེབ་གོང་གྱོད་ཁ་མཆུ་བྱེད་མཁན་རྣམས་ལ་ཁ་ཏ་འདི་ལྟར་བྱས། འོ་ཁྱེད་རྣམས་ཀྱིས་ཉན་རྒྱུ་དེ་ལ། ཡུལ་གྱི་བཀྲ་མི་ཤིས་པ་གསུམ་ནི། ནད་ཡམས་དང་། མུ་གེ། འཐབ་རྩོད་གསུམ་ཡིན། འཐབ་རྩོད་བྱས་ཕྱིན་ཆད་གྱོད་པ་ཕན་ཚུན་སུ་ཡིན་ཡང་། ཞིང་ལས་འཚོ་སྐྱོང་། ཁེ་ཚོང་སོགས་སོ་ནམ་གྲོང་རྒྱ་རེམ་པོ་རྣམས་ཤོར་ཡོང་བས་དེའི་ཞོར་ལ་…

མང་པོ་ཚོ་སོམས་དང་། བསམ་ཤེས་ཚོ་ཞེས་བཤད་ནས། སླར་ཡང་ཚིགས་སུ་བཅད་ནས་སྨྲས་པ། རྗེ་བླ་མ་རྣམས་ལ་གསོལ་བ་འདེབས། །གྱོད་ཁ་མཆུ་འགྲིགས་པར་བྱིན་གྱིས་རློབས། །སྤྱོད་མ་བྱས་བློ་ཁ་ཚེར་ལས་རྩུབ། །གྱོད་བྱས་ན་བློ་ཕུགས་ཆུ་ལས་གྲང་། །ཁྱོད་ཉལ་སྔས་རྡོ་དང་ཉལ་ཕུག་ཆུ། །གྱོད་ཡུལ་ངན་གཉིས་ཀ་ཞེ་རེ་ནག །གྱོད་བྱས་པས་མི་ཕུང་བདག་བརླག་ཡོང་།…

ཆེན་མཁར་གོང་དུ་འོང་དད་བརྩོན་ཤེས་རབ་སྙིང་རྗེ་སོགས་སློབ་མའི་མཚན་ཉིད་ཚང་བའི་བྱ་བྲལ་རི་ཁྲོད་པ་འཇམ་དབྱངས་རྒྱ་མཚོས། ངེད་དཔོན་སློབ་མང་པོ་ལ་ཞག་བདུན་གྱི་འཚོ་བ་ཕུལ་ནས་ཁོ་བོ་ལ་བདག་འཛིན་ཉོན་མོངས་པ་ཐམས་ཅད་གཅིག་ཆར་དུ་འཇོམས་པའི་ཐོ་བ་ལྟ་བུའི་ཕྱག་རྒྱ་ཆེན་པོའི་གནད་ཀྱི་གདམས་པ་ཟབ་མོ་ཞིག་དགོས་ཞེས་ཞུ་དོན་གླུ་རུ་ཕུལ་བ། གྲ…

བཏུད་དེ་གསོལ་བ་འདེབས་པའི་དོན། །བདག་ལ་བརྩེ་བ་ཆེན་པོའི་སྒོས། །ངེས་དོན་གདམས་པ་བསྟན་དུ་གསོལ། །དེང་ནས་ཚེ་རབས་ཐམས་ཅད་དུ། །འདུ་འབྲལ་མེད་པའི་སྐྱབས་འཇུག་ཞུ། །ཞེས་ཕུལ་བའི་ལན་དུ། འདི་སྐད་ཅེས་སྨྲས། འོ་དེ་ཡང་སྐྱེས་བུ་རྩལ་སྟོབས་ཆེ་བ་མང་པོས་ནམ་མཁའི་མཐའ་འཚོལ་བའི་ཕྱིར། བསྐལ་པ་གངྒཱའི་ཀླུང་གི་བྱེ་མ་སྙེད་ཀྱི་གྲངས་ལས་འད…

ཆོས་དབྱིངས་གཟིགས་མོའི་རྒྱངས་གླུ་འདི་བླངས་སོ། །དབྱིངས་རིག་དབྱེར་མེད་ཆོས་ཀྱི་སྐུ། །ནམ་མཁའ་ལྟ་བུའི་ངང་ཉིད་ལས། །འཇའ་ཚོན་བཞིན་དུ་གཟུགས་སྐུ་འབྱུང་། །འགྲོ་དོན་མཛད་པ་རྣམས་ལ་འདུད། །ཆོས་ཀུན་གནས་ལུགས་ཆོས་ཀྱི་དབྱིངས། །མཐའ་བྲལ་ནམ་མཁའ་ལྟ་བུར་གནས། །གདོད་ནས་དག་པའི་རང་རིག་ཉིད། །སྟོང་གསལ་ཀུན་ལ་ཁྱབ་པར་གདའ། །དབྱིངས་རིག…

དུས་ཙ་ན། །མཉམ་གཞག་ངང་ནས་འཁོར་འདས་ཀྱི། །ལྟད་མོ་ཐམས་ཅད་མཐོང་བ་ཡིན། །ངས་ཀྱང་ཉམས་ལེན་དེ་ལྟར་བྱས། །རྗེས་འཇུག་རྣམས་ཀྱང་དེ་བཞིན་མཛོད། །གླུ་འདི་ཐོས་ཚད་ཐམས་ཅད་པོ། །ཆོས་ཀྱི་དབྱིངས་སུ་འཚང་རྒྱ་ཤོག །ཅེས་བླངས། དེ་ནས་མར་རོང་བོའི་དགོན་པར་འོང་ཞག་མང་པོར་བསྡད། དེ་དུས་མགོ་ལོག་ཕྱོགས་ནས་ཡིན་པའི་མཁས་བཙུན་བཟང་གསུམ་འཛོམ་ཞིང…

གནས་སྐབས་དང་མཐར་ཐུག་གི་ཡིད་ལ་སྨོན་པའི་གནས་རྣམས་དེ་དེ་བཞིན་དུ་འགྲུབ་པའི་བསྔོ་སྨོན་ཡང་དག་བྱས། འབྱོར་ལན་རྣམ་མགུར་སོགས་གསུང་འབུམ་ཁ་ཤས་ཕུལ། དངོས་པོ་དེ་དག་རྣམས་ཀྱང་ནང་དུ་མ་བཞག་པར་དངུལ་རྡོ་ཚད་ལྔའི་ནང་ནས་གཅིག་རོང་བོའི་དགོན་ཆེན་ལ་ཕུལ། གཞན་བཞི་བོ་དངུལ་སྲང་ལྔ་དང་བཅུ་ལ་སོགས་པ་བྱས་ནས་དགོན་པ་གཞན་རྣམས་ལ་ཕུལ། རྡོ་ཚ…

བཞིན་དུ་བསྟེན་ནས་དམ་པའི་ཆོས་ལ་ཐོས་བསམ་སྒོམ་གསུམ་བྱས་ཏེ། མཐར་སངས་རྒྱས་པའི་རྒྱུ་རུ་དམིགས་ནས་བསྔོ་སྨོན་རྒྱ་ཆེན་པོ་བྱས་སོ། །ཡང་དམག་འཁྲུག་བརྒྱབ་ནས་རྒྱལ་ཁམས་ཕུང་ལ་གཏོང་བ་རྣམས་ལྷ་ལ་གཉེར་གཏད་འདི་ལྟར་བྱས། ཧཱུྃ་མི་མངོན་དབྱིངས་ན་བཞུགས་པའི་ཞི་ཁྲོའི་ལྷ། །བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས། །བསྐུལ་ལོ་བསྐ…

བྱང་ཆུབ་སེམས་ཀྱི་བདག་པོ་སློབ་དཔོན་ཞི་བ་ལྷ་ལ་གསོལ་བ་འདེབས་བཞིན་སྤྱོད་འཇུག་དང་དེའི་འགྲེལ་བ་རྒྱལ་ཚབ་རྗེའི་གསུང་བཞིན། བྱང་ཆུབ་ཀྱི་སེམས་ལ་བློ་སྦྱངས་པས། བདག་པས་གཞན་གཅེས་ཀྱི་བློས་ཁེ་དང་རྒྱལ་ཁ་གཞན་ལ་སྟེར་ཞིང་། གྱོང་དང་ཕམ་ཁ་རང་གིས་ལེན་པ་ལ་སྔར་བས་སྙིང་སྟོབས་ཆེ་བ་བྱུང་། ས་བྱ་ལོའི་ཟླ་བ་བཞི་བ་བར་དུ་མཚམས་བྱས་ནས་བ…

ལྷ་བཟོས་གཟིམ་ཁང་ནང་དུ་ངའི་འདྲ་སྐུ་མི་ཚད་ལས་ལྷག་ཙམ་ཞིག་དང་། གཞན་སྐུ་འདྲ་མང་པོ་བཞེངས། ནང་རྟེན་གཟུངས་གཞུག་རྣམས་ཉང་གི་མཚམས་པས་ཕུལ། ནང་ཐམས་ཅད་སྐུ་གསུང་ཐུགས་རྟེན་གྱིས་བཀང་། ཕྱི་ན་བལྟ་རྒྱུ་དང་། ནང་ན་མཇལ་རྒྱུ་ཡོད་པ་བྱས། དེ་རྣམས་ཀྱི་གསེར་ཚོན་གྱི་རིན་ལ། དངུལ་སྲང་བརྒྱ་དང་བཅུ་གསུམ་སོང་། གཞན་འབག་བཟོ་ལྷ་བཟོ་ཤིང་བ…

པས། དེར་འཚོགས་པ་ཐམས་ཅད་ཀྱིས་རྗེས་སུ་ཡི་རང་བྱས་སོ། །དེ་དུས་མཁས་བཙུན་བཟང་གསུམ་འཛོམ་པའི་རི་རྩེའི་སྐུ་སྐྱེས་ཕེབས་ནས་རྟ་གོས་གཉིས་ལྷ་རྫས་དྲི་མེད་བཅས་ཕུལ་ནས། བླ་མ་རིན་པོ་ཆེ་ཁོ་བོ་ལ་མྱུར་དུ་མངོན་པར་རྫོགས་པར་སངས་རྒྱས་པའི་གདམས་པ་ཟབ་མོ་ཞིག་དགོས་ཞེས་ཞུས་པའི་ལན་དུ། ངས་ཆོས་བཤད་མང་པོ་བྱས་པའི་རྗེས་སུ། འོ་རྒྱུད་ལས། …

དང་བྲལ་བ། ཕྱི་ནང་མེད་པར་ཟང་ཐལ། ཕྱོགས་རིས་མེད་པར་ཁྱབ་པ། རྒྱ་ཆད་མེད་པར་བརྡལ་བ། མཐའ་དབུས་མེད་པར་ཀློང་ཡངས་ནམ་མཁའ་ལྟ་བུའི་ངང་ལ། ནམ་མཁའ་ལྟ་བུར་ཕྱོགས་བཅུར་རྒྱ་བསྐྱེད་དཔངས་བསྟོད་ཕྱལ་ཡས་སུ་བཏང་། ལྷོད་ཀྱིས་གློད་ནས་བཞག་པས། དཔེར་ན་རོང་ཁུང་དོག་ས་ནས་ལ་ཁ་མཐོན་པོ་ལ་བུད་པ་དང་། རི་མཐོན་པོའི་རྩེ་ནས་ནམ་མཁའ་ཞེང་ཆེ་སར་བལ…

བཟང་ངན་གྱི་རྒྱུ་རྐྱེན་རྟེན་འབྲེལ་ལ་བརྟེན་ནས། བདེ་སྡུག་གི་སྣང་བ་སོགས་ཆོས་ཐམས་ཅད་ཀྱི་འབྱུང་ཚུལ་བསམས་ནས། ལས་འབྲས་ལ་ངེས་ཤེས་ཤུགས་དྲག་བསྐྱེད། དེ་ལྟར་མ་རྟོགས་པའི་མ་སེམས་ཅན་ཐམས་ཅད་ལ་སྙིང་རྗེ་ཚད་མེད་བསྒོམས། དེའི་དོན་དུ་སྨོན་འཇུག་བྱང་ཆུབ་མཆོག་ཏུ་སེམས་བསྐྱེད། སྒྱུ་མ་ལྟ་བུར་ཚོགས་གསོག་པ་དང་སྒྲིབ་པ་སྦྱོང་བ་ལ་འབད…

པའི་ཆོས་རྣམས་མ་ལུས་པ། །མིང་གིས་ཕར་བཏགས་མ་གཏོགས་པ། །རང་ངོས་གྲུབ་པ་རྡུལ་ཙམ་མེད། །ངོ་བོ་སྟོང་ཞིང་བདག་མེད་པ། །སྤྲོས་པའི་མཐའ་བརྒྱད་དང་བྲལ་བ། །ནམ་མཁའ་ལྟ་བུ་ཡིན་པ་ལ། །རྣམ་པ་རྒྱུ་རྐྱེན་རྟེན་འབྲེལ་ལ། །བརྟེན་ནས་འགགས་མེད་སྣང་བ་རྣམས། །ནམ་མཁའི་འཇའ་ཚོན་ཆུ་ནང་ཟླ། །མེ་ལོང་ནང་གི་གཟུགས་བརྙན་བཞིན། །སྣང་བཞིན་སྟོང་ལ་སྟོ…

བྱུང་ངོ་། །ཡང་དད་པ་ཆེ་བའི་བློ་ལྡན་ཆོས་མཛད་ཀྱིས་ཤི་གསོན་གང་གི་སྐྱབས་འཇུག་ཞུ་རྟེན་དུ་ལུག་ལྔ་བཅུ། ཧ་སག་གི་སྟོད་ཐུང་གཅིག རིན་ཆེན་རྒྱན་ལྡན་པདྨའི་ཟེའུ་འབྲུའི་ཕྲེང་བ་འཇམ་དར་བཅས་སྐྱབས་འཇུག་གི་ཚིགས་སུ་བཅད་ནས་ཕུལ་བ། སྐུ་རབ་མཛེས་མཚན་དཔེ་གཟི་འོད་འབར། །གསུང་རབ་སྙན་ཡན་ལག་དྲུག་ཅུ་ཚང་། །ཐུགས་རབ་ཡངས་མཁྱེན་བརྩེ་ནུས་པ…

རང་སྣང་བ་གུ་ཡངས་བློ་བདེ་ངོས། །ཕ་བླ་མ་སྤྱི་བོར་སྒོམ་བཞིན་དུ། །ལུས་ངག་གི་འབད་རྩོལ་མི་དགོས་པའི། །དུས་རྒྱུན་དུ་སེམས་ངོ་བསྐྱངས་པའི་ཚེ། །ཉམས་རྟོགས་པ་ཆེན་པོ་མི་འཆར་ཡང་། །ཡིད་དད་གུས་དག་སྣང་གོང་དུ་འཕེལ། །མི་རྟག་དང་སྐྱོ་ཤས་ཐན་ཐུན་སྐྱེ། །མ་འགྲོ་ལ་ཕན་སེམས་སྐྱོང་བཞིན་གནས། །ལུས་བདེ་ཞིང་སྐྱིད་ལ་སེམས་ཁ་ཡངས། །འདི་ཀུ…

རྫོགས་དང་། །རྫོགས་ཆེན་གནད་འགག་འདི་ལྟར་སྒོམས། །རང་ལུས་སྣོད་བཅུད་འོད་དུ་ཞུ། །མི་དམིགས་སྟོང་པ་ཉིད་དུ་སྒོམས། །སྟོང་པའི་ངང་ལས་སྣོད་བཅུད་ཀུན། །གཞལ་ཡས་ཁང་དང་ལྷ་རུ་སྒོམས། །ལྷ་རྣམས་བདེ་བའི་རང་བཞིན་དང་། །བདེ་བ་སྟོང་པའི་རང་བཞིན་དང་། །ངོ་བོ་བདེ་སྟོང་རྣམ་པ་ལྷ། །དེ་རྣམས་གསུམ་སྒྲིལ་གྱིས་ལ་སྒོམས། །རང་སེམས་ཆོས་ཀུན་ག…

བཟང་པོའི་མཆོད་སྤྲིན་ལྟར་དམིགས་ནས་མཆོད་པ་འབུལ་ན་ཇི་ལྟར་མོས་དགོས་ཟེར་བའི་ལན་དུ། འོ་དེ་ལ་མཎྜལ་གྱི་སྐབས་སུ་སོ་བདུན་མའི་ནང་ལྟར། དབང་ཆེན་གསེར་གྱི་ས་གཞི། ཕྱིའི་ལྕགས་རི། དབུས་སུ་རི་རབ་གླིང་བཞི་གླིང་ཕྲན་བརྒྱད། རིན་པོ་ཆེའི་རི་བོ། དཔག་བསམ་གྱི་ཤིང་། འདོད་འཇོའི་བ། མ་རྨོས་པའི་ལོ་ཏོག རྒྱལ་སྲིད་སྣ་བདུན། མཆོད་པའི་ལྷ…

རྣམ་པར་ཐར་པ་ལས་བྱུང་བའི་མཆོད་པ་འབུལ་ཚུལ་དུ་གྲགས་ལ། ཡང་ལུགས་ལ་ལར་བྱང་ཆུབ་སེམས་དཔའ་ཀུན་ཏུ་བཟང་པོ་གཅིག་གི་ཐུགས་ཀ་ནས། འོད་ཟེར་བྱེ་བ་ཐེར་འབུམ་ཁུག་པ་གསུམ་གྱི་གྲངས་ཀྱིས་ཀྱང་མི་ཆོད་པ་སྤྲོས་པའི་སྣེ་མོར་ཀུན་ཏུ་བཟང་པོ་སྤྲོས་ཏེ་མཎྜལ་འབུལ་བ་པོར་བགྱིས་ནས། དེ་ལྟ་བུ་རེ་རེའི་ལྟེ་བ་ལས་ཀྱང་། འོད་ཟེར་དེ་འདྲ་བ་སྤྲོས་ནས་…

བར་བསམ་ལ་འབུལ་ལོ། །དེ་ནི་སྣང་སྤྱོད་ཐམས་ཅད་མཆོད་པར་དམིགས་ནས་འབུལ་ཚུལ་ལགས། དེ་ལྟར་ཕུལ་བས་བསོད་ནམས་དང་ཡེ་ཤེས་ཀྱི་ཚོགས་གཉིས་རྫོགས་ནས་མྱུར་དུ་མངོན་པར་རྫོགས་པར་སངས་རྒྱས་པར་འགྱུར་རོ། །ཞེས་སྨྲས་པས། ཁོང་རྣམས་ནས་དེ་འདྲའི་དམིགས་པ་དཀའ་ཡང་མོས་མོས་སེམས་སེམས་རེ་བྱེད་པ་ལ་ཕན་ཐོགས་ཆེན་པོ་བྱུང་བས་བཀའ་དྲིན་ཆེ་ཟེར། ཡང་ས…