ཕུགས་སུ་བཅུག་ནས་གདའ་བ། འདོད་པ་ལ་བློ་མ་ལོག་པར་ཆོས་པ་ག་ན་མཆི། ལེགས་པར་སོམས་དང༌། འོ་སྐོལ་ནི་སྔར་ཡང་རེ་དོགས་འབའ་ཞིག་གིས་ཕུང་བ་ཡིན། གྲོས་མཁས་པའམ། མི་ཆོས་གཟོ་བའམ། མི་སེམས་ཟིན་པས་ཐུགས་ཟབ་པའམ། ཕོ་ཟོ་མཐོ་བ་ཁོ་ནས་ཕུང་བ་ལགས་ན། ཚེ་འདི་ཕྱི་གཉིས་ཁྲིད་དུ་བྱེད་པ་དེ་སྒྲུབ་ཕྱོགས་དག་ཆེ་བར་གདའ་སྟེ། རྟ་གཉིས་ལ་ཞོན་ན་ཐང་ལ…

མ་བྱུང་ངམ་ཞུས་པས། ང་ལ་བར་ཆད་འོང་དོན་ཅི་ལ་ཡོད་གསུངས། དེ་ཇི་ལྟར་ལགས་ཞུས་པས། ངས་མིའི་ཁ་ལ་ཉན་མ་མྱོང་གསུངས་སྐད། དེ་བས་ན་དགོན་པ་བདག་ཏུ་མི་བཟུང༌། ཐབ་ཀ་དང་ལས་ཀ་མི་བྱ། འཁོར་དང་གཡོག་ལ་མི་དགའ། གཞན་གྱི་ཕྱེ་གཏོར་མ་འགམ། མི་ཆེན་གྱི་ལད་མོ་མ་བྱེད། ཟང་ཟིང་གི་གཡེང་བ་མི་བྱ། གཞན་གྱི་ངོ་མི་སྲུང༌། བུད་མེད་དང་ཁྱུ་མི་སྲེ། ཞ…

བསམ་ཞིང༌། ཁོང་གི་གནོད་པ་བྱས་པའི་ལན་དུ་འོ་སྐོལ་གྱི་ནུས་ཚད་ཀྱིས་ཕན་འདོགས་པ་ཞིག་དགོས། འཐབ་རྩོད་ལྟ་སྨོས་ཀྱང་ཅི་དགོས། དགེ་རྩ་ཅི་བྱས་ཐམས་ཅད་གནོད་པ་བྱེད་མཁན་དེས་དབུ་བྱས་པའི་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་བསྔོ་དགོས། མདོར་ན་ཞེ་སྡང་ནི་ཐེག་པ་ཆེན་པོ་པར་ནམ་ཡང་གནང་བའི་སྐབས་མེད་པས་བཟོད་པ་ལ་ནན་ཏན་བྱ་དག…

ཅི་བྱེད། དཔེ་བྲིས་ནས་ཅི་བྱེད། དེ་ཐམས་ཅད་དོན་མེད་ལ་སོང་བ་ཡིན། འོ་སྐོལ་ནི། རང་ལ་ཡོན་ཏན་མེད་པའི་ཉམས་མྱོང་གཞན་ལ་བཀལ་ནས་སྐྱེས་བུ་དམ་པ་རྣམས་ཀྱི་ཡོན་ཏན་ཁྱད་དུ་གསོད་ཅིང༌བདེན་མི་སྲིད་རྫུན་ཟེར་བ་ཡིན། འོ་ན་དེ་རེ་སླ་ཟེར་ནས་གདའ་སྟེ་གང་ཟག་གི་བློ་ཚོད་མི་ཤེས། དམ་པ་སུ་ཡིན་མི་ཤེས། སྤྲུལ་པ་ཡིན་ནམ་ཡང་མི་ཤེས་པས་ན་ཆོས་དང…

དང༌ཕྱོགས་རིས་སྐྱེ་བའི་རྒྱུ་ཐམས་ཅད་ལིང་ངེ་བོར་ནས་འགྲོ་བ་ཞིག་དགོས། རང་གི་དགེ་སྦྱོར་དང༌ཡོན་ཏན་ཅི་འཕེལ་གྱི་གྲོགས་དང༌གནས་དང་སྤྱོད་ལམ་འབའ་ཞིག་བརྟེན་པ་ཞིག་དགོས། དེ་ཐམས་ཅད་ཀྱང་མདོར་བསྡུ་ན། ཆོས་ཉོན་མོངས་པའི་གཉེན་པོར་མ་སོང་ཞིང༌རང་གི་རྒྱུད་ལ་མ་ཕན་ན་སྡེ་སྣོད་གསུམ་བློ་ལ་བཤད་ཤེས་ཀྱང༌ནེ་ཙོའི་འདོན་པ་དང་འདྲ། གདམས་ངག…

འཕྲད། རང་སེམས་ལ་ངེས་ཤེས་སྐྱེས་པས་བླ་མ་ལ་སངས་རྒྱས་དངོས་སུ་མཐོང་ནས་མོས་གུས་གཤའ་མ་ཞིག་གཟོད་སྐྱེ། དེ་སྐྱེས་པ་དང་ཡོན་ཏན་ཐམས་ཅད་ནམ་ཟླ་སྟོན་ཀའི་འབྲས་བུ་ཐམས་ཅད་དུས་གཅིག་ལ་སྨིན་པའམ་ཉི་མ་དང་འོད་ཟེར་གྱི་ཚུལ་དུ་འབྱུང་ངོ༌། །རྟོགས་པ་ནམ་མཁའ་དང་མཉམ་པ་དེ་ལྟ་བུ་ཞིག་རང་གི་རྒྱུད་ལ་སྐྱེས་པས་དགེ་བས་ཕན་མ་བཏགས། སྡིག་པས་གནོ…

བཀག་པས་མི་ཁེགས། རང་གི་སྣང་བ་འདི་ཡང་སྤངས་པས་མི་སྤོང༌། བཤིགས་པས་མི་ཤིགས། དེ་བས་ན་ཚོགས་གསོག་པར་འདོད་པ་དང༌། སྒྲིབ་པ་བྱང་བར་འདོད་པ་དང༌། བར་ཆད་ཞི་བར་འདོད་པ་དང༌། རྟོགས་པ་རྒྱུད་ལ་སྐྱེ་བ་འདོད་པ་དང༌། སྣང་བ་ཟིལ་གྱིས་གནོན་པར་འདོད་པ་དང༌། རང་གཞན་གྱི་དོན་ཡོངས་སུ་རྫོགས་པར་འདོད་པ་རྣམས་ཀྱིས་བླ་མ་ཁོ་ན་ལ་བསྙེན་བཀུར་བྱ་…

ཉམ་ཆུང་བ། གང་གཟུགས་ངན་པ། གང་ལོངས་སྤྱོད་ཆུང་བ། གང་སྡིག་ཤས་ཆེ་བ་ཐམས་ཅད་ལ་བྱམས་པར་བྱེད་དགོས། ཁོང་མི་ཆེན་དང༌། སྒོ་ཅན་གྱིས་ཆོས་དང་སློབ་དཔོན་གང་ནས་ཀྱང་རྙེད། ཁོང་བསོད་ནམས་བསགས་པ་ཡིན་པས་ཇི་ལྟར་བྱས་ཀྱང་བདེ། འོ་ན་ཡང༌། གདུལ་བྱ་དུས་ལ་བབ་ན་གང་མོས་པ་དང༌། གང་དད་པ་ཆེ་བ་ལ་ཆོས་དང་གདམས་ངག་བྱ། མི་མོས་མི་དད་པ་ལ་གདུལ་བྱའ…

མཐོང་བ་དེ་ལྟར་ལགས། དེས་ན་རྟོགས་ལྡན་གྱི་རྣལ་འབྱོར་པ་རྣམས་ཀྱིས་འགྲོ་བ་ཐམས་ཅད་ཀྱི་བྲན་བཞིན་དུ་བྱ་སྟེ་ཟས་ནོར་ལ་སོགས་པ་ཕར་ལ་ཡང་སྦྱིན་ཚུར་ལ་ཡང་བླངས་ལ་སྨོན་ལམ་རྒྱ་ཆེན་པོ་གདབ། སྐྱེས་བུ་དམ་པ་དེ་མཐོང་བ་དང་ཐོས་པ་དང༌རེག་པ་ཙམ་ཡང་ངན་སོང་དང་ལོག་པར་མི་འགྲོ་ན། ཟས་ནོར་དང་ཆོས་འབྲེལ་བྱས་པ་དང༌དད་གུས་ཀྱིས་གསོལ་བ་འདེབས་པ་…

པ་ལ་སློབ་དགོས། རོ་ལ་གཞན་སྙོམས་རྒྱུ་མེད་ཆོས་བརྒྱད་རོ་སྙོམས་དགོས་པ་ཡིན། འོ་སྐོལ་ཐོག་མ་མེད་པ་ནས་དངོས་འཛིན་ལ་གོམས་དྲགས་པས་སྒོམ་སྐྱེས་རྟོགས་པ་ཤར་ཡང་གསར་བུར་སོང་བས་དངོས་འཛིན་བཟློག་མི་ནུས་པ་ལགས། དཔེར་ན་ཉི་མ་ཤར་མ་ཐག་མུན་པ་སངས་ཀྱང༌ཆབ་རོམ་ཞུ་མི་ནུས་པ་དང་འདྲ། ཉི་མ་ཚ་ཞིང་ཡུན་རིང་བ་ཞིག་ཤར་ན་མུན་པ་སངས་པའི་སྟེང་དུ…

༄༅། །རྗེ་རིན་པོ་ཆེ་དཔལ་ལྡན་ཕག་མོ་གྲུ་པའི་ཚོགས་ཆོས་ཆེན་མོ་བཞུགས་སོ། ། ༄༅། །བླ་མ་རྗེ་བཙུན་ལ་ཕྱག་འཚལ་ལོ། །ཐོག་མ་མེད་པའི་དུས་ནས་ད་ལྟའི་བར་དུ་འཁོར་བར་འཁོར་བ་དེ་ཅིས་ལན་ན། བླ་ན་མེད་པའི་བྱང་ཆུབ་ཐོབ་པར་བྱེད་པ་ལ་ཆོས་དྲུག་ཚང་དགོས་པ་ལ་དེ་མེད་པས་ལན། དེ་ཡང་ཆོས་དྲུག་གང་ཞེ་ན། དད་པ་ཆེ་བ། ཤེས་རབ་ཆེ་བ། སྙིང་རྗེ་ཆེ་བ། …

བ་དང་། བྱང་ཆུབ་ཀྱི་བྱ་བ་བྱེད་པས་ཡན་ལག་དང་འདྲ་བ་དང་། སངས་རྒྱས་ཀྱི་སར་འགྲོ་བར་བྱེད་པས། དད་པ་རྐང་པ་དང་འདྲ་བ་ལ་སོགས་པ་ཡོན་ཏན་དཔག་ཏུ་མེད་པར་གསུངས། དད་པ་དེ་ཡང་ཅི་དགའ་དགའ་ལ་དད་པས་མི་ཆོག་པས། བསླབ་བཏུས་ལས། གཞི་གསུམ་ལ་དད་པའི་དད་པ། ལམ་ཕ་རོལ་ཕྱིན་པ་དྲུག་ལ་དད་པའི་དད་པ། འབྲས་བུ་སྐུ་གསུམ་ལ་དད་པའི་དད་པ་དང་གསུམ་དུ་ག…

མིན། དེ་བས་འོད་སྲུང་རྫོགས་བྱེད་ཀྱིས་སྡེ་སྣོད་གསུམ་འཆད་ཤེས་ཀྱང་དེ་སུན་ཕྱུང་ནས། ཁོ་རང་མུ་སྟེགས་བྱེད་པས་ཁོ་རང་དམྱལ་བར་སྐྱེས་པ་ཡིན་པས་དེ་ལྟ་བུ་ལ་ཡང་མི་ཟེར། སངས་རྒྱས་ཀྱིས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གསུངས་པ་ཡང་ཉོན་མོངས་པའི་གཉེན་པོར་གསུངས་པ་ཡིན་པས། ཐོས་པའི་ཤེས་རབ་ཀྱིས་ཉོན་མོངས་པ་ངོས་ཟིན་པ། བསམ་པའི་ཤ…

ཡོན་ཏན་དེ་དག་ཚང་ཡང་ཐོས་བསམ་བྱེད་པ་ལ་ཡང་བླ་མ་ཞིག་ལ་བསྟེན་དགོས། བསྒོམ་པ་ལ་ཡང་སེམས་མི་གནས་པ་གནས་པར་བྱེད་པ་ལ་ཡང་བླ་མ་ཞིག་ལ་བསྟེན་དགོས། གནས་པ་བོགས་འདོན་པ་དང་གེགས་སེལ་བར་བྱེད་པ་ལ་ཡང་བླ་མ་དགོས་པ་ཡིན་པས། སཾ་བྷུ་ཊི་ལས་ཀྱང་། སྐྱ་བ་འཛིན་པ་མེད་པ་ཡིས། །གྲུ་ཡི་ཕ་རོལ་འགྲོ་མི་ནུས། །དེ་བཞིན་ཡོན་ཏན་ཀུན་རྫོགས་ཀྱང་། །བ…

དུལ་ཞིང་ཞི་ལ་ཉེར་ཞི་བ། །ཡོན་ཏན་ལྷག་པར་བརྩོན་པ་ལུང་གིས་ཕྱུག །དེ་ཉིད་རབ་ཏུ་རྟོགས་པ་སྨྲ་མཁས་ལྡན། །བརྩེ་བའི་བདག་ཉིད་སྐྱོ་ངལ་སྤངས་ལ་བསྟེན། །ཞེས་པའོ། །བླ་མ་ལྔ་བཅུ་པ་ལས། ཡོན་ཏན་བཅོ་ལྔ་དང་ལྡན་པ་ཞིག་བསྟེན་དགོས་པར་གསུངས་ཏེ། བརྟན་ཞིང་དུལ་ལ་བློ་གྲོས་ལྡན། །བཟོད་ལྡན་དྲང་ལ་གཡོ་སྒྱུ་མེད། །སྔགས་དང་རྒྱུད་ཀྱི་སྦྱོར་བ་…

ཐོས་པའི་ཤེས་རབ་ཀྱིས་ཉོན་མོངས་པ་ངོས་ཟིན་པ་ཞིག་དགོས། བསམ་པའི་ཤེས་རབ་ཀྱིས་ཉོན་མོངས་པ་མགོ་ནོན་པ་ཞིག་དགོས། སྒོམ་པའི་ཤེས་རབ་ཀྱིས་ཉོན་མོངས་པ་རྩད་ནས་ཆོད་པའི་རྟོགས་པ་མངའ་བ། སྔ་མ་ལམ་དུ་འགྲོ་མྱོང་བའི་ལམ་རྒྱུས་ཅན་ཞིག་དགོས། དེ་མེད་ན་ལོང་བས་ལོང་བ་ཁྲིད་པ་དང་འདྲ། སློབ་མས་གསོལ་བ་བཏབ་ཀྱང་བླ་མ་ལ་རྟོགས་པ་མེད་ན་རྒྱ་ལ་རི…

དཔར་མཐོང་ན་བྱམས་སྙིང་རྗེ་སྐྱེ། ཉམས་བཟང་ངན་ཡང་རང་གི་མོས་གུས་ཆེ་ཆུང་ཡིན། ཉམས་ནི་འགྲིབ་པ་མེད་པ་ལ། བླ་མ་ལ་མོས་གུས་ཀྱི་གདམས་ངག་ཡོད་ཅེས་བླ་མ་རས་ཆུང་པས་གསུངས། བར་ཆོད་ཐམས་ཅད་ཀྱང་བླ་མ་ལ་གསོལ་བ་བཏབ་པས་ཞི་ནས་འོང་། དེ་བས་ན་དཔལ་གསང་བ་འདུས་པ་ལས། སློབ་མ་སངས་རྒྱས་ནས་ཀྱང་བླ་མ་སེམས་ཅན་དུ་བཞུགས་པ་ལ་དུས་དྲུག་ཏུ་ཕྱག་བཙལ…

གདམས་ངག་སྟོང་པ་ཉིད་ཟབ་པ་དང་རྒྱ་ཆེ་བའི་ཆོས་བསྟན་ན་ལོག་པ་ཡིན། ཅིག་ཅར་འཇུག་པའི་གང་ཟག་ལ་དམན་པའི་ཆོས་འཆི་བ་མི་རྟག་ལ་སོགས་པའི་ཆོས་བསྟན་ན་ལོག་པ་ཡིན། དེ་སྐད་དུའང་། དམན་ལ་ཟབ་དང་རྒྱ་ཆེ་དང་། །རྒྱ་ཆེན་ཆོས་ཀྱི་སྣོད་གྱུར་པ། །དམན་པའི་ཆོས་ལ་སྦྱར་མི་བྱ། །ཞེས་པ་དང་། རིམ་གྱིས་པ་ཡི་སྨན་ཆེན་འདི། །ཅིག་ཅར་བ་ཡི་དུག་ཏུ་འགྱུ…

དོན་བྱེད་པ་ལ་ཡང་བརྩོན་འགྲུས་གལ་ཆེ་སྟེ། མགོ་ལ་སེམས་ཅན་ཁུར་ཆེན་ཁུར་བ་ཡི། །སེམས་དཔའ་མཆོག་ནི་དལ་གྱིས་འགྲོ་མི་མཛེས། །ཞེས་གསུངས། གཞན་ཡང་དལ་འབྱོར་རྙེད་དཀའ་ཞིང་ངན་སོང་ན་ཆོས་མེད་པས་ཀྱང་ད་ལྟ་ཆོས་བྱེད་དགོས་ཏེ། འགའ་ཡིས་སྨད་འབྱུང་ཐོབ་གྱུར་པའི། །བདག་གི་སྐྱེ་བ་དོན་མེད་བྱས། །ཞེས་པ་དང་། ངན་སོང་སྡུག་བསྔལ་ཀུན་རྨོངས་པ།…

ཅི་བྱས་ཐམས་ཅད་ཀྱང་དེ་རིང་དྲན་ཙམ་ལས་ཡུལ་དུ་བྱར་མེད། དེ་སྐད་དུ་ཡང་། རྨི་ལམ་ལོ་བརྒྱར་བདེ་མྱོང་ནས། །སད་པར་གྱུར་པ་གང་ཡིན་དང་། །གང་ཞིག་ཡུད་ཙམ་བདེ་མྱོང་ནས། །སད་པར་གྱུར་པ་གང་ཡིན་པ། །སད་པ་དེ་དག་གཉིས་ཀ་ཡང་། །བདེ་བ་དེ་ནི་ཕྱིར་མི་འོང་། །དེ་བཞིན་དུ། ཚེ་རིང་ཚེ་ཐུང་གཉིས་ཀ་ཡང་། །འཆི་བའི་དུས་ན་དེ་འདྲར་ཟད། །རྙེད་པ་མང…