བླ་མ་དམ་པ་ལྷག་པའི་ལྷ་གཉིས་སུ་མེད་པ་ལ་ཕྱག་འཚལ་ལོ། །འདིར་དམ་ཚིག་སྡོམ་པ་དང་ལྡན་ཞིང་རིམ་གཉིས་ཀྱི་རྣལ་འབྱོར་པས་ཞི་སོགས་ལས་རྣམས་བསྒྲུབ་པ་དང་། དངོས་གྲུབ་རྣམ་གཉིས་ཐོབ་པར་བྱ་བ་དང་། སྔགས་དང་ཆོ་གའི་ལྷག་ཆད་བསྐང་བ་དང་། དཀྱིལ་འཁོར་གྱི་ལས་དང་རྟེན་རབ་ཏུ་གནས་པ་ལ་སོགས་པ་དང་འབྲེལ་བའི་ཚེ་སྦྱིན་སྲེག་གི་ལས་བརྩམས་ཏེ། དཔལ་…

རྗེས་ལ་ནི། །མ་དྲན་པ་དང་མ་ནུས་པ། །ཆོ་ག་མ་ཚང་གྱུར་པ་རྣམས། །སྦྱིན་སྲེག་གིས་ནི་རྫོགས་པར་བྱ། །ཞེས་གསུངས་སོ། །དེས་ན་ལས་ཀྱི་རིམ་པ་ལ་འཇུག་པ་གསུམ་སྟེ། སྦྱོར་བ་དང་དངོས་གཞི་རྗེས་གསུམ་མོ། །དང་པོ་ལ་གསུམ་སྟེ། ལས་སོ་སོའི་ཐབ་བཅའ་བ་དང་། ཡོ་བྱད་རྣམས་ཇི་ལྟར་བཤམས་པ་དང་། སློབ་དཔོན་གྱི་ཆས་གོས་བསྟན་པའོ། །དང་པོ་ནི། སམ་བྷུ་…

མཐའི་སོ་སོའི་ཚངས། །ནུབ་ཀྱི་ཚངས་ཟླུམ་འདུས་སྟེང་ནས། །གཡས་གཡོན་བྱ་རྗེས་བཙལ་སྟེང་དུ། །རིམ་པ་བཞིན་ཏུ་གྲུ་གསུམ་བཏབ། །གྲུ་གསུམ་ནང་མ་མ་རེག་བསྐོར། །དེ་ཡི་སུམ་ཆ་ལྟེ་བ་སྟེ། །པདྨ་འདབ་བརྒྱད་དྲག་པོ་འགྲུབ། །དེ་ལྟར་ཐིག་རྣམས་གདབ་པར་བྱ། །དེ་ནས་ཐབ་ཁུང་བརྩེགས་ན། ཐབ་རྣམས་ཀྱི་ཁ་དོག་དབྱིབས་སོགས་ནི་འོག་གི་ཐབ་བསྐྱེད་ནས་གསལ།…

མོའོ། །འབྲས་སོ་བ་སོགས་ནི་སྤྱི་མཐུན་ནོ། །མངོན་སྤྱོད་སྟེ་བསད་པ་ལ་ཁྲག །ལན་ཚྭ་སྐྱེ་ཚ། དུག །བག་ཟན་ལ་གྲོགས་ཀྱི་ལེང་གའི་ནང་དུ་མིང་བཅུག་ཅིང་། དུག་དང་ཁྲག་གིས་བྱུགས་པས། བིམ་པའི་ལོ་མ་རོ་ཐལ་སྐྱེས་པའི་རུས་ཕྱེ་རྣམས་སོ། །བསྐྲད་པ་ལ་བོང་བུ་དང་རྔ་མོའི་སྤུ། ཁྱིའི་བྲུན་དང་སྤུ། དེ་དག་གི་སེན་མོ། བྱ་རོག་གི་སྒྲོ་རྣམས་སོ། །…

དང་། བསྒྲུབ་བྱའི་གཟུགས་ཀྱི་བྲང་ངམ་གདན་ནག་པོའམ། གདན་མེད་ཀྱང་རུང་སྟེ་རྐང་པས་རྐང་བ་མནན་པའམ། གཡས་སྐྱིལ་ཀྲུང་དང་། གཡོན་བརྐྱང་བ་བསླང་བའམ། པུས་མོ་གཉིས་ས་ལ་བཙུག་པས་འདུག་གོ། །དུསནི་དྲག་པོ་ལ་ཡར་ངོའི་བརྒྱད་དང་བཅུའི་ཕྱེད་དམ་ནམ་གུང་སྟེ་ཐམ་ཅད་ལས་དང་མཐུན་པའི་ཉམས་ཀྱིས་བྱའོ། །གཉིས་པ། དངོས་གཞི་ལ་གཉིས། འཇིག་རྟེན་པ་དང་…

ཤིག་རེའི་སྟེང་དུའང་ཕུར་པའི་སྐུ་དེ་དང་མཚམས་པ་རེ་བཞུགས་ནས་དགྲ་བོ་ཐམ་ཅད་དམྱལ་ཐག་གཅོད་པར་བསྒོམ། གཏོར་མར་འགུགས་པའི་སྐབས་སུ་བདག་མདུན་གྱི་ཐུགས་ཀ་ནས་ཡེ་ཤེས་ཀྱི་མགོན་པོ་ཁྲོ་བོའི་ཚོགས་ཐམས་ཅད་སེངྒེ་དང་སྟག་མོ་ཁོ་ནར་གྱུར་ནས་དགྲ་བོ་མི་ནོར་དང་མཉམ་པར་སྤྲུལ་ནས་རེ་རེས་དགྲ་བོ་རེ་རེ་གྱུར་མིད་བྱས་ནས་ཚུར་འོང་ཞིང་གཏོར་མ་ཡ…

མ་བྲལ་བར་དགོས་ཤིང་། རྡོར་དྲིལ་བྱིན་རླབས་སྔར་བྱས་མེད་ན། འདིར་བྱིན་རླབས་དགོས་པ་ཆོ་ག་སོ་སོ་ལས་འབྱུང་པ་ལྟར་རམ། ཡང་རྡོར་དྲིལ་ལ་ནང་མཆོད་གཏོར་ལ། ཨོཾ་ཁཎྜ་རོ་ཧེས་བསང་། སྭ་བྷཱ་བས་སྦྱང་། རྡོར་དྲིལ་མི་དམིགས་སྟོང་ཉིད་གྱུར། །སྟོང་པའི་ངང་ལས་པད་ཟླའི་སྟེང་། །ཧཱུྃ་ལས་རྡོ་སེམས་ཡབ་ཡུམ་དཀར། །ཞལ་གཅིག་ཕྱག་གཉིས་རྡོར་དྲིལ་འ…

འཁོར་གསལ། །བར་བསམ་སྟེ་པད་ཀོར་བཅས་པས། ཨོཾ་མ་ཧཱ་བཛྲ་ཧཱུྃ། རྡོ་རྗེ་བླངས་ཏེ་གསོར། ཨོཾ་བཛྲ་གཎྜེ་ཨཱཿ ཞེས་པད་ཀོར་དང་བཅས་ཏེ་དྲིལ་བུ་བླངས་ལ། སླར་ཡང་པད་ཀོར་དང་བཅས་པས། ཨོཾ་སརྦ་ཏ་ཐཱ་ག་ཏ་སིངྡྷི་བཛྲ་ས་མ་ཡ་ཏིཥྛ་ཨེ་ཥ་སྟྭཾ་དྷ་ར་ཡ་མི་བཛྲ་ས་ཏྭ་ཧི་ཧི་ཧི་ཧི་ཧི་ཧཱུྃ་ཧཱུྃ་ཧཱུྃ་ཕཊ་སྭཱ་ཧཱ། ཞེས་བརྗོད་བཞིན་པས་རྡོ་རྗེ་ལན་གསུམ་…

སྦྱང་། འབྱུང་གཏོར་མི་དམིགས་པ་སྟོང་པ་ཉིད་དུ་གྱུར། སྟོང་པའི་ངང་ལས་ཡྃ་ལས་རླུང་། རྃ་ལས་མེ། ཀྃ་ལས་མི་མགོའི་སྒྱེད་པུ་གསུམ་གྱི་སྟེང་དུ། ཨ་ལས་ཀ་པཱ་ལ་དུམ་བུ་གཅིག་པ། ཕྱི་དཀར་ལ་ནང་དམར་བ། དཔྲལ་བ་རང་ལ་བསྟན་པ། ཡངས་ཤིང་རྒྱ་ཆེ་བའི་ནང་དུ། དབུས་སུ་ན་ལས་མི་ཡི་ཤ །ཤར་དུ་གྷོ་ལས་བ་གླང་གི་ཤ །ལྷོར་རུ་ཀུ་ལས་ཁྱི་ཡི་ཤ །ནུབ་ཏུ་…

ཟླ་བ་ལ་ཨོཾ་ཨཱཿཧཱུྃ་གསུམ་བརྩེགས་པའི་འོད་ཟེར་གྱིས་ཡེ་ཤེས་ཀྱི་བདུད་རྩི་བཀུག་དམ་ཚིག་གི་བདུད་རྩི་དང་གཉིས་སུ་མེད་པར་འདྲེས་ནས་ཡེ་ཤེས་ཀྱི་བདུད་རྩི་རྒྱ་མཚོ་ཆེན་པོར་གྱུར། ཕེཾ་ཕེཾ་ཕེཾ། ཞེས་པས་མགྲོན་རྣམས་སྤྱན་དྲངས། པད་ཀོར་དང་བཅས་ནས་གཏོར་མ་འབུལ་བ་ནི། ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཀྵ་ས་བྷུ་ཏ་པྲེ་ཏ་པཱི་ཤ་ཙ། ཨུཏྨ་དཱ…

གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་བསྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་རྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་བའི་ནད་རྣམས་དང་། །གདོན་དང་བ…

རྣམས་མཐར་མ་ཕྱིན་གྱི་བར་དུ་བར་ཆད་ཐམས་ཅད་བསྲུང་བའི་ཕྲིན་ལས་མཛོད་ཅིག །གང་དག་ནག་པོའི་ཕྱོགས་སུ་གྱུར་པ་རྣམས་གསང་སྔགས་ཟབ་མོའི་ཆོ་ག་ལ་ཉན་པ་དང་བལྟ་བར་མི་དབང་བ་ཐམས་ཅད་འདིར་མ་འདུག་པར་གཞན་དུ་དེངས་ཤིག །རོལ་མོ་འཇོག །དུང་རྐང་། ཅེས་པའི་བར་གྱིས་གཏོར་མ་བཏང་། སུམྦྷ་ནི་སོགས་ནས། ཨོཾ་བཛྲ་པྲ་ཀ་ར་ཧཱུྃ། རྡོ་རྗེ་སྔོན་པོ་ཧཱུྃ…

ཟད་འཛུམ་པ་ཕྱག་གཡས་གྲི་གུག་གཡོན་ཐོད་ཁྲག་འཛིན་ཅིང་གྲུ་མོར་ཁ་ཊྭཱཾ་ག་བསྣམས་པ། གཅེར་བུ་སྐྲ་གྲོལ་བ། རུས་པའི་རྒྱན་ཆ་ལྔས་བརྒྱན་པ། མི་མགོ་སྐམ་པོ་ལྔའི་དབུ་རྒྱན་དང་རློན་པ་ལྔ་བཅུས་དོ་ཤལ་བྱས་པ། ཞབས་གཡས་བརྐྱང་བའི་གར་ལྟབས་ཀྱིས་ཡེ་ཤེས་མེ་འབར་བའི་དབུས་ན་བཞུགས་པར་གྱུར། ཨོཾ་ཁཎྜ་རོ་ཧེ་ཧུྃ་ཧཱུྃ་ཕཊ། བཟླས་མཐར། བུམ་པའི་ལྷ་…

བུར་མགྱོགས་པར་དགོས་ཚེ་མེ་ལྷའི་གདན་བཤམས་ནས་སམ། མེ་ལྷ་བསྐྱེད་ནས་མེ་སྦར་བ་ཡང་ཡོད་དོ། །ཨོཾ་ཁཎྜ་རོ་ཧེ་སོགས་ནས། མར་ཁུ་དགང་བླུག་གསུམ་མམ་བདུན་གྱིས་མེ་གསོ། སམྦྷུ་ཊའི་ལས། ཐབ་ཁུང་ཀུན་ཏུ་ཀུ་ཤ་ནི། །རྩེ་མོ་དྲག་པོས་ཡོངས་སུ་བསྐོར། །ཞེས་པ་ལྟར་ཀུ་ཤའི་ཆུན་པོ་མ་ཉམས་ཤིང་རིང་ཐུང་སྤར་ཟུར་དུ་བྱས་པ་དག་རིམ་པས་བླངས་ཏེ་ལག་གཉིས…

མར་བྱ་ཞིང་། ཐབ་བསྐྱེད་པའི་གོང་ངམ་འོག་ཏུ་བྱེད་པ་ཡང་ཡོད་དོ། །དེ་ནས་མཆོད་པ་བྱིན་རླབས་ནི། ཨརྒྷཾ་གྱིས་མཆོད་ཡོན། པཱདྱཾ་གིས་ཞལ་བསིལ། ཨཱཉྩ་མཱ་ནཾ་གྱིས་ཞབས་བསིལ། སརྦ་སཾ་ཤྭ་དྷ་ནི། ཞེས་པའམ། པྲོཀྵ་ཎཾ་གྱིས་འཐོར་འཐུང་སྟེ། གཞུང་ལྟར་བྱིན་རླབས་བྱེད། བསྲེག་རྫས་བྱིན་གྱིས་བརླབ་པ་ནི། ཨོཾ་ཁཎྜ་རོ་ཧེ་ནས་ནང་མཆོད་བྱིན་རླབས་ནི…

མི་དམིགས་སྟོང་ཉིད་གྱུར། །སྟོང་པའི་ངང་ལས་པད་ཉིའི་སྟེང་། །དྲག་པོའི་ཐབ་ཁུང་ཟུར་གསུམ་ནག །སོར་མོ་ཉི་ཤུའི་རྒྱ་ཁྱོན་ཅན། །རྒྱ་ཕྱེད་དཔངས་ལྡན་སོར་གསུམ་གྱི། །མཆུ་དང་ཁ་ཁྱེར་དེ་སྟེང་དུ། །རྡོ་རྗེ་ནག་པོའི་ཕྲེང་བ་དང་། །གྲྭ་བཞིར་རྡོ་རྗེ་ནག་པོས་སྤྲས། །དེ་དབུས་པདྨ་འདབ་བརྒྱད་ལྟེར། །དྲག་པོའི་རྡོ་རྗེས་མཚན་པར་གྱུར། །ཐབ་ཀྱ…

ཆེ། །ལྷ་ཡི་དྲང་སྲོང་བྲམ་ཟེ་མཆོག །བསྲེག་བླུ་ཞལ་ཟས་བཞེས་སླད་དུ། །འདིར་ནི་ཡང་དག་མཉེས་པར་མཛོད། །གཟི་བརྗིད་ཆེན་པོ་མེ་ཡི་ལྷ། །འདོད་པ་ཐམས་ཅད་རབ་བསྒྲུབ་པ། །ཐུགས་རྗེའི་སེམས་ཅན་དོན་གྱི་ཕྱིར། །འདི་ཉིད་དུ་ནི་གཤེགས་སུ་གསོལ། །ཨོཾ་ཊཱཀྐི་ཧཱུྃ་ཛཿ ཅེས་ལག་པ་གཡས་པས་གཡོན་པའི་འཁྲིགས་མ་ནས་བཟུང་སྟེ་ཀུ་ཤ་དང་བཅས་པས་མི་འཇིགས་…

ལ་སརྦ་བྷསྨིཾ་ཀུ་རུ་སརྦ་དུཥྚཾ་ཧཱུྃ་ཕཊ། དྲྀ་ཤྱ་ཛཿཧཱུྃ་བཾ་ཧོ། ས་མ་ཡ་སྟྭཾ། ས་མ་ཡ་ཧོ། ཞེས་དམ་ལ་བཞག །ཛཿཧཱུྃ་བཾ་ཧོཿཡེ་ཤེས་པ། །དམ་ཚིག་པ་དང་དབྱེར་མེད་གྱུར། །སླར་ཡང་ཐུགས་ཀའི་ཧཱུྃ་འོད་ཀྱིས། །རིགས་ལྔ་འཁོར་བཅས་སྤྱན་དྲངས་ཏེ། །དབང་བསྐུར་སྐུ་གང་དྲི་མ་དག །ཆུ་ཞབས་སྤྱི་བོར་བརྟན་པ་ལས། །མི་བསྐྱོད་པ་ཡིས་དབུ་བརྒྱན་གྱུར། །…

གིས་སྐུ་སྤྲུལ་པ། །རིགས་སྔགས་གྲུབ་པའི་དྲང་སྲོང་ཚུལ། །ཉོན་མོངས་སྲེག་པའི་ཤེས་རབ་འོད། །བསྐལ་པའི་མེ་ལྟར་གཟི་བརྗིད་འབར། །མངོན་ཤེས་རྫུ་འཕྲུལ་ཞབས་དང་ལྡན། །ཐབས་ཀྱིས་སྤྲུལ་པའི་ཐེག་པ་བཅིབས། །རིགས་སྔགས་གསུང་གི་བགྲང་ཕྲེང་འཛིན། །བདུད་རྩིའི་བཅུད་ལྡན་གནྡྷེ་བསྣམས། །ཆོས་ཀྱི་བདུད་རྩི་ཡོངས་ལ་བསིལ། །ཉེས་པའི་སྐྱོན་བྲལ་ཚང…

མར་ཁུ་དགང་བླུགས་གསུམ་མམ་བདུན་བྱོན་ཟན་དུ་འབུལ་ཏེ། སྤེལ་ཚིག་ནི། བདག་ཅག་སློབ་དཔོན་འཁོར་བཅས་ཀྱི། །དམ་པའི་ཆོས་ལྡན་བསམ་སྦྱོར་ལ། །བར་དུ་གཅོད་པར་བྱེད་རྣམས་དང་། །དགྲ་བགེགས་གནོད་བྱེད་མ་ལུས་པ། །སརྦ་མཱ་ར་ཡ་ཕཊ། ཅེས་འདོད་དོན་གསོལ་ཞིང་སྔགས་ཚིག་རྣམས་བརྗོད་བཞིན་པས་ལག་གཉིས་རྡོར་དྲིལ་བཅས་པའི་རྡོ་རྗེ་ཁུ་ཚུར་ལས་མཛུབ་མོ་…