བློ་བདེ་དཔལ་ཡིན་ཨེ་གོ ། འོ་འོ་དེ་ལྟར་དཔྱད་མཐར་འཕུང་རྒན། །ཨའུ་མིང་གིས་ཕར་བཏགས་མ་གཏོགས། །ཁོ་རེ་གཏན་ནས་མེད་སྙམ་སོམས་དང་། །ཧེ་ཧེ་བློ་བདེ་དཔལ་ཡིན་ཨེ་གོ །འོ་འོ་འདི་བཞིན་མདུང་གིས་འཕུང་རྒན། །ཨའུ་སྙིང་དུ་ཡང་ཡང་སྟུན་ལ། །ཁོ་རེ་ཆོས་དབྱིངས་ས་ལ་སྐྱོལ་དང་། །ཧེ་ཧེ་བློ་བདེ་དཔལ་ཡིན་ཨེ་གོ །འོ་འོ་འཕུང་རྒན་སྡོད་སའི་ཁང་བ…

བློ་བདེ་དཔལ་ཡིན་ཨེ་གོ ། འོ་འོ་ཡན་ལག་དང་པོའི་མགོ་བོ། །ཨའུ་འདི་ཉིད་རང་བཞིན་གྲུབ་པ། །ཁོ་རེ་ཨེ་འདུག་ལེགས་པར་ལྟོས་དང་། །ཧེ་ཧེ་བློ་བདེ་དཔལ་ཡིན་ཨེ་གོ །འོ་འོ་བལྟས་ཚེ་སྔར་ནས་མགོ་བོ། །ཨའུ་ཚུགས་སེ་གྲུབ་གྲུབ་འདྲ་བའི། །ཁོ་རེ་རྣམ་པ་བློ་ལ་ཤར་ན། །ཧེ་ཧེ་བློ་བདེ་དཔལ་ཡིན་ཨེ་གོ །འོ་འོ་དེ་ལྟར་གྲུབ་པའི་མགོ་དེ། །ཨའུ་ཁ་སྣ་…

ཡིན་ཨེ་གོ །འོ་འོ་གཅིག་ཏུ་གྲུབ་ན་མགོ་རྐེད། །ཨའུ་ཕྱི་ནང་ཆ་ཤས་མང་བཞིན། །ཁོ་རེ་མང་བོར་འགྲོ་ཚུལ་སོམས་དང་། །ཧེ་ཧེ་བློ་བདེ་དཔལ་ཡིན་ཨེ་གོ །འོ་འོ་ཐ་དད་ཡིན་ན་དེ་རྣམས། །ཨའུ་སོ་སོར་བསལ་བའི་ཤུལ་ན། །ཁོ་རེ་སོར་མོ་ཡོད་དགོས་སོམས་དང། །ཧེ་ཧེ་བློ་བདེ་དཔལ་ཡིན་ཨེ་གོ །འོ་འོ་དེ་ལྟར་དཔྱད་མཐར་སོར་མོ། །ཨའུ་མིང་ཙམ་མ་གཏོགས་གཏན་…

ཆུང་ངུ་། །ཨའུ་འདི་ཉིད་ཁོ་རང་ངོས་ནས། །ཁོ་རེ་རང་བཞིན་གྲུབ་བམ་ལྟོས་དང་། །ཧེ་ཧེ་བློ་བདེ་དཔལ་ཡིན་ཨེ་གོ །འོ་འོ་བལྟས་ཚེ་སྔར་ནས་རྡུལ་ཞེས། །ཨའུ་གྲུབ་གྲུབ་ཚུགས་ཐུབ་འདྲ་བའི། །ཁོ་རེ་རྣམ་པ་བློ་ལ་ཤར་ན། །ཧེ་ཧེ་བློ་བདེ་དཔལ་ཡིན་ཨེ་གོ །འོ་འོ་དེ་ལྟར་གྲུབ་པའི་རྡུལ་དེ། །ཨའུ་ཕྱི་ནང་སྟེང་འོག་རྣམས་དང་། །ཁོ་རེ་གཅིག་ཐད་གང་ཡི…

ཧེ་ཧེ་བློ་བདེ་དཔལ་ཡིན་ཨེ་གོ །འོ་འོ་གཟུང་འཛིན་ལྷོ་སྤྲིན་སྨུག་པོ། །ཨའུ་སྟོང་བ་མེད་པར་མ་སོང་། །ཁོ་རེ་ཆོས་དབྱིངས་ནམ་མཁར་ལྟོས་དང་། །ཧེ་ཧེ་བློ་བདེ་དཔལ་ཡིན་ཨེ་གོ །འོ་འོ་བདག་འཛིན་འབྲི་ཡི་འོ་མ། །ཨའུ་སོར་རྟོག་རྐྱལ་བར་བསྒྲོགས་ལ། །ཁོ་རེ་བདག་མེད་འབྲི་མར་ལོངས་དང་། །ཧེ་ཧེ་བློ་བདེ་དཔལ་ཡིན་ཨེ་གོ །འོ་འོ་སྟོང་ཉིད་རྟ་ལ…

ཁོ་རེ་བསམ་སྦྱོར་གཉིས་ཀྱིས་སྟེན་དང་། །ཧེ་ཧེ་བློ་བདེ་དཔལ་ཡིན་ཨེ་གོ །འོ་འོ་དལ་འབྱོར་མི་ལུས་རིན་ཆེན། །ཨའུ་ཡང་ཡང་རྙེད་པར་དཀའ་ཡ། །ཁོ་རེ་དམ་ཆོས་སྙིང་བོ་ལོངས་དང་། །ཧེ་ཧེ་བློ་བདེ་དཔལ་ཡིན་ཨེ་གོ །ཡ་ཡི་ཡ་ཡི། །འོ་འོ་ཐར་མེད་འཆི་བདག་ཕོ་ཉ། །ཨའུ་གློ་བུར་མྱུར་དུ་འོང་ཡ། །ཁོ་རེ་འཇིག་རྟེན་བྱ་བ་ཐོངས་དང་། །ཧེ་ཧེ་བློ་བདེ་ད…

ཡ་ཡི། །འོ་འོ་ངེས་ལེགས་ཐར་བའི་གནས་སུ། །ཨའུ་བགྲོད་ཐབས་བསླབ་གསུམ་ཡིན་ཡ། །ཁོ་རེ་རྟག་ཏུ་ནན་ཏན་མཛོད་དང་། །ཧེ་ཧེ་བློ་བདེ་དཔལ་ཡིན་ཨེ་གོ །ཡ་ཡི་ཡ་ཡི། །འོ་འོ་ཁམས་གསུམ་སེམས་ཅན་ཐམས་ཅད། །ཨའུ་དྲིན་ཅན་ཕ་མ་ཡིན་ཡ། །ཁོ་རེ་ཀུན་ལ་ཕན་སེམས་སྐྱེད་དང་། །ཧེ་ཧེ་བློ་བདེ་དཔལ་ཡིན་ཨེ་གོ །ཡ་ཡི་ཡ་ཡི། །འོ་འོ་སྦྱིན་ལས་ལོངས་སྤྱོད་འཕེལ…

ཨེ་གོ །ཡ་ཡི་ཡ་ཡི། །འོ་འོ་ཤེས་རབ་ང་བདག་འཕུང་རྒན། །ཨའུ་འདུལ་བའི་གཉེན་པོ་ཡིན་ཡ། །ཁོ་རེ་སྟོང་ཉིད་དོན་ལ་དཔྱོད་དང་། །ཧེ་ཧེ་བློ་བདེ་དཔལ་ཡིན་ཨེ་གོ །ཡ་ཡི་ཡ་ཡི། །འོ་འོ་གཞན་རྒྱུད་སྨིན་བྱེད་ཐབས་མཆོག །ཨའུ་བསྡུ་བ་རྣམ་བཞི་ཡིན་ཡ། །ཁོ་རེ་གནས་སྐབས་ལག་ལེན་གྱིས་དང་། །ཧེ་ཧེ་བློ་བདེ་དཔལ་ཡིན་ཨེ་གོ །ཡ་ཡི་ཡ་ཡི། །འོ་འོ་གསང་ས…

ཉམས་རྟོགས་ཡོན་ཏན་ཡོད། །སེམས་བསྐྱེད་ཀློང་ན་གཞན་ཕན་འགྲོ་དོན་ཡོད། །བསྐྱེད་རྫོགས་ཀློང་ན་མཆོག་ཐུན་དངོས་གྲུབ་ཡོད། །སྟོང་ཉིད་ཀློང་ན་སྒྱུ་མའི་ལྟད་མོ་ཡོད། །ཐོད་རྒལ་ཀློང་ན་ལྷ་ཡི་ཞིང་ཁམས་ཡོད། །ཡོད་ཚུལ་བརྒྱད་འདི་ཉམས་ལེན་སྙིང་བོར་ཟུངས། །ཆོས་མེད་གླུ་ལ་དགའ་བའི་བྱ་བཏང་ངས། །གླུ་དབྱངས་འདི་ཡང་བླངས་སོ་ཀུན་ཕན་ཤོག །ཅེས་པ…

ནམ་ཟླ་དགུན་གྱིས་གཏུགས་པའི། །ཆུ་བྱ་ཕོ་མའི་ཚོགས་ཀྱིས། །ཕྱི་མར་ཁོ་བཞིན་འགྲོ་ཞེས། །རྣམ་འགྱུར་བསྟན་ནས་འཕུར་ཐལ། །མི་མེད་རི་ན་ཀུན་གྱིས། །མི་རྟག་རྣམ་འགྱུར་བསྟན་བྱུང་། །མི་ཁྱོད་མི་དགེ་སྤོངས་ལ། །མི་ཚེ་དགེ་ལ་གཞོལ་ཅིག །མགྲིན་པ་གླུ་ཡི་མཛོད་ནས། །སྐྱོ་མགུར་གོས་འདི་ཐོན་སོང་། །གང་གི་རྣ་བའི་མཛོད་ཁང་། །སུས་བཞག་སེམས་ལ་…

རྫོགས་ཆེན་ཉམས་སུ་ལོངས་ཤིག །དགེ་སེམས་བཟང་བོའི་ངང་ནས། །དགེ་ལ་རྟག་ཏུ་གཞོལ་ཅིག །ཐུན་འགོར་སེམས་བསྐྱེད་གལ་ཆེ། །ཐུན་མཐར་བསྔོ་བ་གྱིས་ཤིག །གླུ་འདི་སེམས་ལ་ཤར་ཚེ། །གཏམ་འདི་རང་ལ་ཕན་ཕྱིར། །ལག་པ་གཉིས་ཀྱི་ནམ་མཁར། །པིར་སྙུག་གཉིས་ཀྱི་སྤྲིན་བསྡུས། །དྲི་མེད་ཤོག་གུའི་ས་ལ། །ཆད་མེད་ཡིག་ཆར་ཕབ་བོ། །ཞེས་པ་འདི་ཡང་ཚོགས་དྲུག་ར…

ཤོམ་ནི་མཛོད་ཅིག །ཉིན་རེར་སྐྱོ་ཤས་རེ་དཀའ་ཡང་། །ཟླ་རེར་སྐྱོ་ཤས་རེ་མེད་ན། །སྐབས་རེར་སྐྱོ་མགུར་རེ་འཐེན་དང་། །ལན་རེར་སྐྱོ་བ་རེ་སྐྱེ་ངེས། །ཞེས་པ་འདི་ཡང་ཚོགས་དྲུག་རང་གྲོལ་གྱིས་རང་ལ་སྨྲས་པའོ། །ལྷ་ལ་ལྷ་ཡི་རྔ་བཞིན་དུ། །གང་ལ་གང་འདོད་ཆོས་གསུང་ཞིང་། །འཁོར་བར་ཁོར་ཡུག་ཏུ་འཁྱམས་པའི། །སྲིད་ལ་སྲིད་པའི་བར་བརྩེ་མཛད། །ར…

རྫ་ཆུ། །ལྷུང་ལྷུང་དབྱར་དུས་སུ་འབབ་ཀྱང་། །ཡུན་རིང་མི་སྡོད་པར་ཆུ་ཐིགས། །ཙམ་ཡང་ལུས་མེད་དུས་འབྱུང་ངེས། །ད་ལྟ་རྒྱུན་བཟང་ནི་འབབ་དུས། །དལ་མེད་ཆུ་ཆེན་ལ་འདྲེས་ཤིག །རང་བདེ་གཞན་དག་ལ་གནོད་པའི། །གཡོ་སྒྱུ་ཁྲམ་གསུམ་དེ་འགྱུ་ཡང་། །ཡུན་རིང་མི་སྡོད་པར་བདག་གཞན། །ངོས་མི་ཟིན་དུས་ཤིག་འབྱུང་ངེས། །ད་ལྟ་བློ་རིག་ནི་གསལ་དུས། ག…

གྱི་དུས་ཚོད་དེ་དྲན་བྱུང་། །འཁྱགས་ནས་སེར་ཁ་རྣམས་འགས་ཚུལ། །སྤང་རི་སེར་བོ་ངས་བསམས་པས། །སྐྱོ་ནས་ཁ་དོག་ནི་འགྱུར་རོ། །སྐྱེ་སྟོབས་བཟང་བོ་ནི་ཉམས་ཐལ། །བ་མོས་ལུས་པོ་ནི་ནོན་སོང་། །སྔོ་ལྗང་དུས་ཚོད་དེ་དྲན་བྱུང་། །ཁྱིམ་པས་ཟོར་བ་ཡིས་བརྔ་ཚུལ། །ལོ་ཡག་སྙེ་མ་ངས་བསམས་པས། །སྐྱོ་ནས་མགོ་བོ་ཐུར་གུག་གོ །ལུས་ཀྱི་མདངས་སྟོབས་ན…

དབང་བོ་སྒོ་ལྔ་ཚང་བ་དང་། །རང་དབང་རང་ལ་ཐོབ་པ་ན། །ཆོས་ཀྱི་རྨང་རྡོ་ཐེངས་པ་ཡིན། །འགྱུར་ལྡོག་མེད་པའི་དད་པ་དང་། །མི་གཞི་རབ་ཏུ་ལེགས་པ་ན། །ཆོས་ཀྱི་རྨང་རྡོ་ཐེངས་པ་ཡིན། །ཉོན་མོངས་རྟོགས་པ་ཆུང་བ་དང་། །ཤེས་པ་ཆོས་ལ་གསལ་བ་ན། །ཆོས་ཀྱི་རྨང་རྡོ་ཐེངས་པ་ཡིན། །ཆོས་ཀྱི་རྩ་བ་བརྟན་ལ་གསུམ། །འཆི་བ་སྙིང་ནས་དྲན་པ་ན། །ཆོས་ཀྱི་རྩ…

ཆོས་ནི་ཡིན། །བརྟན་པ་ཐོབ་པའི་ཆོས་ལ་གསུམ། །འགྲོ་ལ་བྱམས་སྟོབས་ཆེ་བ་ན། །བརྟན་པ་ཐོབ་པའི་ཆོས་ནི་ཡིན། །སྙིང་རྗེ་འཛིན་པ་ཆེ་བ་ན། །བརྟན་པ་ཐོབ་པའི་ཆོས་ནི་ཡིན། །དངོས་འཛིན་མཚན་མ་ཞིག་པ་ན། །བརྟན་པ་ཐོབ་པའི་ཆོས་ནི་ཡིན། །ཉལ་བས་ཆོག་པའི་ཆོས་ལ་གསུམ། །མཚན་ལྡན་བླ་མ་མཉེས་བྱས་ནས། །སེམས་ལ་གཡོ་སྒྱུ་མེད་པ་ན། །ཉལ་བས་ཆོག་པའི་ཆོས…

ལ་འདུད། །མི་ལུས་གཙང་མའི་ཤེལ་དཀར་བུམ་བཟང་དེ། །ཚུལ་ཁྲིམས་གཙང་མའི་ལྷ་ཡི་གོས་ཀྱིས་གཡོགས། །ཉམས་རྟོགས་གཙང་མའི་བདུད་རྩིས་ཡོངས་བཀང་ནས། །དམ་ཆོས་གཙང་མའི་བདུད་རྩི་འགྲོ་ལ་འགྱེད། །འཆི་བདག་དམག་དཔུང་ནམ་འོང་ངེས་པ་མེད། །བག་ཟོན་གྱིས་ལ་ཚེ་འདིར་མ་ཆགས་པར། །རི་ཁྲོད་དབེན་པའི་རྫོང་དུ་མྱུར་བྲོས་ནས། །འཆི་དྲོད་དགེ་སྦྱོར་གོ་ཁྲ…

མཐོང་ཐོས་བློ་གྲོས་པད་དཀར་བསྐྱེད་བསྲིངས་ནས། །དགེ་སྦྱོར་དྲི་ངད་བཟང་བོས་ཁོར་ཡུག་གང་། །ལུང་རྟོགས་ཡོན་ཏན་བཅུད་ཀྱིས་གཏམས་པར་ཤོག །ཅེས་པ་འདི་ཡང་ཚོགས་དྲུག་རང་གྲོལ་གྱིས་སྨྲས་པའོ། །ལྷ་མཆོག་གསུམ་ངོ་བོ་བླ་མ་ལ། །བདག་སྒོ་གསུམ་གུས་པས་ཕྱག་འཚལ་ལོ། །གནས་ཁམས་གསུམ་འཁྱམས་པའི་རང་གཞན་ལ། །མཆོག་སྐུ་གསུམ་གོ་འཕང་བསྩལ་དུ་གསོལ། …

གོས་མེད་ཅིག །ཤིག་སྲོ་མང་ཁུར་ཆེན་ལུས་ལ་ཁུར། །རྟ་ལྕང་དཀར་བེར་ཀ་དག་ལ་བྱས། །སྲང་བར་ན་ཁྱི་ཡིས་ཟ་ལ་ཁད། །ངའི་སྡུག་འདྲ་ཨེ་ཡོད་བསམ་ཙ་ན། །གཉིད་སད་མ་ཐག་ཏུ་གར་སོང་མེད། །དཔེ་དེ་བཞིན་བདེ་སྡུག་དགྲ་གཉེན་ཀུན། །སྣང་ཆ་རྣམས་མ་འགགས་སྣང་ན་ཡང་། །ཀུན་རང་བཞིན་མ་གྲུབ་བྱ་བའི་གཏམ། །ཡང་དག་པའི་ཡེ་ཤེས་སྣང་ངོ་ལ། །མཉམ་གཞག་གི་རིག་པ་…

ཆོས་དབྱིངས་ངང་ཉིད་ལས། །ཅུང་ཟད་ཀྱང་གཡོ་བ་མ་མཆིས་པའི། །ཕ་རྒན་དེས་བུ་ལ་རྒྱང་ནས་གཟིགས། །སྐྱེ་མེད་ཀྱི་རང་རིག་འོད་གསལ་ལ། །མཉམ་པར་ནི་བཞག་དུས་བྱིང་རྒོད་ཀྱི། །ལམ་ཁྱེར་ནི་འདི་ལྟར་བྱས་ན་བཟང་། །བློ་རབ་ཀྱིས་བྱིང་རྒོད་ཤར་མ་ཐག །ངོ་ཤེས་ཤིང་འབྲིང་གིས་ཤར་ནས་ཀྱང་། །ཅུང་ཟད་ནི་སོང་ཚེ་ངོ་ཤེས་སོ། །ཐ་མ་ཡིས་ཡུན་རིང་སོང་ནས་ཤ…