བསྟོད། །མེ་དཔུང་འབར་བའི་ཀློང་དཀྱིལ་ནས། །དུད་པ་འཐུལ་ཞིང་མེ་སྟག་འཕྲོ། །དགྲ་བགེགས་མ་ལུས་རྡུལ་དུ་བརླག །དགྲ་བགེགས་སྲེག་མཛད་ཁྱོད་ལ་བསྟོད། །མ་བདུད་མཁའ་འགྲོ་འཁོར་བཅས་ལ། །དགྲ་བགེགས་ཤ་ཁྲག་འདི་འབུལ་བ་ལ་བརྟེན་ནས་ཕྲིན་ལས་བཅོལ་བ་ནི། བསྟན་པ་བཤིགས་པའི་དགྲ་བགེགས། སྒྲུབ་པ་པོ་ལ་གནོད་པར་བྱེད་པའི་བདུད་དང་། དགྲ་བགེགས་ལོག…

འགྲུབ་པར་མཛོད། །བར་བརྗོད། དེ་ནས་དམར་གཏོར་ཞིག་ལ་དམིགས་ནས་ཕྲིན་ལས་བཅོལ་བ་ནི། བྷྱོ། མ་གཡེལ་མ་གཡེལ་དམ་ཅན་ཚོགས། །སོགས་ནས་ཨོཾ་རུ་རུ་རོ་རུ་རོ་རུ་སོགས་བརྗོད་ཅིང་། བྷ་བ་བྷ་ཏ་ལི་བྷ་ཏ་ལི་ཚེ། ལན་གསུམ་མམ་བདུན་བརྗོད་ལ། བྷྱོ། དུར་ཁྲོད་བདག་མོ་དངོས་གྲུབ་ཞལ། །སོགས་ནས་གཏོར་མ་མེ་ཐབ་ཏུ་ཕུལ་ལ། འདོད་དོན་གསོལ་བ་གདབ་པ་ནི། མ…

ཐམས་ཅད་འཕྲལ་གྱི་རྐྱེན་དང་། ཡུན་གྱི་སྒྲིབ་པར་མི་འགྱུར་བར་བྱིན་གྱིས་བརླབ་ཏུ་གསོལ། ཨོཾ་བཛྲ་ས་ཏྭ་སོགས་ཡིག་བརྒྱས་ཉེས་ལྟུང་ཁ་བསྐང་། དེ་ནས། བཛྲ་མུཿ ཞེས་པས་ཡེ་ཤེས་པ་རང་གནས་སུ་གཤེགས། དམ་ཚིག་པ་མི་དམིགས་པར་རྒྱས་གདབ། མཆོད་པ་སྔར་བཞིན་མཆོད་ལ། ཨོཾ་ཨགྣ་ཡེ་སརྦ་པཉྩ་ཨ་མྲྀ་ཏ་ལ་ཁཱ་ཧི། སྨན་ཕུལ། ཨོཾ་ཨགྣ་ཡེ་མ་ཧཱ་རཀྟ་ལ་ཁཱ་ཧ…

མྱུར་དུ་ཐོབ་པར་ཤོག །དཔལ་ལྡན་ལྷ་མོ་དུད་སོལ་མའི་སྦྱིན་སྲེག་གི་ཆོ་ག་རྫོགས་སོ།། །།རྗེ་བཙུན་ནཱ་རོ་པའི་གཞུང་མར་པ་ལོ་ཙཱ་ཆོས་ཀྱི་བློ་གྲོས་ཀྱིས་བསྒྱུར་བའོ། །ཨྠྀི། སེམས་ཅན་ཐམས་ཅད་ཕན་པར་གྱུར་ཅིག །ཤུབྷཾ། །ཞེས་པའི་ནཱ་རོའི་རྒྱ་གཞུང་ལས་གསུངས་བཞིན་རྔོག་ལུགས་ལྷ་མོའི་མངོན་རྟོགས་སོགས་འགྲིག་ཆགས་སུ་བསྟར་བ་མ་གཏོགས་བཅོས་བ…

༄༅། །འབའ་རོམ་ལས་རྟགས་ཀྱི་རྟོགས་བརྗོད་བདེ་ཆེན་འོད་འབར་བཞུགས། མཉམ་མེད་མར་པའི་བཀའ་བརྒྱུད་གངས་རི་བརྗིད། །སྒྲུབ་བརྒྱུད་འབའ་རོམ་རྒྱལ་བའི་མཚན་སྙན་བཀྲ། །ཟབ་རྒྱས་མདོ་ཡི་འཁོར་ལོ་འོད་སྟོང་འཕྲོ། །ངེས་གསང་སྔགས་ཀྱི་རྡོ་རྗེ་གཞོམ་གཞིག་བྲལ། །བདེ་ཆེན་དགའ་བཞི་འབར་བའི་ཐིག་ལེ་འཁྱིལ། །སྙན་བརྒྱུད་ནོར་བུ་རྣམ་གསུམ་གཏེར་ཁ་བྱ…

འདིར་འབད་དགེ་བས་བདག་གཞན་འགྲོ་བ་ཀུན། །ཨེ་ཝཾ་ཟུང་འཇུག་མཆོག་གི་སྡོམ་པ་ཆེ། །མི་བསྐྱོད་ཧེ་རུ་ཀ་དཔལ་འབའ་རོམ་པ། །དབྱེར་མེད་བླ་མའི་གོ་འཕང་མྱུར་ཐོབ་ཤོག །

༄༅། །དཔལ་འབའ་རོམ་བཀའ་བརྒྱུད་ཀྱི་རྩ་གསུམ་སྒྲུབ་ཐབས་ཕྱོགས་བསྒྲིགས་གྲུབ་གཉིས་ནོར་བུའི་གཏེར་མཛོད་ལས་{ཆོས་སྐྱོང་མགོན་པོའི་བསྙེན་ཟིན་སྐོར་ག་}བཞུགས་སོ། །

༄༅། །དཔལ་ལྡན་[བཱ་སྒྲོམ་]འབའ་རོམ་པ་ཡབ་སྲས་བརྒྱུད་པར་བཅས་པའི་ཆོས་སྐྱོང་ཐུན་མོང་མ་ཡིན་པ་དཔལ་ནག་པོ་ཆེན་པོ་བྱ་རོག་མཚན་ཅན་གྱི་བསྙེན་སྒྲུབ་ཇི་ལྟར་བྱ་བའི་གཞུང་འདོན་བྱ་དང་བཅས་པ་དཔལ་མགོན་དགྱེས་བྱེད་ལྷའི་རྔ་ཆེན་ཞེས་བྱ་བ་བཞུགས་སོ། །

གུ་རུ་ཤྲཱི་ནཱ་ཐ་མ་ཧཱ་ཀཱ་ལ་ཡེ། གཞི་དབྱིངས་ཆོས་སྐུའི་ངང་ལས་མ་གཡོས་ཀྱང་། །ལོངས་སྤྱོད་རྫོགས་པ་དཔལ་ཆེན་དྲཱ་བ་སྡོམ། །སྤྲུལ་སྐུ་མཐུ་སྟོབས་དབང་ཕྱུག་ནག་པོ་ཆེ། །བླ་མ་མགོན་པོ་དབྱེར་མེད་གཙུག་ཏུ་བསྙེན། །འཁོར་འདས་མ་ལུས་སྐུ་ཡི་དབྱིངས་སུ་རྫོགས། །ཆོས་ཉིད་འགྱུར་བ་མེད་པ་ནམ་མཁའི་མདངས། །བསྟན་དང་འགྲོ་བའི་དོན་བྱེད་ལས་ཆེན་…

གནས་དབེན་པར་སྟེགས་ཀྱི་ཁར་དཀྱིལ་ཆོག་ལས་་འབྱུང་བའི་དཀྱིལ་འཁོར་རྡུལ་ཚོན་ནམ་རས་བྲིས་སམ་འབྲུ་ནག་གི་ཚོམ་བུ་བཀོད་པའི་ཁར་མགོན་པོའི་བཤོས་བུ་རྒྱན་ལྡན་དང་། ཟུར་དུ་གཏའ་གཏོར་ཞིག་ཀྱང་འཛོམ་ན་ལེགས་ཤིང་། གཞན་ཡང་ཇ་ཆང་ཁྲག་སྣ་མཐུན་རྫས་གཡག་ལུག་བྱ་རྟ་ནག་པོ་དར་སྣ་སྨན་སྣ་འབྲུ་སྣ། མདའ་དར་ནག་པོ་སོགས་དང་། དེ་དག་གི་མདུན་དུ་མཆོ…

མདུན་གྱི་གཏོར་མགྲོན་རྣམས་ཀྱི་གཏོར་མ་མཐོང་བརྒྱུད་ལྟར་བཤམ། སྔོན་འགྲོ་དཀར་གཏོར་དང་བགེགས་གཏོར་ཇ་ཆང་ཆུ་ཡི་བསང་ཆུ་སོ་སོའི་འཐོར་གཡབ་རྣམས་ཀྱང་ཚོགས་པར་བྱས་ནས། ནངས་སྔ་བར་རང་ཉིད་དག་པ་གསུམ་གྱི་སྐུར་བཞེངས་པ། གཏོར་མའི་སྒོ་འབྱེད་སོགས་རང་ལུགས་དང་མཐུན་པར་སོང་རྗེས་བདུད་རྩི་རིལ་བུ་ཁར་བཅུག་ནས་ནང་མཆོད་བདུད་རྩི་བྱིན་བརླབ…

མིའི་ཤ །ཤར་དུ་གོ་ལས་བ་ལང་གི་ཤ །ལྷོར་ཀུ་ལས་ཁྱིའི་ཤ །ནུབ་ཏུ་ད་ལས་རྟའི་ཤ །བྱང་དུ་ཧ་ལས་གླང་པོ་ཆེའི་ཤ །དབུས་སུ་ཤུ་ལས་བྱང་སེམས་དཀར་པོ། བྱང་ཤར་དུ་བི་ལས་དྲིན་ཆེན། ཤར་ལྷོར་མུ་ལས་དྲི་ཆུ། ལྷོ་ནུབ་ཏུ་མ་ལས་ཀླད་པ། ནུབ་བྱང་དུ་ར་ལས་རཀྟ། ས་བོན་ཡི་གེ་དེ་དག་གིས་མཚན་པའོ། །ཐུགས་ཀ་ནས་འོད་ཟེར་འཕྲོས་པས་རླུང་གཡོས་མེ་སྦར་ཐོད…

རྒྱན་བཀོད་པ་ཕུན་སུམ་ཚོགས་པར་རང་མཐུན་གྱི་ཁྲི་དང་གདན་རྣམས་སུ་རྡོ་རྗེ་འཆང་ལ་རྩ་བརྒྱུད་ཀྱི་བླ་མ་དང་། གཡས་སུ་འཁོར་ལོ་བདེ་མཆོག་ལ་ཡི་དམ་ཞི་བ་དང་ཁྲོ་བོའི་ལྷ་ཚོགས་ཀྱིས་བསྐོར་བ་དང་། གཡོན་དུ་རྡོ་རྗེ་རྣལ་འབྱོར་ལ་གནས་ཡུལ་གྱི་དཔའ་བོ་མཁའ་འགྲོས་བསྐོར་བ་དང་། རྒྱབ་ཏུ་དུས་གསུམ་གྱི་སངས་རྒྱས་ལ་བསྐལ་པ་བཟང་པོའི་སངས་རྒྱས་བ…

ཌཱ་ཀི་ནི་སརྦ་བུདྡྷ་བོ་དྷི་ས་ཏྭ་དྷརྨ་པཱ་ལ་བཛྲ་ས་མ་ཡ་ཨེ་ཨཱ་རལླི་ཕེཾ་ཕེཾ་ཛཿཛཿ ཛཿཧཱུྃ་བཾ་ཧོཿ གཏོར་མགྲོན་དགྱེས་པ་ཆེན་པོས་བཞུགས་པའི་ལྗགས་རྡོ་རྗེའི་སྦུ་གུས་གཏོར་མའི་བཅུད་དྲངས་ཏེ་གསོལ་བར་གྱུར། ཅེས་མོས་ལ་རྡོར་ཐལ་ཀ་པཱ་ལའི་ཕྱག་རྒྱ་སེ་གོལ་བཅས། ཨོཾ་གུ་རུ་སརྦ་བུདྡྷ་བོ་དྷི་ས་ཏྭ་དེ་ཝ་ཌཱ་ཀི་ནཱི་དྷརྨ་པཱ་ལ་ས་པཱ་རི་ཝཱ་…

པའི་སེམས་ཅན་ཐམས་ཅད་ཡི་དམ་གྱི་ལྷར་གསལ་བའི་ཞལ་དུ་ཨོཾ་ཨཱཿཧཱུྃ། ཞེས་མཆོད་ལ་མགྲོན་ལ་བསྟོད་གསོལ་ནི། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །ཨོཾ། བཅོམ་ལྡན་མགོན་པོ་དཔའ་བོ་ཆེན་པོ་ནི། བསྐལ་པའི་མེ་དཔུང་ལྟ་བུར་རབ་ཏུ་འབར། །རལ་པའི་ཅོད་པན་དབུ་ཡི…

བཞུགས་ཚངས་པ་ལས་རྒྱལ་ཞིང་། །བདུད་ཀྱི་འཇིགས་པ་མ་ལུས་སྐེམ་ཞིང་ཕམ་མཛད་པ། །སྐྱེ་གནས་འབྱུང་བ་ཀུན་གྱི་རང་བཞིན་གཟུགས། །ས་གསུམ་དབང་ཕྱུག་ཆོས་རྣམས་ཡོངས་རྫོགས་མཛད། །རྣལ་འབྱོར་འདོད་པའི་དབང་ཕྱུག་མ་ལ་འདུད། །ཧཱུྃ། དུས་གསུམ་སངས་རྒྱས་ཀུན་གྱི་བསྟན་སྲུང་ཆེ། །འཇིགས་བྱེད་མི་ཟད་དྲག་པོའི་ལས་རྣམས་བྱེད། །རྔམ་པའི་ང་རོས་སྲིད་ག…

ཁྲག་གི་ཨརྒྷཾ། དུག་དང་མཁྲིས་སྣའི་འཐོར་ཐུང་། དཔའ་བོ་ཆང་གི་ཡོན་ཆབ། བདུག་པ་དུག་གི་མེ་ཏོག །ཚིལ་ཆེན་དང་གུ་གུལ་གྱི་བདུག་སྤོས། ཞུན་ཆེན་རྐང་གི་སྣང་གསལ། བདུད་རྩི་ལྔའི་དྲི་ཆབ། ཤ་ཆེན་ལྔའི་ཞལ་ཟས། རྐང་གླིང་ཐོད་རྔའི་སྒྲ་སྙན། གཞན་ཡང་འདོད་ཡོན་ལྔའི་མཆོད་པ་བསམ་གྱིས་མི་ཁྱབ་པས་དཔལ་ཡེ་ཤེས་ཀྱི་མགོན་པོ་འཁོར་དང་བཅས་པ་རྣམས་ད…

མགོན་པོ་ལ་གཞལ་ཡས་ཁང་ངེས་པར་དགོས་ལ། གང་ལྟར་ད་ལྟའི་ཕྱག་ལེན་ཁྱེར་བདེར་བྱ་བར་མདུན་རྟེན། ཁཎྜ་རོ་ཧེས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་སྐད་ཅིག་གིས་ཨེ་ལས་མདུན་དུ་དུར་ཁྲོད་ཆེན་པོ་བསིལ་བའི་ཚལ་འཇིགས་སུ་རུང་བའི་དབུས་སུ་རྡོ་རྗེའི་བྲག་རི་ནག་པོ་གྲུ་གསུམ་དང་ལྡན་པའི་སྟེང་དུ་རཀྟའི་རྒྱ་མཚོ་ལ་བཾ་ཆེ་ཆུང་གི་ལྷུ་དུམ་…

དཀྱིལ་འཁོར་ཚ་ཟེར་བཟོད་པར་དཀའ་བའི་སྟེང་དུ་བདུད་སྲིན་ཕོ་མོ་རྣམས་བསྣོལ་མར་བརྩེགས་པའི་ཁྲི་ལ་རང་གི་ཐུགས་ཀ་ནས་ཧཱུྃ་མཐིང་ནག་གཅིག་འཕྲོས་ནས་གདན་ལ་བབས་པའི་འོད་ཟེར་གྱིས་ཁམས་གསུམ་འགྲོ་བ་ཐམས་ཅད་ཀྱི་ནད་གདོན་བར་ཆད་མ་ལུས་པ་བསལ་ནས་ཚུར་འདུས་ཏེ་ཞུ་བ་ལས་གནམ་ལྕགས་ལས་གྲུབ་པའི་རྡོ་རྗེ་སྔོན་པོ་ཁ་གདང་བ་ལྟེ་བ་ཧཱུྃ་གིས་མཚན་པ་…

སྤྲིན་འཁྲུགས་པ་ལྟ་བུ་མཐིང་གསལ་ནམ་མཁའི་མདངས་ཅན་སྐུ་ཆེ་ཞིང་ཆེར་འབར་བ་སྦོམ་ལ་དྲགས་ཤིང་གསུས་ཁྱིམ་ཆེ་བ་ཞལ་གཅིག་ཁྲོ་གཉེར་བསྡུས་པ། ལྗགས་འདྲིལ་ཞིང་མཆེ་བ་གཙིགས་པ། སྨར་སྨིན་བ་སྤུ་ལས་རྡོ་རྗེའི་མེ་ལྕེ་འཕྲོ་བ། ཕྱག་བཞི་དང་པོ་གཉིས་ཀྱིས་རྡོ་རྗེའི་གྲི་གུག་དང་ཐོད་ཁྲག་ཐུགས་ཀར་སྟེང་འོག་ཏུ་འཛིན་པ། གཡས་ཀྱི་འོག་མ་ན་གཅོད་བ…