ལེན་གནང་ཙམ་བྱུང་། །དེ་ནས་བཟུང་སྟེ་དད་ཅན་ཐམས་ཅད་ལ། །འདི་ཕྱིར་ཕན་པའི་བསླབ་སྟོན་རྒྱས་པ་དང་། །ཆོས་རྣམས་མི་རྟག་སྟོན་ཚུལ་ལ་སོགས་པ། །ཡིད་མི་ཆེས་པའི་ཞལ་གསུང་མང་པོ་གནང་། །སྐུ་ཚེ་སྨད་ཀྱི་རྣམ་པར་ཐར་པ་སོགས། །གསུང་རྩོམ་ཀུན་གྱི་མཇུག་བསྡུས་བསྔོ་སྨོན་གནང་། །ལྕགས་ཕག་ལོ་ཡི་ས་ག་ཟླ་བ་ལ། །དད་ཅན་སྐྱ་སེར་ཕོ་མོ་ཐམས་ཅད་ལ། །…

བའི་དོན་ལ་བྱོན། །རྗེ་བཙུན་བླ་མའི་རྣམ་ཐར་ཐ་མ་རུ། །ཞུགས་པའི་ཚུལ་གྱི་བརྗོད་པ་དེ་ལྟར་ལགས། །འདས་དང་ད་ལྟ་བཞུགས་དང་མ་འོངས་པར། །འབྱོན་པའི་ཆོས་མཛད་སྐྱེ་བོ་ཕོ་མོ་རྣམས། །ཚུལ་འདིར་རྗེས་སུ་ཡི་རང་བསྒོམ་བྱས་ལ། །བླ་མེད་བྱང་ཆུབ་བསྒྲུབ་ལ་མྱུར་བརྩོན་ཅིག །ཅེས་པའང་བར་སྐབས་ཀྱི་ཚིགས་སུ་བཅད་པའོ། །དེ་ནས་སྣོན་ཟླའི་ཡར་ཚེས་ལ་བ…

མོ་གསོལ་ཇ་དང་བཞེས་པ་གནང་འཕྲོ་བཞག་སྟེ་གསོལ་དཔོན་ལ་ལམ་དུ་ཁྱེར་ནས་བཞེས་དགོས་གསུངས་ནས་ཚོམས་ཁང་དུ་ཕེབས་ཏེ། པར་རྐོན་རྣམས་ལ་སྟོན་མོ་དྲངས། པར་རྐོན་དང་ནང་འཁོར་གྲྭ་གཉེར་བ་སོགས་ལ་གང་ཅིའི་ཞལ་བཀོད་ལེགས་པར་གནང་ཞིང་། འདུས་བྱས་ཀྱི་ཆོས་ཐམས་ཅད་འོ་སྐོལ་དཔོན་སློབ་སོ་སོར་གྱེས་པ་འདིའི་རང་བཞིན་ཡིན་པས། བླ་མའི་ཅི་གསུང་གི་བཀ…

གསོལ་ཇ་དང་བཞེས་པའི་འཕྲོ་ཡོད་པ་བཞེས། དེར་འཚོགས་པ་རྣམས་ལ་གསོལ་རས་གང་ཡོད་གནང་། སླར་ཡང་ཞལ་གདམས་དང་བསྔོ་སྨོན་རྒྱས་པར་སྩལ། བཞུགས་གདན་སྣ་ཚོགས་རྡོ་རྗེས་མཚན་པ་ཞིག་ཡོད་པ་ལ་གཟིགས་ནས་འདི་འཁྱེར་མི་དགོས། ཕྱིར་ཁྱེར་ལ་གདན་སར་ཞོག་ཅེས་ནན་ཆེར་གསུངས་ནས་ཕྱིར་བསྐུར་པ་ནི། གདུལ་བྱ་རྣམས་རྗེས་སུ་འཛིན་པའི་ཡང་སྤྲུལ་གསལ་བོ་མྱུར…

རེས་ཞུས་པར་ཡང་ཕེབས། ཉང་མཚམས་བསྟན་འཛིན་རྒྱ་ཚོས་བཀྲ་ཤིས་ཆོས་གླིང་དུ། །ཐུགས་རྗེ་ཆེན་པོ་སེམས་ཉིད་ངལ་བསོ་དང་། ཉིད་ཀྱི་འདྲ་སྐུ་གསར་བཞེངས་བགྱིས་པར་རབ་གནས་ལ་ཞུས་ཀྱང་ད་རེབ་ཕེབས་པ་དང་ཁྱད་མེད་པའི་སྐྱབས་འཇུག་བྱ། རྗེས་ནས་ཕེབས་ཆོག་གསུངས་ནས། གླིང་རྒྱའི་བོན་ཚང་མར་ཕེབས་བསེའི་ཁང་ལ་རབ་གནས་བྱིན་འབེབ་གནང་སྐབས་མཁའ་ལ་སྤྲི…

འདུག་གསུངས། ཨོ་རྒྱན་རིན་པོ་ཆེ་སྣང་སྲིད་ཟིལ་གནོན་གྱི་རྣམ་པ་ཅན་ཡབ་ཡུམ་གསུམ་ལ་འཁོར་རིག་འཛིན་བརྒྱད་རྗེ་འབངས་ཉེར་ལྔ་སོགས་བཞི་བཅུ་ལྷག་ཙམ་གསར་བསྐྲུན་བྱས་པ་ལ་རབ་གནས་བྱིན་འབེབས་རྒྱས་པར་གནང་། ཕྱི་ནང་ཀུན་ལ་མེ་ཏོག་འཐོར། ཉིན་ཞག་གཅིག་ཙམ་བཞུགས་རིང་ལ་ཇ་ཐུག་སོགས་ཀྱིས་མཉེས་པར་བགྱིས། ཞོང་བཟའ་ཚང་གི་སྔགས་ཁང་བདེ་སྐྱིད་བས…

བསྙེན་བཀུར་ཞབས་ཏོག་ཕུན་སུམ་ཚོགས་པ་དང་། གྲོ་ནས་སྲན་གསུམ་རྟ་ལུག་གོས་དཱ་བུ་དཀར་དམར་ལ་སོགས་པའི་འབུལ་བ་མང་པོ་ཕུལ་ཞིང་། སྡེ་བ་སོ་སོའི་སྔགས་ཁང་ལ་ཕྱག་ནས་འཐོར། ཡ་རུའི་སྔགས་ཁང་ཅུང་ཟད་ཉམས་ཡོད་པ་གསར་བཞེངས་བྱེད་དགོས་ཚུལ་གྱི་ཞལ་བཀོད་དང་གནང་སྦྱིན་སྩལ། སྐབས་དེར་ཉང་གི་མཚམས་པ་མཆོག་ལ་གསུང་རྩོམ་གྱི་འཕྲོ། སངས་རྒྱས་རྗེས་…

བཀའ་མཆིད་དང་མགུར་དབྱངས་སྣ་ཚོགས་པ་བླངས་ཏེ་རྫོགས་ལྡན་གསར་བའི་དགའ་སྟོན་ལ་སྦྱར། གླིང་རྒྱུ་དང་ཀ་རིང་གཉིས་ཀྱིས་ཁ་མཆུའི་ལས་དོན་ལ་མི་རྟ་མང་པོ་གསོད་རེས་བྱས། ལོ་མང་པོའི་བར་དུ་མ་འགྲིགས་པར་ཡོད་པ་ལ་ཞལ་གསུང་ཕེབས་པར་ཀུན་གྱིས་ཉན་ནས་རྗེས་སུ་མྱུར་མོར་འགྲིགས། འཇམ་གྱི་སྔགས་ཁང་མཚོ་གླིང་པདྨ་བཀོད་དུ་ཕེབས། སྡེ་བའི་སྤྱི་ཐོག…

དང་། གཤིན་རྗེའི་ལྷ་ཁང་། གེ་སར་ལྷ་ཁང་། སྒྲོལ་མའི་ལྷ་ཁང་སོགས་རྒྱ་མཁར་གྱི་ཕྱི་ནང་ཀུན་ལ་བགེགས་བསྐྲད་དང་བྱིན་འབེབས་བྱས་བཀྲ་ཤིས་གནང་། ཙོང་ཡེ་དང་རྒྱ་མི་དྲག་གཞན་ཐམས་ཅད་ལ་ལས་དགེ་བ་བྱས་པའི་འབྲས་བུ་བདེ་བ་དང་། མི་དགེ་བ་བྱས་པའི་འབྲས་བུ་སྡུག་བསྔལ་བྱུང་ཚུལ་སོགས་རྒྱུ་འབྲས་ཀྱི་རྣམ་གཞག་རྒྱས་པར་གསུངས་པས་ཀུན་གྱི་བློ་ཁ་…

བཅུག་པས། དེ་ན་ཐུགས་སྐྱོབ་བའི་རྣམས་པ་དང་བཅས་མི་གཅིག་གི་ཁ་ངོ་མེད་དུས། ཁོ་བོའི་གདུལ་བྱ་རྫོགས་ཟིན་ཏོ་གསུངས་གློ་བུར་དུ་ཡར་ཕེབས། རྐྱེན་དེའི་ཡང་དག་པར་རྫོགས་པའི་སངས་རྒྱས་ལ་བདུད་ཀྱིས་མྱ་ངན་ལས་འདས་པར་གསོལ་བ་བཏབ་པ་ལྟར། གང་གི་གཟིགས་པ་ཞིང་ཁམས་གཞན་དུ་ཡོལ་བའི་ཁར་བསྐུལ་མ་བཏབ་པ་ལྟར་གྱུར་རམ་སྙམ། སེང་གེ་གཤོང་གོང་འོག་ག…

ཀྱང་། སྙུན་བབས་ཇེ་ལྗི་ལས་དྭངས་རྐྱེན་དུ་མ་སོང་། གང་གི་འཕྲིན་ལས་པ་མཁན་རིན་པོ་ཆེ་མགར་རྩེའི་ཇོ་ཁང་བཞེངས་ཕྱིར་བཞུགས་ཡོད་པ། གདན་འདྲེན་དུ་བྱུང་ནས་མཁན་ཆེན་པ་འབྱོན་ཁར། བཀྲ་ཤིས་འཁྱིལ་བར་བང་མི་མངགས་ནས་བརྡ་སྤྲད་པས། གཉེར་པ་རབ་བྱུང་དང་། སངས་རྒྱས་རིན་ཆེན། ལྟ་ཁང་དབུ་མཛད་སོགས་དང་། བཀྲ་ཤིས་འཁྱིལ་བའི་དགོན་པའི་དགེ་འདུན…

ཞབས་བརྟན་སོགས་ཀྱང་རྒྱུ་རྐྱེན་རྟེན་འབྲེལ་ལགས་པས་ངེད་རྣམས་ཚུར་མཐོང་གི་བློ་གཅིག་པུའི་ངང་ཚུལ་ཤ་སྟག་ལགས་ན། བརྩེ་ཆེན་ཐུགས་རྗེས་གཟིགས་པ་དུས་ལས་མི་ཡོལ་བའི་བཀའ་མཆིད་ཅིས་ཀྱང་གནང་བ་མཁྱེན་མཁྱེན་ལགས་ཞུས་པས། བཀའ་ལས། །ཁོ་བོ་ལང་ན་མི་འདོད་པ་ཙམ་ལས་ན་ཟུག་ནི་གང་ཡང་མི་འདུག་པས་ཞབས་བརྟན་མི་དགོས་སྐྱོན་མེད་མོད། ཞབས་བརྟན་ལ་ས…

རིག་འཛིན་པདྨ་འབྱུང་གནས་ལྟར་ཇི་སྲིད་བསྐལ་པ་རྒྱ་མཚོའི་བར་དུ་ཞབས་པད་བརྟན་པར་བཞུགས་པའི་ཐུགས་འདུན་བཀའ་དྲིན་སྐྱོང་དགོས་ཞུས་པས། ང་ལ་སྤྱན་གྱིས་ཅེར་རེ་གཟིགས་ནས། བཀའ་ལས། དེ་ལོས་ཡིན། བསྡད་ན་མི་འདོད་པ་སུ་ཡོད་དེ། འཆི་བ་ཟེར་བ་དེ་ཐོག་ཏུ་བབ་ན་བཟློག་མི་ནུས་པ་སྔོན་བྱོན་ཐུབ་པའི་རྣམ་ཐར་ལ་ལྟོས། གཞན་སུས་བཟློག་ནུས། དེས་ན་…

གདུལ་བྱ་རྫོགས་ཤི་རུང་འགྱོད་པ་མེད་ཅེས་ཕེབས་པས། བྱ་ཐབས་གཞན་མ་རྙེད། སྐུ་གཞོགས་བསམ་འགྲུབ་རིན་པོ་ཆེ་བྱོན་ནས་ཚེ་དཔག་མེད་ཀྱི་སྐུ་ཞིག་ཕུལ་ནས། བརྟན་བཞུགས་ཕུལ་བས་རིམ་བཞིན་བདེ་ཞིང་ཞབས་པད་བརྟན་པའི་སྨོན་འདུན་བགྱི་བ་ཡིན། ཁྱེད་རྣམས་ཀྱི་དད་འདུན་ལྷག་བསམ་གྱི་མཐུས་སྐྱོན་མེད་ཅེས་གསུངས་པ་ནི། སྐུ་གཞོགས་རིན་པོ་ཆེའི་ཞལ་ངོ་…

པོ་ལ་ཞལ་མཇལ་སྩལ་ཏེ་གསོལ་ཇ་བཞེས་འཕྲལ། བཀའ་ལས། ཁྱེད་རྣམས་མང་གཤིས་མཇལ་ཁ་གནང་བ་མི་ལྕོགས་པས་མཇལ་བ་དང་ཁྱད་མེད་པའི་སྐྱབས་འཇུག་བྱ། སྐྱེ་བ་ནས་ཚེ་རབས་ཐམས་ཅད་དུ་ཞལ་ཡང་ཡང་མཇལ་བའི་སྨོན་ལམ་འདེབས་ཞེས་གསུངས། དེ་ནས་ཡར་ཕེབས་པའི་ལམ་ནས་སྐབས་ཤིག་གཉེར་བ་རབ་བྱུང་ལ། དེ་རིང་བཀྲ་ཤིས་འཁྱིལ་བར་འགྲོ་མི་ཐུབ། ས་ཡག་པོ་ཞིག་ནས་འདུག་…

ཅ་ཅོ་མེད་པས་ཏིང་ངེ་འཛིན་ལ་ངང་གིས་གནས་ཤིང་ཅི་བྱེད་ཀྱི་རང་དབང་ཐོབ་ཅིང་། ཁོ་བོའི་ནད་གཞི་ཡང་ཇེ་དྭངས་སུ་སོང་འདུག་ཅེས་མདུན་དུ་འཚོགས་པའི་གྲྭ་སློབ་རྣམས་དབུགས་དབྱུང་བར་མཛད་པས། བདག་ཅག་རྣམས་མ་རིག་པའི་གཞན་དབང་ཅན་རྟག་པ་རིལ་བོར་འཛིན་པའི་བློ་ཅན་དུ་སོང་གཤིས། ངེས་པར་སྐྲུན་ལས་གྲོལ་ལོ་སྙམ་པའི་དགའ་སྤྲོ་ལས་གཞན་ནི་སེམས་ལ…

ལ་སོགས་པ། །བདག་དང་བདག་གིར་སོ་སོར་འཛིན། །ཞེས་དང་། ཀུན་མཁྱེན་ཆེན་པོས། མེད་བཞིན་སྣང་ལ་བདེ་སྡུག་སོ་སོར་མྱོང་། །ཡུན་རིང་དུས་ནས་གོམས་པ་འདི་དག་ཀུན། །གནས་དང་དུས་དང་ལོངས་སྤྱོད་ལ་སོགས་པ། །རང་སྣང་དགེ་སྡིག་ལས་བྱུང་བདེ་སྡུག་བསྔལ། །རྣམ་པ་སྣ་ཚོགས་རི་མོ་བྲིས་འདྲ་བ། །གཅིག་ཉིད་འཕྲུལ་ལས་མང་པོར་སྣང་གྱུར་ཏེ། །དུ་མར་བཟུང…

རབ་སྣང་གིས་ཞུས་པའི་མདོ་ལས། གང་ཚེ་སྣ་ཚོགས་ཆོས་རྣམས་ཀུན། །རང་བཞིན་གྱིས་ནི་མ་སྐྱེས་པ། །རྨི་ལམ་བཞིན་དུ་དངོས་མེད་དེ། །དངོས་པོ་རྣམས་དང་བྲལ་བ་ཡིན། །ཞེས་དང་། ཁྲི་བརྒྱད་སྟོང་པ་ལས། ལྷའི་བུ་དག་འཁོར་བ་ཡང་རྨི་ལམ་ལྟ་བུ་སྒྱུ་མ་ལྟ་བུ། མྱ་ངན་ལས་འདས་པ་ཡང་རྨི་ལམ་ལྟ་བུ་སྒྱུ་མ་ལྟ་བུའོ། །ཞེས་གསུངས་པ་ལྟར། ཆོས་ཐམས་ཅད་སྣང་ལ…

རིང་པོར་མི་ཐོགས་པར་འཆི་མེད་བདེ་ཆེན་གྱི་བཙན་ས་ཡེ་ཤེས་སྒྱུ་མ་མངོན་དུ་འགྱུར་ངེས་ཏེ། ཡེ་ཤེས་མངོན་པར་འབྱུང་བའི་རྒྱུད་བརྒྱད་པ་ལས། སྒྱུ་མ་ཆོས་དབྱིངས་ཀུན་གཞི་སྟེ། །སྒྱུ་མ་ལྟ་བུའི་ཆོས་རྣམས་ལ། །སྒྱུ་མ་ལྟ་བུར་བསྒོམས་བྱས་ན། །སྒྱུ་མ་ལྟ་བུར་མངོན་སངས་རྒྱས། །ཞེས་གསུངས་པས། མདོར་ན་སྣང་ཞིང་སྲིད་པའི་ཆོས་སོ་ཅོག་མེད་པ་གས…

སྤྱན་མི་བཙུམ་པར་ནམ་མཁའ་ལ་གཟིགས་པའི་ལྟ་སྟངས་དང་ལྡན་པའི་ངང་ནས་འོད་གསལ་མཉམ་པར་འཇོག་པར་མཛད། དེ་ནས་ནངས་པར་གསོལ་ཇ་བཞེས་པའི་ཚེ། བཀའ་ལས། ཁྱེད་རྣམས་ཇ་འདི་འཐུངས་ཚར་བ་དང་སྒོར་སོང་ལ་སྡོད། རེ་ཞིག་ཁོ་བོ་གཟིམ་དགོས་སྦིས་དཀར་གྱི་སྒོ་ཡང་གཏན་ལ་ཞོག ཁྱོད་རྣམས་སུ་ཡང་སྦིས་དཀར་གྱི་ཐག་ཉེ་ནས་མ་འདུག་ཅེས་ཕེབས་ཀྱང་། མཁན་ཆེན་པས་…